أبوتريكة يختتم مسيرته الرياضية بإنجاز غير مسبوق

الله يعزك و يسعدك مريوم …وكل سنة وأنتي وأهلك سالمين بمناسبة عيد مولد نبينا صلوات الله وسلامه عليه
أنا ما عندي كتير إهتمام بالرياضة أنا بسمع عن هشام الكروج كبطل رياضي لكن ما بعرف كتير عنه ولا عن انه اهدى تتويجه وسمعت كمان عن الشماخ وموقفه المشرف لكن ما بعرف عنهم أكتر من هيك وهذا تقصير من إعلامكم لأنه ما بيبرز إنجازات هؤلاء اللاعبين …أنا لإنه زوجي متابع وللدوري المصري و أنا متابعة للإعلام المصري لهيك بعرف عن أبو تريكة وإنجازاته
وانا حكيت عنه كإنسان وليس كلاعب لأنه له مواقف إنسانية رائعة وبتستحق الإعجاب
بس إنتي ليش انتفضتي كل هالأد على لاعبينكم ما حدا قلل من قيمتهم نحنا عم نذكر صفاته للزلمة بس ما ذمينا غيره فوين الإستعلاء بالموضوع …. ما بعرفك عنصرية مريوم هههههههه

مريم …الإعلام المصري هو أقوى إعلام عربي لهيك متل مو شايفة قدروا بكيدهم وخبثهم يقلبوا نظام حكم ويحرضوا شعب على رئيسه بالكذب والفتن وشفتيهم بالأزمة مع الجزائر ناس كتير تعاطفت معهم وصدقتهم بسبب إعلامهم الخبيث لحد ما بعدين ظهروا على حقيقتهم ..وغير انه قنواتهم كتيرة لهيك عرفوا يظهروا أعمال أبو تريكة أكتر من عندكم …..أو يمكن أنا لإني بتابع إعلامهم بحكم إني متزوجة مصري لهيك بعرف أبو تريكة وغيره ..صدقي يمكن لاعبينا السوريين ما بعرف أسماء حدا فيهم ولا بعرف إذا حتى محلياً أخدوا شي بطولة …أكيد اللي بيتابع الرياضة متلك بيعرف إنجازات لاعبيكم وغير لاعبين بعكسي أنا كنت بزماني تابع الأولمبياد والبطولات الرياضية لهيك بعرف هشام الكروج ونوال المتوكل لإني شفت بطولاتهم لكن هلأ ما عدت تابعت شي بتابع بس مباريات ولادي مع بعضهم وخناقاتهم بالبيت بتكفي وتوفي 🙂