أقيمت أمس مراسم دفن السيد كرم كرم والد الفنانة نجوى كرم في بلدته زحلة في البقاع اللبناني. ووري الراحل الثرى وسط دموع عائلته على رأسها نجوى كرم التي لازمته في المستشفى طوال فترة مرضه.
وحضر مراسم الدفن عدد من الفنانين وأصدقاء نجوى كماجدة الرومي وفارس كرم اللذين تواجدا بجوار نجوى منذ الصباح الباكر. وحضرت هيفا وهبي عند الرابعة عصر.
كما حضرت الاعلامية جومانا بوعيد، ونيشان، والمخرج فادي حداد. وكان لافتاً حضور الأب طوني الخولي (الفنان المعتزل ربيع الخولي) الذي اعتزل الفن منذ سنوات وتحوّل الى راهب.
وفيما كان يتوقع توافد عدد كبير من النجوم لمواساة نجوى كرم، لم يحضر هؤلاء على رأسهم وائل كفوري الذي تربطه صداقة بنجوى، علماً أنّه ابن بلدتها زحلة. كذلك، لم تحضر نوال الزغبي التي تربطها علاقة طيبة بنجوى.
لاحول ولا قوة الا بالله…..حتى بالجنائز ومراسم الحزن الشمطاء هايفة مش طبيعية تطليعتها ومناخيرها الي بالسما وكأنها بجلسة تصوير مش بجنازة مشتهية اشوفها مرة واحدة بس بصورة طبيعية مثل الناس
الله يرحمه ويحسن اليه…كان رجل طيب..
صدقتي اخت دنيا، الله يرحمه، بل كان اكثر من طيب، اسألني عنه و عن طيبتو…
لم ارى رجلاً بطيبته على الاطلاق في حياتي…
هذا جنازه اب نجوى كرم ولا رايحه حفل نجوى بكامل انقتها ولا كانها حزنانه غربين هل عالم حتى في جنازه ابواه ست نجوى فول مايكب
هيفا الشمطاء ما فيا الا تروح بماكياج كامل .. يعني هي كلاسي و بتعمل ماكياج عزاء.. و نجوى شوي تانية رح تبين …… من كتر التنورة مو قصيرة.. بس ماجدة كلاسي من يوم يوما ..
سلام للجميع يلي فوق بدي وضح شي :
اولا الله يصبر أهل الميت على فقدانه أيا كان عمره او مكانته مش هين،
ثانيا : الجنازة يجب ان يكون الناس فيها مرتبين ومش عيب انو أهل الميت يكونوا كتير انيقين
(وعند الجنازة المسيحية على الجميع ان بكون بهذا اللوك (الأسود وحتى في كتير ناس بروحوا يعملوا شعرهم وهيدا كمان مش عيب خاصة عندهم المعتقد عند ألباس الميت ثياب(في كتير أهل بلبسوا فقيدهم ثياب عرسه فهو سيلاقي ربه كالعريس والكلام نفسه للمرأة وهيدا طبعا حسب المعتقد عندهم )
لذلك لا داعي لنقول كلام عن المكياج او الثياب
مثلا كل اخواتي اضطررن لوضع ال مثبت المكياج عند عودتهن لعملهن بعد فترة حزن مرت بنا (يعني هذا لا يدل أنهن مبسوطات لا بدل لأنهن كتير مرهقات)
وعند العزاء والدفن كنا انيقات وثياب جديدة بمعظمها وأخواتي الشباب لابسين وكان اخوهم كان عرسه وليس دفنه.
بالمختصر الحزن لا يتمثل بالعويل والبكاء او الثياب العادية او الأنيقة
في ناس ترقص من حزنها
رأي خاص ولكن ليس خطأ
وسلامي
صباحو محايدة والله انا بعرف زات الشي انو عادي بلبنان وخاصة هي فنانة ومعروفة ازا طلعتي وهيك وتشرشحت فكيف لو كا بملابس رثة؟ بالنسبة ال مش مبرر ومنو مقبول بس ما بقدر طبعا اتدخل ولا انتقد هن هيك متعار عندن
الحزن هو الشعور اللي ما بتبدله الالوان وبتغلب على السواد احيانا
طمننيني عنك عم اسال عنك وبتكوني طلعتي كيف عيلتك؟
الله يرحمه
تسلمي يا رب حمدلله عايشين
والله مش عم فوت على نورت إلا أوقات ومن الiPhone ولما اعلق بكون السنافر انا نائمين او خلصت احتياجاتهم وعم يلعبوا بشي مش عايزيني معهم
ليكي هلأ اجت الست السنفورة على أساس غفت وأنا عم اكتب وعم تبربك علي حتى أنام معها في السرير:)
الأناقة مطلوبة في أي وقت و لكن المبالغة هي الغير محببة .. ليش ما حدن انتقد الست ماجدة مثلاً يا محايدة ؟؟؟ لاء يا ستي مو عادي بلبنان المبالغة .. عند الفنانات بس عادي .. الصح راضح و الخطأ واضح
و عادي بلبنان وخاصة هي فنانة ومعروفة… روووووووووء يا محترم هلئ نحن هون عنا المسيحيين نفس الشي
محايدة ربي ما يحرمك منهن ولا تنحرمي منهن
“الله يرحمه” ع كل الاحوال ويرحمنا
these clothings are for the respect of the ceremony. you dont have to look awful to show the people that your sad. the sadness is in the heart, but she is a very famous person in the arab world so i can understand how she looks like.we have to learn to respect other traditions.
يعني والله أنكم بتضحكو، يعني ممكن انه نجوى تطلع بغير كامل اناقتها؟ هي أو غيرها، من المشاهير الكاميرات حوليهم كيف ما تحركوا، نحن ونحن أشخاص عاديين نهتم أيضاً في اناقتنا،مثلاً بتكون الوحدة منا متل القردة بالبيت ، ولما تعرف انه في ضيوف جايين أو طالعة شي مشوار بتلبس اشيك ما عندها. فكيف بدكم هني يطلو علينا، بعدين الحزن بالقلب مش بالمظاهر الكذابة ولا بالبكاء ولا بلنواح.