>

بوابة الأهرام – قال المشير محمد حسين طنطاوى، رئيس المجلس العسكري الحاكم في مصر، إن إلغاء الدورى العام، مسئولية اتحاد كرة القدم، والمجلس الأعلى للرياضة، وأكد “لن نترك مرتكبي أحداث بورسعيد” لكنه تساءل “الشعب ساكت عليهم ليه؟”.

وشدد المشير على أن قوات الأمن هى الجهة المنوط بها تأمين المباريات، وأن هناك تنسيقا كاملا بين وزارة الداخلية والجيش فى عملية تأمين المباريات.

وأضاف طنطاوي فى تصريحات خاصة لقناة الأهلى، أن المرحلة الحالية ستمر بسلام، وأن مصر ستعود للاستقرار، فالمجلس العسكرى ينفذ خارطة طريق بنقل السلطة إلى جهة مدنية منتخبة، “واللى حاطط فى دماغه حاجة وحشة لمصر مش هينجح، وكل واحد سينال جزاءه فى أحداث بورسعيد”.

وقال: “مش عايزين الشعب يقعد ويسكت ويسيب الناس دى تعمل كده.. وأنا بسأل الشعب ساكت عليهم ليه؟ والمفروض كله يشترك.. ولن ينال أى شخص من مصر، وما حدث اليوم قد يحدث فى أى مكان فى العالم، لكن إحنا مش هنسيب اللى عمل كده.. وأنا أعطيت تعليماتى بمعالجة المصابين فى مستشفيات القوات المسلحة، لكن مسألة إقالة محافظ بورسعيد ومدير الأمن غير مطروحة حاليا”.



شارك برأيك

‫11 تعليق

  1. قد يكون كل ما حدث مفتعل لإعادة الإعتبار للجيش وسط تعالى المطالب بإبعادهم عن السلطة المتمثلة بالمجلس العسكري

  2. ههههههههههههههههه دى اخر نكتة بصراحة، يعنى بقالنا سنة ولا اى بلطجى ولا حرامى ولا قاتل ولا سارق ولا ناهب اتحاكم!
    أحداث ماسبيرو.. الفاعل مجهول.
    احداث موقعة الجمل… الفاعل مجهول، والأيدى الخفية ه السبب.
    احداث محمد محمووود… اصابع خارجية.
    حوادث السلب والسطو على البنوك والمصارف اللى حصلت الاسبوع ده بعد الغاء قانون الطؤارى… مجهولين.
    مبارك بيتحاكم محاكمة كلاسيكية شاعرية رومانسية.
    فلوسنا اللى اتنهبت، ولسه مارجعتش.
    عمرى ماشفت اى بلطجى من اللى قلتم انكم مسكتوهم، ولا عرفنا مين اللى ممولهم ولا مين اللى محرضهم مع أن الفاعل معلوم ومعلوم ومعلوم.
    حلوا عنا بئا، وكفاية تخريب للبلد.

  3. وهل فيه رجا من جهاز امن يطلع رئيسه ويقول لمتا سالوه مين المسئول عما حدث يقول “حكم المبارة… لانه مالغاش المباراة”!!!

  4. طيب ايه رآيك لو عملنا مليونية هجوم على طره و المركز الطبي اللي مخبيين فييه المخلوع و هنشوف ازاي هتعرفوا تسيطروا على مليون واحد علشان شوية كلاب

  5. ROU7 NAM GATAK KHEBA
    ENT MN FLOUL MBARK LABARK ALLAH FIK
    FEN SHBAB ALTHWRA SAIBIN DA KHADM MBARK BALSL6A?
    MBARAK 3AML NFSOU MRID

  6. حسبنا الله ونعم الوكيل فيكم يا من تريدون الشر لمصر الله يفضحكم .اللهم أمن بلد المسلمين اللهم يا ربي ألف بين قلوب المصريين وزرع بينهم الخير والحب وجعل لهم مخرجا من هده المحنة .وهدا الامتحان الصعب اللدي يمر به قومنى في مصر الحبيبة والقريبة الى كل من يقول لا اله الا الله محمد رسول الله بقلبه ولسانه وجوارحه ودمه وشرفه وعرضه والسلام….؟لا تحزن انا الله معك ايها المصري يا صاحب القلب السليم يجب ان يكون امركم شورى بينكم لا تتعجلوا ولاتعطوا الفرصة لمن يتربص بكم ان بمصر رجال يكفو العالم لتسييره قل خير او اصمت لا تزيد الطين بلة ان قصدك شريف ولا كن هناك الاستغلاليين يوضفون قضيتك بما تهوى انفسهم وهده هيا الفتنة اعادنا الله واياكم منها وشكرا

  7. بس حد لاحظ الحرس الشخصي للمشير ؟ حراسة فاشلة بدرجة ممتاز ههههههههههه،،والله مبارك كان رئيس على حق و حراسته محترفين فعلاًر ، مع إنه كان ذالل الشعب كله الله يجمد الدم في عروقه هو وحرسه

  8. عن جد شي ما بيتصدق…معقولة؟؟؟؟ أنا بقول القصة أكبر من مباراة…الله يحميك يا شعب مصر …

  9. مع انى معلقة على الموضوع، لكن اول مرة اخد بالى من الجزء الاخير “بس أنا بسأل الشعب ساكت عليهم ليه؟”.
    هههههههه حلو فعلا، أنا مش عارفة احنا ليه ساكتين عليهم فعلاً.
    يا مثبت العقل والدين يارب.

  10. والله العظيم بورسعيد بريئه انا بورسعيديه وبرضه اخواتنا واصحبنا ماتوا ومن بورسعيد واخوات والله كانوا فى جمهور الاهل وبيشجعوا الاهلى تفتكروا احنا هنتقل اخواتنا واصحابنا دهمستحيل احنا بنخاف ربنا وبنحب بلدنا والله كده حرام انتم ظلمنا احنا بنات بورسعيد نزلنا ورحونا المستشفيات الساعه واحده بليل عشان نتبرع بدمنا لاخواتنا المصابين ومفرقناش بين جمهور الاهلى او المصر لاننا كلنا مصريين حسبى الله ونعم الوكيل فى اللى منه السبب

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *