كشفت الإعلامية ” سالي عبد السلام ” في منشور لها عبر حسابها على تطبيق الصور والفيديوهات إنستجرام عن عودة إصابتها من جديد بمرض ” الثعلبة ” وهو مرض يهاجم مناعة الجسم عن طريق الشعر مما يؤدي إلى تساقطه .

وتضمن المنشور صورة لسالي عبد السلام ظهرت بها وهي أمام غرفة الفحص وكتبت في تعليقها عليها : ” أنا فى الابتلاء ده من ٢٠١٧ .. آخر مرة جتلى الثعلبة فى شعرى ومشيت وقالولى مش هتيجى تانى كان من سنتين نفس الشهر ده بالظبط إبريل ٢٠٢٠ ” .

وتابعت : ” عند الناس بتيجى بالواحدة، أنا حتى فى دى ربنا بيختبرنى بزيادة .. سبحانك يا رب .. يبتليك الله ويختبرك فى أكتر حاجة بتحبها أو كانت مميزة زمان والناس فاكرة إنها زى ما هى والناس كلها بتمدحها وكانت حلوة زمان ويختبرك ” .

وأضافت : ” الرضا من عندك يا رب عشان بدأ يروح منى سامحنى واعفو عنى ومعنديش لا قوة ولا طاقة ولا قادرة أصبر وابدأ من جديد العذاب ده .. كان لازم اروح الفطار مع الولاد فى الدار ملهمش ذنب وأنا وعدتهم قبل ما اسمع الخبر وابقى مضطرة انبسط واجبر بخواطر وخاطرى مكسور ” .

وأكملت سالي عبد السلام : ” رجعت أكتر حاجة بتوجع فى الدنيا حقن الكورتيزون فى الراس 7 حقن فى عضم الراس ١٠ شكات “٧٠ شكة” .. والدموع بتقع منى غصب عنى والله مع إنى عمرى ما بعرف أعيط قدام حد ! .. الدكتورة سالى حضنتنى ربى يسعدك ” .

واختتمت منشورها مطالبة الجمهور بالدعاء لها قائلة : ” ادعوا لى يعفو عنى وماخدش كورتيزون كورسات كاملة تانى واتبهدل تانى وابدأ من أول وجديد تانى والوجع تانى .. اللهم إنك عفو كريم تحب العفو فاعف عنا .. اللهم اجرنى فى مصيبتى واخلف لى خيراً منها ” .

ماذا تقول أنت؟

لن يتم نشر عنوان بريدك الإلكتروني.