مرسلة من صديق نورت / احمد صلاح محمود

مالك يا قلبى كده ملهوف
مش على بعضك
لونك مخطوف
سرحان تايه بدور على حاجة
عينك فيها دمعة
ومش راضية ب ولا حاجة
اجمد كدة امال
هى الدموع طبع الرجال ؟!
ايه يعنى غابت يومين
خلاص مش قادر ع البعد
ودايخ م الحنين
يخرب بيت القلق اللى انت فيه
مالك يا جدع بتعيط ليه
حالاً دلوقتى ترجع
وبلقاها تانى تفرح
حبيبتك رقيقة قوى
عمرها صدقنى ما تجرح
وبتحبك اكتر منك
ولا ناسى انها قالت قبل منك
قالت الكلمة اللى انت دايب فيها
وعامل ناصح قال ومخبيها
قالت عاوزاك
قالت بحبك
و عشانك سهرت الليل
احفظ قصايد شعرك
قالت كمان بحبك مووووت
فى عز ما كنت دايب م الكسوف
اه كنت عاشق
بس ماحدش سمع لك صوت
كنت خايف مدارى فى السكوت
هى اللى نادت
هى اللى قالت
وصحيح يومين غابت
بس انت عارف ايه الظروف

شارك الخبر:

شارك برأيك

‫15 تعليق

  1. يا جامد،،فهل الدموع خلقت لنا فقط
    يا جبان ،،عفوا منك ،،هل ستكتفي بحروفها دون ان تزيد عليها النقط
    مبدع كعادتك،اخ صلاح

  2. جميل أخى أحمد صلاح .،
    وبيعجبنى فى كلامك إنة بسيط معقد.. تسلم إيدك …

  3. كم أنتِ رائع … كروعة هذا المساء

    كروعة هذا الموج الهادئ … في الماء

    كروعة هذا القمر الباسم … في السماء
    ـــــــــــــــــــــ
    أبدعت أحببت كلماتك جدا جدا جدا

  4. جميل جداً ماكتبت يا ابو صلاح ،،، بس أنت بهدلت القلب المسكين كده ،، كان فاضل شوية وترقعه قلمين على وشه …… ههههههه ههههههههه

    تحياتى يا أستاذ العامية يا أبو صلاح .

  5. هدا لكل من يشتم في الجزائر
    انها غزلية الوطن الغالي وجذوه الحب العارملوطن نفيس غال اسمه الجزائر. فما احلى طيب الغزل وتقيه الفواح عطرا وما اعذبه خاصة عندما يكون شبق عشق خالص لتربة الاجداد والا باء. وان الجزائر لجديرة كل الجداره ان تعشق عشق التفاني و الفداء
    والان جميعا معا فا لتحيا الجزائر يا موقع انشر تعليقي

  6. قرأتها عدة مرات لجماليتها ودفء كلماتها ..

    ثابر عزيزي أبوصلاح .

  7. احمد صلاح .. دائما اقرأ ما تكتب لاني معجبة بكتاباتك البسيطة والرائعة التي تدخل في القلب بدون استئذان

  8. للمره الثانيه امر من هنا ،ونادرا ما افعلها
    لا اعرف ما السبب،،يمكن لدفء كلماتها وجمال بساطتها

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *