>

أثناء تحضيري لتكملة موضوع سد النهضة الأثيوبي وجدت من المنطقي أن أحدثكم عن التغلغل الصهيوني في أفريقيا الذي يُعد بشكل ما أحدى حلقاته المهم ان هذه الدراسة أصابتني بالإكتئاب هههههه دون مبالغة وقتها تذكرت
ان إحدى الصديقات لا اتذكر من طلبت مني إدراج بعض الألبسة الولادية كي نتعلم كيف من الممكن تعليم الأطفال إرتداء الملابس بذوق و حسن تنسيق بين الأقمشة و الألوان ٠٠
يحزنني جداً عندما يكون الطفل سيء الهندام مشعث الشعر و الأسوأ عندما يدرك هو ذلك
الطفل أي طفل أكثر حساسية و ذكاءً مما نعتقد و النتائج كارثية عندما يرتاد الطفل مدارس خاصة حيث قد يدرس معه أبناء العائلات الموسرة ٠
المهم إخترت لكم بعض ملابس الأطفال التي لفتت إنتباهي و خصوصاً الأحذية
إستمتعوا بمشاهدة هذه الأطفال



شارك برأيك

‫83 تعليق

  1. ويبقى الأطفال ..
    لوحات إبداعية .. لقلوب ملائكية ..
    أريجها مِسكًا .. وألوانها وردية !
    ولم لا ؟!! فهي بيد الخالق .. المصور ..
    صاحب القدرة المطلقة .. والعظمة الإلهية
    شكرا على الموضوع الشيق والمميز

  2. ههههههههه حلو اخت نهى
    فقط لاطمنك اطفالي يلبسون ملابسة متناسقة جداً جداً، لان زوجتي حريصة جداً على هذه الاشياء و حتى ملابسي هي التي تشتريلي و تقولي ماذا البس كل يوم!!

    هههههه

    لو علية لا اعرف ان البس و لا الاطفال البسهم كويس ….

    تشكرات يا نهى و يا، كيف كان الجبل عندما كنت هناك؟

  3. أنا أكيدة يا دلشاد إنك مزوء بالنسبة لأطفالك كما بالنسبة لكل شيء
    الجبل هواء نظيف و جبال جميلة و أقارب يعملون وسعهم لإرضائي الحمد لله كل شيء جميل سأعمل جهدي بنقل بعض صور الجبل أليكم
    شكراً على مرورك يا دلشاد نحن أيضاً بانتظار مواضيعك

  4. يا نهى بليس حاولي عن قريب تحطي صور لان اموت على الصور الطبيعية الجبلية؟؟

    و نحن بانتظارك…

  5. فرحانين أوي يعني هههههههههه
    والله يا جنى كل يوم بيصرخوا القطط في الشارع بطريقة مخجلة و مضحكة هههههه

  6. السلام نهى والحاضرين …
    شكرا على المضوع مع ان الصور ما بتفتح معي!!??!!
    🙁

  7. زعلتيني يا أمونه رح اعمل جهدي ارسلهم ليس الكل لكن الأفضل في نهاية الموضوع إنتِ غاليه علينا

  8. بعد ازنك ست ازوءءءءءءءءءءءءء نها حبيت تضحكي معي واللي بيريد 🙂

  9. ما فتح الفيديو عندي متل أختنا أمونه ههههه بس ما خبرتيني عجبتك أزياء الأطفال

  10. يا عيب الشوم من هيك سؤال 🙁 هههههه بانقلكككككككك زوءءءءءء انتي ومواضيعكي ع فكرة رح اهديكي هي خص لالك

  11. سلام للجميع ،شكرا نها على الموضوع ربنا يخلي ولاد الناس ويرزق المحرومين امين
    السنفور الكبير بيعرض أزياء وهيدي السنة ان شالله رح يبلش دعايات تلفزيونية
    اما لبسهم حمدلله كتير شيك والسنفورة عالموضة بس بسيطر عليها الأناقة حتى بالبيت (بدها تحط الاكساسورات حسب تيابها وعندها المعلمة بالحضانة تقول دايما هذه young lady )
    بس بدي اعطي ملاحظة طبية عانى منها ابني وسبحان الله بعد فترة شاهدت برنامج the doctors بالنسخة الأميركية وتكلموا عنها:
    الجينز الضيق او الخصر نازل يؤثرون على الأعضاء التناسلية للرجل الخصوبة أيضاً مع مرور الوقت.ووصفوا بانها موضة مضرة
    وابني هيدي السنة عانى كتير ومرض وكان السبب الجينز الضيق ورغم ان الواحد منهم يتعدى ٧٠$ من وقتها لك البسه هذا النوع لان علاجه أخذ منه حوالي الشهرين .
    وللأسف بالمحلات لم نعد نجد جينز الا عالموضة ورغم ذلك امتنعت عن الباسه له


  12. حبيتي محايدة زمان وعدتيني بصور السنافر وعد الحر شو ؟؟؟؟؟؟؟
    ههههههههه
    وهي الوردات لكل اللي باتحبيه يا ام قلب محب

  13. كيفك. هنا
    اقسم بالله مش عم أفضى انا نفسي افتح ال profile تشوف صوره الجديدة
    هيدي سبحان الله كان صعبة علي كتير أسهل الأشياء لم اقدر افعلها منها صور ابني بعد دخوله الوكالة على أساس انزلها هنا تتشوفيها .

  14. مسا الخير لكل الحلوين نها ..هنونة .. أمونة .. أريج …..محايدة …واخونا الطيب دلشاد ….إن شالله تكونوا بخير
    موضوع حلو شكراً نها …عجبوني تياب البنات أكتر فيه منهم ستايل بنتي لولو
    وكمان الصور والفيديوهات اللي حاطينها مهضومة يعطيكم العافية

  15. نور مرحبا بسلامك هي الصورة للكتكوتة لي فوق ولا ايه??!! هههههههههههه

  16. الله يسلمك أمونة ..لأ هالصورة مو لبنتي ..لولو صارت صبية عمرها 8 سنيين هلأ 🙂

  17. مرحبا أخت NOHA وشكرا على الموضوع والصور
    شخصيا مافهمتش علاقة اثيوبيا والمد الصهيوني بالموضوع …يمكن موضوع قديم فاتني
    المهم, الأطفال الي بالصور بالنسبة للموضة الحالية هم رائعين وأنيقين ولاكني لاحظت أن ملابس أطفال الجيل الحالي صارت ملابس كبار مصغرة فقط p: ههههههه هذا بالمقارنة مع جيلي القديم بما أني من أطفال التسعينات ,حيث كنا نرتدي ملابس تصميمها خاص بالأطفال ,لو أطفال اليوم شافو أطفال جيلي كانو شبعو علينا ضحك

  18. اكثر شي يعجبني ف ملابس الاطفال..الاطقم والملابس الرسميه ..تخلي شكله مرتب اكثر ..
    الصوره الثانيه اللي نزلتيها (فقرا كفر ذيبان ) اكثر من رااائعه ..
    يعطيك الف العافيه ..

  19. شكراً يا صبايا و لكل الإضافات صرت اعرف إذا بغيب في مين ينوب عني لأنكم أصدقاء بحق
    كتير حلوين الصور يا جنى يسلموا هالديات
    ب النسبة لمحايدة عملتي منيح ما اشتريتي جينز خصر واطي لأنو بشع بشع هالموديل و أكيد
    البنطلون الضيق أي بنطلون مؤذي للذكور
    مين يا نور توم البنات بيجننوا اما البنت إللي حاطه خيار على وجا لو بنتي بحبا و بعيط عليها
    بنفس الوقت هههههه
    يسلموا دياتك يا و أريج صراحة بعد ما فتحت الفيديو حتى أعطيكي رأيي

  20. Samia Algeria
    يا هلا فيكي يا ساميه
    موضوع سد النهضه الأثيوبي هو موضوع عم إكتبه على حلقات صار وقت إكتب عن التغلغل الصهيوني بالقارة الأفريقية كجزء تاني من موضوع السد
    لما إطلعت على الموضوع و شفت مدى تراجع العرب و المسلمين و غيابهم شبه الكامل عن القيام بأي دور
    شعرت بالإحباط و ما قدرت كفي البحث لذلك رجعت الى موضوع الأزياء المحبب لكل النساء

  21. يا هلا بأماني الأزياء هاي من تصميم :
    بول سميث هو مصمم إنجليزي صنع شهرته ونجاحه بعد تأسيسه خط خاص به للأزياء الذكورية. وهو اليوم من انجح المصممين في العالم المعروفين بلمستهم الخاصة جداً في مجال الاكسسوارات والملابس. عام 2000 وسمته الملكة إليزابيت بمرتبة فارس بعد ثلاثة عقود من تربعه على عرش ملابس الرجال.

  22. حلوين كثار الزغار
    انا احب الأطفال موت كان في بالي انزل صورة بسي لقيت صور كثار مشالله استمعت بيها
    شكرًا نها

  23. ما أجمل الطفولة تجد في ابتسامتهم البراءة وفي تعاملاتهم البساطة
    لا يحقدون ولا يحسدون وإن أصابهم مكروه لا يتذمرون

    يعيشون يومهم بيومهم بل ساعتهم بساعته لا يأخذهم التفكير ولا التخطيط لغد ولا يفكرون كيف سيكون وماذا سيعملون

    أحاسيسهم مرهفة واحاديثم مشوقة وتعاملاتهم محبة

    إن أساءت إليهم اليوم في الغد ينسون وبكلمة تستطيع أن تمحو تلك الإساءة ذلك لان قلوبهم بيضاء لا تحمل على احد

    وبتعاملك اللطيف معهم أعطوك كامل مشاعرهم حباً واحتراماً وتعلقاً

    صفات نعم طفولية ولكنها جميلة ورائعة والأروع من ذلك أن تكون فينا نحن الكبار فنكتسب منهم فن التعامل ونأخذ منهم نقاء القلب وصفاء النفس

    الطفولة صفحة بيضاء ، وحياة صفاء ثغر باسم وقلبِ نقيّوروح براءة

    الطفولة عالمٌ مُخمليّ ، مُزدانٌ بقلوبٍ كالدُر ، وأرواحٌ باذِخة الطُهر

    الطفولة شجرة نقاء وارِفة الظِلال ، وأغصان عفويّة تحمِل ثِمار القبول والمُتعة

    الطفولة ربيع وزهر ، وأكاليل ياسمين تتقلّد جيد الحياة فتكون زينة لها

    الطفولة قصّة حُلم ، وقصيدة أمل ، وخاطِرة عذوبة

    الطفولة حياة الروح ، وروح الحياة

    الطفولة أنفاسٌ عذبة وسحائب ماطِرة وأريج عبِق

  24. كتير حلويين الصور مذوقة يا نهى
    انا عندي مشاركة برأيي مبعرف اذا انتو او حدا شايف هيك شي انو البنات خاصة
    عم بيكبروها اكتر من عمرها بكتر الموضة بتلاقي بنت العشر سنوات حاملي جزدان وممنكرة اظافرها
    ولابسة لبس بيشبه الكبار كتير ومنهون بتحط لميع على الشفاف ومنهون صدقا بتسأل امها تشلا من شعر الحاجب وخاصة هالظاهرة عند الناس المتوسطة ماديا وما فوق يعني اغلب الناس
    وما بدي زيد بس والله حرام الطفولي حلوة تنعاش ببرائة الطفل …..أفضل اطفال بيكونو نضاف ولبسهون بسيط جدا احلا من موضات هالايام وتعاليمها ابني عمرو خمس سنيين ونص بيقلي امي بدي جزان عجنبي حط فيه صورتي ومصاري ههههههههههههههههه ضحكت

  25. فيفيان و سنشاين
    أنا سعيدة جداً للتأثير الجميل الذي تركه هذا الموضوع في نفوسكم المحبة للأطفال بالنسبة لي أجمل ما في الحياة الأطفال و الحيوانات و خصوصاً القطط
    سنشاين كتابتك رقيقة و جميلة مثلك

  26. معك حق وروود أنا لو مطرحك ما بعطي الولد هواه و بخبرو من البداية ان نحن هون ضيوف قد ما طولنا هون ضيوف بس طريقة حياتنا مختلفة و بخبرهن بشكل دائم عن سوريا و عادتها لأن شوي لقدام رح يطلبوا يعيشوا متل الأوروبيين و مش ذنبهن
    إذا بتلاحظي هالشي موجود بهالصور الى حد ما لكن دون ابتذال لكن الحواجب ما ممكن وافق لو عندي بنت

  27. البنت: إنت بتشرب سجاير ؟
    الولد: آه
    البنت: بتشرب كام علبة في اليوم؟
    الولد: إتنين، وساعات تلاته.
    البنت: سعر علبة السجاير كام؟
    الولد: حوالي 15 جنية
    البنت: وبقالك قد إيه بتشرب سجاير؟
    الولد: يووووه، بقالي 15 سنه
    البنت: 15 جنية للعلبة في تلات علب في 30 يوم .. يعني حوالي 1350 جنية في الشهر، يعني حوالي 16 ألف جنية في السنه، يعني حوالي 250 ألف جنية في التلات سنين

    إنت عارف إن بالفلوس دي كان مكن تشتري عربيه بي أم دبليو

    الولد: إنتى بتشربي سجاير؟
    البنت: لأ

    الولد: طب وفين البي ام دبليو بتاعتك بروح امك ا

  28. حبيبي ما احلى ما الطفل ما شاء الله يا نور يا ريت عندي 10 ولاد بس الحمدلله عندي وحيد نسيت قلك مسا الأنوار

  29. معك حق يا جنى بس مش المرا العاقله إللي بتحب جوزا بتاكلا بالنعله هههههههههههه أجلك يا جنى

  30. الله يخليلك ياه يا نها ويباركلك فيه وتشوفي ولاده كل واحد بياخد نصيبه ….أنا كمان بموت بالأولاد

  31. حسيت دغري إنك من النساء إللي بيغلب عليهن صفة الأمومة متلي و يمكن إنتي أكتر

  32. نها .. .. يمكن لأنه والدتي الله يرحمها توفت وتركتنا أنا وإخواتي الأربعة ..كان عندي 9 سنيين كنت حس حالي أني مسؤولة عنهم لأني الكبيرة
    لهيك يمكن الله عطاني طولة بال وتعلق أكتر بالأولاد وصفة الأمومة ظاهرة عندي أكتر شوي ..
    عن أذنك مضطرة روح سلامي الك

  33. معناها الحدس إللي عندي صحيح بتكوني تعبتي كتير بحياتك يا نور بتصور حجم المؤلية إللي كان عندك الله يخلى إخوتك و عيلتك الزغيرة
    مع السلامه يا نور الله معك

  34. مسا الخير نها …الله يسلمك حبيبتي ويخليلك ابنك وأهلك …الله سبحانه بيبلي وبعين والحمد لله على كل حال …عذراًمنك تأخرت بالرد عليكي

  35. شو هالنشاط يا نهى من السياسه للازياء عيني عليكي بارده،،هذه المره اللهم لا حسد ولا غيره ،،صباح الخير

  36. عندك صباح الخير عنا مسا الخير
    على أد ما نحكي بالسياسه نحن نساء بالدرجة الأولى

  37. الله يخليكي عزيزتي نها ..الحديث معك حلو ولا يمل منه
    بس اليوم انشغلت شوي بجية أبني عمورة من مصر لهيك دخلت شوي بالنهار وبسرعة طلعت وقلت هلأ لشوف الحبايب بنورت بعد ما خلصت مهماتي اليوم

  38. لكن صباح الخير بالليل
    استراحه حلوه انما قصيرة ما بيلحق الواحد يتهنى فيها ،،متل انفجارات لبنان ،يلي بين كل استراحه واستراحه انفجار

  39. اي دخيلك انا ما بحب الاشيا المعئده ،بدي اشيا خفيفة عالمعده وعالجيبه وعالوقت
    ،ويا ريت تبلشي بالمقالي 😉

  40. ههههههههههههه خفيفة عالمعدة و مش معقدة منبلش بالمتبل الباتنجان بحبه كتير و لا لبنه أحسن ههههههه

  41. درجه درجه يا ريت نبلش باللبنه ،،معليه حعذبك معي هه
    ما تنسيني بكرا بدي اطبخ لبنه ومعتمده عليكي ،اوك
    تصبحي والجميع على خير

  42. لا تاخذيني نها ما انتبهت والله انه الكلام إلي افتكرت عم تحكي مع سلمى …
    عملت كبة مقلية وشوربة عدس وشوية معجنات بيتزا وصفيحة ودجاج محشي وسلطة يعني خير الله

  43. الله أكبر ما في الأم و حنيتها و خصوصاً بالأكل إن شاء الله يا ريتو الهنا الله يخليلك ياه

  44. الله يهني قلبك يا نها ويخليلك أبنك وإن شالله الضحكة دايماً ما تفارقك ……البيبي بالصورة عم يعملها ومغمض عيونه حتى ما يتطرطش هههههه ولادي كانوا يعملوها بالحمام لما حطهم بالمغطس
    الله يحمي كل الأولاد

  45. لأ ولو معقول نايم …مشلحينه كل تيابه يمكن عم يغيروله لأنه فيه ولاد هيك أول ما بتفكيلها الحفوضة بتحس بالحرية ف بتعملها دغري هههههههههههههه

  46. وين الفيديو نها مو باين عندي شي ؟
    يلا رح أطلع هلأ وبشوفه بس أرجع بتكوني نزلتيه …يمكن نورت حاطته تحت التدقيق لسه !

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *