يقول “أرسطو” تكلم حتى أراك.. وهي تعني أن الإنسان ليس في الملامح الشكلية ولكن فيما يخرج من لسانه.. وللمسيح عليه السلام كلمة رائعة تؤكد أنه لا يهم ما يدخل إلى الفم.. الأهم ما يخرج من الفم.

أحدثكم عن صاحبة ملامح جميلة وفم أجمل وصوت لا يمكن سوى أن تستوقفك نبراته وعذوبته.. إنها “نجوى كرم” الفنانة اللبنانية تابعتها في أكثر من حوار وهم يسألونها لماذا لا تغني باللهجة المصرية، قالت “أنا لبنانية ونجمة في بلدي ولا أجيد اللهجة المصرية.. هناك لبنانيات يجدن اللهجة المصرية ولكني لا أستطيعnajwaelissa“.

وعندما يكررون عليها السؤال مرة أخرى مع إضافة في المستقبل هل من الممكن أن تغني باللهجة المصرية؟ تؤكد قائلة بحدة كنت واضحة في إجابتي.. فيقولون لها والجمهور المصري هل تضحين به؟ تجيب هناك أيضا من يحب اللهجة اللبنانية في مصر.. بالطبع فأنا أقدر الفنان الذي يعتز ببلده وبلهجة بلده، ولكني في نفس الوقت أرى أن الاعتزاز بالبلد وباللهجة لا يعني خيانة وطنية لو غنى المطرب بلهجة أخرى.

مثلا “عبد الحليم حافظ” غنى خليجي وباللهجة الكويتية وألحان خليجية في ثلاث أغنيات أشهرها “يا هلى”، وتقبله المصريون مثل أهل الخليج في هذا اللون.. “أنغام” لها أكثر من شريط وأسطوانات C.D باللهجة الخليجية، ولم نعتبر ذلك خيانة لمصريتها.

فيروز” لم تغنِ باللهجة المصرية إلا عندما أعاد الأخوان “رحباني” عاصي ومنصور بعض أغنيات “سيد درويش” التي كتبها “بديع خيري” مثل “طلعت يا محلى نورها”، “زروني كل سنة مرة” وغيرهما، وكذلك عندما أعادت غناء “خايف أقول اللي في قلبي” لمحمد عبد الوهاب.

ورغم ذلك فإن “فيروز” و”الرحبانية” لهم مشروع ولا يزال المشروع ممتدا مع “زياد” ابن “فيروز”، هذا المشروع مرتبط بالمذاق اللبناني وهو بالتأكيد لا يمكن اختصاره فقط في اللهجة.

سوف أفترض جدلا أن “نجوى كرم” حاولت أن تغني باللهجة المصرية ولم تستطع بينما أغلب المطربات اللبنانيات والسوريات والتونسيات والمغربيات نجحن في ذلك.. سأفترض ذلك.. كان من الممكن أن تنهي هذا الموقف بأسلوب أقل حدة ويحمل أيضا رغبة في محاولة ذلك في المستقبل.

المطربة “إليسا” لم تغنِ باللهجة الخليجية، سألوها.. قالت اللهجة الخليجية حلوة ومهضومة وأتمنى أن أجيدها ولكني لم أستطع ولم تصادر على المستقبل في أنها من الممكن أن تغني خليجي رغم أنها تغني باللهجة والألحان المصرية ولم تخشَ من حساسية السؤال عندما سألوها.. أنتِ لا تغنين باللهجة الخليجية وباللهجة والألحان المصرية تغنين؟ قالت إنها تريد أن تصل للجمهور المصري العريض.

لا أريد من الفنان أن يعلن موقفا ضد قناعاته ولا بضرورة أن يغني بلهجة غير لهجة بلده، ولكني في نفس الوقت أطالب “نجوى” بأن تتعلم الدرس من “إليسا” وأن تجيد اختيار كلماتها، لا أعني أن تكذب أو تتجمل ولكن بعض اللباقة واللياقة مطلوبة.. نعم تكلم حتى أراك.. !

شارك الخبر:

شارك برأيك

‫16 تعليق

  1. تقبر البي اليسا

    اي يا ملكة اليسا علميييييييييييهم كيف الغناء وخليهن يعرفو الدرس منيح

    انا كتير بحب نجوى بس بعتقد انه ما بتعرف اللهجة المصرية شوي ما بتتصدق لانه الولاد الصغار بيغنوا مصري وخليجي كمان؟؟!!

    فمعقولة فنانة بحجمك يا نجوى ما بتقدر تغني مصري واللي هي تعتبر من اسهل اللهجات فلا تتعبي حالك وتقولي ما بتعرفي اللهجة قولي مابدك وخلصنا ما في داعي للتبرير وانه ما بتتقنيها لانه عزر اقبح من ذنب

    اليسا ما غنت الخليجي لانه صح ما بتعرف اللهجة منيح وهي اوقات بيطلبو منها تغني خليجي بتقلهن انا ما بلاقي حالي باللهجة الخليجية وصعبة عليها
    وبين هالشي لما غنت هالعيون لراشد صح طلعت حلوة بس بين ضغف اللهجة عندها

    اما نجوى في مقابلات بتغني مصري وعين الله عليها بس هي خلص من الاخير تقول ما بدها وخلص ما في داعي لكل هالحكي

  2. اجمل لهجة هي اللهجة المصرية.
    بس القصة قصة مبداء لا خيانة و لا شي حلو الواحد يغني بغير لهجتو بس مرة , مرتين تلات,ة بس مش كلو مصري و لا كلو خليجي عبد الحليم غنى مرتين بغير لهجتو وهيك فيروز. بس في فنانين لبنانيين منتمنى نسمعهلهم غنية باللبناني. بحس اللي بيغني بغير لهجتو ليوصل للجماهير بحسو وصولي. فيروز وصلت للجمهور المصري باللهجة اللبنانية وام كلثوم وصلت باللهجة المصرية لكل العالم العربي.
    بتمنى اسمع نجوى بتغني بالمصري بس ما بنتقدها اذا هي ما بدها او مش مقتنعه او ما ما بتعرف.
    القاعدة انو الواحد يغني بلهجتو والاضافة انو يغني بلهجات التانيين ولحتى نشوف الفنانين المصرين بيغنواللبناني الكل لازم يسحب انتقاده لنجوى.
    واخيرا لما لكاتب تحكي عن درس من فنانة لفنانة لول فيروز بتعطي درس لنجوى او صباح او سميرة توفيق او ميشلين خليفة بس نصيحة ما تقول اليسا لانك بهيك قللت من قيمة نصيحتك لانو مغنيات الشراشف مستحيل يكونو قدوة للفنانان المحترمات بشي.

  3. معك حق سوزان انا بحب اسمع لأصالة بس أصالة ماعادت غنت الا خليجي حتى مصري مامنسمع بالبومها الا اغنية او اتنين انا بحب اسمع خليجي بس من المطربين الخليجيين يعني ماراح بتكون اصالة تعرف تغني بلهجتهم متلهم ومتل ماقالت سوزان مو غلط مرة او مرتين بس المهم يوصل لقلوب العالم بجودة فنه وبلهجته هي الشطارة متل المطربين الجزائريين يلي وصلوا الراب للعالمية بلهجتهم

  4. أختي سوزان معك حق

    بس زعجبتيني بشغلة وقت قلتي مطربات الشراشف!!!

    اليسا براي ما غلطت وهي بالنهاية انسانة وما في حدا ما بيغلط مع انه انا بعتبر انه كليب اليسا كان عادي وما في شي غلط تبع بدي دوب وهي حرة متل مو نجوى حرة انها ما تغني مصري

    وازا انتو معارضين على الشرشف اللي صرله 9 سنين ولو؟؟؟؟ كليبها ما بيطلع شي قدام اللي عم نشوفو هلأ وين بانيو الحليب تبع ماريا ولا مايو هيفا ولا رقص دانا ونانا ودومنيك الخ الخ الى مالنهاية من الاسماء؟؟؟؟؟؟؟ وهي من بدي دوب وبعده مشت على خط مستقيم بالكليبات والاغاني ليش في حدا ما بيسمع اليسا؟؟؟ وما بحب يشوف جديد اليسا؟؟؟؟ بعتقد اللي بحبها واللي ما بيحبا بيعترف انه بيسمع اليسا وانا متأكد 100000%

    ولا تنسي انه انت عم تحكي عن اليسا وتحت اسم اليسا 10000 خط لانه هالنجمة وصل صداها للعالم وهي تعتبر فنانة عالمية وازا مو مصدقة بيكفي جوائز الميوزك اوورد العالمية اللي اخدتها الى جانب نجوم عالميين متل بيونسي وبريتني وانها انزكرت برواية بريطانية عالمية لكاتب مشهور واسم الرواية Death Comes for the Fat Man الصفحة 93 ازا حابة تتأكدي يعني وهاد ما بيدل على العالمية!!! وبيكفي انه لجنة الفيفا اختارت اليسا لتكون بافتتاح كأس العالم 2010 الى جانب نجوم عالمية متل ريكي مارتن وبيونسي وشاكيرا يمكن وقالت انه عملت احصاء ولقت انه اليسا الاكتر شهرة وانتشارا بالوطن العربي هل هاد الشي كله وهم ومحض خيال؟؟؟؟؟!!!!!!

    مو بس بيدل على العالمية بيدل على انه هي الاقوى عالساحة العربية وما في داعي نضحك على بعضنا ونقول غير هالحكي واكيد انا ما عم احكي هالحكي لانه بحبها بس لانه الحقيقة لازم تنقال ولا خلص نحن دايما متعودين على اخفاء الحقيقة والتكتم ونعادي الناجحين؟؟؟؟؟؟

    وانا قلت وجهة نظري بالنهاية وانا ما فيني اجبرك على وجهة نظري وكل واحد وحر برأيه

    وشكرررررررا

  5. يا ابني ما كان شرسف كانو اتنين وهيدا اولا.
    ولنقول غلطة لا مش غلطة لانها لحد هلاء ما بتعمل كليب بدون ما تبين الشو اسمو
    تانيا اي واذا اليسا مين اليسا و شو ليسا وكيف وايمتى و ليش بشو بتتميزبقصد لما نقول نجوى يعنى فن يعني شموخ ودلعونا وميجانا واغنية الجمهور بيحب يسمع نجوى بس لما نقول اليسا منقول صوت عذب وشو اسمو الناس بتحب تسمعها وتشوفها وفهمت عليي انتا.
    اما تالتا فهو العالمية انا بعدني ما سمعتها علراديو السوبدي ولا عالراديو الفرنسي وما تقلي جوائز يوسف شاهين كانت افلامو تاخد جوايز و الناس تحضرها و ما تفهم شي.
    رابعا المايوه والبانيو ومدري شو هول اجو بعد شراشيف الليسا يعني افتتاحية كانت هي

  6. انا بحب الاتنين…اليسا و تاج راسي الست نجوى كرم بس ولو يا عمي!!! ما فيك تقللي انو اليسا نجمة اكبر من نجوى كرم…طيب انا بتفق معك انو اليسا وصلت للعالمية و انا ما عم شكك ابدا بمصداقية الجوائز العالمية اللي ربحتها…بس انت ما فيك تقرر مين احسن من مين بنسبة المبيعات!!! نحنا هلأ بزمن الانترنت يعني لو بدي اسمع اي غنية لنجوى او اليسا بروح و حملها من الانترنت بخمس دقايق بلا من انو اشتري الالبوم!!! فمبيعات الالبوم هو اشي نسبي و لو منك مقتنع…بحب ذكرك انو شركة روتانا اللي بتنتج اعمال الفنانتين اعلنت بمطلع سنة ال2009 انو الست نجوى كرم احتلت المركز الاول بمبيعات الالبومز بشركة روتانا…يعني مبيعات اكتر من اهم فنانين روتانا مثل عمرو دياب و اليسا و محمد عبدو و غيرن من الفنانين اللي عندن قيمتن الفنية…بس للأسف نانسي عجرم (مع حبي و احترامي لها) فازت بالجائزة و هي مبيعاتها مزبوط كانت اعلى من نجوى كرم بس كانت بغير شركة…يعني مش بروتانا!!! هيدي اول نقطة حبيت اني وضحها…تاني شي…الست نجوى معروفة بالوسط الفني ( و انا من متتبعين هيدا الوسط بشكل كبير جداً) بأخلاقها و كرمها و حبها لجمهورها يعني ابدا ما راح تتجرأ انو تهين شعب او تجرح بهيدا الشعب…و هي شو قالت؟؟؟ قالت انها ما بتجيد تغني بلهجة غير اللبنانية بالرغم انا ببرنامج دندنة غنت غنية الف ليلة و ليلة للست ام كلتوم و قالت قبل ما تغنيها “بدي اعتذر للست ام كلتوم و هي بترابها” (يعني شوف الاخلاق) و غنتها كمان ببرنامج “قناة خمس نجوم” و كانت بالمناسبتين غنت الاغنية بصوت حلو و جميل و بالقوة المعتادة بصوت الست نجوى كرم بس كانت عم تغلط باللهجة لأنها صعبة عليها!!! يعني ان دل على شيء…بدل على صحة كلامها عن عدم مقدرتها بالغناء بغير اللهجة اللبنانية و هيدا مش عيب…غير انو هي قالت ببرنامج x factor انو هي بتموت عل الاغاني المصرية و الخليجية بس ما بتقدر تلكن اللهجة… و بأكثر من مقابلة اعربت عن حبها و تقديرها للشعب المصري و حبها لغيرة الشعب المصري عن وطنه و هي بدورها تغار على لبنان و زحلة و التراث اللبناني و الزحلاوي بالذات و هي كمان غنت للخليج او للكويت بالذات بغنية “كويتي عربي”…تقدر تقلي كم غنية وطنية او جبلية او تراثية لبنانية غنتها الفنانة القديرة اليسا؟؟ هي حتى بألبوماتها الغنيات المصرية بتكون اكتر من اللبنانية و اللي هو مش عيب بس انا بوجهة نظري بشوف انو لو تكتر اللبناني و تقلل المصري بألبوماتها بكون احسن….و ثالث شي بدي قوله انو عيب نقول او ننصح فنانة مخضرمة و صار لها 21 سنة بالساحة الفنية انو تتعلم من فنانة محترفة بس ما صار لها اكتر من 10 سنين كفنانة معروفة بالعالم العربي ( كانت بتغني من قبل 10 سنين بس ما حدا كان بيعرفها كتير) و لو بدنا ننصح الست نجوى منقلها تقتدي مثلا بالفنانات اللي بكونوا بمثابة مدرسة موسيقية بالنسبة لألها متل الست فيروز او الشحرورة صباح او سميرة توفيق او غيرن من نجمات العصر الذهبي بلبنان!!! و بالنهاية بحب وضح انو انا بحترم الفنانتين و بحبن و بعشق صوتن بس انا عم وصل وجهة نظري بالموضوع!

  7. اخي صالح انا معك ولا غبار عاللي حكيتو
    انت عم تحكي بمطلع ال 2009 النجمة نجوى اكتر مبيعا من اليسا وعمر ليش اليسا كان عندها البوم؟؟؟؟ وعمر صرلو سنتين ونص ما نزل البوم يعني نزل شي مية البوم بعدو و لسا البوم اليسا الجديد اخر هالسنة رح ينزل
    والبوم ايامي بيك واللي هو اخر البوم لاليسا كان باخر ال 2007 يعني صرلو تقريبا سنتين فشي طبيعي انه اي البوم جديد بينزل بعجو بفترة حيحتل المراتب الاولى وبحب ذكرك يا اخي العزيز اليسا اتاخرت بطرح البومها الجديد لانه البوم ايامي بيك لهلا بالتوب 20 لاكتر الالبومات مبيعا يعني بتنزل البومها جديد بعد وبيكون في البومين لالها بالتوب فشي مو طبيعي ورائع وفيك تسأل محلات الفيرجن واللي هي اكبر دليل على قوة مبيعات اليسا وعندي ادلة من الفيرجن بتدل انه اليسا ضلت بالتوب 1 للمبيعات من اول ما نزل البومها باخر2007 3 اشهر يعني ضلت لشهر تنين من ال 2008 وغلبت البوم نوال الزعبي اللي نزل بفبراير ومروان خوري وما كانت مصورة ولا كليب يعني ما كانت داعمة الالبوم وهيك حقق نجاح مبهر لكن لو داعمتو اديش ضلت بالتوب؟؟؟
    ولما صورت بتمون كانت بالمرتبة تقريبا ال 4 بالمبيعات بعد تقريبا 6 او 7 اشهر من طرح الالبوم اتخيل يعني ولما بلش عرض الغنية واللي كانت افضل اغنية عربية لل 2008 واخدت عليها جائرة الموركس دور لسنة ال 2008 رجع للتوب 1 بالمبيعات ل 3 اسابيع وكانت الاحق بجائزة الموسيقى العالمية لل 2008 للمرة التالتة بس المشكلة روتانا قاطعت الجائزة وما بعتت قائمة المبيعات واللي كانت اليسا على راس قائمتها
    وسالم الهندي مدير شركة روتانا قال لما جددت اليسا العقد مع روتانا سألوه الصحافة عن الجايزة قال لو عاطين الارقام للجنة كانت اليسا اخدت الجايزة فما معقولة مدير وبشركة كتير معروفة يكزب وبعجين هيك بيزعل فنانين غير من الشركة صح ولا لا؟؟؟
    وانا ما عم احكي شي من عندي كله مثبت بالصور وقدرت تتحدى البومات نجوى اللي كانت منزلتو بالصيف والبوم اصالة وكاظم الساهر
    وبحب قلك انه البوم نجوى هلأ خليني شوفك نزل تقريبا بشهر 6 هلأ هو بالمرتبة ال 9 يعني تخيل بعد شهرين بس رجع فجأة للمرتبة التاسعة فانتظر شهر بتكون طلعت من التوب لانه قبلها في البوم تامر وعمر وانغام وشيرين واحمد الشريف وهشام عباس ومين كمان والله نسيت ولسا في فنانين ما نزلو متل نوال الزغبي يعني انا والله ما عم قلل من قيمة الست نجوى هي نجمة كبيرة وانا كتير كتير بحبها واصلا هي كانت فنانتي المفضلة قبل اليسا وحتى متصور معها وعاطيتني بوسة ههههههههههه
    بس لما شفت اليسا قلبي دقلها من وقت غنية عيشالك
    اما بالنسبة للغنية الوطنية اليسا قالت ما بتلاقي حالها بالغنية الوطنية ولا التراثية لانه خامة صوت اليسا ما بتسمحلها يعني اتخيل اليسا عم تغني موال
    اكيد ما بيظبط لانه صوتها ناعم ورقيق وغير عن كل الاصوات الموجودة عالساحة
    بعدين حبيبي لا تستهون بالشعب المصري 75 مليون يعني ما بيستهان فيه ابدا اما الشعب البناني الشقيق 4 مليون يعني شوف الفرق وبعدين هي عم تعطي كل لهجة حقها بالبومها كان فيه 4 اغاني لبنانية و7 مصرية يعني هي بتعرف شغلها واللي برايي هي الوحيدة اللي بتعرف تنقي اغانيها بدقة وعناية وهلأ جيب كل البومها ما رح تقدر تقلي في غنية مو حلوة كلهن حلوين وكلهن حبوهن العالم ولهلأ عم ينطلبو بكثافة على الراديو عنا بسوريا الاغاني الجديدة والقديمة
    الست نجوى البومها الاخير صراحة ما عجبني غير غنيتين الله يشغلو بالو وخليني شوفك اما الباقيين فيعني بدك تعزرني متل حرامي وايدك هدول الاغاني ما تعودنا نسمعها من نجوى بعتبر هدول اغاني لفنانات مراهقات شو حرامي وعندك شخصية وما بعرف شو
    جيب البوم عم بمزح معك والبوم خليني شوفك مين الافضل؟ اكيد البوم عم بمزح معك لانه عن جد البوم رائع وطول الوقت كنت عم اسمعو هو والبوم اليسا هديك السنة من رائعة امنت قلبي لرومنسية ما بخبي عليك لهضامة عم بمزح معك لنوصل لشبابية تعا خبيك صح ولا انا غلطان
    بتمنى نرد نرجع نسمع من الست نجوى اغاني متل هديك السنة واللي قبلها واللي قبلها لانه والله انصدمت وقت سمعت البوم خليي شوفك معقول ما في غير غنيتين حلوين ومو بس راي في ناس كتير بعرفهن قالولي انه الالبوم مو بمستوى هديك السنة بس بتضل الست نجوى تاربخ فني لا ينمحى ولا ينتسى
    حكيت كتير وبعرف انك مليت بس عم وضح كل نقطة حكيتها اخي

  8. وبحب قول لاختي سوزان
    اليسا خلال فترة قياسية وصلت للعالمية ووقفت على اكبر المسارح
    اليسا اسم انكتب من دهب اليسا قدرت تحقق اللي ما قدر يحققو اللي صرلو عمر بالفن اليسا لسا مشوارها طويل
    كل اللي التلك اياهن ما قنعوكي انها عالمية طيب والاغاني اللي اخدينها منها وعاملينها تركي وايراني ويوناني وكل هالشي ما بتصدقي؟
    طيب على غوغل اليسا الاسم الاكتر بحثا بالوطن عربي لل 2008\2009
    طيب يا ستي كمان ما اقتنعتي
    اليسا اول من غنى امام رئيس اكبر دولة واللي هي اميركا واللي هو بيل كلينتون وادام ملك الامارات والملكة رانيا طيب كمان ما صدقتي
    طيب واسمها اللي انزكر برواية من اشهر الروايات البريطانية واللي قلتلك عليها
    اوك كمان ما صدقتي طيب وقت غنت مع الفنان العالمي كريس دي بورغ
    طيب اوك كمان ما صدقتي ولا اقتنعتي
    مو مشكلة اليسا هي اللي غنت بماليزيا واستراليا واميركا وفرنسا وكتير من دول العالم كمان هالشي ما بيكفيكي لحتى تقتنعي انها نجمة عالمية
    طيب والشي اللي بيأكد على كلامي واللي قلتلك عليه هو اختيارها من قبل لجنة كأس العالم ركزي على كلمة العاااااااااااااالم واللي حتوقف جنب نجوم كبار وعالميين
    طيب كمان ما صدقتي اليسا هي الاكتر مشاهدة بمجلة عاملينها محبين اليسا اكتر مشاهدة بالمكسيك؟؟؟؟؟
    طيب كل هاد ولسا بدك دلائل وكمان نسيت جوائز الميوزك اوورد العالمية اللي اخدتها مرتين ورا بعض انتي بس شوفي الاستقبال اللي استقبلوها اياه لما طلعت وغنت عالمسرح وكأنه شي ملكة فايتة دوري على غوغل وشوفي
    ووقفت جنب متل ما التلك اسماء عالمية كمان هاد ما قنعك؟
    وكل اللي حكيتو فيكي تدوري عليه بالنت انا ما عم جيب شي من عندي
    اي وحبيت قلك انه اليسا النجمة الاولى بتركيا كمان هالشي ما بيقنعك واللي قالوه اكتر من فنان تركي وبورجيكي اياهن ازا بدك ولا كمان هالشي ما خلاكي تصدقي طيب وبلغارية في رفيق ابي بيشتغل هونيك قلي في ناس كتير بتعرف اليسا وبتسمعلها كمان هالشي ما بيخليكي تصدقي
    طيب اليسا انزكرت بين اكتر 100 شخصية عربية مؤثرة وبالمراتب الاولى كمان هاد الشي ما خلاكي تصدقي ولسا ازا بدك عندي شغلات كتييييير لا تعد ولا تحصى من انجازات ملكة عصرها اليسا اللي ما عديتها
    فرجاء انتي ما بتحبيها لا تحبيها في غيرك بحبها وبينزعج لما تغلطي عليها فاحتفظي برايك بنفسك ازا بتريدي نحن اخوة ما لازم يصير بيناتنا حساسيات

  9. الى صاحبي الجديد: متيم الملكة اليسا:

    كلامك بصراحة اللي حول البومات اليسا فيك تقول اني مقتنع فيه…بس اذا بدك تحكي عن البوم الست الاخير…فهو ما راح قلك مش حلو…لأنو انا عجبني كتير بس انو مزبوط مش احلى من عم بمزح معك…عم بمزح معك عن جد من احلى الالبومات اللي شتريتا و سمعتا بحياتي لكل الفنانين. خليني شوفك بالليل هو عبارة عن تجربة جديدة لنجوى كرم… انا غنية حرامي ما كتير عجبتني بس يعني اغنية الله يشغلو بالو و ابوس عينك و قلبي مصنع بارود (الحان الموسيقار ملحم بركات) و خليني شوفك بالليل و ايدك( اللي تعتبر ستايل جديد ما بين المودرن ريغي/بوب و الجبلي “النجواني”) و غنية الدني ام كتير كانو حلوين.
    عموماً انا كتير انبسطت انو عم بحكي مع انسان مثقف و ذويق بالفن حتى لو كنت عم بختلف معه بوجهات النظر…و نيالك خذيت بوسة من الست نجوى …لو كنت انا مكانك اكيد انو راح فوت بغيبوبي..بعيد الشر عنك

  10. شكرا اخي العزيز صالح
    انت شخص عن جد متفهم بس انا كنت صغير وقت عطتني الست نجوى بوسة ههههههههههههههههه
    وبتمنى نضل على تواصل هون او ازا بدك عالايميل

  11. يكفي….شو المسالة بالقوة …؟ نجوى تقبر قلبي و عيوني وعيون كل العالم ما بدها تغني الا اجمل لهجة بالعالم اي اللهجة اللبنانية لماذا كل هالحسد و الغيرة من جلالة الملكة نجوى بس لانها اجمل و ارق مطربة في الكون و بصراحة المصريين دائما حساد و غيورين ولا يحبون النجاح الا لهم لكن شاؤو ام ابو… نجوى تاج على راس الكل ..افضل مطربة نجوى كرم

  12. في رايي ان نجوى كرم لم تقصد ان تتكلم بهذه الحدة و لكنها بسب تكرار هذا السؤال مرارا و تكرارا و باحراجها باستمرار بهذا السؤال فكان ردها حادا و قاطعا و هي تفضل الغناء بلهجة بلدها لانها من ناحية معتزة جدا بلهجتها و من ناحية اخرى كما قالت لماذا لا يغني عمرو دياب و انغام باللهجة اللبنانية مثلا و كانه اصبح فرضا الغناء باللهجة المصرية على كل المطربين العرب حتى يحصلوا على الشهرة علما ان نجوى كرم ليست محتاجة الى كل هذا و العظيمة فيروز عندما غنت بالمصري كانت مطربة كبيرة و مشهورة و قتها و لم تكن بحاجة لان تغني بالمصري حتى تصبح مشهورة كذلك جوليا بطرس فهي لاتغني ايضا بالمصرية و شهرتها و نجوميتها تغطي جميع الأقطار العربية طبعا نحن نعرف ان خطها في الغناء مختلف عن بقية الفنانات و بالنهاية نجوى حرة و هي تعلم ان امكانيات صوتها الجبلي القوي يتناسب مع اللهجة البنانية اكثر

  13. الظريف فى الموضوع ان المصريين ما طلبوش ان حد يغنى بلهجتهم هى تغنى زى ما تحب المهم تكون الاغنية جميلة مش مهم اللهجة و احنا بنسمع خليجى و مغربى و شامى و حبينا فيروز و وديع الصافى و محمد عبده و نبيل شعيل و كل الفنانين العرب المحبوبين و حتى الشاب خالد حبينا بعض اغانيه من غير ما نفهمها كلها. باختصار المشكلة مش فى اللهجة لان الفن الجيد لا يختلف عليه اثنين.

  14. يا اخواننا تفرق ايه مصرى واللا لبنانى واللا خليجى؟ ما كل واحد يغنى باللهجه اللى تريحه! احنا عندنا مطرب اسمه شعبولا مش معروف لهجه اصلا وبرضه بيغنى….. اييييييييييه:-)

  15. كل هذه التعلقات والسطور الطويلة العريضة عشان أليسا ونجوى………….بدون تعليق!!!!!!!!!!!!!!!!

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *