>

رسالة من طفلة سورية لأبيها :

جابوا جثة علي بيتنا … يعني واحد ميت .. هو صحيح بيشبهك ولابس نفس تيابك ..
بس … غرقان بالدم .. مو معقول شو بيشبهك يا بابا .. ما بتصدق .. بس أنت أحلى
منو بكتييييير .. أصلاً هو مو مبينة ملامح وجهه منيح .. بس أنا متأكدة إنو مو
أنت مستحيل تكون أنت …

أنا … أنا ما بكيت .. ضليت أتطلع فيهون وقلهم إنتو غلطانيين .. إنتو أكيد
مخربطين .. إجو الكل قرايبينا والجيران .. كان الكل عم يبكي وأنا قلهم وأنا عم
اضحك : لك شبكم هادا مو بابا !!!!

صاروا يقرأوا علي المعوذات ويضموني ويبكوا ..

بابا طيب بدي اسألك سؤال وبس لترجع بتجاوبني عليه .. هلأ اللي بيموت معقول
يتغير شكله هيك ويصير مو حلو قبل ما يروح لعند الله ويفوت عالجنة ؟؟؟ أكيد لأ
….

ملاحظة : آنستي شافت هي الرسالة كنت لسه ماشقيتها من الدفتر ضمتني وغرقتني
بالدموع …

بابا بصراحة خايفة كتير تكون أنت …

بس أنت حباب وبعمرك ما أذيت حدا أو تخانقت مع حدا حتى يأذيك بقى كيف لحتى يقتلك
ويعمل فيك هيك … ما بصدّق …

والله رح نصير أنا و أخي عاقلين منشان ما تضوج وتعصّب وتزعل منا … وخلص عنجد
وقت تجي تنام بعد الغدا ما حنطالع صوت أبداً … رح ننام معك …

بابا عم أستناك … كلنا عم نستناك …

هلأ أنت ولا يهمك إذا بدك تأخر شوي بس لازم تجي بالآخر …

إذا مو منشاني منشان ماما وأخي مشتاقينلك كتير كتير … وبتعرف شو كمان ….
منشان مايقولوا عني كذابة ….

باي بابا …

بنتك المشتاقة كتيـــر كتيـــر … لا تطوّل … بحبك بــابــا

مــــــــــــــــــــــــــــــنفول من موقع بقعة ضوء السوري

قريتا واثرت فيني كتير وحبيت انشرا

 




شارك برأيك

‫15 تعليق

  1. منقول للتصحيح ما منفول ههههههههه
    شكرا نورت
    وسلام للجميع

  2. سلام ندى /والله حرام شو ذنب هالبراءه .تتعيش محرومة من نعمة الوالد وايش مستقبل بقي لها والله ذنب هالملائكة الارض في رقاب المتجبرين في الارض.يا ويلكم من الله.(والله جرحتني كلمات هالبراءة).

    1. وين تهربي يا نهى والله باين عليه النكد يموت في اي شخص عربي هاربين ولا حقنا.
      عاد الواحد ينام موجوع ويصحى موجوع .لا اله الا الله محمد رسول الله

  3. والله الرسالة مؤثرة بزاف
    الله يكون في عون الشعب السوري
    شكرا ندى

  4. نهى ختي راكي تشوفي ما عندنا وين نهربو وين نروحو نكد .ينعل بو السياسه !!!!واش عاملا فينا…

  5. اختي كريمه
    متل ما خبرتك هونيك خدي حذرك لدي كتابة اي تعليق نورت تغيرت و فيها الكثير من الغرباء حتى لا تتعرضي لموقف مماثل تقبلي ملاحظتي بنفس سمحة تحيتي لك

  6. ***(لبنى)*** في يناير 7, 2012 12:58 م
    اهلاً لبنى مشتاقين
    ما بحب النكد تعبنا في لبنان من الهموم الى جانب هموم كل الإخوة العرب صار بدنا بروزك

  7. شكرا اختي العزيزه المراه ما عندها كلمه في هالوقت للاسف وين تروح يتالبوها /على كل حال ميرسي الك و نعيدها ربي يسترك ان شاء الله.

  8. لبنى حنونة الله تحشتك بزاف
    وينكم ياحباباتي تاع نورت والله تحشتكم بزاااااااااااف
    ايسا و سيلينا وبزاف بزاف الي غابو

  9. الله يعين الشعب السوري كلنا ضحايا نفاق وكذب وفي الاخر قتل وعنف وتبادل اتهامات وسط زوبعة اعلامية لا نستطيع الرؤية بوضوح بسببها

    1. والله مافي اكبر من نفاقك …..الاخوان والسلفيين والعرعور داعسين على داموغك

  10. لا حول ولا قوة الا بالله العلى العظيم.
    يارب عفوك ورضاك يارب… اللهم انصرهم وفك كربهم.
    مشكورة ندى ولو أن الرسالة مؤثرة.

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *