كشفت الإعلامية رضوى الشربيني وللمرة الأولى عن تفاصيل وفاة والدتها، متأثرة بإصابتها بفيروس كورونا، التي رحلت عن عالمنا في مارس 2021 .

أشارت رضوى الشربيني خلال استضافتها في برنامج “أنا والقناع” مع الإعلامية منى عبد الوهاب إلى أنها وأسرتها بالكامل (بناتها ووالدتها) كانوا قد أصيبوا بفيروس كورونا بعد أن خضعن لاختبار من جانب وزارة الصحة وأثبت ذلك .

وأضافت رضوى أنها هي كانت على الرغم من مرضها تعتني بعائلتها وتتواصل مع الأطباء حول طرق العلاج اللازمة، ألى أن اضطرت لنقل والدتها إلى المستشفى بعد أن انخفضت نسبة الأكسجين لديها .

تابعت: “قلبت الدنيا علشان الاقي ليها مكان في مستشفى لإنه كان في الأيام دي المستشفيات كانت مشغولة، طلبنا الإسعاف ووديناها المستشفى، عمري ما هنسى الكلمة اللي قالتهالي أول ما دخلت (لو دخلتيني المستشفى أنا هموت هنا)” .

واصلت أنها طمأنت والدتها بأن مكوثها في المسنشفى سيكون لمدة 48 ساعة فقط إلى أن تتحسن نسبة الأكسجين، مضيفة: “12 يوم من أصعب أيام حياتي .. كل 48 ساعة تحليل كورونا للناس العايشين في البيت، السلبي اطلعه والإيجابي اعزله” .

استطردت وهي تبكي: “كل يوم بروح لمامتي المستشفى، كنت بحمد ربنا إن أنا لسه إيجابي علشان أقدر أشوف أمي .. لحد يوم على غير العادة الدكتور كلمني وقالي تعالي شوفي مامتك علشان هي هتتحسن .. كلمت أخويا وقولتله ماما عايزة تشوفنا” .

قالت رضوى الشربيني: “أنا وصلت الأول كنت بكلمها مكنتش بترد، لما محمد جه فاقت، بصيتلنا احنا الاتنين وقالتلنا خلي بالكم على بعض وبعدين كل الأجهزة وقفت والأرقام عمالة تقع.. جه الدكتور قال ده طبيعي جدا ومامتك هتبقى كويسة” .

وعن يوم وفاة والدتها علقت قائلة: “كنت رايحالها في الطريق كالعادة، لقيت مساعدة الدكتور بتكلمني قبل وصولي المستشفى بدقايق ويتقولي البقاء لله مدام هالة اتوفت” .

أكملت: “كنا واقفين قدام الأوضة اللي فيها تلاجة الموتي والدكتور سألني انتي لسه عندك كورونا، قولتله آه، قالي يبقى انتي اللي هتغسلي مامتك وأنا عمري ما غسلت حد قبل كده.. رحت البيت ودخلت الأوضة كنت بنام جنبها بقالي 4 سنين على نفس السرير” .

واختتمت الإعلامية رضوى الشربيني: “تاني يوم رحت لماما المستشفى وغسلت أمي وبعد ما خرجت عرفت إن أنا كورونا سلبي، فربنا كان عايز أن أنا أغسلها” .

https://www.facebook.com/watch/?v=174495082158293&t=681

شارك الخبر:

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *