أ ف ب – ادت الحكومة المصرية الجديدة برئاسة عصام شرف اليمين الدستورية بعد ظهر الاثنين امام القائد الاعلى للقوات المسلحة المشير محمد حسين طنطاوي، بحسب ما افاد التلفزيون الرسمي.
وتضم الحكومة الجديدة ستة وزراء جدد سيتولون حقائب الخارجية والداخلية والعدل والثقافة والقوى العاملة والبترول.
وسيتولى وزارة الخارجية نبيل العربي خلفا لاحمد ابو الغيط، وكلف اللواء منصور العيسوي بحقيبة الداخلية خلفا لمحمود وجدي، اما حقيبة العدل فتم اسنادها الى محمد عبد العزيز الجندي خلفا لممدوح مرعي.
وسيتولى عماد ابو غازي وزارة الثقافة بدلا من محمد عبد المنعم الصاوي، وعبد الله عبد المنعم غراب وزارة البترول بدلا من محمود لطيف.
الحكومة المصرية الجديدة برئاسة عصام شرف تؤدي اليمين الدستورية أمام طنطاوي
ماذا تقول أنت؟
والله الخوف ان ( يستحلي ) الطنطاوي ان يحلف امامه رؤساء الوزارات والوزراء والمسئولين الكبار فيصر على البقاء ولا يترك الحكم ، خاصة انه من رجال العهد القديم وطوال عمره يقول (حاضر يا ريس ) والآن جأت فرصته ليقول له الناس ( حاضر يا زعيم ! ) .
ألف مبروك علا الخطوة دي
إلاه اجعله مع المضلومين ولا عليهم
إلاه تبت أقدامه وأعماله في خدمت وطنه
إلاه اجعلحو الحلقة التي تلم شمل الشعب المصري تحتا راية وادة
بالتوووفيق ان شاء الله، ونتمى الخير لمصرنا الحبيبة دائماً.
واعتقد ان اهم تحديات الحكومة الجديدة انها تخلصنا من ذيووول الحزب السابق، لانهم بدوا باشاعة الفوضى تأديبا للمصريين على ثورتهم.
اللهم انصر مص واهلها يارب العالميييييييييييييييييييييييييييييييييييييييييين.
يعني لا يوجد انتخاب الرئيس يعني تيتي تيتي مثل مارحتي جيتي بس اليمين الدستوري لمدة كم سنه والى العمركله مثل صاحبهم مبارك
يا ساجد حضرتك بتفهم عربى ولا لا؟
مدة الرئاسة لن تتجاوز ال4 سنوات. والرئيس هايكون منتخب من قبل الشعب.
ايه علاقة الحكومة وحلفها اليمين بتيتى اللى راحت وجت؟
بتيتى اللى راحت وجت؟
loooooooooooooooooooool
لووووووووووول ما هى كمان كانت مترشحـه
وين الانتخابات الي حصلت حتى ما شفت اوراق فرزت والى ضحك عليهم بكلمة شباب وراح اعمل ……….. المهم رئيس مصر وليس رئيسي
هههههههههههههههه اريج تيتى بتسلم عليكى.
ههههههههههههههههههههههههههههههههههههههه عايز تشوف الاوراق؟؟؟
لا واضح انك متابع وبتفهم فى السياسة قووووى
يا اخ ساجد الانتخابات فى شهر 9، تابع كويس وابقى اتكلم.
احلى حاجه الي ما بيفهمش وعامل نفسو فاهم ,, اهم حاجه يعلق ههههههههههه
تيتى راجت وتقريبا تاهة علشان كده ما رجعتش لحد دلوقتى!!
لازم ندور عليها فى شبر شبر دار دار
انا لست سياسي ولكن الي اعرف يجب انتخاب رئيس الوزراء ومن ثم رئيس الوزراء يختار الوزراء لثقت الشعب به وهنا لم يحصل هذا الشيئ فهمتم لو بعد افهمكم
تماااااااااااااام يا فندم وربنا يخليك للشعب المصرى وتفضل كده توعيه وتفهمه.
يارب يخليك لينا يااااااااااااااااااااارب، وخوش امديد بك فى ميدان التحرير.
فعلا فعلا المصريين ينقصهم انهم يفهموا فى السياسة شوية، مش فاهمة انا احنا كمصريين ليه مابنفهمش فى السياسة لكن طالما الناس هاتوعينا وهاتفهمنا يبقى خوووش خووووش.
للمعلومة حتى الان نظام مصر رئاسى وليس برلمانى، وان شاء الله يتغير فى الفترة القادمة.
مبروك لشعب مصر ولثورة مصر نمنى لهم الخير كله بارك الله بمصر كلها وبشعبها وبثورتها
لك فطــومـه ساجد منـو قصده ع مصر, * فهمتم لو بعد افهمكم*
تعـود عليكى إنتي في المقام الاولى وانا والاخت منيا في المقام *_*
ديه لغة عربية مش فرعونية مشان هيك صعب عليلكى تستوعبيها لوووووول
شكرا اخ السلام عليكم، وربنا يكمل الثورة على خير.
هههههههههههههههه اروج معلش اصل مخى جملى ومابستوعبشش بسرعة هههههههه عندك حق انا اخرى الفرعونى تاب ورع واموووووون.
بس اهم حاجة لقيتى تى تى ولا لا؟
تتـي كشكشتها وخبتها في الصندوق لووووووووول
هههههههههه كشكشتيها خلاص!!!!!
زى الفيل كده، طيب شكلك شرانى ولازم ابعد عنك لحسن تكشكشينى انتى كمان…. صباحك مكشكش يا اريج.
وكشكشيها ماتعرضيهاش.
ياما حلفوا وأقسموا أيمان اللي كانوا قبلهم وفي النهايه طلعت ريحتهم وانكشفت جرايمهم … ياريتهم يشتغلوا بس من غير حلفان ..
بعد إذنك يا فاتيما وبعد إذن جميع الإخوة والأخوات إللى علقوا على الموضوع
إسمحولى أوضح للأخ Sajad يمكن فعلاً الأمور مش وضحاله أو ممكن يكون هو مش على دراية بالأحداث الساسية فى مصر .
أخى Sajad
فى الأول كيف حالك ؟ إنشالله بخير ،
دلوقتى هنا فى مصر ظروف الإنتخابات وتعيين الوزراء الجُدد تُعتبر حاله مُختلفه عن حالتها الطبيعية المُتعارف عليها من قبل أو فى أى دولة أخرى.
فى الأول :
كان فى رئيس للجمهورية ونظام فاسد يحمل عدّة وزراء !
الشعب ردّ عليهم وقال :
الشعب يُريد إسقاط النظام .
رئيس الجمهورية فى هذا الوقت إللى هو ” مُبارك ” أقال الحكومة بتاعته وعيّن نائب رئيس له اللواء ” عمر سليمان ” وحكومة جديدة برئاسة الفريق ” أحمد شفيق ” رئيساً للوزراء وكلفه بتشكيل حكومة جديدة بوزراء جُدد .
الشعب أصر على ( تنحى ) مُبارك وقالوله مش عاوزينك .
وبعد 18 يوم بالفعل ( تخلّى ) مُبارك عن منصبه وكلف المجلس الأعلى للقوات المُسلحة بتولى المسؤلية .
وفى الوقت ده يا سيدى الفاضل الشعب كان له طلبات :
حل البرلمانيين الشعب والشورى .
تعديل بعض من مواد الدستور ومن أهمها المادتين 76 و 77 .
وأخيراً إقالة حكمومة الفريق ” أحمد شفيق ” المُكلفة من قبل الرئيس السابق ” مُبارك ” لبدء صفحة جديدة دون أى صله بشخصيات كانت تتعلق بالنظام السابق .
وفعلاً الطلبات دى حالياً جارى تعديلها ، وفعلاً تم إستقالة رئيس الوزراء السابق ” أحمد شفيق ” .
المُهم فى مصر إنتخابات رئاسة الجمهورية هتبتدى فى شهر أغسطس القادم ، والمفروض قبل شهر أغسطس القادم يكون الدستور إتعدّل علشان شروط الترشيح لرئاسة الجمهورية تكون واضحة وصريحة ومفهومة أمام الجميع ، وعلشان البلد ما تبقاش سايبة كان لازم يتم تعيين حكومة تُسمى ( حكومة إنتقالية ) لمُمارسة توظيف الأعمال فى البلاد حتى يتم إنتخاب رئيس جديد للجمهورية ومن بعدها البدء فى تشكيل حكومة مصرية جديدة المفروض هى دى إللى ( هنستقر عليها ) .
الخُلاصة يا سيدى الفاضل إن إللى إحنا فيه ده وكل إللى إنت شايفه ده يسمى بـ ” المرحلة الإنتقالية ” وبالنسبة للفرز والأوراق مش بتكون فى تعيين الوزراء ! إنما فى إنتخابات مجلسيّ الشعب والشورى وإنتخابات رئاسة الجمهورية وده إللى هتشوفه إن شاء الله فى شهرىّ يونية لـ ( مجلس الشعب ) وأغسطس لـ ( لرئاسة الجمهورية ) .
وبكده أتمنى أكون قدرت أوصلك حاجة وتكون الأمور وضحت لحضرتك .
تحياتى لك …
أحب أوضحلك حاجة تانية أخى الكريم Sajad ،
بالنسبة لإستفسارك عن الأوراق والفرز والإنتخابات ؟
فى حالة تعيين وزير :
بيكون مُتخذ القرار فرد واحد فقط وهو ( رئيس الوزراء ) فبيختاره دون إستفتاء أو إنتخاب .
إنما فى حالة رئاسة الجمهورية ومجلسيّ الشعب والشورى :
بيكون إختيار هؤلاء من قبل عدّة أفراد وهُما ( الشعب ) وطبعاً الآراء والأذواق مُختلفة ! فالفاصل الوحيد فى هذه الحالة هى ( الإنتخابات ) ،،،
وبعد فرزه الأصوات يكون الفوز من نصيب الشخص الذى نال النصيب الأكبر من الأصوات .
تحياتى لك أخى الكريم …