رد الفنان محمد كريم على هجوم الملحن عمرو مصطفي على صورته مع هيفاء وهبي اثناء تصوير مسلسل “مولد وصاحبه غايب” وهو يرتدى زي الشرطه لتجسيده دور ضابط شرطه بالمسلسل، وعلق عمرو مصطفى على صفحته على الفيس بوك قائلاً : “نداء عاجل لوزير الداخليه ..أرجوك يا افندم امنع استخدام زي ضباط الشرطه في الأفلام والمسلسلات والاعلانات .. نحافظ علي الهيبه الضباط بتموت وياتي شويه فنانين يتريقوا بالزي الأشرف ممكن تدخل سريع”.
وغرد كريم على حسابه الخاص على “تويتر” رداً على مصطفى “الشرطه العظيمه وتجسيدها في الدراما أكيد اهم و تأثيرها أكبر بكثير من تطبيلك المستمر: الفراغ يعمل اكتر من كده ربنا يشفي”.
وسخر الجمهور من طلب عمرو مصطفى الغريب بمنع زي ضباط الشرطه في الأفلام والمسلسلات والاعلانات، وتسأل بعضهم “أزاي يعني ؟ طب عندما يجسد اخد دور ضابط في مسلسل أو فيلم يلبس ايه يا فالح؟ و سخر البعض قائلاً هو في عمل درامي من غير ضابط” فهل ممكن ان نسمع أغانى بدون موسيقى، ورد البعض “ياسلام لو تستغل وقتك ده وتركز في شغلك أحسن ما تشغل نفسك بالناس”، “هو انت علشان عملت أغنية وطنية و عدت ها تمشي الدولة على مزاجك و تزايد علي الناس”.
الجمهور يسخر من طلب عمرو مصطفى بمنع زي الشرطة في التمثيل.. ومحمد كريم يرد “بطل تطبيل”
ماذا تقول أنت؟
دماغه مفوتة الجدع ده، بس تفويت من نوع أخر غير بتاع المطربة أحلام !
إشمعنى لبس ضُباط الشرطة إللى وجعك، طب مكُل حاجة ماشية غلط فى الدراما إشمعنى دول إللى إتحمقتلهم ! تجسيد أى وظيفة فى الدراما فى شكل سيئ بيهين من سُمعة هذه الوظيفة زى مثلاً لما تجسد دور دكتور نصاب أو حرامى أو بتاع ستات مهو بيهين من سُمعة الوظيفة و قيس على كده كل المهن و الوظائف ! إشمعنى إتحمقت لضباط الشرطة ! إنت دماغك مفوتة و عامل فيها إللى مجبتوش ولادة !