مرسلة من صديقة الموقع shyeng

واحد زرع ورده………… ‏طلعتله ام كلثوم .
· مرة واحد راح يوكل محامى……. ‏لقاه صايم .
· واحد رمى يمين الطلاق على مراته ‏ماجاش فيها .
· كسلان دخل الامتحان وقع منه القلم . ‏سلم الورقة .
· مرة واحد باع اللى وراه والى قدامه وا شترى اللى جنبه .
· بقرة جالها جفاف نزلت نيدو .
· ليه الخشب يتيم؟…….‏لأ نه مقطوع من شجرة .
· مرة 5 ‏دخلوا كلية الهندسة اثنين طلعوا مهندسين وثلاثة طلعوا مدينة نصر .
· لية الصعيدي الصغير أذكي من الصعيدي الكبير؟……. لأنة مابقالوش كتير صعيدي .
· واحد بلديتنا كبر دماغه معرفش يخرجها من التي شرت .
· عربية كحيانة صاحبها سابها قدام بيت مهجور….‏ليه؟؟ ! ‏عاوزها تبقى عربية شبح .
· مره واحد عداه العيب اخد الي بعده .
· واحد خلقه ضاق اداه لأخوه الصغير .
· دبانة وقعت فى ازازة وسكى طلعت تقول اوعى النسر .
· واحد مشغول اتجوز واحدة مشغولة خلفوا ولد مش فاضلهم .
· ‏مرة مدرس رياضيات خلف ولدين و استنتج التالت .
· واحدة اتجوزت واحد شخصيته مهزوزة . ‏ركبت له أريل .
· همبورجر وبيبسى و بطاطس بيجروا فى الشارع تفتكر ليه؟…….. عشان وجبات سريعة .
· واحدة بلدياتنا قالت لجوزها قولى كلمه حلوه ، قال لها بسبوسه قالت له يا اخى قولى كلمه تهزنى ، قال لها مرجيحه قالت له قولى كلمه احس فيها انى مراتك قال لها انتى طالق
· مرة دكتور اسنان اشترى عود قصب لقاه مسوس حشاه .
· خبير ارصاد جويه … ‏اتجوز وخلف بنتين الكبرى 27 ‏والصغرى 13
· صعيدي جزمته اتقطعت خيطها وبعد أسبوع لقاها كويسه فك الخياطه
· واحدة بتقول لحبيبها أهلي مسافرين والبيت فاضي قالها أقري قرآن ومتخفيش .
· مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي
.. ‏قاله: ‏طيب… تعالى اقعد معايا عالقهوة شوية !!
· ‏مره واحد ابنه طلع من الأوائل ………. شفروه !
· ‏التلميذ : ‏بحبك يا أبله و عاوز أتجوزك…. ‏المدرسه: ‏بس أنا مبحبش الأولاد الصغيرين…
‏التلميذ: ‏وأنا مش مستعجل على الأولاد .
· ثلاثة مساطيل قاعدين في سهرة
الأول : ‏أنا عندي فلوس أشتري بيها أمريكا الشمالية
الثاني : ‏وأنا عندي فلوس أشتري بيها أمريكا الشمالية و الجنوبية
الثالث : ‏و مين قالكم إني رح أبيع

شارك الخبر:

شارك برأيك

‫16 تعليق

  1. تحية للأُخت Shy Eng
    ويومك سعيد،
    عجبتنى اوى
    خبير أرصاد إتجوز وخلف بنتين الكُبرى 27 والصُغرى 13
    يسلملنا المجهود..،

  2. اهلا اهلا VIP
    خلينا نغير من mood المنافسة بتاع الكورة ده شوية…

    و تسلم يا gag

  3. والله العظيم معاكى حق أُختى Shy Eng
    المواضيع الخاصة بالكورة بقيت مُملة أوى، والواحد بقى يمل من مُجرد قراية المواضيع مبالك التعليقات،
    خصوصاً إنى مُتاكد إن لو مصر اللى كانت مُحتلة المُقدمة كـ المتوقع وكالطبيعى،
    أولاً: مكُناش هنسمع صوت خالص زى دلوقتى،
    ثانياً : ولا هتلاقى تعليقات كتيرة من الأساس لإن وقتها هيبقى الوضع عادى وطبيعى، لكن علشان الوضع مش عادى ولا طبيعى، فالتعليقات بتوصل لـ 250 تعليق كما هو موجود الأن!!
    معلش دوشتك بمود الكورة تانى، بس يالا أُعزرونى بقى.،
    والمصريين مالهُمش حل..،

  4. براح ياعم أخيليس
    انا عمًال أقارن بين النُكت بتاعتك والنُكت بتاعة الأُخت Shy
    وبصراحة………؟
    الموضوعين
    .
    .
    .
    تُحفة

  5. اصطبحنا على هذه إلنكت الجميلة والمضحكة.ميرسي اخت شينع.هاهاهاهاه ماذا يعني إسمك يا اخت؟؟؟هو ليس من بين النكت اكيد!!!!

  6. بجد موضوع دمه خفيف، وده المعتاد والمعروف؛ لان المصريين اخف دم فى العالم. واحلى شعوب العالم. تعيشى يابلدى يابلدى تعيشى.

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *