>

مرسلة من صديقة نورت koky.adel

نصرت دينك يا بطل
قتلت ناس عُزًّل كتير
ستات، شيوخ وكمان عيال
أزحت عنا خطر كبير
دي ناس بتقول الله محبة
والمحبة دي شيء خطير
اقتل بطرس واقتل مينا
اللي إخواتهم ماتوا في سينا
واللي ولادهم رقصوا في فرحك
واللي في ميّتم بيعزّينا
إقتل ماري وطنط تريزا
دول ناس مافيهومشي ولا ميزة
دايماً كده يبتسموا في وشك
ويقولوا أهلاً خطوة عزيزة
واقتل سامي ناجي نجيب
أصل الاسم صراحة مريب
يمكن يطلع واحد منهم
داقق على إيدو صليب
لينا رب اسمه الكريم
ها يجي يوم تعرض عليه
تقف أمامه ويسأل الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟”



شارك برأيك

‫18 تعليق

  1. ربنا يبارك فيك الي قولته ده حكمه ياريت الناس كلها تعمل بي يمكن يعرفو يردو يوم السؤال

  2. كوكي عادل ..
    شكرا لك لانك نقلت هذه الابيات الجميلة من شعر احمد فؤاد نجم ..
    انها ابيات جميلة يحكي الواقع الذي عاشته مصر بعد تفجير الكنيسة في الاسكندرية ..
    يارب احمي الجميع من اي هجمات ارهابية ..

  3. لم يعجبني صراحة لأنه يحمل إدانة غير مباشرة للمسلمين…..!!!
    ((نصرت دينك يا بطل
    قتلت ناس عُزًّل كتير)).. أيّ دين يقصد؟,هل يقصد دين الشاب الذي استشهد على يد قوات الامن عند التحقيق في الحادثة؟؟؟
    ((لينا رب اسمه الكريم
    ها يجي يوم تعرض عليه
    تقف أمامه ويسأل الشخص ده عملك إيه؟)) عــــفواً لكني اراها ابياتا تدين المسلمين

  4. صباح الخير ساميه صدقتي يرحم والديك هذا شعر نفاق
    ولسان حاله المسلميين من عملوها والإسلام بري من هذا الكل يعرف من دمر دول بأكملها وأمس فجرت كنيسه ومن قبلها مساجد فمن ورأ هذا !!!
    الغرب يدينا وهو حر ولكن لماذا تتبعهم حكومات منافقه
    نعم علي يد قوات الغير امن القاتله لرجل بالتحقيق ارضي للغير

  5. هلا ايمانوووو وساميه وسوزي عساكم بخير ان شالله
    أزول ايمانوووو

  6. قصيدة جميلة …… لا توجد بها اى اساءة لدين بقدر ما هى توعية لهؤلاء الخارجين عن الدين والعرف والتقاليد … الله يهدى الباقيين منهم

  7. شكرا لارائكم

    تعالوا نسامح وننسى جراحنا تعالوا ننور سواد الليالى

    تعالوا نقرب من الإنسانية وقلبى وقلوبكم من الحقد خالى

    تعالوا نمهد جسور المودة ونور المحبة فى طريقنا يلالى

    وقولوا لمادلين وماريا وأليس وقولوا لمريم بنورك تعالى

    وحطوا أيديكم على إيدين خديجة واشوف المحبة اللى عايشة فى خيالى

    إخواتى يا أقباط يا نور العنين يا غاليين حقيقى على المسلمين

    صلاتى وصلاتكم بتكمل بعيسى وعيسى ومحمد من المرسلين

    ومريم تجلت فى آية كريمة فى قرآن منزل وبيه مؤمنين

    وبينى وبينكم مودة وأخوة وإحنا لمصر الحبيبة جناحين

    تعالوا نزيح الشيطان من قلوبنا وننسى الوساوس فى دنيا ودين

    تعالوا معايا نوحد صفوفنا ونبعد بروحنا عن المجرمين

    تعالوا معايا إيديه فى إيديكم ونبقى بقلوبنا سوا مخلصين

    تعالوا عشان مصر تفرح معانا دا مصر حزينة بقالها سنين

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *