يعني إيه دولة إسلامية‎

مرسلة من Shahira

قرأت هذه الكلمات وأعجبتني فحبيت أشارككم فيها…. أرجو إنها تعجبكوا

يعني إيه دولة إسلامية :

* يعني تستنجد إمرأة واحدة بالخليفة المعتصم اللي يبعد عنها أكتر من 2000 كيلو فيبعتلها جيش جرار عشان يحفظ كرامتها وميقلش وهو إيه اللي وداها هناك
…
* يعني التتار يهددوا العالم كله بالخراب والتدمير وتيجي إنت تنتصرعليهم وتنقذ العالم بجد مش زي ما بييجي في الأفلام الأمريكاني

* يعني تكون اقوى وأكبر قوة في العالم وتمشي في كل حتة وإنت مرفوع الراس

* يعني الخليفة هارون الرشيد يقول للسحابة أمطري حيث شئتي فسيأتيني خراجك

* يعني الناس كلها تبات شبعانة ومرتاحة والخليفة بتاعهم عمر ابن عبد العزيز يبات جعان وتعبان

* يعنى الناس كلها ابناءهم يلبسوا جديد وبنت الخليفه عمر تبكى لان لبسها قديم والخليفه ليس معه مال لياتى لها بلبس جديد

* يعني يجيي التتار يقولوا لشيخ الإسلام إبن تيمية هنفرج عن المسلمين بس فيقلهم أهل ذمتنا قبل أهل ملتنا

* يعني سيدنا علي قاضي المدينة أيام سيدنا عمر يقدم إستقالته لإن الناس مفيش بينها وبين بعض مشاكل ومش محتاجين قاضي

* يعني تيجي إمرأة مسيحية لصلاح الدين تقوله إن زوجها أسير وإن هو اللي بيصرف عليها فيفرج عنه ويديهم فلوس توصلهم بلدهم

* يعني بعد تحرير القدس صلاح الدين وقُواد الجيش يتبرعوا بالفلوس اللي يفدوا بيها أسرى الجيش اللي كان بيحاربهم لإنهم فقراء

* يعني يعدي واحد من بيت المال أيام سيدنا عمر بن عبد العزيز ينادي في الشوارع إذا حد محتاج فلوس ياكل أو يشرب أو يلبس أو حتى يتجوز ومحدش يرد عليه لإن الناس كل إحتياجتها عندها

* يعني تكون الدولة الأكثر تقدما في العالم والإختراعات كلها تطلع من عندك

* يعني تكون اللغة العربية هي اللغة الأولى وتكون الأندلس هي مهد العلم على الأرض

* يعني ييجي واحد قبطي يشتكي الوالي بتاعه لعمر بن الخطاب فيحكم عمر إن القبطي يضرب إبن الوالي ويقتص منه

* يعنى يختصم واحد من اهل الذمه مع امير المؤمنين سيدنا علي على درع فيذهبوا للقضاء ويحكم القاضى للذمي بالدرع لان حجته وبينته اقوى من امير المؤمنين

* يعني يفتح الرسول صلى الله عليه وسلم مكة ويجي الناس اللي فضلوا يحاربوه ويؤذوه طول عمرهم فيقلهم إذهبوا فأنتم الطلقاء

* يعني محمد الفاتح يبقى شاب في ال 17 من عمره يحكم أقوى قوة في العالم ويفتح القسطنطينية وهو عنده 22 سنة

* يعني أسامة بن زيد يخرج على رأس جيش فيه كبار الصحابة وهو عنده 17 سنة بس

* يعني تكتشف الدورة الدموية من مئات السنين ويجي بعدها واحد غربي ينسب الإكتشاف لنفسه

* يعني تكون معظم أدوات الجراحة المستخدمة حاليا أخترعها طبيب مسلم

* يعني الدولة الإسلامية تكون الأقوى والأكبر في تاريخ العالم ويجي حد يقلك دلوقتى مش عاوزين نخلط الدين بالسياسة