خرج بطل كمال الأجسام والفائز بلقب مستر أولمبيا ” رامي السبيعي ” والشهير ب ” بيج رامي ” بمقطع فيديو عبر حسابه على فيس بوك في التعليق الأول له بعد إعلان زواجه للمرة الثانية .
حيث وجه بيج رامي في حديثه بالفيديو رسالة إلى الجميع بعدم التدخل في شئون الاخرين مستعينا بحديث نبوي ومؤكدا على أن الله سبحانه وتعالى هو من يحاسب البشر على أفعالهم .
فقال : ” جمعة طيبة على الكل ويومكم سعيد .. نصيحة صغيرة اسمحولي إني أكون في الموضع ده مع إني عارف إني مش من أهل النصيحة لكن اقبلوا مني .. يقول رسول الله صلى الله عليه وسلم من حسن إسلام المرء تركه ما لا يعنيه ” .
وتابع : ” مفيش حد يعرف ظروف حد ولا حد يقدر يحكم على حد ربنا مخلقناش نحاسب بعض على أي حاجة .. كل واحد بيتصرف وربنا بيحاسبنا في الآخر إن كان في غلط أو مفيش غلط .. مش معنى كده إننا معفيين أو مش أصحاب أخطاء في حياتنا بالعكس احنا بنغلط وبنعمل حاجات صح في حياتنا ” .
وأضاف بيج رامي : ” وربنا إن شاء الله هو اللي بيحاسب والحمد لله أنه معطاش الناس فرصة تحاسب بعضها وإلا مكناش خرجنا من بيوتنا .. والكلام مهواش موجه لأي موضوع لكن حبيت أقوله علشان الناس شاغله نفسها بحاجات لا تعرف عنها حاجة ولا تعرف تفاصيلها ” .
يذكر أن رامي السبيعي كان قد تعرض في الأيام الأخيرة إلى عدد من الانتقادات بعد إعلان زواجه للمرة الثانية وانتشرت على مواقع التواصل الاجتماعي أخبارا حول عدم علم زوجته الأولى بزواجه الثاني مما جعل بعض المتابعين يتهمونه بخيانة زوجته .
https://www.facebook.com/watch/?v=415196466976257&t=78