أعربت الراقصة والفنانة ” دينا ” في تصريحات صحفية لها عن استيائها من الفنانة ” غادة إبراهيم ” على خلفية ما قامت به في جنازة الفنان الراحل ” سمير صبري ” وهجومها على كلا من الفنانة ” إلهام شاهين ” والإعلامية ” بوسي شلبي ” .
فقالت دينا : ” شهادة حق إلهام شاهين معملتش حاجة خالص،مكنتش موجودة أساسا .. وشهادة حق تانية أنا لو زعلانة جوة جنازة عمري ما هعمل كده لإن فيه اجترام للميت وهما محترموش الميت .. أكيد اللي زعق هو اللي غلطان ” .
وتابعت : ” أنا حضرت قبل الواقعة على طول والغريب إنها سألتني دينا انتي طالعة إسكندرية، قولتلها لأ مش هينفع، قالتلي ولا أنا كمان وزعقتلي .. فيه ناس عايزة تعمل تريندات، تريند على حساب ميت ده عزا راجل محترم له قيمة وقامة ” .
وأضافت دينا حول قرار نقابة المهن التمثيلية بإيقاف غادة إبراهيم عن العمل : ” أنهي عمل، هو فين الشغل .. القرار ده غير مؤثر ومش هيأثر عليها بحاجة .. لو كانوا غرموها فلوس يمكن كان أحسن .. اللي يجي جنب سمير أنا اكرهه، ده أبويا واللي هي عملته خلاني مبقتش احبها ” .
وكانت قد شنت الفنانة غادة إبراهيم هجوما لاذعا على إلهام شاهين وبوسي شلبي دون ذكر إسمهما بشكل مباشر بعد قيام الأخيرة بمنعها من ركوب الأتوبيس الخاص بالفنانين والذي تم توفيره لنقلهم إلى محافظة الإسكندرية لحضور مراسم دفن الفنان سمير صبري .