ردّ الشاعر المصري ​بهاء الدين محمد​ على الفنانة المصرية ​أنغام​ معلناً عن رفضه لتصريحاتها التي أدلت بها في برنامج Karaoke Carpool بالعربي، عن أغنية “اكتبلك تعهد”.

وأكد بهاء الدين محمد عدم صحة ما قالته أنغام، وأن لا أحد يملي عليه ما يكتب أو يعطيه أفكاراً، بل كل ما يكتبه هو نابع من داخله ومن موهبته.

وأضاف في رسالة كتبها عبر صفحته الخاصة على أحد مواقع التواصل الإجتماعي أن الفنانة ​سميرة سعيد​ تقول الحقيقة وأن الأغنية في البداية كانت لها، وسبب الخلاف معها كان على اللحن، ثم ذهبت لأنغام ووقتها عرض عليها أكثر من كوبليه، لكن الملحن إيهاب عبد الواحد كان سيترك كوبليه، وتدخلت أنغام وطلبت منه أن يلحنه.

 

View this post on Instagram

 

الفيديو ده إتبعت لى ومع الأسف مضطر أرد بإختصار !! أولا سميرة سعيد بتقول الحقيقة وفعلا كانت عندها الأغنية ولكن إختلفنا على لحنها وماكانتش سبب زعلنا خالص ولها كل الإحترام وبعدين سمعتها لأنغام وكتبت أكتر من كوبليه كعادتى وزى ماباعمل مع عمرو دياب مثلا ولكن الملحن الفنان إيهاب عبد الواحد كان ح يسيب الكوبليه اللى سمعتوه . ولكن ( أنغام أصرت إنه يلحنه وقالتلى هو يتعب لأنك كاتب كوبليه هايل ) وهو ده اللى حصل بالظبط وأنا ماحدش بيقولى أكتب إيه ولا مطرب ولا مطربة بيقولى أكتب إيه وإلا كانوا عملوا من غيرى شعراء وكان لازم أوضح لأن كلمات أكتبلك تعهد كانت سبب مهم و أساسى فى نجاح الأغنية مع إحترامى للملحن والمطربة ولكن لن أقبل حد يقول إنه بيشاركنى ف دورى لأن الأغنية دى بالذات غيرت الخريطة والمراكز وأنا شاعر له ٢٥٠٠ أغنية مفيش حد له بصمة فى كلماتى ولا يتدخل فى أفكارى مع إحترامى للجميع وشكرا بس غيرتى على موهبتى اللى تعبت فيها سنين لا أقبل التقليل منها لهدف لا أعلمه بس هى مواقف بتعلمنا نكون على حذر . وأسف بس كان لازم أرد . ولو حد بيدينى أفكار ليه ماعملش مع غيرى كده وطلع نفس المستوى .!!! اللى إتقال ده غلط كبير !!! وعنوان الموضوع لا اقبله على سميرة سعيد لأنها شخصية محترمة جدا وعشرة سنين ونجاح وعيب يتقال عليها كده من أى حد أو جهة !!! #بهاء_الدين_محمد #سميرة_سعيد #أنغام @samirasaid @anghamofficial @nancyfarouk3 #bahaa_eldin_mohamed

A post shared by Bahaa El Din Mohamed شاعر (@bahaaeldinmohamed) on

شارك الخبر:

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *