حوارية زجل

مرسلة من صديق الموقع قاسيون

ق ..
شهادتي غير مقبوله سيدتي.
فأنا أعرف الأمير , الأخطل الصغير..
وأنا من عانقت أصابعي ذاك الحرير..
ألبستها ثياب الحقول , وهمت كالمجنون حول نارها ,
فاحتسبني الناس أني جرير
غير مقبولة تلك شهاتي سيدتي..
فأنا من قتلته عيناك بلحظة
وهل تقبل شهادة من كان هو الأمير ..
e..
اذا الندم كلمك
قلو خلص ,ما عاد اسألك
تبنى بعدما الأيام غرزت في قلبي ألمك..
ق ..
اذا الندم كَلمك ، قل له خلص ألمك..
تبنى وماتبنى، وبعده فلبي بيسالك..
انت حبيبي مهما جري مدمعك…
e..
قالو عنه جبل
وبالصحراء هو جمل
لا بالعالالي شفنا ثلج
ولا على ضهره خلى سرج
ق ..
هوه جبل ثلج نار مابينهز
وبالصحراء مغوار وفذ
اسالي جنوبك عنه
من وحيه صنع كرامة وشهامه وعز
….
ياطالعة بالنت عامهلك علي شوي
خليتي قلبي عالحطب مشوي شي
بكتبلك قصيدة من لاشي
بتجاوبيني عتابا وميجانا
طالع عابالي اكتب غنية
لإيمان وايلين المستحيه
واجمعلهن طيور الجرد معتبية
وخلي الموال يصبح ميجانا
e..
باسم الحب تقتلني
وباسم العشق تدوبني
كانت كلماتك تعيشني
لكنها الأن تدمعني..
طالع على بالي احكي خبريه
عن عاشق وعاشقه بالبريه
صارت اخبارهن بتم كل صبيه
ماتو وبعدها بترف ارواحن بكل سهريه
ق ..
هاي الصبيه هيه انتي المتخبية
بكل زهرة وبيدر الك غنية
والقمر استعار منك المزهرية
ليضوي قلوب العشاق بكل سهرية.
لاتفولي نعستي وخلصت السهرية
الليل بيزعل وبتنام الخبرية
يقول مجنون ولا حنون
المهم تضلي بهالمسا غنية
e..
سألتهن عنه قالوا ما سمعنا اخبار
مدري رحل ,او مخبى بشي دار
يمكن نسي او ماعادت تهمه الديار
او من الحب كان مغادر ,لا يعلق بهلاسوار
ق ..
لاتسالي اخباري عيون البشر
ولا السنونو ولا ضو القمر
اسالي عني هاك الشجر
المحفور على خاصرتهابعض الصور
ليلي ,قيس ,هنا كان القمر
e..
انا صبيه والشباب حواليي
ومن قهرك ما عدت اطلعت فيي
شو ذنبي أنا اذا كنت شمعه مضويي
ومدوبه كل الشباب فييي
ق ..
اذا انت شمعة نحنا نار مضوية
ولولا ناري ماكنت غنية
وهاي الشباب يللي حواليك
خوليو,عبد ,ميمو ,سراج مطفية
مالك غير صدري فيه كل الحنية
إسألي إيمان, مي ,والجيران وكل الادمية
كيف بتضوي شمعة بدون المزهرية
e..
سألت الشجر وعنك وقال خبرية
ومن تمه سمعت انا هل الخبريه
قال غيري عم تعشق وتحب,
اذا كان هيك الله ايعدمني ياك بهل سهريه
,, بعيد الشر عنك,,
ق ..
والله الشجر كذاب وكلماته السخية
غيرة وحقد وجنون وظنون … تطلعي فيي
هذا فجر اساليه بيخبرك الخبرية
كلهن كانوا فعل مضى ،
والمضى راح وانتسى بالبرية
واذا مابتصدقيني..
إسألي مريم المجدلية .
e..
يا ناسي ايامي وسنيني
وماعاد يعنيلك حنيني
من هجرك قاسيت الليالي
بس بتحداك تعشق غيري
راجع نفسك ..يمكن ما تلقى
على كتر الجفي الا تذكاري
ق ..
بحبك وحياة نور وندي وكل صبية
من قلبي بكتبلك كل غنية
ولا تصدقي دانا وسوزي المتخبية
بحبك قد الثلج ، البحر ،
والمشربية بتشهد ورداتها
قديش بقلبي حب ,ثلج ,وصدى قوية
e..
خبرتني سوزي عنك وقالت
ما تصدقي قاسيون لأنه رجال
ومن ايمتى النسوان بيصدقوا ان فعل اوقال
فيا مصدقه الرجال بالأقول
حتي المي احسنلك بهالغربال
ق ..
صَدَقِتْ سوزي وقالت قاسيون رجال
والرجال بلغة قاسيون قَّد وأفعال
والميه المسقية صخر وجبال
مابتنزل ايلين من غربال
نسيت قلك.. لاتردي عالقيل والقال
بتضل عيونك بالمدى ترحال
ولاتفكري سوزي وعبد شو قال
خليك عبله بعيونها بترمي الطريد
وبتزنر بجفونها قاسيون بالهلال
e..
قاسي ومن اسمك قلبي نسى
ياما حجار بهالقلب عبى ورسى
يا بتتركني بحاليي موت بأسى
او بترجعني لاحضانك اغفى بهالمسا
كل مره بقول انسي يا الين او لينا
بكره بيرجع وعن حب الصبايا
بيعوضني وقلبه بغفينا
من كتر ما نطرت رجعته,
صرت انا وحدي الضحية وهو الميجنا
ق ..
ياالينا والله جننتينا
وخليتنا بين الخلق قيل وقال
قلتلك بحبك والقمر عني اسأل
وان غلطه غلطت سامحينا
والله البعد عنك والجفى قتال
قاسي اسمي لكن ماني ناسي
كل الحجارة يللي مروا كانوا سواسي
صخري ودمعتي وطيور النوى من راسي
من كتر القهر تجمدت احساسي
تعالي حبيبتي أضمك وتنسي المآسي
وتكوني محرابي غاري وتاج راسي
e..
قلتلي بحبك وعيشتني بالأوهام
وقد ما حلمت صرت طير على ريش انعام
لاعلى السما طرت ولا على الأرض رجعت
على هالحاله ضليت عيش بالأحلام
بس الا ما اخلص من سحرك يوم من الأيام