الصفحة الرئيسية زاوية القراء مشاركات منقولة من رضع من ثنايا الذل ٤٤ عاماً …

من رضع من ثنايا الذل ٤٤ عاماً …

بواسطة -
14 166

إلى من يهمه الأمر : قصة حقيقية تتكرر كل يوم بحلب

عتاب محمود: كلنا شركاء

” اليوم كنت بباص حلب الجديدة الخاص,,,,,

و زحمة كتير و الناس فوق بعضها و الشوفير ما بيحسن الا يوقف و يعبي اكتر و أكتر؟؟؟؟

كان في شلة شباب صغار,,,,, أخرتها لما وقف الباص عند كلية الاقتصاد تقريبا و ناس بدها تطلع من الباب الوراني الي اصلا مفتوح من الزحمة,,,,,

صاح واحد منهم “معلم لا بقى تطالع حدا مابقى في محل”,,,,,,,

اللي طالع سمعه (((مدري هو جيش مدري عسكري مدري شبيح)))) بس عكل هو لابس مدني,,,,

ما عجبته الجملة و أخدها إهانة شخصية و اشتغل القتل بالشب – الشب يمكن 15 سنة و ان كترت بكالوريا يعني صغير ومبين عليه ابن ناس وعالم ,طالب مدرسة يعني…..

– عينكم تشوف ابن الحرام شقد ضرب فيه و شقد صفقه كفوف على وجهه لحتى وجهه خنق والدمع نفر من عيونه,,,,,

و هو يقله أنا ما قلتلك شي أنا شو قلتلك,,,,,,

و الحقير يضربه أكتر و يشده بده يشحطه ياخده وين الله أعلم ,,,,

والولد متمسك بالحديد,,,,

انا ما قهرني غير شي واحد شي 20 رجال بالباص شواربهم أطول منهم ما طلع معهم غير يقولوا للحقير طول بالك صلي عالنبي,,,,,

وواحد يمكن قله ازرعها بدقني-يضرب بهالدقن- و هادا ولد و ما بعرف شو,,,,,

و الحقير مو رادد عليهم اصلا و نازل بالصبي لحتى أجوا من الحاجز أو المفرزة اللي كانوا واقف عندها الباص و نزلوا الي عبيضرب و بعد كم متر مجموعة الشباب الصغار نزلوا من الباص و حالتهم بتبكي الحجر,,,,,,

ما قهرني الولد على قد ما انزعجت عليه لانه درسه اخدوا مبكرا في الحياة انه ماله مستقبل بهالبلد كانسان,,,,,

قهرني الرجال اللي من حقها و كترة ما حسنوا يمسكولوا ايده لابن الحرام يردوه عن الولد؟؟؟؟؟

قهرني اني شفت العبودية بعيونهم الكسيرة قهرني انه ما حدا استرجى يفتح تمه و هنن الكترة؟؟؟؟

انقهرت و انقهرت و انقهرت و ضليت ابكي لوصلت لمكان مالي رايحة !!!”

(“من رضع من ثدي الذل دهراً … رأي في الحرية خراباً وشراً) محمود درويش

لم يبقى هذا النظام الطائفي النجس في هذا الوطن البائس الا بسبب ركاب ذاك الباص، لم تقل هذه الجملة عن عبث ، كما تكونوا ..
* – نفس الحادثة صادفتني منذ ٢٨ عام و الله لم اترك من حافظ الاسد حجر على حجر و أمام قوات أمنه

14 تعليق

ماذا تقول أنت؟

الرجاء, التأكد من الأطلاع على قواعد الكتابة في نورت قبل نشر تعليقك.

This site uses Akismet to reduce spam. Learn how your comment data is processed.