أعلن الحاكم العسكري في مصر الأحد، حالة “الطوارئ” في مدينة بورسعيد، التي تشهد مواجهات دامية بين قوات الأمن وعشرات المحتجين من مشجعي النادي “المصري”،
جاء إعلان حالة الطوارئ في المدينة الساحلية، بعد سقوط قتيل واحد على الأقل، إضافة إلى عشرات الجرحى، خلال الاشتباكات التي اندلعت أثناء محاولة عدد من المحتجين على قرارات الاتحاد المصري لكرة القدم بمعاقبة فريقهم بتجميد مشاركته في البطولات المحلية لموسمين، ومنع إقامة أي مباريات على إستاد بورسعيد لثلاث سنوات، اقتحام مبنى هيئة قناة السويس.
وبعد يومين من المصادمات، أصدرت رابطة “ألتراس” النادي المصري بياناً الأحد، أكدت فيه انسحاب مشجعي الفريق من مناطق المواجهات مع القوات المسلحة، فور علمهم بمقتل أحد أفراد المجموعة، وبعد أن ألقت قوات الأمن القبض على 15 من مشجعي النادي، حينما حاول البعض اقتحام مقر هيئة قناة السويس بالمدينة الواقعة في شمال شرقي مصر.
الله يبعد الشر
عندى احساس أن القصة دى كلها معمولة ومترتبة لاشاعة الفوضى فى مصر كلها، وبالتالى العسكر يعلن الاحكام العرفية، وتبقى مصر تحت الحكم العسكرى لاخر يوم فى حياتنا.
هو احنا هانلاقيها منهم ولا من الاخوان ولا السلفيين؟ الكل عايز ينهب أكبر جزء من الغنيمة.
الاخوان والسلفيين كانوا فى جرة… وأول ماشموا نفسهم طمعوا فى التركة كلها.
والعسكر مش مصدقين أن حكم مصر قارب على الضياع منهم.
لك الله يا مصرنا الحبيبة.
قرار ظالم جدا جدا
وكان منحاز للجماهيريه الكبيره للاهلي << رغم اني اهلاوي 🙂
يعني تعاقب الفريق وتترك مرتكبي احداث الشغب يسرحون ويمرحون .. تعاقب اللاعبين والاداره والسبب في المشكله افراد الامن (وزارة الداخليه)
العقوبه على ابناء مدينة بورسعيد الباسله .. عقوبه ظالمه جدا
أخى DR. Kal
إسمحلى أعقب بعد إذنك :
فى البداية العقوبات الموقعة على النادى المصرى حتى الآن صادرة من إتحاد الكُرة تجاه النادى المصرى كـ إدارة وجماهير فلازم تكون بين حدود صلاحياته و إختصاصاته كـ إتحاد كُرة ، أما الجُناه أو القتله إللى تكلمت عنهم فالناحية دى تخُص الجُزء ( الجنائي ) يعنى نيابة ومحكمة .
بس قولى لو سمحت إيه هو القرار الظالم جداً جداً ؟!!!
ياريت أكون فاهم غلط و تكون تُقصد عشان إن النادى المصرى ماتشطبش و مانزلش درجة عاشرة !
لو تلاحضوا فى تعليقاتى إن إنتقادى كان لـ جماهير النادى المصرى و ليس شعب أو أبناء مدينة بورسعيد!
سؤال و مستنى إجابة يمكن أبطل إستغراااب !
هو ما فيش ولا حد عاقل أو حكيم فى مدينة بورسعيد يوقف المهزلة دى ؟!! و هل مدينة بورسعيد بالكامل جمهور النادى المصرى ؟ و هل يرضون أن يضيع حق 73 قتيل دون قصاص ؟!
يا جماعة الـ 73 قتيل من بينهم 2 من أبناء بورسعيد صدقونى ما حد فى المُحافظة كلها ( عبّرهم ) ولا رفعلهم سماعة تليفون !
فين نوّاب بورسعيد أمثال أكرم الشاعر أو البدرى فرغلى ؟!!!
السلام عليكم اخي ابو ادم عاش من شافك طمنى على ادم وصحتو وصحة زوجتكم المصون
آدم الحمد لله تمام أختى كاتيا ، يادوب بس ما بينيّمنيش بقاله 4 أيام لا صُبح ولا ليل !
ههههههههههه عرفة ان مش بينيمكم لا ليل ولا نهار بس عادي انتم اصبرو عليه لغاية ما يصير عمرو 6شهور وهو هيبقى تمام عرفة اني صدمتك بها الكلام بس هي دي الحقيقة 🙂
يارييييييييييت 6 شهور ، إنتى مش صدمتينى دانتى خلتينى مُتفائل 🙂
تخيلى فاتيما قايلالى من ساعة كده على موضوع تانى إنى هفضل كده لمدة سنتين عقبال ما يتظبط نومه 🙁
وربنا يخليهولك وتفرحو فيه ويكون مثقف مثل باباه ويعلق معنا بعد عدة سنين وقتها هنكون عواجيز ونخلي الدور لولادنا تخيل ادم يعلق مع ابني ايمن ويقلو دا بابا من سنين فاتت كان صديق لممتك ويقعدو يضحكو هههههههههههههه ان شاء الله
لالالالالالالالالا يا فيب مش لدرجاتي سنتين دا ايه
بص اقلك حاجة قلها بحرمكم المصونو اوعو اعو اوعو تعودوه يتشال رضعوه ونظفوه وخلوه على سريرو اكثر حاجة يعتاد عليها الولد هي مسالة شيلانو اما النوم لا هو لغاية الشهور الستة وبادن الله يبقى تمام بس نصحتي ليكم مسالة شيلانو طول الوقت بلاش منها
لالالالالالا يا فيب سنتين دا ايه لا هي بس الشهور الستة وخلاص
اما نصحتي ليكم اوعو اعو اوعو تعوده انكم تشيلوه طوال الوقت انتم شبعوه ونظفوه وخلو على سريرو وبادن الله مش هتلاقو اي صعوبة بعدين وادا عوتوه انكم تشيلوه وتهننوه طوال الوقت راح يتعود وراح تتعبو دي انا عملتها مع ابني وكمان شوف الغرب مع اولدهم بيتصرفو زاي
نصيحة مقبولة أختى Katia و هحاول ما أعملش كده علشان أنا كمان أخدت على كده !
انهم في ضلال بعيد