حاسس بشىء جوايا
بينادينى
بيقولى قوم
خطى فوق الصعب دايما
إوعى تخضع
للهموم
إنسى جرحك
إنسى حزنك
طفى نار القسوة .. قرب
كل لحظة فرح منك
غصب عنك
غصب عنك
هد خوفك
غصب عنك
إمحى ظنك
خلى صوت الحق يعلا
بين شفايفك
يعلا أكتر
خلى قلمك يبقى أقوى
أقوى من شمشون وعنتر
خلى قلمك
هو أملك
هو أصدق حاجة فيك
وبطموحك وبإيديك
خلى لون الفرح لونك
وبشجاعتك إملا كونك
تلقى كونك
جاي ليك
خلى قلبك
قلب أبيض
مهما تخسر
تانى عوض
تانى قوم
عمر حلمك مش حـ ينقص
أي يوم
لما تحلم
وأما تحلم
مش حـ تندم
بس لازم يبقى حلمك
حلم صاحى
عـ الدوام
حلم يصبح بكرة واقع
بالعزيمة
مش بالكلام
مش بالأمانى
مهما قلبك كان أنانى
مهما خنت
مهما بعت
مهما كنت .. فـ لحظة تايه
فـ المعاصى
فـ الذنوب
لسه باب التوبة فاتح
ليك دراعه
ياللا توب
توب لربك
وإمحى ذنبك
وإمحى من سماوات ملامحك
كل الغيوم
وإن نزلت بحور غريقة
أو وقعت فـ أي ضيقة
إوعى تيأس
تانى إبدأ
تانى قوم
تانى قوم
=-=-=
بقلم : محمد حلمى مصطفى
الأسكندرية – جمهورية مصر العربية
=-=-=-=-=-=-=-=-=-=-=

شارك الخبر:

شارك برأيك

‫11 تعليق

  1. جميله جدا القصيده
    مشكور اخ محمد حلمي مصطفى

    1. مافتحوا معاي الصور يافاتي 🙁 همه نفس صور ابو سبوبه ولا ايش!!

      1. لالا مش هى… دى صور من القاهرة والاسكندرية وطابا.
        لحظة احط اللينك كله تانى.

  2. مشكور أخي أعتقد أن هده الكلمات قريبة إلى تلك التي تغنى في راب (rap) أكتر من القصيدة الأدبية لأنها تفتقر إلى الصور الشعرية

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *