أعلنت حركة شباب 6 إبريل “الجبهة الديمقراطية” عن رفضها الكامل للإعلان الدستوري الجديد، لعدم ورود جديد به والهدف منه هو تمرير مشروع الدستور الإخوانى و تحصين لجنته التأسيسية غير المتوازنة.

كما رفضت الحركة فى بيان لها يوم الأحد، اعتبار من استشهدوا قبل 30 يونيو من شهداء الثورة، ومابعدها ليسوا منها، وذلك فى محاولة منهم لإظهار مرسي على أنه ممثل الثورة الذى يعارضه الفلول وليس الشرفاء.
وأشارت الحركة إلى أنها “ستستمر في الاعتصام والتظاهر، والتصعيد من أجل إسقاط هذا الإعلان الديكتاتوري، وإلغاء الدعوة على الاستفتاء، وإعادة تشكيل لجنة وضع الدستور وتقديم المسئولين عن أحداث الاتحادية، وما وقع فيها من مصابين وشهداء للمحاكمة، وإلا فإن الحركة ستمضى قدما فى التصعيد، وأنه بالتأكيد سيمضى مرسي قدما فى العناد وعليه سيلقى نفس مصير مبارك”.

شارك الخبر:

شارك برأيك

‫42 تعليق

  1. اعتصموا ليوم الدين وخلينا نشوف شو رح يطلع منكم … رح يحرقوا البلد بعنادهم!
    روحوا تحاوروا ما بدكم …روحوا استفتوا واسقطوا الدستور بصناديق الإقتراع كمان ما بدكم
    بدكم تفرضوا رأيكم بالغصب على الرئيس والشعب شو هالديمقراطية التي تدعون لها ؟؟؟
    وكلامكم عن اسقاط مرسي كما اسقطوا مبارك مبالغات وأنتم أكثر ناس بتعرفوا هذا لأنه مبارك ما كان وراه شعب مستعد يقاتل من أجل بقاءه …لكن مرسي لديه مؤيدين مستعدين للوقوف ورائه خاصة أنه رئيس شرعي منتخب وليس مغتصب سلطة ….اللهم انصر عبدك مرسي وثبته واجمع الشعب حوله

    1. آآآمين يا أخت نور ….. وإن شاء الله سوف يكمل الله لنا فضله ونعمته علينا بتوفيقه لعبده المؤمن الدكتور مرسي ويثبت أقدامه …. حتى يحقق الرخاء والخير لمصر

  2. wallah amrohom 3ajib lmasriyin yétla3ou homa lalkorsi yémkén rah yértahou éda koll wahéd 3mal énkélab mafi dawla 3adha président rah ysirou métla zriba w homa rahom habin ysir baladhom zriba

  3. نعم هو التصعيد.
    لا امان فى وجود الاخوان… الدستور غير قانونى وغير شرعى، ولو الاخوان اتمكنوا البلد هاتتبهدل.
    حكومة اخوانية فلولية كانت عايزة تفرض ضرائب على الشعب، علشان الباقى من الطبقة الوسطى يلحق بركب الفقراء، ولكنهم اجلوا فرض الضرائب… وقال ايه الرئيس لاغاها علشان يكسب اكبر عدد من المتعاطفين… لكن بعد كده لما يتمكنوا مش هاينفعنا لا لمون ولا بطيخ.
    يسقط يسقط حكم المرشد.
    البلد خربانة بوجود ااخوان، طب ايه اللى هايحصل لما دستورهم يتم تمريره.
    ياناس اتعظوا مش كذب مرسى والشاطر، ومن سحل الناس فى الاتحادية، ومن محاولات النائب العام الضغط على النيابة لاستكمال حبس الابرياء اتعظوااااااااااااااا قبل فوات الاوان اتعظواااااااااااااااا

    1. ربنا ولاتجعل في قلوبنا غلاً للذين أمنوا …
      إيه الغل ده يا فاتي ….. ده نتينياهو ذات نفسه …لايكرههم بحجم كراهيتك لهم
      ولو حب يشوه صورتهم فلن يستطيع أن ينجح مثل نجاحك

      .
      ربنا ينير بصيرتك لترى النور والحق …. ويبعد الغفله عن قلبك

      1. اللهم اااااااااامين.
        بس على فكرة انا مش اخوانية علشان يكون عندى غل وحقد… الخرفان اللى بيعرفوا الغل والحقد ده… بدليل سحل البنات والشباب فى الاتحادية.
        ياخرااااشى وهو انت ماتعرفش ان نتن- ياهو وليبرمان وشيمون بيريز حبايب حبايب مع اخوانكم ولا ايه؟؟؟
        ده كله كوم والخطاب الغرامى من مرسى لرئيس الكيان الصهيونى.
        هههههه يا دكتور سراج، اخوانك هم اللى بيشوهوا صورتهم بنفسهم، يعنى انا لو منك ابعد خالص بعد فضيحة المرشد، سواء من خلال صورة المصاب المعارض اللى كان حاطط صورته وراه على انه شهيد اخوانى.
        او كدبه لما قال ان كل شهداء الاتحادية اخوان، لكن النيابة تانى يوم تكذبه تقول ان من قتل 6 منهم معارضين وواحد فقط اخوان.
        ده غير الكدبة الكبيرة بتاعت مرسى لما قال ان من تم اعتقالهم فى الاتحادية 80 منهم اعترفوا بتلقيهم اموال ههههههههههه وتانى يوم النيابة تفرج عنهم.
        غير محاولة النائب العام الاخوانى التاثير والضغط على النيابة العامة لاستمرا حبس المهتمين حتى لا يظهر الرئيس فى مظهر الكاذب.
        وغيرهم بلاوى كتيرررررررررر.
        بعدكل ده جاى تقولى ينور بصيرتى؟؟؟
        انا عايزاك تدعيلى الدعوة دى دايما… لانه واضح انك مجاب الدعوة، وبصيرتى الحمد لله عمرها ما انخدعت بنفاق الاخوان.

      2. السلام عليكم اخى سراج ،
        .
        يؤسفنى أقولك أخى أن الإخوان ليسوا دائماً على حق ! غلطاتهم لا تقل عن غلطات النظام السابق ! فاكر موقعة الجمل ،،، ما الفرق بينها و بين موقعة الإتحادية . و ما معنى الدعوة لذهاب المؤيدين محل إعتصام المُعارضين ! و أين كان الرئيس ؟! ولماذا لم يمنع ذلك ؟! و هل المُشكلة بقت أصل إللى مات 6 إخوان ، لأ لأ لأ ده واحد إخوان و الباقى مُعارضة ؟! ولا المُشكلة فى أن بقى فى مصرى بيقتل مصرى ؟!

        1. وعليكم السلام ورحمة الله وبركاته
          يا أخ فيب

          .
          هناك أمور كثيره ومعلومات نحن لانعرفها … ولم يأتي الوقت حتى تعلنها الرئاسة … ( عن مخطط لدخول قصر الأتحاديه وقيام المتظاهرين بمهاجمة فريق الرئاسه المحتمعين وربما قتلهم ) وخاصة الرئيس
          وقد قامت الشرطة والحرس الجمهوري بالأنسحاب وترك القصر لهم وأعطاء الأشارة … لدخول البلطجيه على أساس انهم الشعب الثأئر .

          .
          وطبعا كان هناك فريق الأنقاذ المعلن من عمرو موسى والبرادعي وحمدين من يمسك زمام الأمور وسط الهرج والأنفلات والفوضى
          وكانت الخطة … مجهزة

          ولهذا كان قرار الرئيس بإعطاء الصفة الضبطيه للجيش بعد أن تبين وجود عناصر وقيادات داخل الشرطة والأمن مازالت مواليه للعهد والنظام الفاسد السابق .
          .
          ولهذا كان لابد من تواجد الأخوان امام الأتحادية لحماية الرئيس
          ولم يحدث أي تهجم على أحد من المتظاهرين …. ولكن حدث العكس
          وعاد المتظاهرين وهم متسلحين وقاموا بإطلاق الرصاص الحي على الأخوان المسلمين
          جميع من قتلوا هم من أنصار الدكتور مرسي …وليسوا أعضاء بالأخوان أو حزب الحريه والعداله سوى واحد فقط ( عضو رسمي )
          وأبن قيادي بالحزب
          إنما الباقي من المؤيديين للدكتور مرسي …

          أما مشكلة أن مصري يقتل مصري
          فمن يحاول أن يحرق المقارات ويهدم المنشأت ويقتل …فليس بمصري أو مسلم أصلاً … وأنما عدو أشد فتكاً من اسرائيل

          ويجب أن يتم تطهير تراب مصر من أمثاله

          1. أعتذر عن الرحيل الأن …وسوف أتابع الردود غدا أن شاء الله

          2. 🙂 ولا يهمك يا فيب.
            يا سراج انت ماعرفتش انه لقوا ناس من اللى حرقوا المقرات معاهم كارنيهات الحرية والندالة؟!
            ياربى على الكذب يا سراج، ايشحال الفيديوهات متصورة عينى عينك.
            اعوذ بالله من كذبكم، مش ممكن انتم مهرة فى الكذب ياحفيظ احفظ بلدنا منكم اووووووف

          3. 🙂 ولا يهمك يا فيب.
            يا سراج انت ماعرفتش انه لقوا ناس من اللى حرقوا المقرات معاهم كارنيهات الحرية والندالة؟!
            ياربى على الكذب يا سراج، ايشحال الفيديوهات متصورة عينى عينك.
            اعوذ بالله من كذبكم، مش ممكن انتم مهرة فى الكذب
            ياحفيظ احفظ بلدنا منكم اووووووف

            http://www.youtube.com/watch?feature=player_embedded&v=40Cq3JfKoVk

            جندى امن مركزى يؤكد ان الخرفان هم من بدأ باطلاق الرصاص… بس طبعا الجندى ده ممول من البرادعى الممول من ايران

          4. بس طبعا اليوم السابع جريدة ساويرس الممول من امريكا.
            رايح فين يا دكتور تعال جاوب على الحجج بالحجج
            تعال يا خويا كلامك مقنع والنبى.

    2. فاتيما ،
      إزايك عاملة إيه ؟ يارب بخير .
      عاوز أسألك يا فاتيما ، إيه علاقة الإستفتاء على الدستور و الإعلان الدستورى و إعتصامات الإتحادية باللى إنتى بتقوليه دلوقتى ؟ أنا فهمت من كلامك إن إعتراضك على النظام ككل و ليس مُجرد إعلان دستورى او إستفتاء كما تُطالب المُعارضة أو الشبابا الثائر فى ميدان التحرير او الإتحادية ؟!
      و هل لو كان طلبك أو إسقاط النظام ، تفتكرى هو ده الحل ؟! ولماذا طلبناها ديمُقراطية بالأمس و نرفُضها اليوم و سيبك بقى من الذيت و السُكر و هما وصلوا للحكم إزاى ! اللى أعرفه أن الديمُقراطية تعترف برأى الأغللبية بغض النظر عن الوسيلة إللى أتت برأى الأغلبية ! كل المُرشحين لجأوا لهذه الوسيله ولكن أتقنتها الإخوان و فازت بالنصيب الأكبر …….. هل الحل أن نسقطهم الآن و نأتى بنظام أخر يطمع فى الحكم و يبحث عن مصالحه مثلهم و فى الناحية الأخرى يتفنن الإخوان فى كيفية إسقاطه إنتقاماً لما حدث لهم و نعيش فى هذه التجربة فترات طويلة ؟!

      1. ما شاء الله عليك يا فيب ..
        الحق واضح وظاهر ….. ولا يراه إلا من يتعمد أن يغمض عينيه ….عمداً
        ويظن أنه يحسن صنعا ….بعد مازين له الشيطان عمله فرآه حسنا

      2. مساء الخير فيب، انا الحمد لله زى الزفت… أنت اخبارك ايه؟؟؟
        يا فيب كل الامور مكملة لبعضها، واللى مايشوفش من الغربال يبقى اعمى.
        الموضوع بدايته كانت مع اعلان غير دستورى لرئيس لجماعة كل همها مصلحتها بس، ووكل المطلوب هو تحصين قراراته واعلانه حتى يتم تمرير الدستور اللى اغلبه عوار لا نظير له فى اى دستور اخر.
        ولما الناس طلعت تعارض الاعلان الدستورى، وتطالبه بشكل سلمى بالغائه، اتمهتوهم بانهم عايزين خراب البلد، ولاخوان اتهموهم بانهم ممولين كالمعتاد… ةبعدها باقل من 48 ساعة، تم الانتهاء من مسودة الدستور، وفى نفس اليوم اللى مرسى استلم فيه من الغريانى المسودة اعلن ان الاستفتاء يوم 15… الناس اعترضت اكتر وبدل ما كانت بتطالب بالغاء الاعلان، زادت المطالب… ونزلوا يتظاهروا بشكل سلمى، ونزلت مليشيات الاخوان تقتلهم.
        كل اللى حصل مخلينى اشوف المشهد على المدى البعيد يا فيب… مشكلتى انى مش باصة تحت رجلى وعايزة البلد نديها مسكنات، انا ببص فيما بعد، ومتخيلة مصير بلدنا بعد اقرار الدستورى، واللى مخوفنى كل الشواهد والدلالات والمؤشرات اللى صدرت من لجماعة وقيادتها، كلها غير مبشرة بالخير ابدا وبتدل على اننا فى عهدهم على عصر اسود.
        اسقاط النظام مش هو الحل، لانه هايبقى فيه فوضى… لكن كمان تمرير الدستور والسكوت على فوضى قرارات مرسى العبثية والتخبط فىما يفعله يؤدى بالبلاد الى خراب اكتر واكتر يا فيب.
        انت شايف الحل اننا نسكت على ما يفعله مرسى؟؟؟
        انت عندك امان للمستقبل فى وجود الاخوان؟ متطمن على مستقبل بلدك وابنك ومستقبلك نفسه مع ناس بتخلف العهووود، وبيتكلموا باسم الدين وهم ابعد ما يكونوا عن روح وخلق الدين.

      3. مساء الخير فيب، انا الحمد لله زى الزفت… أنت اخبارك ايه؟؟؟
        يا فيب كل الامور مكملة لبعضها، واللى مايشوفش من الغربال يبقى اعمى.
        الموضوع بدايته كانت مع اعلان غير دستورى لرئيس لجماعة كل همها مصلحتها بس، ووكل المطلوب هو تحصين قراراته واعلانه حتى يتم تمرير الدستور اللى اغلبه عوار لا نظير له فى اى دستور اخر.
        ولما الناس طلعت تعارض الاعلان الدستورى، وتطالبه بشكل سلمى بالغائه، اتمهتوهم بانهم عايزين خراب البلد، ولاخوان اتهموهم بانهم ممولين كالمعتاد… ةبعدها باقل من 48 ساعة، تم الانتهاء من مسودة الدستور، وفى نفس اليوم اللى مرسى استلم فيه من الغريانى المسودة اعلن ان الاستفتاء يوم 15… الناس اعترضت اكتر وبدل ما كانت بتطالب بالغاء الاعلان، زادت المطالب… ونزلوا يتظاهروا بشكل سلمى، ونزلت مليشيات الاخوان تقتلهم.
        كل اللى حصل مخلينى اشوف المشهد على المدى البعيد يا فيب… مشكلتى انى مش باصة تحت رجلى وعايزة البلد نديها مسكنات، انا ببص فيما بعد، ومتخيلة مصير بلدنا بعد اقرار الدستورى، واللى مخوفنى كل الشواهد والدلالات والمؤشرات اللى صدرت من لجماعة وقيادتها، كلها غير مبشرة بالخير ابدا وبتدل على اننا فى عهدهم على عصر اسود.
        اسقاط النظام مش هو الحل، لانه هايبقى فيه فوضى… لكن كمان تمرير الدستور والسكوت على فوضى قرارات مرسى العبثية والتخبط فىما يفعله يؤدى بالبلاد الى خراب اكتر واكتر يا فيب.
        انت شايف الحل اننا نسكت على ما يفعله مرسى؟؟؟
        انت عندك امان للمستقبل فى وجود الاخوان؟ متطمن على مستقبل بلدك وابنك ومستقبلك نفسه مع ناس بتخلف العهووود، وبيتكلموا باسم الدين وهم ابعد ما يكونوا عن روح وخلق الدين.

      4. كلام جميل يا فاتيما ، بس تعالى نتكلم بصراحة أكتر ،
        بلاش نقول إن إللى فى التحرير أو الإتحادية كلهم ثوّار ! و بلاش نقول أن المؤيدين لقررات الرئيس مُرسى كلهم ثوّار !
        ميدان التحرير فيه ثوّار يعتبروا ( شباب مُستقل زيى و زيك نازل من غير أى تمويل علشان مُجرد يقول رأيه فى الظروف السياسية التى تمر بها مصر الآن ) + أنصار كلاً من محمد البرادعى و حمدين صباحى و رئيس حزب الوفد و ناس مُرتزقة يهمها خراب مصر قد تكون حزب و طنى مُنحل أو مُرتزقة خارجيين ،
        أما بالنسبة لمؤيدى الرئيس فهم عبارة عن أنصار الإخوان و السلفيين و الجماعات الإسلامية + ( شباب مُستقل نازل من غير اى تمويل علشان يقول رأيه فى الأحداث التى تمُر بها مصر الآن ) .
        مين بقى المظلوم فى الهيصة دى كُلها الشباب إللى بين القوسين الموجودين فى الفقرة إللى فاتت ! خلينا صُراح للنهاية هُما دول المظلومين لأن هدفهم واحد هو مصلحة مصر و الخلاف الوحيد بينهم هو إختلاف و جهات النظر و هما دول الشباب إللى بتلاقيهم فى بيتك و بيتى و بيت أصحابك إللى ممكن يكون أبوه مؤيد و أخوه معارض ، ممكن تكون أخته معارضة و أمه مؤيده لكن هما فى النهاية بيحبوا بعض و ما بيهمهمش غير مصلحة مصر .
        أما الباقى إللى فى غير بين الأقواس لا يهمهم غير مصلحتهم بما فيهم الإخوان ! حمدين إمبارح كان بيقول على عمرو موسى عمرى ما هحط إيدى فى إيدك و النهاردة علشان خاطر يسقط الإخوان هحط إيدى فى إيدك و إيد اللى يتشددلك كمان يا عمرو يا موسى و الغريب بقى إن لو الإخوان سقطوا و حل محلهم واحد من إللى قاعدين على دكة الإحتياطى زى : البرادعى او عمرو موسى او حمدين هتلقيهم بقوا أعداء !!! ولا جبهة إنقاذ و طنى ولا بطيخ ! طبعاً مالمصلحة فاز بيها واحد و فاتت على الآخريين !
        بُصى يا فاتيما … أنا مش واخد موقف حيادى لمثاليتى يا سمح الله ! إنما علشان أنا عُمرى ما هشترك فى فتنة ولا فى شئ بيفرّق المصريين أو المُسلمين عموماً ! الناس إللى نزلت جامعة القاهرة لا تُمثلنى لإنها نازلة بأوامر ليس من تلقاء نفسها ، و الناس إللى فى الإتحادية و ميدان التحرير لا تُمثلنى لإنهم فى الأمس القريب قالوا على الفلول فلول والنهاردة الفولو نزلت ميدان التحرير شابكة إيديها فى إيدين بعض ولا حد منهم إعترض إنتقاماً من الإخوان ! الله آمال فين المبدأ يا جماعة و الاهم من كده يا فاتيما زى ماقولتلك أنا لا أشترك فى شئ فيه إنقسام للمصريين و إللى بيحصل ده إنقسام و مايرضيش ربنا كل حزب بيستعرض عضلاته فى عدد مؤيديه و انصاره فى إشارة منه للطرف الأخر ……….. إعرف حجمى قبل ما تهاجمنى !!!
        أنا ليا تحفُظات على الطرفين و بقيت لا أثق فى الطرفين بس ما حاولتش أسقط الطرف الحاكم لأن الطرف الإحتياطى إللى واقف يسخن وسخ زيه !
        لسه مالقيتش حد نضيف أنحازله يا فاتيما ……….. ربنا يستر على البلد و عليكى و عليا و علينا كلنا !

        1. فيب انا مافهمتش هل انت اعتبرت انصار حمدين وصباحى والبرادعى والوفد دول من المرتزقة؟؟ الجملة دى وضحهالى لانى مافهمتش المقصود بيها.
          بعدين مين هم الفلول؟؟ يعنى عمرو موسى دلوقىتى بئا فلول مثلاً؟؟؟
          مع انه من اول يوم فى الثورة كان فى الميدان واتذكر حوار اججرته معاه المذيعة المصرية بقناة الجزيرة راندا ابو العزم وقت الثورة، ابقى حاول تشوفه على اليوتيوب.
          مين تانى فلول؟؟ ولو افترضنا انه فيه فلول، ماهو كل اللى الاخوان بيقولوا عنهم فلول، الاخوان اول ناس حطوا ايدهم فى ايديهم، وانت شايف الحكومة نصها فلول وفلول بجد مش كلام وهرتلة من اللى بسمعها من الاخوان.
          أنا بيتهيالى يا فيب انه فى المواقف اللى زى دى لازم الواحد ياخد موقف، يا اما بالتاييد يا اما بالمعارضة… موضوع زى كده صعب انك تكون حيادى لانه مستقبل للبلد.
          مش ضرورى تكون من انصار حمدين والبرادعى لو ليك عليهم ملاحظات… ولا تكون مؤيد لمرسى وللخرفان لو برضه ليك عليهم ملاحظات… لكن لازم تنحاز لفكرة خاصة بمصر وبمستقبل مصر، لا يكفى انك تكون محل لمواقف الطرف ده ولا الطرف ده، ده مش هو اللى هايحل المشكلة، ولا انت بكده بتبرأ ذمتك وتكون عملت اللى عليك_دى وجهة نظرى_
          المشكلة يا فيب انك فاكر ان اغلب المتواجدين فى الاتحادية لما البرادعى او صباحى يقولهم تعالوا شمال يجوا، روحوا يمين يروحوا… ده مش صحيح، وابسط مثال قبل حادث مجزرة الاتحادية البرادعى قال انه لن يشارك حزب الدستور فى الاعتصام، والمظاهرات هاتكون فى التحرير، اغلب شباب حزب الدستور قالوا لا، وتوجهوا للاتحادية.
          تجاوز عن الاشخاص يا فيب… الثورة من اولها لم تقم على فرد، ولم يكن لها قائد… بالعكس كل اللى انت بتتكلم عنهم دول كانوا مشاركين للثوار الحقيقيين وليسوا قادة لهم ولن يكون. اللى بيحرك الشباب دول هو الدفاع عن الوطن بجد، وحب البلد بجد يعنى لا حمدين ولا صباحى ولا موسى ولا اى شئ ايا كانت صفته ومكانته ولا حتى اسمه.
          لا تنحاز لاشخاص فيب، انحاز لفكرة فكرة انت حاسس انها فعلا فيها مستقبل مصر وكرامته ومستقبله… ولو انت شايف ان فكره المعارضين هى الامثل لمستقبل مصر تحيز لها… ولو شايف انه فكرة الاخوان هى الافضل للبلد تحيز لها.
          اما انك تقف على الحياد تنقد الطرف ده، وتنقد الاخر فده مش حل فى اعتقادى.
          وتحياتى

        2. ( فيب انا مافهمتش هل انت اعتبرت انصار حمدين وصباحى والبرادعى والوفد دول من المرتزقة؟؟ الجملة دى وضحهالى لانى مافهمتش المقصود بيها. )
          أكيد لأ و كلامى كان واضح أنا قولت + أنصار حمدين و البرادعى ( و ) مُرتزقة و فلول و حرف الواو يعنى أن ما جاء بعده إضافة على ما جاء قبله ……. درس عربى ببلاش آهو 🙂
          __________________________________
          ( بعدين مين هم الفلول؟؟ يعنى عمرو موسى دلوقىتى بئا فلول مثلاً؟؟؟
          مع انه من اول يوم فى الثورة كان فى الميدان واتذكر حوار اججرته معاه المذيعة المصرية بقناة الجزيرة راندا ابو العزم وقت الثورة، ابقى حاول تشوفه على اليوتيوب. )
          أول شئ جرى العُرف أن اى حد خدم فى ظل النظام السابق حتى لو كان يوم واحد يتقال عليه فلول ، و العُرف ده جارى من أيام ثورة ا25 يناير ، و على فكرة أنا ليا تحفُظات على الفكرة دى و الدليل إنى بحترم الجنزروى أوى لكن لما إتكلمت إتكلمت بمنطق العرف إللى عملته ثورة 25 يناير ، أيوة الثوار أيام الثورة رفضوا أى حد خدم فى نظام مُبارك و كانوا بيسموه فلول و الدليل أن احمد شفيق كان مختفى عن الساحة الإعلامية قبل أن يُعين رئيس وزراء و تم رفضه من قبل ثوار التحرير لمجرد انه كان وزير طيران مدنى سابق فى حكومة أحمد نظيف و فى عهد مُبارك فكون ان عمرو موسى بقى فلول فدى إسألى عليها الثوار أيام الثورة .
          ________________________________
          ( أنا بيتهيالى يا فيب انه فى المواقف اللى زى دى لازم الواحد ياخد موقف، يا اما بالتاييد يا اما بالمعارضة… موضوع زى كده صعب انك تكون حيادى لانه مستقبل للبلد. )
          طب ولو كنت مُختلف مع الطرفين أخد موقف مؤيد او مُعارض فقط لكونى أبقى إسمى واخد موقف …… مش معنى إنى واخد موقف حيادى يبقى أنا سلبى أو مثالى ! أنا واخد موقف مُعارض للطرفين يعنى ليا تحفظات على الإتنين و شايف الطرفين مصلحجية ولكن لم أطالب بإسقاط النظام لإنى بكده هكون ماعملتش حاجة !
          ________________________________
          ( مش ضرورى تكون من انصار حمدين والبرادعى لو ليك عليهم ملاحظات… ولا تكون مؤيد لمرسى وللخرفان لو برضه ليك عليهم ملاحظات… لكن لازم تنحاز لفكرة خاصة بمصر وبمستقبل مصر، لا يكفى انك تكون محل لمواقف الطرف ده ولا الطرف ده، ده مش هو اللى هايحل المشكلة، ولا انت بكده بتبرأ ذمتك وتكون عملت اللى عليك_دى وجهة نظرى_ )
          و أنا أحترمت و جهة نظرك يا فاتيما ، و إنحيازى للفكرة الخاصة بمصر هو إنى ما أدعوش لقتل مصرى لمصرى غيره ! ما أقدرش أقول لصديقى أو لاى مصرى على الإنترنت إنزل ميدان التحرير أو إنزل الإتحادية أو إنزل دعم قررات الرئيس لإنه لو سمع كلامى و نزل و إتقتل من مصرى زيه مُجرد مختلف معاه فى الراى …… يا ترى هيكون إيه موقفى !
          بالمُناسبة أيام ثورة 25 يناير كان مُعظم الشعب المصرى نازل ضد فصيل مُعين و كان المؤيدين أكتر من فصيل و المُعارضين فصيل واحد ! لكن فى هذه الثورة أو ما يحدث الأن المؤيدين اكتر من فصيل و المعارضين اكتر من فصيل و الشعب منقسم بينهم !
          ________________________________
          ( المشكلة يا فيب انك فاكر ان اغلب المتواجدين فى الاتحادية لما البرادعى او صباحى يقولهم تعالوا شمال يجوا، روحوا يمين يروحوا… ده مش صحيح، وابسط مثال قبل حادث مجزرة الاتحادية البرادعى قال انه لن يشارك حزب الدستور فى الاعتصام، والمظاهرات هاتكون فى التحرير، اغلب شباب حزب الدستور قالوا لا، وتوجهوا للاتحادية. )
          مين إللى قال إنى فاكر إن أغلبهم أنصار فولان ؟! أنا ما قولتش كده أنا قولت فيهم و فيهم و ليس منطقى أن أقول أنهم كلهم ثوّار فقط ؟! كيف و ثورة 25 يناير أصلاً كان فى وسط المتظاهرين و مدسوسين و جواسيس بأمارة الجاسوس الأمريكانى إللى سلمه المجلس العسكرى لامريكا بدون محاكمة !
          _____________________________
          ( لا تنحاز لاشخاص فيب، انحاز لفكرة فكرة انت حاسس انها فعلا فيها مستقبل مصر وكرامته ومستقبله… ولو انت شايف ان فكره المعارضين هى الامثل لمستقبل مصر تحيز لها… ولو شايف انه فكرة الاخوان هى الافضل للبلد تحيز لها.
          اما انك تقف على الحياد تنقد الطرف ده، وتنقد الاخر فده مش حل فى اعتقادى.
          وتحياتى )
          يا اختى يا فاتيما ، أنا لا أنحاز لأشخاص ! بالعكس أنا لو بنحاز لأشخاص كنت هاجمت الإخوان زيك تماماً أو حتى حبيتهم او كرهتهم ! أنا بأنحاز لقررات أو لنتائج و أفتكر إن فى معظم نقاشاتى معاكى قولتلك أنا بحكم على الإخوان من قرراتهم وليس أشخاصهم .
          فاتيما يا اختى أنا مش عاجبنى حاجة ، شايف إن إللى بيحصل غلط ليا تحفظات عن الطرفين عارفة زى إيه بالظبط زى الأيام إللى إنتخابنا فيها فى جولة الإعادة خيرونا بين مُرسى و شفيق وكان لازم نختار بالرغم من إن معظم الشعب المصرى كان رافض الإتنين .

  4. الفلول في الرمق الاخير :
    حسني يدير المظاهرات من سجنه لكن الاسد حازم قلب المعادله( بعد توفيق الله ومنه) وهم الان في الرمق الاخير
    “قول يا حازم قول احرق الفلول”

  5. اغتيال مرسي
    احمد ابراهيم

    لا أستبعد أن تخطط جهة ما لاغتيال الرئيس المنتخب الدكتور محمد مرسى، بعد أن زج بنفسه فى عش الدبابير، ودخل معركة تكسير العظام مع مراكز القوى فى الدولة العميقة التى تتحكم فى العديد من مفاصل البلاد.

    مرسى الذى أطاح بالمشير حسين طنطاوى فى انقلاب أبيض ضد حكم العسكر دون إراقة قطرة دم واحدة، يخوض المعركة الثانية وربما تكون الأخيرة، خاصة بعد أن أصدر أخطر قرار ثورى بإعادة المحاكمات فى قضايا قتل المتظاهرين، ما يعنى إعادة فتح ملفات ستة من مساعدى وزير الداخلية المحبوس حبيب العادلى والذين حصلوا على البراءة، والمئات من ضباط أمن الدولة والداخلية الذين قتلوا مئات المتظاهرين فى جمعة الغضب 28 يناير، وكذلك متهمى موقعة الجمل، والذين كان لهم النصيب الأكبر من مهرجان البراءة للجميع.

    مرسى دخل عش الدبابير بهذا القرار، فضلًا عن سعيه الدءوب لإجراء الاستفتاء على الدستور الذى يتضمن مادة العزل السياسى التى تحرم أقطاب ورموز الحزب الوطنى المنحل من الترشح لمدة 10 سنوات، وهو أمر كفيل بفتح أبواب جهنم على الرئيس.

    فى إطار هذا السياق يمكن تفسير احتشاد الفلول إلى جانب البرادعى وصباحى وموسى، وحدوث توافق كامل بينهم حول إسقاط الرئيس الشرعى للبلاد الذى فاز فى انتخابات حرة نزيهة هى الأولى فى تاريخ مصر عبر 7 آلاف سنة، مع أهمية الالتفات إلى وجود مركز عمليات قوى يدار من الداخل والخارج برعاية المرشح الرئاسى الهارب أحمد شفيق، لتقديم خدمات لوجستية وتمويل مادى لأى تحرك يحقق هذا الهدف، حتى لو كان اقتحام القصر الرئاسى، وحرق منزل الرئيس بالشرقية، وحرق مقار الحرية والعدالة، مع غطاء إعلامى مكثف من إعلاميى المارينز.

    عملية اغتيال مرسى تتم بالفعل وفق عدة مراحل، بدأت باغتياله أدبيًا ومعنويًا، بتوجيه البذاءات إليه، وتشويه سمعته وسمعة أسرته، والتطاول عليه بشكل متعمد، وإسقاط صورة مبارك عليه بما فى ذلك من دلالات حتى يتم حرقه شعبيًا، ووضعه ضمن معادلة تقول إنه “محمد مرسى مبارك”، على أن يتبعها خطة ممنهجة لنزع الشرعية عنه إعلاميًا، وترديد النغمة بشكل مكثف تدفع المصريين إلى الرضا بمنطق “ارحل .. ارحل”، فى محاولة لإعادة استنساخ الـ 18 يومًا الأخيرة فى عمر مبارك.

    الخطير فى الأمر أن الإخوان قدموا فرصة ذهبية لمعارضى مرسى لاحتلال التحرير والاتحادية، ومن أكبر الأخطاء الاستراتيجية التى وقعوا فيها أنهم تركوا محيط قصر الاتحادية مرتين، الأولى بعد مليونية الجمعة بجوار القصر وانصرفوا عائدين إلى بيوتهم دون أن يدركوا قيمة هذا المكان الذى سيكون محط أنظار الجميع خلال أيام، والثانى بعدما استشهد منهم 8 وأصيب ألف، لكنهم كرروا الخطأ وعادوا لبيوتهم.

    من الخطأ أن تترك للمعارضين التحرير والاتحادية.. هذه مواقع استراتيجية تجتذب أضواء الإعلام والمجتمع الدولى، وليس الذهاب أمام جامعة القاهرة، واللعبة الآن لعبة ميادين واستقواء بالشارع والإعلام، بحسب الشرط الأمريكى الذى وضعته السفيرة الأمريكية آن باترسون لصباحى والبرادعى وموسى “احشدوا أكثر ونحن سنتدخل”.

    أذكى سياسى حتى الآن من وجهة نظرى، ويجيد اللعب مع خصومه بنفس الأوراق، هو الشيخ حازم أبو إسماعيل، الذى اتخذ قرارًا استراتيجيًا سريعًا ولافتًا بحصار مدينة الإنتاج الاعلامى، قد يتطور فى حال الاحتياج إلى ذلك، إلى قطع البث ومنع قنوات الفلول من بث أخبار مضللة وتغطيات موجهة، مما يفقدهم مدفعية التوك شو التى تؤمن تحركاتهم، ويحجب أخبارهم عن الشارع، ما يحول على الأقل دون اغتيال مرسى إعلاميًا، من كتيبة الإبراشى والميرازى وفودة وبكرى والجلاد وأديب وسعد وريم وخيرى وتامر وسيد والدمرداش ولميس وجيهان، وغيرهم من مرتزقة المارينز الذين ينفذون عملية الانقلاب والاغتيال “إعلاميًا” ضد الرئيس.

  6. للاسف الشديد لقد تبين الان دون شك ان عملاء امريكا يتكلمون هؤلاء الذين دربتهم عللى المدنية لتحركهم متى شاءت مع انه يكفي العميل البرادعي ساعد امريكا في احتلال العراق وتشريد الملايين والان يريد ان يشرد المصريين لتبقى امريكا واسراءيل تركب ظهر الدولة وتمنعها من بناء الدولة القوية التي تدافع عن نفسها تحاه اي اعتداء غاشم يريدونها ضعيفة واسراءيل تتحكم بالدول العربية بعد ان حطموا العراق وشردوا اهله وقتلوا شبابه وفتتوه فهل هذا ما تريدونه لوطنكم يا شباب مصر يا احباب مصر ان يفتتوه مسلما ومسيحيا ولم يعرفوا هذه الكلمة خلال دهرهم كله حتى الان نصيحة لكم عودوا الى رشدكم ولا تحعلوا الفاسدين يغشوكم ويفرقوا حمعكم هداكم الله الى الخير والمحبة للوطن 0

  7. اللي مش عجبو الدستور يصوت ب لا في الاستفتاء
    و اللي مش عاجبو الدكتور مرسي يصوت ب لا في الانتخابات القادمة بعد 4 سنوات
    و اللي مش عجبو الاخوان و السلفيين و احزابهم ما يصوتش عليهم في الانتخابات البرلمانية و التشريعية القادمة و يا دار ما دخلك شر بصورة و صيغة حضارية و اذا صحيح قلبي على بلدي اشوف شغلي او دراستي و اترك الناس تقوم بعملها و لقائنا عند صناديق الاقتراع، اما كل يوم هيص و صيح و مضاهرات و تعطيل اعمال و تخريب فبعيد كل البعد عن الوطنية و حب الوطن

    1. يسقط يسقط حكم المرشد يسقط يسقط حكم المرسى.
      اوعى يا أخ غير معروف تكون من الناس اللى ضربتم المعارضين المصريين فى امريكا فى مؤتمر عصام العريان.
      اصلهم اتضربوا من اخوان اليمن وفلسطين وسوريا. ازعل منك اووووووى.

      1. يسقط يسقط حكم الفلول ههههههه
        يا اختي اوعي تكوني ممن يدعو لفزع الخرفان الطيبة حزعل منك اوي اوي و مش حسامحك ابدا ههههههه

        1. هههههههههههههههههههههههههههههه
          بجد من كتر خفة دمك هاموت من الضحك، ياررربى على الاخوانى لما بيستخف دمه بيكون دمه يلطش خالص.
          انت مش عارف ان الفلول هم الاخوان يالهووووتى الشاشة عندكم مشوشة تقريباً.
          بس يعنى ايه فزع، معلش ياخويا اصلى علمانية ليبرالية فلولية مابفهمش فى الثقافة.

          1. ههههههههههه
            و ايه رأيك ان اقسمت لك اني لم اكن يوما من الاخوان و لكن احب الانصاف قدر المستطاع و تقبل الغير. في الوضع الحالي من هم غير منصفين هم المعارضة ليس لسبب الا لان الرئيس المنتخب و حزبه من الاخوان و لو كانو علمانيين ليبيراليين امبرياليين لتقبلناهم بصدر رحب. ما رايك بانصاف من فضلك فالحقيقة صاطعة، اليس كذلك؟

          2. نعم الحقيقة ساطعة فعلاً، ولذلك انا ادافع باستماتة عنها… وبهاجم باستماتة الاخوان.

          3. بالتوفيق في مبتغاك و لكن اوعي تندمي يوما ما
            نحن قلنا انه في ظل الديمقراطية كل شيء قابل للنقد و المعارضة عبر صناديق الاستفتاء و ليس عبر ابواق الاستهزاء و التضليل من جبهة تخريب و القضاء على مصر

          4. طب ياريت تقولى معنى الديمقراطية ايه؟
            الديمقراطية هى صندوق الانتخاب فقط؟؟؟؟
            اما بالنسبة لجبهة تخريب مصر فهم الاخوان من وجهة نظرى، لان ولائهم الاصلى ليس لمصر ولكن لجماعتهم الصغرى فى مصر، والاكبر فى باقى الوطن….

  8. أنا بيتهيالى يا فيب انه فى المواقف اللى زى دى لازم الواحد ياخد موقف، يا اما بالتاييد يا اما بالمعارضة… موضوع زى كده صعب انك تكون حيادى لانه مستقبل للبلد.
    ــــــــــــــــــ
    والله العظيم يا فاتى انا مش فى صف مرسى …بس (تخوفى )من مرسى ااقل بكتير من كرهى لجبهة الافلاس
    تعالى شوفى النصارى اللى معايا فى المستشفى بيقولوا ايه على مرسى؟؟والشتيمه القبيحه عينى عينك!!
    طاب الشتيمة اللى مكتوبه على جدران القصر؟؟الراجل ملعون بابوه وامه وكاميرا العربية ماشاء الله ماسابتش شتيمه ماصورتهاش
    حـــــرام
    دا راجل حافظ لكتاب الله ولا ورث حكم ولا جه بانقلاب عسكرى..دا راجل جد بانتخابات نزيهة
    الصراحه يا فاتى بعد مامرسى الغى الاعلان انا اتعاطفت معاه كتير ..دا رئيس منتخب كان ممكن يركب دماغه واللى مش عاجبه يشرب من البحر
    انا عايزاكى تفهمينى وتعرفى ان موقفى ماتغيرش ولا حاجه
    …البلد حتضيع يا فاتى
    ايه البديل عن مرسى دلوقتى؟؟؟ يعنى ايه الشعب يريد اسقاط النظام؟؟؟؟؟؟؟؟؟
    فوضى وخراب ومجلس عسكرى.؟؟؟.وحتلاقى حمدين والبرادعى اللى عاملين دلوقتى حبايب اكتر اتنين حيتصارعوا ع الكرسى
    الناس برة بتضحك علينا يا فاتى…
    على فكرة انا احتمال كبير اقول (لا) ع الدستور…الشعب لو مش عايز الدستور يروح يقول (لا)
    كفايه اعتصامات كفاية مظاهرات كفايه قتل كفاية دم
    يا فاتى الفترة اللى فاتت ربنا مايوريكى انا مكنتش بنام
    كل يوم كان عندنا فى دمياط وفارسكور خناقات ومصادمات بين الاخوان وبتوع حزب الدستور..اختى الصغيرة كانت ماما مش بتخليها حتى تروح المدرسه اللى جنبنا.اصوات ضرب الرصاص كان متواصل .اقسم بالله انا كنت بسمعه لما كنت بتصل بيهم.يا فاتى احنا شعب غلبان وعايز يعيش..عايزين امان عايزين استقرار………..كفايـــــــــــــه بقى

    1. شيرين يا حبيبتى، انت مصرية يعنى لو خالفتينى فى الرأى مافيش مشكلة.
      انت بتحبى مصر وخايفة عليها بس بطريقك… وانا كمان بحب مصر وخايفة عليها بس بطريقتى.
      هى مشكلة مصر دلوقتى ياشيرين بقت فى الكلام اللى انكتب على جدار قصر الاتحادية؟؟؟
      التطاول اللفظى غير مقبول، واللى كتب اى شتيمة خارجة وقح ومن بيئة لوكال جداً… لكن هى المشكلة بدات من الكتابة؟ ولا بسبب الشتيمة يا شيرى؟
      يعنى علشان جملتين اتكتبوا على الجدار يستاهل ان 7 شباب يموتوا قتلاً، وبنات تتسحل وسفير زى سفير مصر فى فنزويلا يتهان؟
      ياستى اكرهى جبهة الانقاذ وحمدين والبرادعى ماحدش قالك حاجة لكن ليه مش مصدقين انهم مش هم اللى بيحركوا الجموع ابدا ابدا.
      محمد مرسى تعاطفتى معاه لانه الغى الاعلان؟؟؟ طب ياريت تقوليلى يعنى ايه جملةة “ويبقى ما يترتب عليه من اثار”؟؟؟؟؟
      لسه متطمنة لمرسى برغم انه حنث وكذذب واخلف يا شيرين؟
      متطمنة وانتى عارفة ومتاكدة انه الاخوان ليهم ميليشيات مسلحة، واللى حصل يوم الاربعاء ده بس كان بداية وكارت ارهاب.
      ويعنى هو وجود مرسى ووجود الاخوان هو الحل وهو اللى هايحقق الاستقرار يا شيرين؟
      شوفى قانون الضرائب اللى لغاه مرسى عن عمد علشان يبين للناس انه الاب الحنون… مع العلم انه بعد ما دستورهم يمشى هايعملوا فينا اسوأ من كده لانه دى شروط القرض اللى هاياخدوه.
      ماحدش فينا نام ياشيرين وماحدش فينا مش خايف على بلدنا… بس فيه فرق كبير بين اللى خايف على بلده زيك وزىى وزى غيرنا… وبين اللى خايف على مصالح جماعته فقط.
      ايه رايك فى كمية القرارات اللى بتطلع منتصف الليل وتتلغى منتصف الليل ده؟
      ماهو الاستقرار ده اللى كل مرة بتقولوا نقول نعم علشان الاستقرار، ننتخب الاخوان فى البرلمان علشان الاستقرار… نعصر على نفسنا لمون علشان الاستقرار… ولحد دلوقتى ماشفناش اى استقرار.
      طيب امتى هاييجى الاستقرار، مع الاخوان ودستورهم؟
      امبارح صحفية اتضربت من اخوان غير مصريين لمجرد انها قالت للعريان انت كاذب… والكلام ده فى امريكا… انت متخيلة المشهد والمنظر؟

      1. فاتى انا لازم امشى دلوقتى
        ان شاء الله نبقى تتناقش وربنا يستر على مصر
        سلام يا روح قلبى

  9. ليس الانتصار بالتهدبد والوعيد ولكن الانتصار بالاحتكام لصندوق الاقتراع يوم السبت القادم سبحان الله كم ارى الخوف من الذهاب الى الصندوق والاستماع لصوت الشعب
    نسبة التصويت عشره بالمئه اقل نسبه يمكن القبول بها لنجاح الاستفتاء
    يعني 50 مليون ناخب لازم يصوت 5 مليون على الاقل
    ابو الفتوح يدعوا للتصويت على الدستور بلا
    يعجبني هذا الرجل لانه اختار الصندوق للتعبير عن رفضه فاذا كانت جبهة الانقاذ و6 ابريل بالملايين ليرونا قوتهم بالتصويت وليبطلوا الدستور

  10. سبحان الله الناس اصبحت خايفة من علم الغيب. اليس الله وحده هو الذي يعلم الغيب؟ لو الاخوان عملو؟ لو الخوان مشو دستورهم؟ لو الاخوان حكمو؟؟؟؟؟؟
    الانتماء بالمفهوم الواسع هو اولا ديني و ثانيا قبلي بمعنى انه من الساذج ان تاخذنا الحمية على البلد لوحده لان هذا ما اراده سايس بيكو و لكن من الحكمة ان تاخذني الحمية عدا اخوتي و اخواني في الدين اولا ثم من قبيلتي و عشيرتي كاخواني في العروبة. يستفزني لم يحتكر بلدا لشخصه!!!!!!
    اتمنى الخير لاخواتي و اخواني في الاسلام و العروبة (اي تشمل العرب المسيحيين و اليهود الذين ضد دولة اسرائيل و مسالمين) ايا كانو

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *