نشر الفنان المصري ” أحمد فلوكس ” منشورا له عبر حسابه على موقع الصور والفيديوهات ” إنستجرام ” كشف من خلاله عن تعرضه في فترة من حياته إلى السحر وأعمال الشعوذة من جانب أحد الأشخاص والتي أثرت عليه بشكل سئ .

وتضمن المنشور صورتين لأحمد فلوكس أحدهما بالوقت الحالي والأخرى في تلك الفترة التي بدا فيها بشكل مختلف ووزن زائد .

وكتب أحمد فلوكس في تعليقه على الصور : ” الصورتين دول ما بيفارقوش عيني ولا عقلي .. الصورة اللي ببدلة دي كانت في اسوء فترة في حياتي رغم إني كنت ناجح وشركاتي بتنجح وبتحرك وبشتغل وكنت بستغرب أنا شكلي بيعجز ليه وليه عامل كده وليه الابيض بقي كتير في دقني وليه مش سعيد وليه مش مظبوط و تساؤلات كتير رغم إني كل شويه كنت بسافر اعمل عمرة ” .

وتابع : ” لكن شكلي وحياتي ونفسيتي وتصرفاتي بتسوء لأسوء .. فترة غريبة جدا في كل حاجة .. دي الفترة اللي اكتشفت فيها حاجات كتير وحصل بعديها واقعة الأمن .. دي الفترة اللي السحر والأعمال والدمار وشرور البشر والخيانة والغدر والتوهان ومش شايف حاجة وكل ما هو سئ ” .

وأضاف أحمد فلوكس : ” بيدمروا فيا وفي صحتي وفي حياتي وأنا مش فاهم حاجة .. معمي البصيرة والإحساس .. عجوز من الداخل مربوط في حزن بلا سبب رغم نجاحي مش عاوز أمثل مش عاوز حاجة ولافاهم حاجة وكل شوية مستشفي وكل شوية تعب والدكاترة مش لاقية سبب طبي صريح ” .

واستكمل : ” الصورة التانية دي بعد ما ربنا عفاني وأكرمني بالشفاء والبصيرة والراحة .. عفاني من أسوء أنواع البشر .. عفاني من السحر والأعمال وأعطاني البصيرة لأري من حولي جيدا وأري قوة وعظمة ربنا في معطياته لينا ورحمة الله الواسعة .. قربوا من ربنا واعلموا جيدا أن لن يمسكم سوء وستنور بصيرتكم ” .

واختتم أحمد فلوكس حديثه قائلا : ” نصيحة اختاروا الناس اللي تبقي في حياتكم كويس وابعدوا عن كل شخص مؤذي وكريه ومتتخدعوش بالمظاهر والكلام وقربوا أوي من ربنا .. يارب ابعد كل أذي عن بيتي وأهلي وإبني وعبادك يارب واعطيني القوة لاحمي أهل بيتي وإبني الصغير من الأذي وأدمر كل من يحاول أذيتهم ” .

شارك الخبر:

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *