الديمقراطية التى اتت بالرئيس هى التى توجب انتقاده ومحاسبته… لم يأت الرئيس بالديمقراطية ليرسخ لفاشية تعتبر انتقاده إهانة يحاسب عليها من يجرؤ على ارتكابها “كريمة كمال: المصرى اليوم”.
شارك الخبر:
شارك برأيك
32 تعليق
اصحى يا مرسى و صحى النوم …. عدوا و فاتوا ال 100 يوم
اصحى يا مرسى بلاش تهجيص …. احنا زهقنا من الترقيص
مشروع نهضه طلع فنكوش …. و ال 100 يوم كانوا حلق حوش
100 يوم خلوا العيشه تييييت …. مرسى بيجي مصر ترانزيت
بيب بيب بيب بيب
100 يوم مش لاقييين انابيب
الانبوبه ب 100 جنيه
الغلابه هيعملوا ايه
و البنزين ولا السولار
الطوابير من دار ل نار
غنى علينا بناى و كمنجه
ساب الباميه و قال على المانجه
يا مرسي فى بيتكوا بتطبخوا ايه …. 100 يوم قوطه ب 10 جنيه
يا مرسي فى بيتكوا بتشوو فراخ …. 100 يوم عيش دوخنا و داخ
100 يوم عيش دوخنا و داخ
يا مرسي فى بيتكوا بتعملوا لحمه ؟؟
100 يوم عدوا ما شوفنا الرحمه
حد ادنى للاجور
مطلب ثوار مع جمهور
مرسي يا مرسي يا مرسي يا مرسي
يا العداله يا اما الكرسى
احكى يا مرسى على المرور
لف يا مرسى علينا و دور
لا لا و لا لا و لا لا …. احكى يا مرسى عن الزباله
و احكى كمان على سيناء كتيير …. على الارهاب و على التهجير
قال هيجيب حق التحرير
كرم عنان و المشير
قال هيوازن التأسيسيه
100 يوم عدوا و خيبه قويه
قال هيهكل فى الداخليه
و الداخليه هي هي
قال هيجيب ديموقراطيه
ساب جماعته مش قانونيه
قال جاى يحكم بإسم الدين
ساب اخواتنا فى الزنازين
قال هيجيبلنا هيبه الدوله
100 يوم شايفين خيبه الدوله
قال مش جاى بقميص و حراسه
ناقص يمشى معاه قناصه
الجرافيتى … و دانيال
100 يوم خلوا العيشه شمال
اخون اخون فيها كمان …. 100 يوم بيعين اخوان
هتحقق فى محمد محمود …. حق اخواتنا اكيد هيعود
القصر العينى
و فى ماسبيرو
القصاص و مفيش حاجه غيره
حق الاولتراس راجع راجع
100 يوم عدوا الم و مواجع
مرسي يا مرسي يا مرسي يا مرسي
ثوره و قامت للحرية
و العداله الاجتماعية
انا مش خايف زى زمان
لسه الثوره فى كل مكان
لو ضربونا فى الشوارع …. صوت الثوره طالع طالع
لو مسكونا فى البيوت …. بردوا الثوره مش هتموت
علي فى سور السجن و على …. بكره الثوره تشيل ما تخلى
علي يا مرسي كمان و كمان …. بكره نشيل و الزور هيبان
علي يا مرسي كمان و كمان ….صوت الثوره فى كل مكان
علي يا مرسي كمان و كمان ….صوت الثوره فى كل مكان
ودى رسالة من شباب مصر الثوار اللى انتظروا فترة انقضاء ال100 يوم اللى وعد بيها مرسى، ووعد انه هاينفذ كل ماورد بنفسه وهو اللى قال ده فى كلامه وفى برنامجه الانتخابى ومع ذلك، كل وعوده اللى وعدها للـ100 ذهبت مع الريح.
كان واضح من الأول
مشكلة البعض كان عنده أمل بها المرسي وغموا عيونهم وقالوا أنشاءالله يطلع رئيس جيد وهذا غباء لأن هذه المرة لن يستطيعوا أزاحة هذا المرسي لأن من واءه لن يسمحوا بهذا
مشكلة المختلين عقليا أنهم يعتقدون أن الأعتراض علي المرسي لأنه يمثل الأسلام وطبعا هو لا يمثل الدين ولكن هذا ومن ورائه منافقين بأسم الدين ولسة بكرة هتشوفوا منه وممن يحركه كالدمية الله يعينكم يا مصريين
نتمنى كل الخير لمصر دون ان ياسرها احد باسم الدين او حزب وهي تقوى بقدر الحريات والديمقراطية التي تمنحها لكل الاطوائف والاديان وليس بالاحتكار اوالتكفير لمخالفين ارائهم
السلام عليكم ورحمة الله وبركاته ،
كيفك اختى فاتيما ؟ يارب تكونى كويسة و زى الفُل .. و كيف حال الجميع ؟ يارب بخير .
أختى فاتى كلامى موجه بصفة عامة مش ليكى شخصياً ، حبيت أوضحلك من البداية أحسن تاخديه على نفسك و تزعلى منى ! و تأكدى أننى أنتقد فكرة و ليس أشخاص 🙂
_____________________________
يا حول الله يا رب ، الناس فاكرة إن التغير مُجرد ( زر ) هنضغط عليه البلد هتتغير ! مش مُقتنعين إن التغييرعبارة عن خطة لها أهداف رئيسية و أهداف فرعية و جدول زمنى و حكومة و شعب متضامنيين و شغّالين و إديهم واحدة !
الرئيس عبد الناصر إستلم البلد و الدولار بـ 35 قرش و تنحى و الدولار بـ 40 قرش .
الرئيس السادات إستلم مصر و الدولار بـ 40 قرش و قٌتل و الدولار بـ 48 قرش .
الرئيس مُبارك إستلم مصر و الدولار بـ 48 قرش و إتخلع و الدولار بـ 680 قرش !
و الرئيس مُرسى إستلم البلد خربانة ! الأزمات إللى الأغنية محتوياها دى زى الأنابيب و رغيف العيش و المرور و البنزين و السكن و البطالة وغيرهم مش وليدة يوم وليلة ! دول نتيجة إهمال أكتر من 30 سنة عاوزين الراجل يحلها فى 30 يوم إزاى يعنى !
العربية لما بتيجى تدوّرها علشان تتحرك بيها لازم تديها الغيار رقم ( 1 ) و بعد ثوانى بتنقل على الغيار رقم ( 2 ) و بعد سرعة أكتر بتنقل على الغيار رقم ( 3 ) و هكذا … طب تخيّلوا إدينها الغيار رقم ( 3 ) و حاولنا نتحرك بيها مرة واحده إيه إللى هيحصل ؟! هتكركر منك و هتبطل ! علشان ما ينفعش فى أسس و معايير مُعينة لازم نمارسها فى السواقة علشان العربية تتحرك .
الشئ الثانى ، إنك لو شغّال فى مكان كله حقد و كُره و فقع آسافين مش هتقدر تكمل فى شُغلك ! و هتسيب شغلك و تدوّر على غيره علشان الجو أو المناخ فى العمل مش عاجبك ، هو كذلك شغال فى جو الكل بيتربص فيه بالإخوان و شغلتهم الشاغلة إنهم يسقطوهم ! ناهيك على إن الإعلام ما بيرصُدش غير أخطائهم علشان يشغل الرأى العام و الشارع المصرى بيها !
يا جماعة أعطُوهم فرصتهم و حاسبوهم لما يفشلوا ولما ينتج منهم فساد مش لمُجرد إنهم إخوان ! ، مُبارك إتحاسب لما الناس إنفجرت و طفحت الكيل ، خلونا نحاسب الناس دى لما نشوف منهم فساد مش لمُجرد إنهم إخوان !
ومين قالك يا فيب أننا عايزين ندوس على زر التغير، علشان فى 10 ثوانى نلاقى الدنيا حلوة والحياة بقى لونها بمبى؟!!
بتقول ان “لتغييرعبارة عن خطة لها أهداف رئيسية و أهداف فرعية و جدول زمنى و حكومة و شعب متضامنيين و شغّالين و إديهم واحدة !”… طب وهو احنا عرفنا اصلا مشروع النهضة ده اوله فين واخره فين؟؟؟؟ روح اسمع تصريحات خيرت الشاطر عن مشروع النهضة، وياريت تقولى رأيك ايه.
مشروع الـ100 يوم ده، مش من اختراعنا، ولا افتكاسة من شبابنا، ولا بنتجنى عليه بدون سبب، المشروع ده الرئيس نفسه هو اللى قدمه ووعد بيه وقال انه فى اول 100 يوم هاتكون الـ5 مشاريع دى اكتملت، وعلى فكرة يعنى مش مشاريع تحتاج تخطيط ولا تكاتف ولا صفاء بال… تقدر تقولى القمامة الموجودة فى شوارع مصر دلوقتى وفى كل شارع وحارة وميدان دى تحتاج ايه علشان تتحل، مع العلم انها كانت من اولويات الرئيس فى برنامجه الخاص بالمائة يوم.
هو قدم مشروع ب100، وماحدش اجبره عليه، ولما عدوا الـ100 يوم، جه وقت الحساب…. ولا المفروض نسكت على شئ بسيط بحجة واعتبار انه بسيط، علشان نديله فرصة؟!
وبعدين انت بتتكلم عن الرئيس ولا عن الاخوان؟؟؟
وبتقول كمان خلونا نحاسب الناس لما نشوف منهم فساد؟!!!!!
يالهووووووى هو احنا تانى هانعيده من اول وجديد ولسه هانستنى لما يبهدلوا الدنيا تانى؟!
وهل اللى حصل يوم الجمعة من الاخوان ده، يحتاج السكوت عنه وعليه؟؟؟
كان الرئيس يقدر فى ال100 يوم دول يعمل حجات كتيرة، بدل مايتفرغ هو وجماعته لتصفية خصومهم، يكفى الموقف اللى حطه فيه النائب العام، واللى من خلاله اتضح ان مرسى وجماعته همهم الاول هو……… نهضة مصر فعلاً.
عجبت لك يا زمن!
شوف انت ليك الحق تديله فرصة، واحنا كمان لينا الحق اننا نحاسبه على كل خطوة ونفس، وكل واحد حر طالما سلاحنا هو لسانا وليس ذراعنا زى اخوانه.
أختى فاتيما ،
لما البلتاجى بيتكلم الإعلام بيقوله ……… صفتك إيه ؟!
ولما العريان بيتكلم الإعلام بيقوله …….. صفتك إيه ؟!
و لما البرنس بيتكلم الإعلام بيقوله ……. صفتك إيه ؟!
و لما الشاطر بيتكلم الإعلام بيقوله ……. صفتك إيه ؟!
يبقى القاعدة هنا إن القيادات الإخوانية دى غير مُعترف بكلامهم لأنهم جهة خاصة و ليس مخولة للتحدث بإسم الرئاسة .
طب إشمعنى بقى لما خيرت الشاطر إتكلم فى الحتة دى إتعمل عليها حوارات و قابلها الوسط الإعلامى ( بإنشراح ) و بصدر رحب ! عارفه ليه ؟ علشان لقوا مادة إعلامية يقطعوا فيها الإخوان ! أعتقد إن مؤسسة الرئاسة هى الجهة الوحيدة المخول لها التحدث بلسان رئيس الجمهورية يبقى نترك هذا الأمر ( مشروع النهضة ) للرئيس مُرسى أو المُتحدث الرسمى بإسم الرئاسة .
الشئ الأهم و إللى أنا حابب أوضحهولك أختى فاتيما ، إنى مش بدافع عن الإخوان كـ جماعة أو كـ حزب ! بالعكس إنتى لو دخلتى جوه سطور كلامى هتلقينى بنتقد الإعلام علشان بيعكس فقط أخطاء الإخوان و ليس أخطاء الآخرون !
أوكى مُمكن أقتنع إن الإخوان ( فشله ) أو هيفشلوا فى قيادة مصر ، لكن الـ مقتنع بيه أكتر إن إعلامنا ( قذر ) و هنفضل طول عمرنا فشلة سواء بالإخوان أو بغيرهم طول ما الإعلام ده فى مكانه و رموزه شغالة الله ينور !
فيا أختى الكريمة ، مُرسى فشل فى تحقيق برنامج الـ 100 يوم ، لكن إعلامنا سننله سكاكينة من أول يوم فى الـ 100 ! و علشان كده أنا مُتعاطف مع مُرسى و ليس الإخوان !
أنا فاصل يا أختى بين الرئيس و بين جماعته
نه مشروع النهضة ده يا فيب هو المشروع اللى اتقدم بيه مرسى كمشروع جاهز كامل متكامل لبناء مصر بمجرد ما يمسك الرئاسة، وبعد ما مسك الرئاسة، نفاجئ بخيرت الشاطر _اللى ماعرفش برضه صفته الرئاسية ايه_ طالع وبيقول مافيش مشروع للنهضة، وبعدها بفترة يطلع لنا مسئول من الاخوان يقول ان مشروع النهضة فى طور تكوينه…. يبقى من حقنا نتكلم ونسال ونخاف ولا لا؟؟
وطالما الرئيس و المتحدث باسمه هم الجهة الوحيدة اللى المفروض تصدر القرارات، ونسمع منهم هم فقط التصريحات والبيانات… يبقى الرئاسة ايزاى ساكتة على اعضاء الاخوان اللى كل شوية طالعين لينا بتصريح شكل وبمشكلة شكل؟ فين الرئيس من تصرفاتهم دى، وليه مش قادر يحجمهم ويمنعهم من الهراء اللى كل شوية بيقولوه؟
هى الاوامر بتيجى من القصر الرئاسى ولا من مكتب الارشاد؟
شوف يا فيب، انت سواء بتدافع عن الاخوان او لا، فدى حريتك الشخصية يعنى مش هاتكون متهم لما تدافع عنهم، ومش كل مرة لازم تقول كده علشان توضح انك مش منهم، لكن بصراحة فى الفترة الاخيرة لقيتك بتتكلم زيهم خصوصا فيما يتعلق باللبيراليين والعلمانيين والاسلاميين، وكان سواد الشعب المصرى بقى يخضع للتقسيمات اللى بنسمعها منهم.
ده غير انك بتقول ان اعلامنا فاسد… كل اعلامنا فاسد يا فيب كله؟؟؟ خلاص الاخوان بقوا الملائكة اللى بجناحات، وبقى كل الاعلام فاسد لمجرد انه بينتقدهم وبينتقد تصرفات غوغائية منهم؟؟؟ ده معقول.
وبعدين هم اللى بيجبوه لنفسهم بصراحة، يعنى لو محترمين نفسهم وعارفين حدودهم، ماكنش اى حد عر يمسك عليهم اى شئ.
عايزاك تقولى بئا محاسنهم ايه الاخوان، يمكن انا ما اخدش بالى لانى متطرفة فى كرههم، بكلمك بجد على فكرة، نبهنى كده وقولى الاخوان مظلومين فى ايه وليه، وايه الايجابيات اللى عملوها طوال العام والنصف المنصرم.
وكويس انك فاصل بينه وبين الاخوان، مع ان كل تعليق لك عن اى خبر عن الرئيس بتدخل فيه الاخوان.
تحياتى لك.
أختى فاتيما ،
الفرق بينى و بين غيرى أختى فاتيما إنى إختارت لما أنتقد شخص أنتقده علشان إللى شُفته منه مش علشان هو مين و إيه ؟! و الأهم من كل ده نقدى ليه يبقى بنّاء مش هدام !
أنا راجل مش طمعان فى الحُكم علشان أبذل قصارى جهدى علشان أسقط فولان و أستحوز على مكانه !
أنا لا إخوانى ولا علمانى ولا ليبرالى ولا إشتراكى ولا أى شئ ، أنا راجل مُستقل ما برميش دماغى لأى جهة لمُجرد إنى أفش غلى فى الجهة الأخرى إللى أنا كارهها ، بشوف الكويس من العلمانى و أيده و أشوف الغلط منه و أنتقده ، كذلك الإخوانى و كذلك الليبرالى و غيرهم !
فعلاً مش كل إعلامنا قذر ، لكن الجهة المستحوذة بنصيب الأسد على الإعلام قذرة بنسبة 95% و بمعنى الكلمة !
الإخوان مش ملايكة ولا عُمرى قولت عليهم ملايكة و أتحدى إثبات عكس كلامى ، لكن شدة الهجوم عليهم و تلميع الأخريين جعلنى أتعاطف معهم و سأظل … طالما الإعلام يكيل بمكيالين !
وقت إعلان ترشيح خيرت الشاطر للرئاسة كنت من أشد المُعارضين للإخوان و ذادت المعارضة عندما رشحوا محمد مُرسى كمُرشح عن حزب الحُرية و العدالة ! و كانت سبب معارضتى لهم أنهم أعلنوا فى السابق عدم نيتهم فى طرح مرشحين من طرفهم لكُرسى الرئاسة و فى الجولة الأولى إنتخبت حمدين صباحى و إن دل على شئ دل على إنى ليس من المتحييزين للإخوان ولا عمرى كانت لهجتى إخوان كما تعتقدى ، ولكن عندما أُسدل الستار على مُرشحين و يجب أن أختار أحدهم إختارت مُرسى و عندما فاز قُضي الأمر بالنسبة لى و إنتظرت حتى أعطية الفُرصة الكاملة ثم أنتقده بعد ذلك بما يشاء لى كما تشترط مبادئ الديمُقراطية التى إرتضيناها !
لو فشل مُرسى هكون أول المنتقدين له ، و ليس معنى كلامه أنه نجح حتى الآن ! ولكن لسه الرؤية ما ظهرتش !
الفترة الأخيرة إللى إتكلمتى عنها أختى فاتيما و إللى قولتى إن لهجتى إتغيرت فيها و بقيت لهجة إخوان نشرت فيها موضوعين الأول بعنوان : قليل من الخجل لو سمحتُم ،! و الثانى بعنوان ” قليل من الخجل لو سمحتُم 2 !
الموضوعين رديت بيهم على ( الفئة ) إللى كل هدفها تنتقد و خلاص لمُجرد إنتى مختلفة مع مذهبك أو فكرك أو حزبك أو جماعتك !
خلينا فى الموضوع الثانى لأنه هو إللى كان يخص الإخوان أكتر ،و هو عندما :
قام الرئيس محمد مُرسى بردة فعل تلقائية أثناء لقائه مع وزيرة الخارجية الأسترالية ، و إتعمل على الموضوع ده حكاوى القهاوى ! مع العلم أن المسئولين الأجانب فعلوا أكثر من ذلك بمراحل و أكثر جُرأة و سخونة ……. ليه الإعلام تناول الموضوع بطريقتين مُختلفتين مع العلم أن فعلة الرئيس مُرسى تلقائية و أنتى تعلمى و الجميع يتأكد من ذلك ؟!
ليه أنا لما أنتقد كده الإعلام فى كده أبقى بطلعهم ملايكة ! ليه لما أنتقد كده يبقى أنا إخوانى ولهجتى إخوانى و بهاجم العلمانيين !
قبل الثورة أيام زمااااااان لما كان حد من المُعلقين بيجيب سيرة الرئيس السابق مُبارك بالغلط أو بالتجريح كنت ( باكله بسنانى فى تعليقى ) لإن عندى غيرة أوى على كل ما هو مصرى ، سواء كنت مختلف معاه أو مؤيد له و حتى لو كان فاسد من وجهة نظرك كمعلق ده مايدكش الحق إنك تجرّح فيه ! ولو تاخدى بالك عُمرى فى تعليقاتى ما كتبت الرئيس المخلوع ! طول عمرى بكتب الرئيس السابق مُبارك لإنى لا أتمتع بروح الشماتة !
و السؤال دلوقتى منى ليكى أنتى أختى فاتيما :
إنتى إللى ليه إتغيرتى ؟! إللى يهاجم مُرسى ما بقولش ( ينتقده ) بتفوتيله و بتسبيه و بتتغاضى على الإهانة ، و تعليقاتك بتقولى فيها مُرسى حتى بدون القاب عكس عادتك مع الرئيس السابق مُبارك ؟!
ليه المبدأ بيتغير لكون عندك لكون إتجاه الرئيس الحالى مُرسى غير إتجاهاتك ؟!
لالا يا فيب انا مابتكلمش عن عن موضوعك اللى بعته عن قليل من الخجل، ولا عن الموضوع الخاص بتلقائيته اثناء لقائه مع وزيرة الخارجية، لانه كلنا رفضنا اى هانة من اى نوع ليه، لانه فى الاول والاخر رئيس لبلدنا… واعتقد لو ترجع للموضوع تلاقى تعليقاتى بتؤكد لك ذلك.
بعدين انا بقول مرسى والبرادعى وصباحى… فاشمعنى اخدت بالك من مرسى بس؟
ايشحال اللى باييدهم وبحس انهم بيمثلونى بقول اسمائهم فى الغالب بدون القاب.
وبعدين من امتى وانا بقول الرئيس محمد حسنى مبارك، اغلب الوقت كنت بقول مبارك، فليه بتخلط الاوراق يا فيب.
مين بئا اللى يهاجم مرسى وانا بقوتله؟؟؟ تقصد بتاعة بياع الفول؟؟؟؟
طب دى انا حتى لما شيرين بترد عليها بقولها اعتبري تعليقاتها مرشوش عليها حبر سرى.
وبعدين حتى ايام مبارك، كنت بدافع عليه لما الاقى فقط المزايدين يشتموه، لكن اى حد تانى كنت بحس انه بينتقده لانه فعلا بينتقد سياسته، ولانه مابيخلطش بين مبارك كرجل، وبين المصريين، او لما بحس ان من ينتقده مافيش فى قلبه غل ولا حقد تجاه بلدنا ولا تجاه شعبنا كنت بسيبهم عادى يتكلموا…. ده غير انه اكيد لو حسيت ان حمار من اى بلد بيشتم مرسى لمجرد انه مصرى، فانا اول واحدة هاتقف ليه وهادافع عن مرسى، لانه مبارك اكيد مش افضل منه يعنى. _واعتقد كان لى تعليق من كام يوم بوضح فيه كده_
انت عارف كويس اوى وقت مبارك وايام ما كنا هنا كان مختلف تماما عن دلوقتى.
مرة تانية ماتخلطش الاوراق، وافتكر تعليقاتى عن مرسى_ ومرسى فقط بدون القاب_ وقت ما تمت مهاجمته فى موضوع الهام شاهين.
تحياتى.
هو مين من الاعلاميين المصرى _اللى بيمثلوا الاعلام الفاسد_ تناول مافعله مرسى بشكل تلقائى وفضل يلت ويعجن فيه يا فيب؟!
اللى اعرفه ان الاعلام الغربى واعلام الشبيحة هم اللى عملوا من الا موضوع موضوع.
وبعدين انا ماقولتلكش انت اخوانى، وحتى لو بقيت اخوانى فده شئ يخصك، بقولك انت بدأت تتكلم زيهم وفى تعليقاتك بدأت تصنفنا على اننا ليبراليين وعلمانيين، وكل مشكلتك مع الاعلام، وكانه الاعلام هو الوحش اللى بيفترى على الاخوان.
وماحدش قالك ماتنتقدش الاعلام، لكن كمان وانت بتنتقده قولنا مزايا وانجازات الضحية اللى الاعلام بيحاول يشوه صورتها على الفاضى والمليان_ طبقاً لوجة نظرك_
أنا مابغيرش مبادئ ولا توجهاتى ولا وجهة نظرى فى الغالب يا فيب.
اه اتجاه الرئيس الحالى غير اتجاهى خالص، لانى شيفاه بيعمل لصالح جماعته، مش لصالح بلدنا، وهافضل مخالفاه وضده كده حتى اشعار اخر، او لحد مايثبتلى ويثبت لاخرين مثلى انه رئيس لمصر، وهمه الاول والاوحد مصلحة مصر.
عذراً فاتي للمُداخله
أنتي ذكرتي بتعليقك السابق بأنك تُسمين البرادعي وصباحي باسمهُم فقط دون ألقاب !!! هل هُم رُئساء وجردتيهم من ألقابهُم ؟؟ طبعاً لا والرئيس الوحيد هو مُرسي , هذا ما أعرفه حالياً , وأسف للمُداخله , تحياتي لكي ولفيب أيضاً
اهلا عمر.
انا ذكرت البرادعى وحمدين لانى من مؤيديهم، وبقول وبذكر اسمائهم فى الغالب بدون القاب…. ولو واحد منهم بقى رئيس برضه هاقول حمدين والبرادعى، ولو جه الجن الازرق يحكم مصر برضه هاقول اسمه فقط.
يعنى الموضوع موضوع قناعة بالنسبة لى بان الرئيس موظف عندى وعند بلدى، ومش ضرورى فى كل تعليق اقول سيادة الرئيس فلان الفلانى، الدكتور المبجل علان العلانى…. والموضوع مالهوش علاقة بان الرئيس اخوانى او غير اخوانى.
مدام وصلنا للجن الازرق أنا أنسحب يا فاتي , البطاطس غيرتك أوي يا فاتي ههه
هههههههههههههههههههههه عمر انا كمان بقول ان تاثير البطاطس تاثير عكسى، اعتقد علشان هى بطاطس بوم فريت… تعرف لو كانت بطاطس شيبس ممكن كان الوضع اختلف ههههههه
فاتى حببتى اخيرا رجعت تانى اعلق على نورت
بصى يا فتفوتة انا رائى اننا لسة بدرى اننا نحاسبوا لانوا جى
فى وقت اصلا احنا فى ازمة وكل المؤسسات عندنا بايظةابجانب
الفساد المنتشر موووووووووووت عندنا فانا بصراحة مش عاوزة
احكم عليه دلوقتى عاوزة استنى شوية لانوا مش ماسك عصا سحرية
وهيغير الوضع فى 100 يوم ولا حتى 200 انا بس ضدوا فى حاجة
واحدة بس وانتقدتوا جدا فى موضوعلا الاعتداء على المتظاهريوم يوم الجمعة
بس باقى المواضيع انا مقدرش احاسبوا دة رائى وخليكى براحة علية
انتى 8عارفة انا بخاف منك ههههههههههههههههههه
عليكى نور يا فاتيما ، زى ما قولتى أنا مُشكلتى الوحيدة مع الإعلام مش مع حد تانى .
أما عن :
( وماحدش قالك ماتنتقدش الاعلام، لكن كمان وانت بتنتقده قولنا مزايا وانجازات الضحية اللى الاعلام بيحاول يشوه صورتها على الفاضى والمليان_ طبقاً لوجة نظرك_ )
أنا ما بجمّلش فيهم علشان أقول مزاياهم ! أنا كل إللى عاوزه بمُنتهى البساطة إن الإعلام يعكس عيوب الأخرين زى ما بيعكس عيوب الإخوان و دى أبسط مبادئ الإعلام النظيف و الحيادية المطلوبة و ده حق المُشاهدين عليه !هم أقل خبرة بمراحل عن اللذين سبقوهم فى الحُكم و أكثر ذبذبة و عدم ثقة … بس فين عيوب الأخرين يا علام ؟!
هضربلك مثال صُغير علشان ما أطولش عليكى و أتمنى ما أكونش فعلاً مطوّل عليكى :
الكاتبة و الصحفية نوال السعداوى سجلت حلقة فى برنامج إسمه ممنوع الغش على قناة القاهرة و الناس ،،، الحلقة دى أنا شُفتها وقت عرضها مُباشرةً و الكاتبة الصحفية نوال السعداوى قالت فيها هذه الجُمل :
1- الله يعرف جميع اللغات و المفروض القرآن كان نزل بجميع اللغات مش باللغة العربية فقط ، علشان ترجمته للإنجليزى أو الفرنساوى بتفقده كثيراً من معانيه !
2-لا توجد نار و أنا لا أخشى نار الأخرة !
3- ميراث المرأة تشريع بشرى يتغير مع الزمان و المكان !
4- الدين لا يحل المشاكل الأخلاقية !
ده غير تأليفها لمسرحية بعنوان ( الإله يقدم إستقالته ) أستغفر الله العظيم !
المهم ، جيه المُذيع المُثير للجدل خالد عبد الله إتكلم و علق على إللى قالته الكاتبة و الصحفية نوال السعداوى ، و سواء إتكلم عنها بالخير أو بالشر مش هى دى القضية ، القضية إن تعليق المُذيع خالد عبد الله على كلامها إتعمل عليه موضوع و بقى مادة إعلامية و كلامها المُثير للدهشة إللى هى قالته ما تعلقش عليه أصلاً فى الفضائيات أو على الصفحات الإلكترونية !
هل تعليقى على النُقطة دى يبقى إنحياز منى لطرف ضد الطرف الأخر ! أنا كاره سياسية إذدواجية الآراء التى يتبعها الإعلام يعنى على حسب إتجاهاتك هتناول معاك القضية بشكل مُختلف !
تقبلى مرورى أختى و مهما إختلفتى معايا الرأى ستظلى أخت أعتز و أثق بها …
اصحى يا مرسى و صحى النوم …. عدوا و فاتوا ال 100 يوم
اصحى يا مرسى بلاش تهجيص …. احنا زهقنا من الترقيص
مشروع نهضه طلع فنكوش …. و ال 100 يوم كانوا حلق حوش
100 يوم خلوا العيشه تييييت …. مرسى بيجي مصر ترانزيت
بيب بيب بيب بيب
100 يوم مش لاقييين انابيب
الانبوبه ب 100 جنيه
الغلابه هيعملوا ايه
و البنزين ولا السولار
الطوابير من دار ل نار
غنى علينا بناى و كمنجه
ساب الباميه و قال على المانجه
يا مرسي فى بيتكوا بتطبخوا ايه …. 100 يوم قوطه ب 10 جنيه
يا مرسي فى بيتكوا بتشوو فراخ …. 100 يوم عيش دوخنا و داخ
100 يوم عيش دوخنا و داخ
يا مرسي فى بيتكوا بتعملوا لحمه ؟؟
100 يوم عدوا ما شوفنا الرحمه
حد ادنى للاجور
مطلب ثوار مع جمهور
مرسي يا مرسي يا مرسي يا مرسي
يا العداله يا اما الكرسى
احكى يا مرسى على المرور
لف يا مرسى علينا و دور
لا لا و لا لا و لا لا …. احكى يا مرسى عن الزباله
و احكى كمان على سيناء كتيير …. على الارهاب و على التهجير
قال هيجيب حق التحرير
كرم عنان و المشير
قال هيوازن التأسيسيه
100 يوم عدوا و خيبه قويه
قال هيهكل فى الداخليه
و الداخليه هي هي
قال هيجيب ديموقراطيه
ساب جماعته مش قانونيه
قال جاى يحكم بإسم الدين
ساب اخواتنا فى الزنازين
قال هيجيبلنا هيبه الدوله
100 يوم شايفين خيبه الدوله
قال مش جاى بقميص و حراسه
ناقص يمشى معاه قناصه
الجرافيتى … و دانيال
100 يوم خلوا العيشه شمال
اخون اخون فيها كمان …. 100 يوم بيعين اخوان
هتحقق فى محمد محمود …. حق اخواتنا اكيد هيعود
القصر العينى
و فى ماسبيرو
القصاص و مفيش حاجه غيره
حق الاولتراس راجع راجع
100 يوم عدوا الم و مواجع
مرسي يا مرسي يا مرسي يا مرسي
ثوره و قامت للحرية
و العداله الاجتماعية
انا مش خايف زى زمان
لسه الثوره فى كل مكان
لو ضربونا فى الشوارع …. صوت الثوره طالع طالع
لو مسكونا فى البيوت …. بردوا الثوره مش هتموت
علي فى سور السجن و على …. بكره الثوره تشيل ما تخلى
علي يا مرسي كمان و كمان …. بكره نشيل و الزور هيبان
علي يا مرسي كمان و كمان ….صوت الثوره فى كل مكان
علي يا مرسي كمان و كمان ….صوت الثوره فى كل مكان
عظمة على عظمـــــــه
الاخوان من الجماعة المحظورة الى المحظوظة!
ودى رسالة من شباب مصر الثوار اللى انتظروا فترة انقضاء ال100 يوم اللى وعد بيها مرسى، ووعد انه هاينفذ كل ماورد بنفسه وهو اللى قال ده فى كلامه وفى برنامجه الانتخابى ومع ذلك، كل وعوده اللى وعدها للـ100 ذهبت مع الريح.
هاااااااااها حلوة الاغنية…………………الجزائر
كان واضح من الأول
مشكلة البعض كان عنده أمل بها المرسي وغموا عيونهم وقالوا أنشاءالله يطلع رئيس جيد وهذا غباء لأن هذه المرة لن يستطيعوا أزاحة هذا المرسي لأن من واءه لن يسمحوا بهذا
مشكلة المختلين عقليا أنهم يعتقدون أن الأعتراض علي المرسي لأنه يمثل الأسلام وطبعا هو لا يمثل الدين ولكن هذا ومن ورائه منافقين بأسم الدين ولسة بكرة هتشوفوا منه وممن يحركه كالدمية الله يعينكم يا مصريين
مصر ام الدنيا انشاء الله يعم الخير كله عليك يارب وعلى شعبك الطيب
نتمنى كل الخير لمصر دون ان ياسرها احد باسم الدين او حزب وهي تقوى بقدر الحريات والديمقراطية التي تمنحها لكل الاطوائف والاديان وليس بالاحتكار اوالتكفير لمخالفين ارائهم
الله عليكى يا ثومـــــة!
http://sphotos-a.ak.fbcdn.net/hphotos-ak-ash4/c38.0.403.403/p403x403/308089_466159260101769_826397706_n.jpg
ههههههههههههههههه
عظمة على عظمة يا ست.
نفس البوست كان على حمدين هههههههههههه اللى خمكم.
مساء الخير شيرى، عاملة ايه انتى وحمزوكا؟
هذه رسالة من نار يا فاتي لمرسي و اعوانه
لا حياة لمن تنادى يا نهى، اللى فى دماغهم هاينفذوووه.
تحياتى لكِ ولرنيم.
اهو دة اللى كنت عامل حسابة
واهو حصل
شكرا فاتى
السلام عليكم ورحمة الله وبركاته ،
كيفك اختى فاتيما ؟ يارب تكونى كويسة و زى الفُل .. و كيف حال الجميع ؟ يارب بخير .
أختى فاتى كلامى موجه بصفة عامة مش ليكى شخصياً ، حبيت أوضحلك من البداية أحسن تاخديه على نفسك و تزعلى منى ! و تأكدى أننى أنتقد فكرة و ليس أشخاص 🙂
_____________________________
يا حول الله يا رب ، الناس فاكرة إن التغير مُجرد ( زر ) هنضغط عليه البلد هتتغير ! مش مُقتنعين إن التغييرعبارة عن خطة لها أهداف رئيسية و أهداف فرعية و جدول زمنى و حكومة و شعب متضامنيين و شغّالين و إديهم واحدة !
الرئيس عبد الناصر إستلم البلد و الدولار بـ 35 قرش و تنحى و الدولار بـ 40 قرش .
الرئيس السادات إستلم مصر و الدولار بـ 40 قرش و قٌتل و الدولار بـ 48 قرش .
الرئيس مُبارك إستلم مصر و الدولار بـ 48 قرش و إتخلع و الدولار بـ 680 قرش !
و الرئيس مُرسى إستلم البلد خربانة ! الأزمات إللى الأغنية محتوياها دى زى الأنابيب و رغيف العيش و المرور و البنزين و السكن و البطالة وغيرهم مش وليدة يوم وليلة ! دول نتيجة إهمال أكتر من 30 سنة عاوزين الراجل يحلها فى 30 يوم إزاى يعنى !
العربية لما بتيجى تدوّرها علشان تتحرك بيها لازم تديها الغيار رقم ( 1 ) و بعد ثوانى بتنقل على الغيار رقم ( 2 ) و بعد سرعة أكتر بتنقل على الغيار رقم ( 3 ) و هكذا … طب تخيّلوا إدينها الغيار رقم ( 3 ) و حاولنا نتحرك بيها مرة واحده إيه إللى هيحصل ؟! هتكركر منك و هتبطل ! علشان ما ينفعش فى أسس و معايير مُعينة لازم نمارسها فى السواقة علشان العربية تتحرك .
الشئ الثانى ، إنك لو شغّال فى مكان كله حقد و كُره و فقع آسافين مش هتقدر تكمل فى شُغلك ! و هتسيب شغلك و تدوّر على غيره علشان الجو أو المناخ فى العمل مش عاجبك ، هو كذلك شغال فى جو الكل بيتربص فيه بالإخوان و شغلتهم الشاغلة إنهم يسقطوهم ! ناهيك على إن الإعلام ما بيرصُدش غير أخطائهم علشان يشغل الرأى العام و الشارع المصرى بيها !
يا جماعة أعطُوهم فرصتهم و حاسبوهم لما يفشلوا ولما ينتج منهم فساد مش لمُجرد إنهم إخوان ! ، مُبارك إتحاسب لما الناس إنفجرت و طفحت الكيل ، خلونا نحاسب الناس دى لما نشوف منهم فساد مش لمُجرد إنهم إخوان !
شكراً أختى فاتيما و تقبلى مرورى ،،،
ومين قالك يا فيب أننا عايزين ندوس على زر التغير، علشان فى 10 ثوانى نلاقى الدنيا حلوة والحياة بقى لونها بمبى؟!!
بتقول ان “لتغييرعبارة عن خطة لها أهداف رئيسية و أهداف فرعية و جدول زمنى و حكومة و شعب متضامنيين و شغّالين و إديهم واحدة !”… طب وهو احنا عرفنا اصلا مشروع النهضة ده اوله فين واخره فين؟؟؟؟ روح اسمع تصريحات خيرت الشاطر عن مشروع النهضة، وياريت تقولى رأيك ايه.
مشروع الـ100 يوم ده، مش من اختراعنا، ولا افتكاسة من شبابنا، ولا بنتجنى عليه بدون سبب، المشروع ده الرئيس نفسه هو اللى قدمه ووعد بيه وقال انه فى اول 100 يوم هاتكون الـ5 مشاريع دى اكتملت، وعلى فكرة يعنى مش مشاريع تحتاج تخطيط ولا تكاتف ولا صفاء بال… تقدر تقولى القمامة الموجودة فى شوارع مصر دلوقتى وفى كل شارع وحارة وميدان دى تحتاج ايه علشان تتحل، مع العلم انها كانت من اولويات الرئيس فى برنامجه الخاص بالمائة يوم.
هو قدم مشروع ب100، وماحدش اجبره عليه، ولما عدوا الـ100 يوم، جه وقت الحساب…. ولا المفروض نسكت على شئ بسيط بحجة واعتبار انه بسيط، علشان نديله فرصة؟!
وبعدين انت بتتكلم عن الرئيس ولا عن الاخوان؟؟؟
وبتقول كمان خلونا نحاسب الناس لما نشوف منهم فساد؟!!!!!
يالهووووووى هو احنا تانى هانعيده من اول وجديد ولسه هانستنى لما يبهدلوا الدنيا تانى؟!
وهل اللى حصل يوم الجمعة من الاخوان ده، يحتاج السكوت عنه وعليه؟؟؟
كان الرئيس يقدر فى ال100 يوم دول يعمل حجات كتيرة، بدل مايتفرغ هو وجماعته لتصفية خصومهم، يكفى الموقف اللى حطه فيه النائب العام، واللى من خلاله اتضح ان مرسى وجماعته همهم الاول هو……… نهضة مصر فعلاً.
عجبت لك يا زمن!
شوف انت ليك الحق تديله فرصة، واحنا كمان لينا الحق اننا نحاسبه على كل خطوة ونفس، وكل واحد حر طالما سلاحنا هو لسانا وليس ذراعنا زى اخوانه.
أختى فاتيما ،
لما البلتاجى بيتكلم الإعلام بيقوله ……… صفتك إيه ؟!
ولما العريان بيتكلم الإعلام بيقوله …….. صفتك إيه ؟!
و لما البرنس بيتكلم الإعلام بيقوله ……. صفتك إيه ؟!
و لما الشاطر بيتكلم الإعلام بيقوله ……. صفتك إيه ؟!
يبقى القاعدة هنا إن القيادات الإخوانية دى غير مُعترف بكلامهم لأنهم جهة خاصة و ليس مخولة للتحدث بإسم الرئاسة .
طب إشمعنى بقى لما خيرت الشاطر إتكلم فى الحتة دى إتعمل عليها حوارات و قابلها الوسط الإعلامى ( بإنشراح ) و بصدر رحب ! عارفه ليه ؟ علشان لقوا مادة إعلامية يقطعوا فيها الإخوان ! أعتقد إن مؤسسة الرئاسة هى الجهة الوحيدة المخول لها التحدث بلسان رئيس الجمهورية يبقى نترك هذا الأمر ( مشروع النهضة ) للرئيس مُرسى أو المُتحدث الرسمى بإسم الرئاسة .
الشئ الأهم و إللى أنا حابب أوضحهولك أختى فاتيما ، إنى مش بدافع عن الإخوان كـ جماعة أو كـ حزب ! بالعكس إنتى لو دخلتى جوه سطور كلامى هتلقينى بنتقد الإعلام علشان بيعكس فقط أخطاء الإخوان و ليس أخطاء الآخرون !
أوكى مُمكن أقتنع إن الإخوان ( فشله ) أو هيفشلوا فى قيادة مصر ، لكن الـ مقتنع بيه أكتر إن إعلامنا ( قذر ) و هنفضل طول عمرنا فشلة سواء بالإخوان أو بغيرهم طول ما الإعلام ده فى مكانه و رموزه شغالة الله ينور !
فيا أختى الكريمة ، مُرسى فشل فى تحقيق برنامج الـ 100 يوم ، لكن إعلامنا سننله سكاكينة من أول يوم فى الـ 100 ! و علشان كده أنا مُتعاطف مع مُرسى و ليس الإخوان !
أنا فاصل يا أختى بين الرئيس و بين جماعته
نه مشروع النهضة ده يا فيب هو المشروع اللى اتقدم بيه مرسى كمشروع جاهز كامل متكامل لبناء مصر بمجرد ما يمسك الرئاسة، وبعد ما مسك الرئاسة، نفاجئ بخيرت الشاطر _اللى ماعرفش برضه صفته الرئاسية ايه_ طالع وبيقول مافيش مشروع للنهضة، وبعدها بفترة يطلع لنا مسئول من الاخوان يقول ان مشروع النهضة فى طور تكوينه…. يبقى من حقنا نتكلم ونسال ونخاف ولا لا؟؟
وطالما الرئيس و المتحدث باسمه هم الجهة الوحيدة اللى المفروض تصدر القرارات، ونسمع منهم هم فقط التصريحات والبيانات… يبقى الرئاسة ايزاى ساكتة على اعضاء الاخوان اللى كل شوية طالعين لينا بتصريح شكل وبمشكلة شكل؟ فين الرئيس من تصرفاتهم دى، وليه مش قادر يحجمهم ويمنعهم من الهراء اللى كل شوية بيقولوه؟
هى الاوامر بتيجى من القصر الرئاسى ولا من مكتب الارشاد؟
شوف يا فيب، انت سواء بتدافع عن الاخوان او لا، فدى حريتك الشخصية يعنى مش هاتكون متهم لما تدافع عنهم، ومش كل مرة لازم تقول كده علشان توضح انك مش منهم، لكن بصراحة فى الفترة الاخيرة لقيتك بتتكلم زيهم خصوصا فيما يتعلق باللبيراليين والعلمانيين والاسلاميين، وكان سواد الشعب المصرى بقى يخضع للتقسيمات اللى بنسمعها منهم.
ده غير انك بتقول ان اعلامنا فاسد… كل اعلامنا فاسد يا فيب كله؟؟؟ خلاص الاخوان بقوا الملائكة اللى بجناحات، وبقى كل الاعلام فاسد لمجرد انه بينتقدهم وبينتقد تصرفات غوغائية منهم؟؟؟ ده معقول.
وبعدين هم اللى بيجبوه لنفسهم بصراحة، يعنى لو محترمين نفسهم وعارفين حدودهم، ماكنش اى حد عر يمسك عليهم اى شئ.
عايزاك تقولى بئا محاسنهم ايه الاخوان، يمكن انا ما اخدش بالى لانى متطرفة فى كرههم، بكلمك بجد على فكرة، نبهنى كده وقولى الاخوان مظلومين فى ايه وليه، وايه الايجابيات اللى عملوها طوال العام والنصف المنصرم.
وكويس انك فاصل بينه وبين الاخوان، مع ان كل تعليق لك عن اى خبر عن الرئيس بتدخل فيه الاخوان.
تحياتى لك.
ازيك يا عسل عامله اييييه وحشاني اووووووي
هوا مين مرسي ده الي بتتكلموا عليه اه اومال
أختى فاتيما ،
الفرق بينى و بين غيرى أختى فاتيما إنى إختارت لما أنتقد شخص أنتقده علشان إللى شُفته منه مش علشان هو مين و إيه ؟! و الأهم من كل ده نقدى ليه يبقى بنّاء مش هدام !
أنا راجل مش طمعان فى الحُكم علشان أبذل قصارى جهدى علشان أسقط فولان و أستحوز على مكانه !
أنا لا إخوانى ولا علمانى ولا ليبرالى ولا إشتراكى ولا أى شئ ، أنا راجل مُستقل ما برميش دماغى لأى جهة لمُجرد إنى أفش غلى فى الجهة الأخرى إللى أنا كارهها ، بشوف الكويس من العلمانى و أيده و أشوف الغلط منه و أنتقده ، كذلك الإخوانى و كذلك الليبرالى و غيرهم !
فعلاً مش كل إعلامنا قذر ، لكن الجهة المستحوذة بنصيب الأسد على الإعلام قذرة بنسبة 95% و بمعنى الكلمة !
الإخوان مش ملايكة ولا عُمرى قولت عليهم ملايكة و أتحدى إثبات عكس كلامى ، لكن شدة الهجوم عليهم و تلميع الأخريين جعلنى أتعاطف معهم و سأظل … طالما الإعلام يكيل بمكيالين !
وقت إعلان ترشيح خيرت الشاطر للرئاسة كنت من أشد المُعارضين للإخوان و ذادت المعارضة عندما رشحوا محمد مُرسى كمُرشح عن حزب الحُرية و العدالة ! و كانت سبب معارضتى لهم أنهم أعلنوا فى السابق عدم نيتهم فى طرح مرشحين من طرفهم لكُرسى الرئاسة و فى الجولة الأولى إنتخبت حمدين صباحى و إن دل على شئ دل على إنى ليس من المتحييزين للإخوان ولا عمرى كانت لهجتى إخوان كما تعتقدى ، ولكن عندما أُسدل الستار على مُرشحين و يجب أن أختار أحدهم إختارت مُرسى و عندما فاز قُضي الأمر بالنسبة لى و إنتظرت حتى أعطية الفُرصة الكاملة ثم أنتقده بعد ذلك بما يشاء لى كما تشترط مبادئ الديمُقراطية التى إرتضيناها !
لو فشل مُرسى هكون أول المنتقدين له ، و ليس معنى كلامه أنه نجح حتى الآن ! ولكن لسه الرؤية ما ظهرتش !
تحياتى أختى الكريمة …
شو بدك احسن من هيك ياسي مرسي صاروا يغنولك اغاني حلوة
وقت كنت تبيع الفول ماكان حدا يغنيلك كنت انت تغني وتنادي فول فول ياعيني عالفول
الفترة الأخيرة إللى إتكلمتى عنها أختى فاتيما و إللى قولتى إن لهجتى إتغيرت فيها و بقيت لهجة إخوان نشرت فيها موضوعين الأول بعنوان : قليل من الخجل لو سمحتُم ،! و الثانى بعنوان ” قليل من الخجل لو سمحتُم 2 !
الموضوعين رديت بيهم على ( الفئة ) إللى كل هدفها تنتقد و خلاص لمُجرد إنتى مختلفة مع مذهبك أو فكرك أو حزبك أو جماعتك !
خلينا فى الموضوع الثانى لأنه هو إللى كان يخص الإخوان أكتر ،و هو عندما :
قام الرئيس محمد مُرسى بردة فعل تلقائية أثناء لقائه مع وزيرة الخارجية الأسترالية ، و إتعمل على الموضوع ده حكاوى القهاوى ! مع العلم أن المسئولين الأجانب فعلوا أكثر من ذلك بمراحل و أكثر جُرأة و سخونة ……. ليه الإعلام تناول الموضوع بطريقتين مُختلفتين مع العلم أن فعلة الرئيس مُرسى تلقائية و أنتى تعلمى و الجميع يتأكد من ذلك ؟!
ليه أنا لما أنتقد كده الإعلام فى كده أبقى بطلعهم ملايكة ! ليه لما أنتقد كده يبقى أنا إخوانى ولهجتى إخوانى و بهاجم العلمانيين !
قبل الثورة أيام زمااااااان لما كان حد من المُعلقين بيجيب سيرة الرئيس السابق مُبارك بالغلط أو بالتجريح كنت ( باكله بسنانى فى تعليقى ) لإن عندى غيرة أوى على كل ما هو مصرى ، سواء كنت مختلف معاه أو مؤيد له و حتى لو كان فاسد من وجهة نظرك كمعلق ده مايدكش الحق إنك تجرّح فيه ! ولو تاخدى بالك عُمرى فى تعليقاتى ما كتبت الرئيس المخلوع ! طول عمرى بكتب الرئيس السابق مُبارك لإنى لا أتمتع بروح الشماتة !
و السؤال دلوقتى منى ليكى أنتى أختى فاتيما :
إنتى إللى ليه إتغيرتى ؟! إللى يهاجم مُرسى ما بقولش ( ينتقده ) بتفوتيله و بتسبيه و بتتغاضى على الإهانة ، و تعليقاتك بتقولى فيها مُرسى حتى بدون القاب عكس عادتك مع الرئيس السابق مُبارك ؟!
ليه المبدأ بيتغير لكون عندك لكون إتجاه الرئيس الحالى مُرسى غير إتجاهاتك ؟!
تحياتى ،،،
لالا يا فيب انا مابتكلمش عن عن موضوعك اللى بعته عن قليل من الخجل، ولا عن الموضوع الخاص بتلقائيته اثناء لقائه مع وزيرة الخارجية، لانه كلنا رفضنا اى هانة من اى نوع ليه، لانه فى الاول والاخر رئيس لبلدنا… واعتقد لو ترجع للموضوع تلاقى تعليقاتى بتؤكد لك ذلك.
بعدين انا بقول مرسى والبرادعى وصباحى… فاشمعنى اخدت بالك من مرسى بس؟
ايشحال اللى باييدهم وبحس انهم بيمثلونى بقول اسمائهم فى الغالب بدون القاب.
وبعدين من امتى وانا بقول الرئيس محمد حسنى مبارك، اغلب الوقت كنت بقول مبارك، فليه بتخلط الاوراق يا فيب.
مين بئا اللى يهاجم مرسى وانا بقوتله؟؟؟ تقصد بتاعة بياع الفول؟؟؟؟
طب دى انا حتى لما شيرين بترد عليها بقولها اعتبري تعليقاتها مرشوش عليها حبر سرى.
وبعدين حتى ايام مبارك، كنت بدافع عليه لما الاقى فقط المزايدين يشتموه، لكن اى حد تانى كنت بحس انه بينتقده لانه فعلا بينتقد سياسته، ولانه مابيخلطش بين مبارك كرجل، وبين المصريين، او لما بحس ان من ينتقده مافيش فى قلبه غل ولا حقد تجاه بلدنا ولا تجاه شعبنا كنت بسيبهم عادى يتكلموا…. ده غير انه اكيد لو حسيت ان حمار من اى بلد بيشتم مرسى لمجرد انه مصرى، فانا اول واحدة هاتقف ليه وهادافع عن مرسى، لانه مبارك اكيد مش افضل منه يعنى. _واعتقد كان لى تعليق من كام يوم بوضح فيه كده_
انت عارف كويس اوى وقت مبارك وايام ما كنا هنا كان مختلف تماما عن دلوقتى.
مرة تانية ماتخلطش الاوراق، وافتكر تعليقاتى عن مرسى_ ومرسى فقط بدون القاب_ وقت ما تمت مهاجمته فى موضوع الهام شاهين.
تحياتى.
هو مين من الاعلاميين المصرى _اللى بيمثلوا الاعلام الفاسد_ تناول مافعله مرسى بشكل تلقائى وفضل يلت ويعجن فيه يا فيب؟!
اللى اعرفه ان الاعلام الغربى واعلام الشبيحة هم اللى عملوا من الا موضوع موضوع.
وبعدين انا ماقولتلكش انت اخوانى، وحتى لو بقيت اخوانى فده شئ يخصك، بقولك انت بدأت تتكلم زيهم وفى تعليقاتك بدأت تصنفنا على اننا ليبراليين وعلمانيين، وكل مشكلتك مع الاعلام، وكانه الاعلام هو الوحش اللى بيفترى على الاخوان.
وماحدش قالك ماتنتقدش الاعلام، لكن كمان وانت بتنتقده قولنا مزايا وانجازات الضحية اللى الاعلام بيحاول يشوه صورتها على الفاضى والمليان_ طبقاً لوجة نظرك_
أنا مابغيرش مبادئ ولا توجهاتى ولا وجهة نظرى فى الغالب يا فيب.
اه اتجاه الرئيس الحالى غير اتجاهى خالص، لانى شيفاه بيعمل لصالح جماعته، مش لصالح بلدنا، وهافضل مخالفاه وضده كده حتى اشعار اخر، او لحد مايثبتلى ويثبت لاخرين مثلى انه رئيس لمصر، وهمه الاول والاوحد مصلحة مصر.
عذراً فاتي للمُداخله
أنتي ذكرتي بتعليقك السابق بأنك تُسمين البرادعي وصباحي باسمهُم فقط دون ألقاب !!! هل هُم رُئساء وجردتيهم من ألقابهُم ؟؟ طبعاً لا والرئيس الوحيد هو مُرسي , هذا ما أعرفه حالياً , وأسف للمُداخله , تحياتي لكي ولفيب أيضاً
اهلا عمر.
انا ذكرت البرادعى وحمدين لانى من مؤيديهم، وبقول وبذكر اسمائهم فى الغالب بدون القاب…. ولو واحد منهم بقى رئيس برضه هاقول حمدين والبرادعى، ولو جه الجن الازرق يحكم مصر برضه هاقول اسمه فقط.
يعنى الموضوع موضوع قناعة بالنسبة لى بان الرئيس موظف عندى وعند بلدى، ومش ضرورى فى كل تعليق اقول سيادة الرئيس فلان الفلانى، الدكتور المبجل علان العلانى…. والموضوع مالهوش علاقة بان الرئيس اخوانى او غير اخوانى.
مدام وصلنا للجن الازرق أنا أنسحب يا فاتي , البطاطس غيرتك أوي يا فاتي ههه
هههههههههههههههههههههه عمر انا كمان بقول ان تاثير البطاطس تاثير عكسى، اعتقد علشان هى بطاطس بوم فريت… تعرف لو كانت بطاطس شيبس ممكن كان الوضع اختلف ههههههه
فاتى حببتى اخيرا رجعت تانى اعلق على نورت
بصى يا فتفوتة انا رائى اننا لسة بدرى اننا نحاسبوا لانوا جى
فى وقت اصلا احنا فى ازمة وكل المؤسسات عندنا بايظةابجانب
الفساد المنتشر موووووووووووت عندنا فانا بصراحة مش عاوزة
احكم عليه دلوقتى عاوزة استنى شوية لانوا مش ماسك عصا سحرية
وهيغير الوضع فى 100 يوم ولا حتى 200 انا بس ضدوا فى حاجة
واحدة بس وانتقدتوا جدا فى موضوعلا الاعتداء على المتظاهريوم يوم الجمعة
بس باقى المواضيع انا مقدرش احاسبوا دة رائى وخليكى براحة علية
انتى 8عارفة انا بخاف منك ههههههههههههههههههه
مهمووووووووووووووووووووووووووووووووهة، نورتى نورت يا جميل.
شفتى نورت بعد التجديد؟؟؟ ههههههههههه طبعا لما دخلتيها حسيتى انك غلطتى فى العنون.
علشان خاطرك يا مها هاصبر على مرسى ساعتين كمان، يالا انشاله ماحد حوش 🙂
ساعتين , كتر خيرك والله يا فاتي دول متلحقيش تقلي فيهم بيضتين , عاااااارف بتهزري
ههههههههههه ساعتين بس انتى من المنوفية ولا ايه هههههههه
بنورك يا قلبى فعلا انا حسيت انى مش فى نورت فى موقع تانى
بس يلا هاخد على الشكل الجديد
عليكى نور يا فاتيما ، زى ما قولتى أنا مُشكلتى الوحيدة مع الإعلام مش مع حد تانى .
أما عن :
( وماحدش قالك ماتنتقدش الاعلام، لكن كمان وانت بتنتقده قولنا مزايا وانجازات الضحية اللى الاعلام بيحاول يشوه صورتها على الفاضى والمليان_ طبقاً لوجة نظرك_ )
أنا ما بجمّلش فيهم علشان أقول مزاياهم ! أنا كل إللى عاوزه بمُنتهى البساطة إن الإعلام يعكس عيوب الأخرين زى ما بيعكس عيوب الإخوان و دى أبسط مبادئ الإعلام النظيف و الحيادية المطلوبة و ده حق المُشاهدين عليه !هم أقل خبرة بمراحل عن اللذين سبقوهم فى الحُكم و أكثر ذبذبة و عدم ثقة … بس فين عيوب الأخرين يا علام ؟!
هضربلك مثال صُغير علشان ما أطولش عليكى و أتمنى ما أكونش فعلاً مطوّل عليكى :
الكاتبة و الصحفية نوال السعداوى سجلت حلقة فى برنامج إسمه ممنوع الغش على قناة القاهرة و الناس ،،، الحلقة دى أنا شُفتها وقت عرضها مُباشرةً و الكاتبة الصحفية نوال السعداوى قالت فيها هذه الجُمل :
1- الله يعرف جميع اللغات و المفروض القرآن كان نزل بجميع اللغات مش باللغة العربية فقط ، علشان ترجمته للإنجليزى أو الفرنساوى بتفقده كثيراً من معانيه !
2-لا توجد نار و أنا لا أخشى نار الأخرة !
3- ميراث المرأة تشريع بشرى يتغير مع الزمان و المكان !
4- الدين لا يحل المشاكل الأخلاقية !
ده غير تأليفها لمسرحية بعنوان ( الإله يقدم إستقالته ) أستغفر الله العظيم !
المهم ، جيه المُذيع المُثير للجدل خالد عبد الله إتكلم و علق على إللى قالته الكاتبة و الصحفية نوال السعداوى ، و سواء إتكلم عنها بالخير أو بالشر مش هى دى القضية ، القضية إن تعليق المُذيع خالد عبد الله على كلامها إتعمل عليه موضوع و بقى مادة إعلامية و كلامها المُثير للدهشة إللى هى قالته ما تعلقش عليه أصلاً فى الفضائيات أو على الصفحات الإلكترونية !
هل تعليقى على النُقطة دى يبقى إنحياز منى لطرف ضد الطرف الأخر ! أنا كاره سياسية إذدواجية الآراء التى يتبعها الإعلام يعنى على حسب إتجاهاتك هتناول معاك القضية بشكل مُختلف !
تقبلى مرورى أختى و مهما إختلفتى معايا الرأى ستظلى أخت أعتز و أثق بها …
من هتافات ميدان التحرير اليوووووووووووم:
اصحى يامرسى وصحى النوم فين وعودك فى الميت يوم .
وحياه دمك ياشهيد ثورة تانى من جديد .
قوم يامصرى وقولها بجد مصر مش عزبه لحد .
افرح افرح يامبارك مرسى بيكمل مشوارك.
مش حنبيع مش حنبيع مش حنحكم فينا بديع
يا شهيد نام و ارتاح احنا نكمل الكفاح
عيش حرية اسقاط التاسيسية
يــــــــــارب يـــــــــــارب يـــــــــــارب حنعلمهم الادب حنوريهم الغضب
علو و علو و علو الصوت المرة دى مش حتفوت