أعرب الفنان ” مصطفى شعبان ” عن استيائه من تصريحات سابقة للفنانة ” منى زكي ” وصفت بها فيلم أحلام عمرنا والذي شاركها بطولته بأنه أسوأ أفلامها .

فقال مصطفى شعبان في رده على ذلك خلال حلوله ضيفا ببرنامج حبر سري مع الإعلامية ” أسما إبراهيم ” : ” زعلت طبعا ومعاتبتهاش .. مفيش ابدا حاجة اختلف حاجة أنا ومنى غير فنيا ” .

وتابع متحدثا عن منى زكي وعلاقته بها : ” هي نجمة جيلي في العالم العربي مش بس في مصر ومنى صديقة واعرفها كويس من زمان، اشتغلنا مع بعض عند أستاذ محمد صبحي واشتغلنا في الجامعة وأخوها كان دفعتي معانا في إعلام وعلاقتي بيها كويسة جدا ” .

وأكد مصطفى شعبان على حبه لفيلم أحلام عمرنا للغاية الذي تم عرضه في عام 2005 متابعا : ” زعلت فعلا ساعتها إن هي قالت كده .. واحنا متقابلناش تاني من ساعتها غير صدف وكل احترامي ليها، منى غالية عليا جدا ” .

وأضاف : ” أكيد السبب اللي زعلها في الفترة دي أكيد سبب مهني، حاجة مهنية .. وأنا مفيش بيني وبينها شخصيا حاجة خالص، محصلش موقف افتكره إنه أنا وهي زعلنا من بعض أو اصطدمنا في بعض وموصلنيش إنها اتكلمت عني بشكل وحش ” .

وقال شعبان : ” وصلني إنها اتكلمت على تجربة الفيلم إن هي مكنتش مرتاحة فيها وتجربة الفيلم ممكن يكون فيها حاجة مريحتهاش وده وارد .. احنا كنا ساعتها لسه جيل بيبتدي فطبيعي يحصل أخطاء وطبيعي نزعل ومنحسنش التصرف احيانا ” .

وأكد الفنان مصطفى شعبان على أنه إذا عرض عليه مشاركة النجمة منى زكي في فيلم سينمائي أو عمل درامي سيوافق على ذلك مشيرا إلى أنه كان هناك فيلما سيجمعهما يحمل إسم ” ترانيم إبليس ” وليس لديه أي مشكلة في ترتيب الأسماء على تتر العمل .

شارك الخبر:

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *