استقبل الإعلامي نيشان ديرهاروتيونيان في حلقة استثنائية أطلق عليها “قول يا ملك” الفنان جورج وسوف.

بعد مقدمة نيشان المميزة دخل ابو وديع برفقة نجله وديع وثار الجمهور صراخا وتصفيقا، من ثم حيا الجمهور وانحنى لهم وارسل لهم قبلة وقال “هلق بدي شوف كل اللي بيقلدوني كيف بمشي كيف رح امشي”، بإشارة الى انه دخل متكئاً على نجله بسبب اصابة رجله ويده.

من ثم أكد وسوف ان حالته الصحية تحسنت بفضل دعاء والديه، وأكد انه وفرقته اخوة، وقدم لوالديه أغنية “وحشتوني”، من ثم عرض نيشان تقريرا مصورا مع الوسوف في فترة العلاج بين لبنان وعدد من البلدان وكيف انتقل خبر وعكته الصحية عبر وسائل الإعلام.

وعلق وسوف الذي انصت ملياً للتقرير بقوله “استفقاد الله رحمة، كنت عم اكول ساندويش فلافل وكنت عم امزح مع اصدقائي وواحد منهم موجود معنا الليلة “ابو ابراهيم”، وانا وعم اكل السندويش قلت لأبو ابراهيم ايدي عم توجعني وطلبت يجيبولي حكيم، وقشطت ورحت عالمستشفى”، ورفضت ان اذهب الى المستشفى “قبل ما يغيرولي تيابي ورحت عالمستشفى، وقبل ما اوصل ما عدت وعيت بشي”.

ووجه تحية للرئيس السوري بشار الأسد وشقيقة ماهر الأسد لوقوفهم الى جانبه “ما عندي عداوة مع اي بلد عربي، وما بحب ادخل بالسياسة، وانا بلدي الاول سوريا وبلدي التاني ودمي لبنان”.

وأضاف انه انتقل من المستشفى الشامي الى مستشفى الجامعة الأميركية في لبنان “وما بذكر شي من اول 3 اشهر علاج”، وبقدم اعتذاري اذا غلطت بشي كلمة، ووعيت ببحنس، واوجه تحية الى كل من زارني وخاصة الممثل عادل إمام”، وما ان وصلت الى بحنس “قالوا لي ان نيشان أوصلني”.

وعن عتبه على نيشان بأنه حصل على مقابلة معه بعد وعكته الصحية، قال ابو وديع “انا جيت اليوم طمن العالم وانا مرتاح وايدي بعد بدها شغل”، واشار الى انه انتقل الى السويد مع شخص يحبه اسمه “زوزو”، وبقي الى جانبه سنة “ودقيت اسمو على ضهري هو والدكتور فلاديمير”. وابدى عتبه على صحافي كتب انه ذهب الى قطر وحصل على اموال من مشايخ قطريين وتزوج امرأة ثانية “وما بيعرف انو مرتي ام ولادي مسلمة سنية ومتزوجها بالمحكمة الجعفرية وبالكنيسة ومتزوجها مدني، وانا عمري ما قبضت من الشيوخ، واللي عملي فيزا على قطر ابني وديع، واستأجرت بيت واشتريت سيارة من حساب ابني، وما حدا الو فضل عليي بفرنك”.

وسوف اشار الى انه يرتل ويؤذن و”غنيت اسماء الله الحسني والدين معاملة”، مؤكدا انه وشم على يده صورة السيدة العذراء وصورة ابنه وديع واسماء اولاده، ورفض الترتيل في الحلقة وقال “انا حر”، وقدم أغنية “الصبر طيب”، وقال “انا والله جيت اليوم تقول للعالم اني بعدني بقدر غني”.وبعد انتهاء وسوف من الغناء دخل رجل من الجمهور الى الاستديو فهرع رجال الامن واخرجوه فقال “ما حدا يحكيه”، فطلب الرجل قبلة منه، وقال الوسوف “هاي بوسة ولا مجة ممازحاً”.

وسوف كشف انه تعلم درساً مهماً من وعكته الصحية وقال بعده “كل شي بيجي من الله بقولو الحمد لله”، مشددا انه لم يحبط طيلة فترة علاجه، وقال انه لا يعتبر نفسه اسطورة بل ان بقاءه على قيد الحياة مرتبط بأرشيفه الحي “صرلي 40 سنة عم اشتغل واكتشفت اني عامل ارشيف قوي من سنتين وكل ما اسمع اغنياتي بقول شو هالإبن الحرام صوتو حلو”.

وردا على تعليق نيشان ان اولاده رافقوه في وعكته قال وسوف “مش كلون”، مشددا على انه سيورث ابناءه اسمه “جورج وسوف”، وعن زوجته وغيابها عن الإعلام قال “ما عنا نسوان تطلع على الإعلام هيدي ما بتظبط معنا ولا مع والدي وأمي” وقدم أغنية “جرحونا”.

نيشان كشف ان وسوف وضع في منزله 3 صور له الى حانب الرئيس السوري بشار الأسد والى جانب السيد حسن نصر الله وصورة البابا يوحنا بولس الثاني “بشار الأسد رئيس وتاج راسي شئت ام أبيت، والسيد حسن نصر الله رفع راسنا بحرب تموز، وما في سياسي في لبنان الا وهو صديقي، وفي منهم بيحترموا شعوري وخياري وموقفي، وانا غنيت بعرس الدكتور سمير جعجع، وسعد الحريري خي وغالي وحبيبي، والجنرال عون جاري وحبيبي وعلى راسي، والاستاذ نبيه بري حبيب قلبي، ووليد بيك على راسي، وسليمان فرنجية صديق وغالي وزرته وما عندي شي ضد حدا. وشدد على علاقته القوية مع الرئيس امين الجميل والنائب سامي الجميل”.

واشار الى ان الفنان الأصيل عليه ان يعلن انتماءه لبلده “وفي كتير فنانين سوريين خبصو وهني حقون فرنكين”، وعن الثوار السوريين قال “ما في سوري بيقتل سوري، الدكتور بشار بسوريا انا زرتو من سنة ونص وهو حنون وقلبو طيب وما بحب الدم وانسان متعلم، ومنو مجرم بشار الاسد”.

وفي شق الإنتخابات اشار الى انه صوت للنائب سامي الجميل “انا نفوسي بالمتن، واذا ترشحت بالضاحية بخود اصوات اكتر من الكل”، وعن الربيع العربي قال “اتمنى على العرب ان يحبوا بعضهم”، وقدم أغنية “بستنى باليوم واليومين”.

وعن علاقته المميزة بوالديه قال وسوف “ما الي حدا بهل الدنيي الا امي وبيي وولادي والناس اللي بحبوني”، وعن الخيانات اشار الى ان طبعه سموح “وما عندي شي بقلبي”، وعن قريته كفرون اشار الى انهم استقبلوه “بالطبل والزمر وانا خلقت وكبرت بحمص”.

“الست فيروز الكبيرة الغالية” هكذا ينادي السيدة فيروز، متحدثا عن زيارته لها مع السيد يوسف حرب “زرناها وانبسطت كتير، وما في احلى منها وحكينا فن عن زياد، وزياد من اهم ما خلفو الرحابنة وانا كنت انزل بالسبعينات مع ناجي جبر لأحضرو، وهو فنان عظيم ما الو وصف ويا ريت صور اعمالو القديمة”.وأكد انه يعشق ألحان فيلمون وهبي “من اعظم من لحن للسيدة فيروز اسوارة العروس”، ثم قدم اغنية “اسوارة العروس”، وعن علاقته بالصحافة اشار الى انه مبتعد عن الصحافة “شو بدون يكتبو بس يخدوا مني حديث لأ”.

ووجه وسوف تحية لنيشان ولتلفزيون الجديد والحياة المصري، وقال “حلو عني هلق هلكت عالكرسي”، فاضطر نيشان ان يأخذ فاصلا.

اما فيما يتعلق ببرامج المواهب وردا على سؤال هل تريد ان تكون عضو في لجنة تحكيم قال “عضو بدك ياني كون عضو؟؟ عيب عليك وهي برامج تجارية وما طلع منها نجم، واستديو الفن هو الوحيد اللي طلع نجوم، غنوا وقدموا فن بس ما تحكمو”.وعن مشاركة الفنانة هيفا وهبي في لجان التحكيم قال “هيفا عندها لجنة؟؟ هيفا الله معها لأنها انسانة طيبة كريمة وقلبها على اهلها، وهي ست حلوة وبترقص حلو وما عم بتدعي انها ليلى مراد”.

اما عن اعماله الجديدة اشار الى ان اول حفلة له ستكون في لبنان، وتشكر فرقته والمخرج طوني قهوجي وطوني سمعان وختم “حلو عني تعبت”.

شارك برأيك

‫15 تعليق

  1. كل عمرك عايش بلبنان ..غنيت انشهرت وكبرت بلبنان ..
    ومين ما كان يسالك تقول لبناني ..رغم معرفتنا انك من سوريا ..
    كنت من الاول قول وما تتنكر لاصلك ..

  2. أنعم وأكرم جامع المصايب كلها …تحشيش على سكر وعربدة وملاهي وحاطط صورتين لأكابر المجرمين بشارون ودجال المقاومة وعم يمدح فيهم الله يجمعه معهم بالأخرة … السنيورة مرته كيف مسلمة ومتزوجة من مسيحي على أي دين بالله ؟
    بلو حياتي …صحيح كلامك طول عمره بيقول عن حاله لبناني دخيل قلبكم خدوه ما حدا بده ياه …. بيكفينا المصايب اللي عنا

  3. نور ما لقيتي إلا الوسوف ونحنى ما بدنا ياه كمان .. مش ناقصنا مع كل الي ذكرتيهم هههههه
    بدي إستاذن منك طالعه نشوفك بخير يا رب ..

  4. ما لقيتي إلا الوسوف ما بدنا بكفينا اللي عنا ..مع كل اللي ذكرتيهم
    كتبت لك تعليق ما بعرف إذا لح ينزل بدي إستاذن منك بشوفك على خير

  5. انتوا ما بدكم ياه ونحن ما بدنا ياه معناها مافيه غير الله يحلها من عنده ههههه
    الله معك حبيبة قلبي …نشوفك على خير

  6. مرحبا أختي نور كيف الحال وكيف الأهل ؟ .. اليوم تعليقاتي ما عم تنزل انتي كمان هيك ؟

  7. كيف الحال أخ مامون و كل الموجودين، اتمنى أن تكونوا بخير ،،،
    أختى نور**
    هو فين الأخ دلشاد ؟ مش شايفه ظاهر من ساعة ما رجعت ؟! لو قابلتيه سلميلى عليه !
    آه ما بينا إختلافات فى الآراء ولكن يظل صديق مُناكف 🙂

  8. هلا وغلا بأخي العزيز مأمون …كيفك خيو وكيف احوالكم إن شالله بخير …نحن الحمد لله والأهل ماشي الحال اوضاعهم من سيء لأسوأ …من قلة أمان لعصابات خطف للغلا لقطع كهربا ومي وعلى قولة أختي لو يصحلهم يقطعوا عنهم الهوا ما بيقصروا الله يفرجها من عنده عن قريب …كم تعليق ما نزلوا بسرعة بس بعدين صاروا ينزلوا عادي ….لتكون عامل شي مشكلة لهيك عم يفحصوا تعليقاتك قبل ما تنزل 🙂

  9. أخي فيب ..دلشاد متل ما سمعت مقاطع نورت بعد ما صار فيه مشكلة لهيك ما عاد بين ولا ظهر …على كل حال ولا يهمك إذا شفته ببلغه سلامك …ومتل ما قلت هو مشاكس صحيح لكن ما فيه أطيب من قلبه
    سلامي له ….خيو دلشاد أظهر وبان عليك الأمان

  10. يوووووووو، هو كل يومين يقاطع و يرجع !
    ياعم دلشاد كبر دماغك بقى من الحركات دى! ياسيدى نورت مش ملك حد علشان من مجرد لما حد يزعجك برأى أو بخلاف تقوم لامم هدومك و معزل !
    كبر دماغك و ما تشغلش بالك باللى يهاجمك و إرجع تانى علشان أنا عاوز أهاجمك 🙂

  11. مرحبا أخي فيب كيف حالك ..؟ الحال من بعضه والله يا اختي نور بس عنا زيادة قصف وطيران ..الله يفرجها علينا ويرحمنا برحمته

    1. أخي مأمون …الله يفرجها عليكم و على كل السوريين عن قريب ويتلطف فيكم يارب
      وينتقم من بشارون وعصابته إنتقام عزيز جبار يا الله شو نكب السوريين الله ينكبه على عيونه

  12. احلا ابو وديع
    يا ربي الله يعينكم على ما ا بتلاكم عندكن زياده قصف وطيران عمى عا هل حظ يلي عليك ما عم يصيبك ولا شظيه حتى ههههههههههههههههههههههههههههههه

  13. الله يحمك ويطول بعمرك, ويقصّر بعمر كارهيك الاهي,
    انسان مبدئي عا طول الخط

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *