رحيل عبود ( الحلقة الثالثة )

مرسلة من صديق الموقع ميمو

خيم الصمت على المكان ،، وكل واحد من المجتمعين ينظر الى الآخر وينتظره أن يبدأ بالكلام ،،، لكن كأن الجميع أضاعوا أفوههم فما من أحد نطق ،، حتى اخترق صوت سوزي الصمت ،،
سوزي : يعني عن جد لو ما ظفري عم يوجعني كنت لحقته وعلمته كيف يطلع هيك ويضرب الباب هالضربة ،،
نور : يا جماعة ،،، لازم نعرف السبب اللي يخلي عبود يتركنا ،، مين فيكم زعجه بالفترة الاخيرة ؟
أخيليس : ايمان مافي غيرك ،، اكيد زعل منك من كتر ما بتحكيله كحلوش ،، وعبود حساس ورقيق المشاعر ،،
ايمان : رقيق شو ؟؟؟؟ هاد اللوح صار رقيق مشاعر ،، بعدين هو يقلي سمينة وجعداء ،،، ليش ما زعلت وتركت ،، ومن طول عمري بقله كحلوش ،، هلأ لضربه عرق الحساسية ؟؟
البلدوزر : بدكم تعرفوا ليش عبود راح ،، دوروا ع النسا ،، والله ترى ورا الموضوع حرمة ايييييييه ..
إلين : انت راكب خيل الله وغاير على النسا ،، شوفوا حالكم بالأول ،،
البلدوزر : والله مافي مصيبة تصير الا وراها مرأة ،، روحي يا شيخة ،، ال جنس لطيف ال ،، هاد جنس يا لطيف الطف ،،
أنهى البلدوزر الجملة ونظر ناحية إلين التي كانت ( تجقره ) بنظره وضعت فيها كل الغضب ،، وسرعان ما أحس البلدوزر بالعطب ،،
البلدوزر : شوفوا ترى انا كنت امزح ،، يعني الله يخليلنا النسوان ،، واذا بتحبوا فوراً وع الحارك بروح بنتسب للاتحاد النسائي ،، ما عندي مشكلة اطلاقاً ..
مها : كفاية ندخل في معارك جانبية ،، لازم نركز على القضية الأساسية ،، ازاي نمنع عبود من انه يسيبنا ويمشي ،،
أخيليس : حيوووووووووووو ،، عندك خمسة كنيه ؟؟
فاتيما : مهميهو ،، ازيك يا حبيبتي عاملة ايه ؟
مها : الحمد الله فاتيما ،، انتي ازيك حبيبتي
فاتيما : بخير ربي يخليكي ،، ازي الشغل ؟
قاسيون : ايييييييييييييييييييييييييييييييه انتي وياها ،، خلصنا ،، صحيح انا ممتنع عن الكلام بس عصبتوني ،، خلوهم يلاقوا حل لموضوع عبود واجلوا شوي هالشكليات اللي كلها بدها تروح على مزبلة التاريخ ..
فيب : ( نعتذر عن نقل كلام فيب لأن بد أربع مسلسلات ليخلص ويمكن ما يكفوا ) ..
مصطفى ( صاحياً من النوم ) : شو صار يا جماعة ،، شو فيب خلصت ؟ الله يعطيك العافية انا أؤيد كلامك أخي الحبيب ،،،اصحوا يا جماعة اصحوا ،،خلونا نتناقش
نور ( وآثار النوم على عيونها ) : كلامك صحيح أخي فيب ،، الله يبارك فيك
مجنون بس حنون : يا جماعة الخير ،، انا بعرف ليش عبود بدو يترك ،،
انتبهت جميع العيون الناعسة واتجهت الأنظار صوب مجنون بس حنون وخيم الصمت بانتظار ان يبدأ مجنون بالكلام ويقول ما يعرفه …
رحلوا الأحباب ،، وطولوا الغيااااااب ( هاي موسيقى شارة النهاية )

يتبع في الحلقة القادمة …………………………..