رد الإعلامي المصري الساخر باسم يوسف على الإنتقادات التي طالته بسبب عدم نعيه للعالم المصري الراحل أحمد زويل ، وذلك عبر صفحته الخاصة على أحد مواقع التواصل الإجتماعي.

وعلق يوسف قائلاً “أنا مش نشرة اخبار ، مش وكالة أنباء و مش صفحة وفيات. انا مش مطالب اني اعلق على اي احداث انت شايف المفروض اني اعلق عليها، من أول نزاع في بلد معين لانقلاب في بلد تاني لوفاة حد في بلد تالتة، لو حصل وعلقت فده لأني بامارس نفس الحرية اللي أنت بتديها لنفسك أنك تتكلم على إيه و ما تتكلمش على ايه”.

وأضاف يوسف “العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب و ما اتكلمتش على فلان او علان او ما جبتش سيرة ترتان ليه. نفس الناس اللي تقولك ما علقتش على احداث معينة ليه و لو علقت يقولك طب ما اتكلمتش على الحدث التاني ليه العالم مش مستني ستاتوس الفيس بوك عندي او عندك عشان يتصرف على حسب حنكتب ايه. احنا كلنا أتفه من كده. و الملائكة مش واقفة على حساب تويتر تشوف مين اللي اترحم على مين و مين لا. و أبواب السما او الجحيم مش مستينة عدد اللايكات و الشير عشان تقرر تفتح لمين و تقفلها في وش مين. الحياة و الموت والترحم كانوا موجودين قبل الفيس بوك وتويتر والانترنت شخصيا. الحياة الاخرى مش واقفة على التويتة بتاعتك”.

شارك الخبر:

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *