شن الفنان ” حسن يوسف ” هجوما على مهرجان القاهرة السينمائي الدولي والقائمين عليه بسبب عدم دعوته لحضور المهرجان وفعالياته على الرغم من تواجد أشخاص غير معروفين على السجادة الحمراء .

فقال في تصريحات صحفية له : ” حقيقي مش فاهم محدش بيعزمنى من مهرجان القاهرة خالص رغم إننا بنشوف ناس مش معروفة على الريد كاربت .. الأمر ده مثير للدهشة جدا والسؤال ده محتاج يتسئل لإدارة المهرجان ” .

وتابع : ”  ده حتى مش بيدعونى كمتفرج، مش لازم يكرموني حتى متفرج مبيحصلش رغم إنهم لو دعوني هرحب جدا زى ما عملت مهرجانات خارج مصر وروحت ورحبت بالأمر وحضرت الأفلام ” .

وأكد الفنان حسن يوسف أنه لم يتابع فعاليات المهرجان لهذا العام والذي اختتم منذ أيام وعلق على ذلك قائلا : ” ما دام هما مش مهتمين أنا كمان مش ههتم ومش هعطيهم من خبرتي وعايز اقولهم ربنا يوفقكم بقي ” .

كما أعرب عن شكره وامتنانه لجمهوره ومحبيه الذين دائما ما يسألون ويدافعون عنه ويتسائلون عن سبب عدم تواجده في المهرجانات وقال : ” كتر خير الناس والله اللى بتسأل عني ” .

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *