>

مرسلة من صديقة الموقع Susanne

بلش شهر رمضان وبدي تحكولي لما تصلو وتفطرو وتقراو قران وشوية دعاءو بعد التراويح عم تحضرو شي مسلسل??!!! اي مسلسل عجبكم اكتر ??انا عن نفسي متابعه مسلسل واحد بس : هو حرب الجواسيس وهو كتير شيق .وانتووو??????



شارك برأيك

‫17 تعليق

  1. انا بالنسبة لي بعد الافطار اجلس في غرفة التدخين ، فادخن الشيشة مع القهوة العربي واتابع على التلفزيون حلقة فكاهية على قناة الراي لمدة نصف ساعة فتأتي صلاة العشاء ونذهب الى الصلاة وبعدها صلاة التراويح ،،، ثم ينطلق الجميع الى اعمالهم ،،، لكن احلى ما في رمضان بعد التعبد وقراءة القرآن الكريم اثناء النهار هو الاجتماع حول طاولة الافطار مع العائلة التى نادرا ما تجتمع الا في هذا الشهر، وقبلها الدخول الى المطبخ للسؤال عن الاكل وطردي من هناك حتى لا اعطلهن عن تحضير الطعام … شكرا اخت سوزان على سؤالك ،،، وينعاد عليك وعلى الجميع بالخير والبركات ورضاء الله عنا وعنكم ، وتقبل الله طاعتكم .

  2. طبعا اختي سزان الغالية هنا الاوقات تختلف عند كل بلد …فبعد كل الالتزامات التعبدية التي يستمتع العبد بادائها خاصة في هذا الشهر العظيم…وبعد ان أُنيمه اولادي …أتفرج* طاش ماطاش* ,واردت ان اتابعة مسلسل حرب الجواسيس لكن لم اعرف الاوقات التي تعرض …وشكرا على هذا السؤال

  3. السلام عليكم … كيفك سوزان ؟ إنشالله بيكون رمضان معاكى تمام..
    المواعيد والقنوات ما عم تظبط معى ,,, مانى عارفة أتابع ولا شئ بس كان بودى أتابع مسلسل يللى بيحكى قصة حياة ليلى مراد بس كنت حابة أعرف البيئة يللى نشأت بيها وتاريخ حياتها بس اصحابى راح يسجلوه لى وإن شاء الله ببقى أشوفه بعدين…
    بس عن جد نفسى أتابع مسلسل كوميدى بس مو ضابط معى شئ يعنى يا ريت يللى بيعرف مسلسل كوميدى حلو يقولى على أى قناة وبتوقيت كام عنده وأنا راح أحسب المواعيد وأتابعه … بس كوميدى بجد.
    شكرا

  4. السلام عليكم….
    بعد الافطار و الصلاة و و و الخ
    اتابع مسلسل (هدوء نسبي)و هو مسلسل روعة يجمع الكثير من الممثلين العرب و قصته عن الصحفيين و معاناتهم ايام حرب العراق,

  5. السلام عليكم ومسا الخير بالنسبة لي كمان ماعم يزبط معي أي مسلسل للآن شفت مقاطع من باب الحارة ماأقدرت أفهم شي لأني مو مركزة عليه بعدين مليت وقلت بلا المسلسلات بتابعهم بعدين لأنو كتير في زحمة بالقنوات بالنسبة للكوميدي أمي بتابع طاش ما طاش وبيني وبينك بس بلاقيها عم تضحك من قلبها وفي برنامج كاميرا خفية خليجي مابعرف شو اسمه كمان امي بتابعه ولما تضحك نحن منضحك بس على ضحكتها من قلبها
    وشكرا عزيزتي سوزان على مشاركتك النعومة المهضومة متلك

  6. هلا اختي سوزااااااااااااان
    اولا رمضان كريم وان شالله كل عام وانتو بالف خير

    تانيا والله كتير حلوة مشاركتك هلأ اكيد بعد كل اللي قلتيه من صلاة ودعاء وطبعا قراؤة القران بعد صلاة الفجر بقراه
    انا بحضر مسلسل كوميدي اسمه صبايا وهاد ازا بدك د\رانيا بيطلع الساعة تقريبا 8 الاربع بتوقيت سورية بس للاسف ما بقدر احضره كله لانه بتكون صلاة التراويح عالقليلة بقدر احضر منه نص ساعة تقريبا وكتييييير بيضحك
    هو عبارة عن كل يوم حلقة شكل هن تقريبا 5 بنات عايشين مع بعض وحدة لاعبة رياضة وحدة عارضة ازاياء ووحدة بدها تصير ممثلة ووحدة بتحب واحد وعطول مشاكل معو ووحدة هي الكبيرة عطول بتصغر بحالها وهي عنست هههههههههههه ويمكن هدول هن 5 وبتمنى كون افدتك اختي د\رانيا

    وباب الحارة اكيد من اجمل المسلسلات اللي متابعها ومسلسل زمن العار عن جد واو واو مسلسل لهلأ الحلقة الرابعة بيجنننننن قصة بتحكي عم عيلة مؤلفة من بنتين وشبين بنت منهم واللي هي بثينة بتكون يا حرام كتير متل ما بيقولو مضطهدة ببيتها كل شغل البيت عليها وما بتطلع بنووووب برا البيت
    عمرها32 وما تزوجت بعدين على مو مبين بتصير تتعلق بشخصين واللي هن تيم حسن جوز رفيقتها بالمسلسل وبسام كوسا بيكون متزوج وعندو ولدين وعندو مشاكل كتير
    اخوها الكبير متزوج ومرتو ما بتحبها اختو لانه ما بتعمل شي بالبيت
    اختها الصغيرة بالجامعة بتحب واحد صاحب محل عطورات ومكياجات هلأ حسب ما فهمت هالبنت رح تضيع ورح يضيعها هالشب من ورا السكر والعياذ بالله والديسكو والمراقص وما الى هنالك من الشغلات اللي بتضيع البنت
    وهاد ملخص للمسلسل
    بيطلع الساعة 11 على قناة الشام
    وهدول اللي بحضرهن اما من البرامج بحضر حروف والوف الساعة 2 بعد منتصف الليل وعال3 مسلسلات حليمة البرامجين على الام بي سي 1
    وطبعا بعد هيك بتسحر وبنام لل 2 او 3 بعد الضهر

    وبسسسسسسسسس

  7. اي اختي د\رانيا

    نسيت قول انه مسلسل صبايا بيطلع على قناة روتانا خليجية

  8. رمضان كريم على جميع اخواتنا واخواننا في الموقع,طبعا جميع المسلسلات حلوة وكل واحد يتابع حسب ذوقه وحبه لفنانين معينين بالنسبة لي اتابع باب الحارة وشاهدت حلقتين من مسلسل كريمة كريمة الكوميدي من بطولة ماجدة زكي وعزة ابو عوف ,واللة وفي مسلسلات كتيرة بحب اشوفها بس مافي وقت ,بس حبيت اخبر د.رانيا انه ليش متعبة نفسهة بتواقيت المسلسلات لان 3arab>tvبينزل كافة المسلسلات تقريبا وفيكم تشاهدوها بأي وقت تحبون.

  9. شكرا للأخى متيم إليسا..
    إن شاء الله بحاول أتابعه ..الكل بيقول فعلا إنو بيضحك وكتير حلو
    شكرا لإلك…

  10. بشكر مشاركاتكم.
    والنسبة للصبية اللي سالت عن حرب الجواسيس (مايا) بيطلع عالمستقبل الساعه عشرة ونص بتوقيت بيروت وهو المسلسل الوحيد اللي قدرت كمشتو واسال شي بس يكون في مسلسلين حلوين بنفس الوقت بتشتغل الريمود الكونترول من ميلة و الفراشات بلساني من ميلة تانية لان زوجي بيكره المسلسلات فبضطر اتخانق معو وافتعل مشاكل حتى لا تسول له نفسه انو يشوف مباراة كرة القدم.

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *