ما زالت تداعيات الأزمة القائمة بين الفنانة ” شريفة ماهر ” ونجلها ” شريف شوقي ” مستمرة بعد الاتهامات التي وجهتها له باستغلاله لمرضها وقام بالنصب عليها والاستيلاء على أملاكها كما اعتدى عليها بالسب والضرب .
وكشفت شريفة ماهر خلال حلولها ضيفة ببرنامج 90 دقيقة مع الإعلامية بسمة وهبة عن تفاصيل تلك الأزمة وفي مواجهة قوية دارت بينها وبين نجلها الذي تحدث في مداخلة هاتفية له .
وبمجرد سماع شريفة ماهر لصوت نجلها قالت له : ” الله لا يكسبك يا بعيد واوعى تكدب .. وأنا معايا الأوراق يا شريف مش بالكلام .. أنا اقسم بالله أنا ما مضيتله على حاجة وأنا عاملاله محاضر من 2009 ” .
وتابعت : ” فيه واحد يسلط البواب على أمه يقوله متجبلهاش حاجة وبواب عمارتي يقول عندها زهايمر ودي عمارة الأستاذ شريف .. حسبي الله ونعم الوكيل فيك ينتقم منك ربنا ” .
فيما قال شريف شوقي أن الصورة المأخوذة عنه غير حقيقية وأنه أجرى تلك المداخلة لسرد الحقيقة كاملة .. وأكد على أنه لم يتعدى على والدته .
وعلق على ذلك قائلا : ” أنا عارف الجنة تحت أقدام الأمهات وبتقي ربنا في أمي كويس جدا وأنا مش ممكن في حياتي اشتم أمي أو أمد إيدي عليها أنا إيدي تتقطع قبل ما امدها عليها ” .
وتابع في دفاعه عن ما اتهم به من جانب والدته : ” أنا مشتري الشقق دي من سنة 2007 والمرافق كلها بإسمي وعامل عليها صحة توقيع والمهندس اللي باني العمارة ماضي شاهد على العقود دي .. هي بنفسها بتقول إنها بتقول بايعة لبنتها من 2011 وإزاي هغير عقد البيع اللي هي بايعاه ” .
وأضاف أنه كان يعطي ما يتحصل عليه من العمارة محل النزاع لوالدته لكي تعيش من عائدها وأن شقيقته ” ناهد ” التي هاجمتها أيضا الفنانة شريفة ماهر أعطتها مبلغ يتجاوز المليون جنيه ومبلغ 100 ألف جنيه ك ” سمسرة ” في الفيلا التي قامت ببيعها .
لترد شريفة ماهر وهي منفعلة على نجلها : ” كداب اطلع يا كداب .. انت بتصلي انت ده ربنا هينتقم منك .. اعدم عنيا والقرآن بتاع ربنا ما حصل اللي انت بتقوله ده خالص .. ده كداب وضلالي .. ربنا ينتقم منك يا بعيد وربنا يوريني فيك يوم يا شريف يا ابن بطني .. انت الظالم وانت الحرامي ” .
وأضافت متحدثة عن الاعتداء الذي تعرضت له من جانب إبنها شريف قائلة : ” اومال الزقة والبهدلة اللي عملتها فيا دي إيه وزاققني في بيتي موقعني على السلم كاسرني .. والتانية اللي سرقت العمارة كلها انتو عاملين عصابة عليا وخلاص فلستوني مبقتش لاقية أكل ” .
وأكد شريف أن والدته حررت محضرا ضده واتهمته بضربها وسبها وكسر الشقة دون وجود أى إصابات وهو ما يتضارب مع روايتها الآن التى تقول فيها إنه تسبب فى كسر ذراعها منذ 4 سنوات موضحًا أن النيابة قامت بحفظ المحضر .