أكد الرئيس التركي رجب طيب أردوغان الأربعاء 19 أكتوبر/تشرين الأول أنه بحث مع الرئيس الروسي فلاديمير بوتين، سبل التوصل إلى اتفاق لإخراج مسلحي تنظيم “جبهة النصرة”، من مدينة حلب.
ونقلت وكالة “الأناضول” عن أردوغان قوله في كلمة أمام “مخاتير” بأنقرة الأربعاء 19 أكتوبر/تشرين الأول: “تباحثت مع الرئيس بوتين مساء أمس (هاتفيا) الأوضاع في مدينة حلب السورية، وأبلغني بأنهم أوقفوا القصف عليها اعتبارا من الساعة العاشرة مساء”.
وأضاف أردوغان أن بوتين دعا إلى التعاون لإخراج “النصرة” من حلب، و”قمت بدوري بإبلاغ المعنيين للقيام بما يجب، واتفقنا على القيام بهذه الخطوة كي نتيح لأهل حلب فرصة العيش بأمان”.
وأوضح في كلمته “الوضع في حلب مقلق فهناك أكثر من مليون سوري، من الممكن أن يزحفوا نحو تركيا إذا حدثت هجرة جماعية”.
المرسال اوردغان الم تكُن روسيا هي من تقتُل اطفال سوريا وبالاخص حلب!! كيف تتعامل معهُم وتُعادي بشار الاسد !!
الظاهر الدرس كان قاسي عليك يا اوردغان وصدق المثل ( اليد التي لا تستطيع قطعها قبلها ) !!
هذا تصريح بتسليم حلب لروسيا رسمياً .
يا حرام على هالشعب من هالك لمالك لقباض الارواح
6 سنين راحو عالفاضي وراحت عاللي راحت عليه ..
مش بطل اردوغان مبلا بطل …….ما في زعيم او رئيس بينشد الضهر فيه
خسئتوا انتوا التنين ..جبهة فتح الشام باقية رغم انفكم وما بيقدر حدا يطالعهم من ارضهم اللي عم يدافعوا عنها شو ما عمل ..واذا مفكر اردوغان انه كرمال مصالحه مع روسيا رح نسلم حلب فيخسأ هو وبوطين واي مجرم انه هالشي يصير ..اللي ما قدروا الروس وبشار والمجوس ومجرميهم الجبناء ياخدوه بالقتال ما رح ياخدوه بالاتفاقات المشبوهه
تحياتي بلو …اردوغان بطل لشعبه وما حدا بيقدر ينكر انه اله مواقف منيحة مع العرب وانه فتح ارضه و استقبل مليونين لاجئ سوري عليها بالوقت اللي كتير من العرب سكروا ابوابهم بوجوه السوريين وانه ساعد المعارضة هو والسعودية بالاسلحة وبالسياسة لكن مو معناها كرمال مصلحته مع الروس نضحي بمصلحة شعبنا
هلا بنور شو اخبارك
بالنسبه لاردوغان انا ما بشوفو بطل بتعرفي ليه يا نور انتي جاوبتي بنفسك
(( كرمال مصلحته )) يعني كل اللي عملو في وراه مصلحه وما بعمرك تصدقي حدن يقدم شي إلا ما يكون الو غايه منها بس ايام الخير وزمان كانوا يقولوا كانت الناس غير اما هلأ بالعكس لازم يخاف من الاصرار مثل اردوغان إن في سوريا او العراق بالظبط لاجل مصالحه وعلى حساب الآخر..اما ما فعل لبلده ما بيعنيني والمفروض يكون قدوه لشعبو ولبلده مع العلم نص البلد صارت بالسجون من ورا الإنقلاب يعنى مش الكل معو ونفس طريقه الإعتقالات والقصاص من العائله ومن يمت لهم بقربه وليس الفرد نفس نظامكم لانه ( copy )عن النظام العثماني.. والمساعدات اللي ذكرتيها مثل اللي بيوصل لنصف البيير وبيقطعوا الحبل فيه وهيدا اللي صاير وصار عندكم … ما في ولا زعيم او رئيس يشد الظهر .. نور ما شوفك مثل الاول بدخل نورت بتكوني طلعتي شو قصتكم بنورت تحياتي لك
هلا وغلا بلو ..اليوم بعتلك مدري كم سلام حتى يوصلك واحد منهم
صايرة دخلاتي قليلة لنورت لهيك قليل ما صادف حدا منكم للأسف مع اني مشتاقتلكم ولحديثكم الحلو
شوفي حبيبتي بوقتنا هاد ما فيه حدا بيعمل شي الا لمصلحته بس فرق بين اللي بيساعدك واله مصلحة عندك وما ضرك وبين اللي بيساعدك لأنه اله مصلحة وممكن بوقت من الاوقات يضرك ..واروغان من النوع الاول لحد هلأ ساعدنا وما ضرنا وما فينا نلومه اذا عم يدور على مصلحة بلاده لكن لما بيطمع فينا ساعتها بيصير لكل حادث حديث وتصرف
من أجل 900 مقاتل ينتمون لجبهة فتح الشام بحسب تقديراتهم هم دمروا الأحياء الشرقيه من حلب بشكل شبه كامل .. وقتلوا وشردوا الآلاف من أهلها .. ويريدون أن يخرجوا مقاتلي جبهة فتح الشام مع أنهم بمعظمهم سوريين ومن أصحاب الأرض .. وبنفس الوقت يتعامون عن آلاف المرتزقة العراقيين واللبنانيين والأفغان والايرانيين الذين أتوا ليحتلوا حلب ويهجروا أهلها منها .. كما يقولون هم بأفواههم ..
لكن بإذن الله لن تنالوا ما تتمنون .. وستكون أرض حلب مقبرة لكم باذن الله تعالى .