سخر الفنان المصري أحمد آدم من النائب المصري المفصول توفيق عكاشة بعد استقباله للسفير الإسرائيلي في منزله، وعزومة العشاء التي حضرها له، بطريقة تخللها بعض الإيحاءات الخارجة.
وقال خلال برنامجه “بني آدم شو” المذاع على فضائية “الحياة”: “كلف نفسه كتير أوي في العزومة .. صارف كتير أوي بط ووز وحمام .. وبيحاول يزغط في السفير ويقوله خد (…)، ودي كانت نهاية فرقة عكاشة المسرحية”.
وتابع “يا ليلة سودا بتزغط السفير الإسرائيلي أسرار الدولة كده بتتقال عادي، الحمد لله أننا عبرنا في 1973 قبل قناة الفراعين دي ما تفتح .. لو عكاشة موجود أيام حرب أكتوبر وكتاب الله ما كنا عبرنا لحد النهاردة، كان زمانه فاتح القناة يوم 6 أكتوبر من الساعة 6 الصبح”.