وجهت الإعلامية ياسمين عز رسالة إلى كريستيانو رونالدو نجم وقائد منتخب البرتغال، عقب خروج منتخب بلاده من بطولة كأس العالم قطر 2022 بعد هزيمتهم أمام منتخب المغرب وتأهل الأخير على حسابهم للدور نصف النهائي .

حيث علقت ياسمين عز خلال تقديمها لحلقة برنامجها “كلام الناس” على مشهد بكاء ودموع كريستيانو رونالدو بعد انتهاء المباراة وأثناء توجهه إلى غرفة خلع الملابس، متحدثة أيضا عن دعم ومساندة صديقته عارضة الأزياء جورجينا رودريغيز له .

فقالت: “قطع قلبي امبارح وقطع قلبنا كلنا، بس شوفو الست الناصحة واتعلموا منها جورجينا حبيبة كريستيانو رونالدو وأم عياله كتبتله رسالة تتدرس” .

أكملت: “قالتله لو عندك مليون مشجع فأنا واحدة منهم ولو عندك مشجع واحد بس فأكيد هتكون أنا، ولو مبقاش عندك أي حد بيشجعك فاعرف إن أنا كده مش موجودة ومت خلاص” .

تابعت: “الله عليكي يا بنتي والله بتقول عظمة، حبايبي وحبيباتي البنات والستات اللي بيسمعوني لازم نتعلم من الحب الحقيقي ويبقى إزاي، اتعلمي لما جوزك يكون متضايق تقوليلو إيه وتتصرفي معاه إزاي” .

وأضافت “عز” موجهة حديثها إلى رونالدو: “رسالتي لكريستيانو رونالدو وأنا عارفة إنه بيتابع البرنامج وبيحبنا وبيحب البرنامج، والنبي يا شيخ لو ليا خاطر عندك اجبر بخاطر البنت المسكينة الغلبانة دي جورجينا واتجوزها” .

واصلت: “اديك شفت امبارح يعني شايلاك في عنيها، صاينة عيالك، محافظة عليهم وبعدين عمرها ما اشتكت رغم إنك ممرمطها كعب داير من مدريد لإيطاليا ومن أولدتفورد للمدينة التعليمية في الدوحة ويا عالم هتروح فين وتاخدها معاك والست مبتقولش لأ” .

واختتمت الإعلامية ياسمين عز: “اتجوزها وإن شاء الله ربنا يكرمك أكتر .. أتمنى ربنا يهديك وتراجع نفسك في موضوع الجواز ده، وإن شاء الله نشوفكم في الكوشة السنة الجاية ومعاكم ولاد تانيين ونفرح بيكم” .

شارك الخبر:

شارك برأيك

تعليق واحد

  1. هههههههه يعني شو أعلق؟؟؟
    وصلت فيها المذيعة تستغل كريستيانو رونالدو
    و جورجينا ببرنامجها!!
    هذه بتحكي الي يخطر على بالها ! يعني حشو
    كلام و السلام هههههه المهم تلفت الانتباه
    وتكون ترند حتى لو ترند مسخرة !!
    جوع الشُهرة و الانتشار بزمن أصبح فيه التواصل
    والعلاقات الانسانية عبر العالم الافتراضي !
    من خلف شاشة !!

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *