مرسلة من صديقة نورت مغربية وافتخر

خواطر وليد أحمد ماهر
…………………….
يا بلدي

يا بلدي يا أرضي يا شرفي يا عرضي يا ناسي
يا حلم كان ف رأسي وراسِي
طريقه طويل .. كان مستحيل
حققتيه ورويتي إحساسي
يا بلدي يا أرضي يا شرفي يا عرضي يا ناسي
يا حلم كان ف رأسي وراسِي
رجعِت عيني تشوف ساقية ف أرض
رجع قلبي يحس بقيمة عرض
رجعت قيمة الإنسان
وإنسانك ف أحسن أرض
رجعت الصبية بحنية تسقيكي
ورجع الشيخ أبو عصاية يبني فيكِ
وشبابك شادد حيله يحميكِ
رجع الجرس مع الآذان
بإحساس مالي الوجدان
يحن ويقول أنا ف بيتي
يا بلدي يا أرضي يا شرفي يا عرضي يا ناسي
يا حلم كان ف رأسي وراسِي
يا مصر يا مصر
هعيش معاك بأصل
وهتكوني ف قلبي ف صلاتي وقدَاسي
يا حق رجع لصحابه فوق الراس
والباطل ينداس
لك الفداء يا بلد
وإيدي ف إيد ولادك سند
لله العهد ومنه المدد
وسامحيني لما كان قلبي عليك قاسي
يا بلدي يا أرضي يا شرفي يا عرضي يا ناسي
يا حلم كان ف رأسي وراسِي

شارك الخبر:

شارك برأيك

‫26 تعليق

  1. شكراً أختى مغربية وأفتخر على الموضوع والكلمات الجميلة ،
    ولو المصريين أحبابك ، تأكدى إن إنتو ( المغاربة ) برضو أحبابهم وناسهم .
    تسلمي لإخواتك المصريين على ذوقك وأكيد مصر بلدك التاني وإنتى بنتها بعد بلدك الأول المغرب 🙂 …

  2. و الله نحبكم نحبكم يا أرض الكنانة ، عاشت مصر للمصريين للمغاربة للعرب ، أحلى شعب ، بارك الله فيك مغربية

  3. ميرسيه سلوى يا سكر
    واحنا بنموت فى المغرب الحبيب
    والله صديقاتى المغربيات ع الفيس بوك كانوا حيتجننوا عليا لما النت كان قاطع من مصر
    وكانوا بيوصلولى دعاء كل الشعب المغربى
    شكرا ليكى ناديه

  4. إنشاء الله ، أنا وزوجي نريد أن ننتقل إلى مصر ، أحب مصر أريد أن يتربو أولادي في بلد الأزهر

  5. والله نادية العرب كلهم يحبّون مصر, لكن أذا كل واحد حبها انتقل عاش بيها رح تنفجر! هم من غير زيادة ماشاء الله 90 مليون!

  6. والله يا Baghdad ومش كلام
    إن شاء الله مصر هتسيع كل إللى نفسه يزورها ويعيش فيها وإن شاء الله مش هتشتكى ! والله بنحبكم كلكم وبنحب إللى يحبها وإللى نفسه يزورها والله العظيم يا بغداد بنحس إننا عاوزين نروح نجيبه بنفسنا مكان ما هو موجود .
    إن شاء الله لو إللى جاى أكتر من إللى موجود برضوا هتفضل مصر فاتحة حضنها وأبوابها ليكم .
    أنا بتكلم كـ واحد من أبناء مصر حاسس بيكم وباللى بيحبها ، مش كـ واحد من الحكومة ! فعلشان كدة بتكلم من كل قلبى وبعبر عن إللى جوايا أنا وكل المصريين 🙂
    تنورى يا أخت نادية دويتشلاند إنتى وزوجك فى بلدك التانى مصــر .
    وبغداد كمان طبعاً 🙂

  7. أعرف هالكلام بلا ماتقوله فيب, أنا أحسب بالمنطق لكن أعرف وكل اللي أعرفهم وزاروا مصر حسّوا باللي تقول عنّه

  8. أسف ، أنا أقصـد :
    تنورى يا أخت نادية دويتشلاند إنتى وزوجك فى ( بلدكم ) التانى مصــر .
    بدلاً من : ( بلدك ) ، لأن الكلام لازم يعود على زوجك هو كمان ، أى بصيغة الجمع 🙂
    وطبعاً بالإضافة لـ Baghdad كما كانت فى التعليق قبل التعديل …

  9. أنا ما احب مصر

    أنا أموت فيها والله اتمنى أشوفها و أعيش فيها
    الله يحفظ البلاد العربيه من كل سوء ومن كل مكروه

  10. مبروك لمصر الحريه وانشالله المزيد من الازدهار والحريه
    كلك ذوق يا مغربيه

  11. احلى ايام عمرى قضيتها بمصر الحبيبه
    ارتويت من نيلها وتعاملت مع اهلها الطيبين واستنشقت هواها العطر
    (ومين مايحبش مصر) يا مصريين
    هادى الاغنيه كتير بحبها هى عن شهداء الثوره المجيده…اكثر من رائعه

  12. الله عليكى يا احلى سلوى، احنا كمان بنحب اهلنا فى المغرب، والحقيقة عمرى ما شفت اى لفظ خارج من اى اخ او اخت مغربية عن مصر واهلها.
    وانتى خلاص تعتبرى واحدة مننا وزوجك مصرى وابناءك هايكونوا مصريين، ومصر والمغرب واحد.
    تسلمى يا سلوى يا قمر، ويحيا الاتحاد المغربى المصرى، والمفروض لو احنا شطار كده نعمل الجمهورية المغربية المصرية، طالما نسبة الزيجات كتيرة بينكم وبينا يبقى نجوز البلدين لبعض ونخلص ههههههههههه
    ميرسى يا قمر على ذوقك.

  13. BAghdad في أذار 14, 2011 |
    والله نادية العرب كلهم يحبّون مصر, لكن أذا كل واحد حبها انتقل عاش بيها رح تنفجر! هم من غير زيادة ماشاء الله 90 مليون!

    هههههههههههههههههه عندك حق يا بغداد، احنا عن نفسنا عايزين نسرح العمالة الاجنبية من مصر واولهم ماما، كنا عاملين لها مظاهرات الاسبوع اللى فات واخويا بيقولها المصريين بيشجعوا المنتج المحلى ولا مكان للمنتج الاجنبى بيننا، الست جريت ورانا بالشوووم ههههههههههه

  14. شكرا اخت ناديه وتشرفى مصر فى اى وقت.
    بغداد ابقى قوليلى قبل ماتيجى مصر علشان الحق افك واطير انا ههههههه
    تنورى يا مجنونة مصر.
    وميرسى لام منال ولام ريان المغربية الحلوة وهانستناكى فى مصر بس تيجى ومعاكى الطواجن المغربية المعتبرة، مش هانسمحلك بالدخول الا بيها.
    وشكرا كمان للاخت الضوء الشارد، نورت مصر.

  15. وين تطيرين؟ لعد منو يعرّفني على مصر غيرك؟ أريدك تراوينياها شارع شارع بيت بيت زنقة زنقة

  16. هههههههههههههههه زنقة زنقة برضه، من عنيا بس تعالى انتى وانا هاقوم بالواجب، هاخد اول طيارة متجهة الى كوالالمبور اخوانا هناك محتاجين المساعدة.

  17. شكرا للأخت مغربية على ذوقك اللي لا يوصف
    وربنا يكرمك انتِ وكل أهل المغرب الحبيب

  18. جميلة أوي تسلم إيدك يا مغربية يا عسولة يا أصيلة ع المجهود
    وحقك تفتخري ببلدك ربنا يحميها إنها طلعت ناس زيك
    صعب أوي كلمة شكر بس بجد إنتي وكل العرب اللي بيحبو مصر
    علي راسنا ومصر بترحب بيكم ويشرفها وجودكم فيها

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *