قال حمصي لصديقه:بتشرب قهوة.
قال صديقه:إذا شربت قهوة ما بقدر نام.
قال الأول:أنا بعكسك تمام بس نام ما فيني أشرب قهوة
———————-
في حمصي سأل واحد بالشارع وين الرصيف التاني ألو مقابيلك فألو الحمصي سألت هنيك قالولي هون!

—————————-
حمصي راح لعند ضابط بوزارة الداخلية قله
بدي اترشح لرئاسة الجمهورية , قله الضابط إنت مجنون شي ؟
فأجاب الحمصي : هو شرط يعني
———————–
في صحفي سأل حمصي : كم نسبة البطالة في حمص ؟
الحمصي : والله حمص كلها ابطال
————————–
عصفور حمصي كان يطير على ارتفاع منخفض فاصطدم بزجاج سيارة
وسقط على الأرض ، شفق السائق عليه فأوقف السيارة وحمل العصفور
وأخذه إلى البيت ، وهناك وضعه في قفص ووضع أمامه ماء وخبز ،
ولما فاق العصفور ووجد نفسه وراء الشبك ضرب بجناحه على رأسه قائلاً : العمى !!
سجن وقضبان !؟ معقولة نكون روحناه للزلمة !!

—————————

شارك الخبر:

شارك برأيك

‫18 تعليق

  1. الظاهر ان كل بيئة حمص مصابه بنفس الامر ….عصفور حمصي…ههههههه هههه نكت حلوه جدا

  2. يا امينة , هذا يحدث في كل البلاد بعض الناس يغيرون من البعض الآخر ويضع عليه نكته واكيد عندكم في الجزائر اهل بلد تضعون عليهم نكت …

  3. صباح الخير ..الصراحة انو بكل دولة فيها بلدة او محافظة معينة بينحكا عليهن نكت ..مثلا بمصر بيحكو ع الصعايدة لانو اهل الصعيد عنيدين جدا
    و الاردن بيحكو ع الطفايلة لان اهل الطفيلة بسيطين جدا ..اما بسوريا فمنحكي ع الحماصنة لانو اهل حمص اذكياء جدا ..
    معدلات نجاحهم بالشهادة الاعدادية و الثانوية بسوريا اكبر بكتر من معدلات اي محافظة اخرى و علامات طلابهم عالية جدا ..
    اليهود السورين قدروا يسيطرو على كل سوريا بالتجارة و الذكاء ..بس ما قدرو لا ع حمص و لا اهلها
    و خلال مرور احدي الغزوات للسيطرة على بلاد الشام قام اهل حمص بتلوين انفسهم بالون الاصفر و شوي الاسود ..و اعتقدو قادة الحملة انو الشعب مصاب بالهوى الاصفر ..و خافو و ما دخلوا البلد
    و بغزو تانية قام شعب حمص يرقص و يقفز و ينط بشكل مضحك قدام قادة الفتح ..لاعتقدو انو الشعب مجنون و كمان ما دخلوا البلد ..
    عن جد شعب حمص داهية ..الله يخليهم و تحية لكلللللل اهل حمص الغالية

  4. صح كلامك أخت حلا أهل حمص نفسهم بيحكوا نكت عن الحماصنة وبتطلع حلوة منهم ياأختي أهل حمص مهضومين ودمهم خفيف بعدين مامنقدر نحكي غير هيك مشان الحكومة هههههههههههه عم أمزح لاتعصبي,,,!!

  5. شكرا زُهرة اسمك حلو بيذكرني بقصة سيدة من الجزائر أسمها زُهرة أيضا أغرم بها رجل محامي من سوريا وتزوجا وعاشا ومازالا يعيشا قصة حب أصبحت مضرب مثل للجميع بالرغم من أنهما جد وجدة,,,!!
    وأتمنى لو أن أحد ما يسمعه وهو يلفظ بأسمها الجميع أحب اسمها من طريقة لفظه لأسمها,,,!! الله يديم المحبة والحب بين الجميع

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *