شهدت الصفحة الرسمية للفنان المصري خالد الصاوي على موقع فيسبوك مناقشات سياسية ساخنة في اليومين الأخيرين عقب إعلان نتائج الدستور، والموافقة على قانون يجرم الاعتصامات والإضرابات.
واعتبر الفنان المصري القانون الأخير منافيا لحق من حقوق الإنسان، وهو الاحتجاج السلمي، بينما وصف هذا القرار بأنه انتحار سياسي لعصام شرف، رئيس الوزراء المصري الجديد.
وأصدر مجلس الوزراء الأربعاء 23 مارس/آذار 2011 قانونا يجرم الاعتصام والتجمهر والتحريض عليهما حال تعطيل العمل، وأعلن المتحدث الرسمي باسم مجلس الوزراء عن موافقة المجلس على مشروع مرسوم قانون يتضمن توقيع عقاب شديد على من يحرض أو يدعو لاعتصامات بعقوبة تصل إلى الحبس لمدة أقصاها سنة، وغرامة تصل إلى نصف مليون جنيه.
وشمل المرسوم تجريم بعض حالات الاعتصام والتجمهر والاحتجاج إذا أدت إلى تعطل الأعمال، سواء العامة أو الخاصة، والتأثير على المال العام أو الخاص. والمعروف أن مصر تشهد حاليا موجة من الاعتصامات العمالية في معظم شركات القطاعين العام والخاص للمطالبة بحقوق العمال المهدرة.
وكتب الصاوي معلقا على القرار “حق الإنسان المعاصر في الاحتجاج السلمي بكل طرقه مش حيسقط بقانون متفصل، ولا بإعلام خبيث، ولا حتى بغطرسة السلاح”.
وأضاف: “اللي حيسقط لو فكر يمس الحق ده هو عصام شرف اللي كان محتج معانا، ولما مسك الوزارة راح حلف قدام الجماهير وبعدها على طول اتفضت الاحتجاجات بالعنف والتعذيب، وحراسه اعتدوا على الناس يوم الاستفتاء عشان يوسعوا له، ودلوقتي بيهندس في تجريم الاحتجاجات أصلا.. انتحار سياسي ده يا دكتور”.
التيار الديني
وسبق هذا التعليق بحوالي ساعتين تعليق آخر شن فيه الصاوي هجوما على التيار الديني في مصر، واصفا إياه بالفكر الأحادي المتجمد الذي سعى إلى قمع انتفاضات الثورة لطلاب السبعينيات عن طريق التواطؤ مع الإدارة والحرس والسلطة.
حيث كتب أيضا على صفحته الرسمية “كنت في الجامعة لما التيار الديني قتل الرئيس الأسبق محمد أنور السادات اللي دعمه أصلا لقمع الانتفاضات الثورية لطلاب السبعينيات، وشفت بعيني انتشار التيار ده بالفكر الأحادي المتجمد، والدعاية العدوانية، وإرهاب الطلبة والأساتذة، والعمل الخيري الترقيعي لا الثوري، والتواطؤ مع الإدارة والحرس، بل والسلطة أيضا. كنا قلة محاصرة عاجزة عن خلق لجان قوية للدفاع عن العلم والديمقراطية والعدل الاجتماعي. دلوقتي انتم تقدروا يا شباب.. ربنا معاكم”.
وشهدت صفحة خالد الصاوي نقاشات بين التيارات السياسية المختلفة؛ حيث وصل عدد التعليقات على ما كتبه حول قانون محاربة الاعتصامات إلى 350 تعليقا في غضون ساعتين ، وأيد رأيه 144. بينما حظي رأيه على التيارات الدينية في الجامعة على 162 تعليقا وتأييد 440 شخص.
وتعددت التعليقات على الصفحة بين مؤيد ومعارض ومهاجم لرأي الصاوي عن التيار السياسي، يقول أحمد سليمان أحد المعارضين لرأيه: “الشارع هو الحاكم، وليست الكتلة التصويتية التي رفضت التعديلات بالهامشية، فنحن أمام ربع الناخبين المشاركين، ولم تكن القوى الدينية وحدها وراء التصويت بنعم ولا، ينبغي التعامل مع مصوتي نعم ككتلة تصويتية واحدة”.
وعقبت “هيا طريقي” جملة شهيرة بقولها: “أتمنى أن يصل الدين إلى أهل السياسة، ولا يصل أهل الدين إلى السياسة” ونسبتها إلى فضيلة الإمام محمد متولي الشعراوي.
بينما قال هاني إبراهيم: “أنحني لك تقديرا وتبجيلا لشجاعتك، أنا بحبك وأنا مسلم، كما أضاف “محمد أبو سلمه” قائلا: “الضمانة تكون في شعب بيفكر مش شعب بيقدس كلام رجال الدين”.
وانتقدت “ياسمين مجدي” ما وصفته هجوما على الإسلام، مؤكدة على ضرورة التحلي بالروح التي سادت ميدان التحرير وقت الثورة، والعمل على معاقبة كل الفاسدين. إن الحرية تعني الاختلاف في الرأي، وهذا الاختلاف لا يفسد للود قضية.
وعقب الصاوي قائلا: “الجامعة.. بيت الداء.. عاوزين تيارات فكرية متنوعة ومتحاورة بمنتهى الحرية وإلا.. هتكون جحيم، أنا قلت اللي عندي.. اللهم فاشهد”.
رفض الدستور والاستفتاء
وكان الصاوي قد أعرب عن رفضه التعديلات الدستورية أثناء مشاركته في التصويت، موضحا أن الدستور سقط بالثورة الشعبية التي أسقطت النظام وبرلمانه وحزبه وجميع متعلقاته، وليس هناك ما يدعو لإنقاذه، داعيا إلى إعلان دستور جديد يضمن وجود ديمقراطية حقيقية في مصر.
وبعيدا عن السياسة؛ استكمل خالد الصاوي تصوير المشاهد الأخيرة من فيلمه الجديد “الفاجومي” على ضفاف شاطئ النيل وسط جمهوره الذي قابله بالفرح والأحضان أثناء تصوير الفيلم الذي كان انتهى من معظم مشاهده قبل ثورة 25 يناير/كانون الثاني، والذي يتناول قصة الشاعر المصري الساخر أحمد فؤاد نجم، ويشاركه فيه الفنان صلاح “عبد الله” في دور الشيخ إمام، والفنانة جيهان فاضل، والسورية كنده علوش، وفرح يوسف، وعدد من ضيوف الشرف مثل تامر هجرس، ومحمود قابيل، وإنجي شرف.
تحققت اسوأ الكوابيس يا مصريين
كأنك يا ابو زيد ما غزيت……..هسا بعد كل هالهوش كلو والتعب ممنوع الاحتجاج والاعتصام والديمقراطية والتعبير عن الراي؟؟؟؟؟؟؟؟؟!!!!!
ya3ni badda tdal al 7oriya 3inda l 3arab mojarad 7elem
?????
كون إن يكون هناك إعتصام أو مُظاهرة إعتراضاً على نتيجة الإستفتاء !
ده فى حدّ ذاته ديكتاتورية !
إحنا رضيناها ديمُقراطية وأعلنّاها صراحةً قبل نتيجة الإستفتاء .
وقولنا أنصار ( نعم ) وأنصار ( لا ) أخوة فى الوطن وسواء نعم أو لا فكلنا مصريون تهمنا مصلحة مصر .
ليه بقى بعد مالنتيجة تُحسم لـ نعم أنصار لأ يعتصمون ويقوموا بالتحضير للمُظاهرات الإحتجاجية ! مهى لو كده مش يبقى هنخلص ،
لو نعم فازت أنصار لأ هيعترضوا ! ولو لأ فازت أنصار نعم هيعترضوا !
تبقى فين الديمُقراطية فى كده !
أنا واحد من الناس إللى قالت لأ للتعديلات الدستورية ، لكن نفس الشئ بقول لأ للإحتجاجات على نتيجة الإستفتاء ، لأنى بحترم رأى الأغلبية حتى لو كانت مُعارضة لرأيى . مش هى دى الديمُقراطية برضوا ؟
عمرك اطول من عمرى يابوحميد
عايزين بقى نهدا ونفكر حنعمل ايه المرحله الجايه وازاى نبنى بلدنا من جديد
خالد الصاوى باينه اتلحس فى نافوخه ولا ايه!!!!
انا كمان قلت لأ وحزينه لنتيجة الاستفتاء ..بس مش معنى كده اروح انا واللى قالوا لأ نعترض ………ماهو لو كل واحد فينا مش حيرضى برأى التانى يبقى عمرنا ماحنتقدم خطوة لقدام وحندور فى حلقه مفرغه!!!
ياريت نكون ناس عاقله وراسيه ومنفرحش فينا اعداء الداخل قبل الخارج
فعلاً بكدة عمرنا ما هنتقدم خطوة ، وعلشان كدة والله كانت راضى من جوايا من قبل إعلان النتيجة إنى هرضى بالنتيجة وهفكر فى إللى جاى من بعد إعلانها مش هثبت فى مكانى وأفضل أقول ليه وإزاى !
نفسى الناس تحب بعض .
نفسى الناس تبقى عاوزه هى إللى تغير من نفسها مش مستنيه حدّ يغيرها .
إحنا عايشين فى فوضى وماحدّش حاس بيها والله ، لو تأملنا كدة فى أمورنا وفى ظروفنا هنلقينا عايشين ببركة ربنا كفاية إن ما فيش أن ولا أمان حتى الأن !
كفاية بقى مُظاهرات فئوية وكفاية إحتجاجات لأغراض خاصة وخلوها تمشى شوية ، سواء قولنا لأ أو قولنا آه خلونا نحترم رأى الأغلبية .
يومك سعيد يا شيرين …
لكن لي كانت هيلاري كلنتون بمصر على شان هيك
وأصدر مجلس الوزراء الأربعاء 23 مارس/آذار 2011 قانونا يجرم الاعتصام والتجمهر والتحريض عليهما حال تعطيل العمل، وأعلن المتحدث الرسمي باسم مجلس الوزراء عن موافقة المجلس على مشروع مرسوم قانون يتضمن توقيع عقاب شديد على من يحرض أو يدعو لاعتصامات بعقوبة تصل إلى الحبس لمدة أقصاها سنة، وغرامة تصل إلى نصف مليون جنيه
الكلام واضح ومش محتاج جدال ولا مناقشة، القانون بيجرم من يحرض لمجرد التحريض من اجل تخريب وايقاف العمل بشل مبالغ فيه.
الحكومة المصرية اذكى من انها تصدر قرار بمصادرة الاعتصام طالما قانونى.
ضد امريكا، قولى ايه قرارات ايران ليكم انتم كمان… اصل مش امريكا لوحدها اللى بتلعب وبتصدر اوامر لا ده الفرس كمان!!!!
موافقة مجلس الوزراء على مقترح مرسوم بقانون يقضى- بتجريم بعض حالات الاعتصام والاحتجاج والتجمهر والتي يترتب عليها تعطيل العمل في جهات عامة أو خاصة، وعقاب كل من يحرض عليها بالحبس.(المصدر: مصراوى).
واضح ان المقصود من القرار هم الفئة التى تفضل مصالحها العليا على مصلحة مصر، وبتستغل الظروف من اجل تحقيق مصلحة شخصية بحتة.
VIP و فاتى
ممكن أسألكم ايه حكاية كل حاجة مظاهرات دى وليه عاملين مظاهرات علشان يشيلوا شيخ الأزهر!!!
يا فاتي بعرف انك بتحبي بلدك لكن تحتا منحب مصر كمان لانها بلد عربي لاصحح انا عربية ولست ايرانية و لاكن انا مع خالد الصاو واحترمه هذا الفنان ا
هالوووووووووووووووو جوجو، ازيك وازى جوزك رجع على امريكا ولا لسه؟
اقولك يا ستى من بعد الثورة ما حققت جزء من طالباتها بعض الاستغلاليين من اصحاب المطالب الفئوية قالوا ينتهزوا الفرصة ويضربوا الحديد وهو ساخن ويعتصموا ويهددوا بايقاف المصانع والاشغال حتى تتحقق مطالبهم.
ومن بعدهم اصبح هناك عدوى للتظاهر عمال على بطال… اللى زعلان من مراته يروح يتظاهر، واللى قرفان من حماته يروح يتظاهر ومنه يتشمس فى ميدان التحرير.
للى عنده شقة غرفتين عايز فيلا فيروح التحرير او جامعة الدول او حتى مسجد مصطفى محمود علشان يتظاهر وهلم جر.
بالنسبة لموضوع شيخ الازهر البعض بيرى ان المنصب لازم يكون عن طريق الانتخاب وليس التعيين، وبما ان مبارك هو اللى عين احمد الطيب شيخاً للازهر بالتالى هم بيشوفوا انه لازم يتشال ويتعمل انتخابات لاختيار شيخ الازهر.
لكن احمد الطيب طلع اذى منهم وايد ان منصب شيخ الازهر لابد ان يكون بالانتخاب وليس التعيين.
فاتى
ممكن أعطى الشعب المصرى رشوة ويسكت شوية عن المظاهرات أرجّع جوزى بس وبعدين يستأنفوا المظاهرات؟ لو تعرفى يطلبوا كام والنبى وحياة عيالك اللى لسة مجوش تقوليلى
أهلا jojo
لأ هُما عاملين مُظاهرات يوم الجُمعة إحتجاجاً على نتيجة الإستفتاء بـ نعم للتعديلات الدستورية !
فمجلس الوزراء أصدر مرسوماً فى البارحة ينُص على :
( قانونا يجرم الاعتصام والتجمهر والتحريض عليهما حال تعطيل العمل، وأعلن المتحدث الرسمي باسم مجلس الوزراء عن موافقة المجلس على مشروع مرسوم قانون يتضمن توقيع عقاب شديد على من يحرض أو يدعو لاعتصامات بعقوبة تصل إلى الحبس لمدة أقصاها سنة، وغرامة تصل إلى نصف مليون جنيه. )
وزى ما فاتيما قالت المرسوم واضح وصريح وموّضح من المقصود من المُعتصمين !
يا جوجو أنا مش ضدّ الإعتصامات ولا المُظاهرات ، لكن أنا ضدّها لما تكون مش بريئة ولا سلمية !
المثل بيقول ” إن كان حبيبك عسل ، ماتلحسوش كله ” ، ودول كُل جُمعة عاملين مُظاهرات وإحتجاجات وعاوزين الجيش ينفذ ويلبى !
لدرجة ان الإحتاجات بقيت ( خاصة ) ، أصل أنا مُرتبى قليل وعاوز أزوده ! أصل أنا بقبض فى الشهر ( س ) جنيهة والموظف إللى جمبى فى المكتب بيقبض ( 2 س ) جنيه ! وخُدى من عندك إحتاجاجت من كده !
والإقتصاد واقف والبُرصة واقفة والسياحة واقفة والموارد الطبيعية بتُستنفذ !
طيب فين العقل لده كُله !
لازم نفوق شويه ونشتغل ، لازم نشتغل وننتج علشان لما نطلب يكون فى حاجة ناخُدها .
ده إللى أعرفة يا أخت jojo وربنا يصلح الأحوال …
ضد امريكا انا عارفة انك عربية ولست ايرانية.
ثانيا القرار واضح انه مش ضد التظاهر العام لكن المقصود بيه بعض الفئات اللى حابة تستغل الموقف والدليل ان القرار مش هايعم على الكل ان كان فيه مظاهرات النهارده واحدة بتؤيد البرادعى والتانية مؤيدة لعمرو موسى.
وكل يوم جمعة بيكون فيه مظاهرات فى ميدان التحرير.
اعتقد ان الحكومة اذكى من كده، واللى كان بيحصل فى السابق صعب جدا انه يحصل بعد 25، هم حتى نفسهم المسئولين بيقولوا ميدان التحرير موجود لاى اعتصام او مظاهرات سلمية.
انا مع الحكومة واؤيدها حتى يثبت لى وللمصريين العكـــــــــــس
حبيبتي كل الدول لها مصلحة تنهش فينا الامريكان والفرس والصهاينة والروس
معك حق لو تظاهرنا من اليوم لبكرا ما رح نجيب الا وجع الراس
خلاص يا فاتى أنا أشترى تذكرة وأنزل مصر وأرووح ميدان التحرير وأتظاهر وأطالب جوزى بالظهور فى الميدان وألا هولع فى نفسي هاها..أشمعنى أنا متظاهرش يعنى
وأهو بالمرة أخد tan دى شمس مصر صحية للغاية
يا ناااااس رجعولى جوزى والنبى
أكلما جاءكم رسول بما لا تهوى أنفسكم فريق كذبتم وفريقا تقتلون )
وأنا أقول الشئ إن زاد عن حده إنقلب الى ضده
ربنا يهديهم ويصلح أحوال مصر يا VIP يا رب و شكرا لك على الشرح بس فعلا دى حاجة مش صح..طلبوا ديمقراطية ودلوقتى مش عاجبهم! ربنا يستر على مصر
معلش الكمبيوتر هنج علشان كده اتاخرت فى الرد.
جوجو هاتى 2.50 وانا ادورلك على جوزك بمكبر فى ميدان التحرير، شكله قاعد هناك بياكل كنتاكى وبياخد 50 يورو ههههههههههههههههههه
وبعدين لسه الشمس اللى تاخدى فيها تان مش وقتها دلوقتى، استنى لشهر 7 او 8 ، تان ميييييييييين والناااااااااااااااااااس نايمين ههههههههههههه
ضد امريكا كلامك مضبوط ولا الغرب ولا الفرس بيساعدونا علشان خاطر عيونا، ولازم كلنا نكون فاهمين كده ونبطل نتخانق مع بعض كعرب حبا فى دول او فى دول… تحياتى لكى.
فيب تصور انا مقهورة من بتوع البترول والبنوك والكهربا ليه يتظاهروا؟ مع انهم ناس بتقبض كويس جدا ومش محتاجة مظاهرات ولا حتى اعتصامات، البعض بيستغل البعض لمصلحته وفاكر انه كده بيلوى دراع الحكومة.
دى اخر اخبار المظاهرات:
تظاهر عصر اليوم نحو 1000 راكب أمام مكتب شرطة محطة مترو أنفاق حسنى مبارك، احتجاجا على قيام شرطة المحطة باحتجاز مواطن داخل مكتب شرطة المحطة، بعدما حاول استبدال اسم المحطة من “مبارك” إلى اسم “الشهداء”.
ردد المتظاهرون هتافات “يخرج.. يخرج”، “سيبوه.. سيبوه”، وقال شهود عيان إن شرطة المحطة اقتادت المواطن الذى كان فى الخمسينيات من العمر إلى داخل مكتب شرطة المحطة واحتجازه به، بعد أن تعدوا عليه بالضرب، وبعد مرور نحو نصف ساعة من احتجازه أخلوا سبيله.(المصدر: اليوم السابع)
مسائك جميل يا فاتيما ،
حصل يا فاتيما وشُفت على قناة المحور إعتصام موظفى البنك الأهلى فالمُذيع بيسأل موظفة : إنتى مُعتصمة ليه ؟
قالتله : علشان مُرتبى 5000 جنيه والموظفة إللى جمبى بتقبض 8000 ج !
لا حول ولا قوّة إلا بالله !
ده غير إعتصام موظفى وزارة المالية وأمناء الشُرطة وضباطها !
بجد دى بقيت ظيطه أول حاجة عاوزنها تتغير الرواتب !
طيب أصبروا يا جماعة أصبروا ! بالعقل كدة مصر قدمها 3 سنين عقبال ما تقدر تقف على رجليها وتحسوا بتغيير ! إللى جاى مش ساحر والله ،
طيب ياريت آى حد يتخيل نفسه رئيس جمهعورية مصر القادم ويقولنا هيقدر يقوّم البلد دى على رجليها إزاى فى أقل من سنة ! علماً بأن مصر تخسر فى اليوم ما لا يقل عن خمسة مليارات دولار يومياً !
يومك سعيد يا فاتيما …
اومال انا بقى يا فيب اللى مرتبى على حوافزى مش بيحصلوا ال800 جنيه اعمل ايه؟؟؟!!!
بجد ده بقى شئ مستفز
حسبى الله ونعم الوكيل فى كل واحد عايز يخرب البلد دى ويقعد على تلها
يومك سعيد يابو حميد
شيرين ازيك يا بنتى، هاتى نصف مرتبك ينوبك فيا ثواب. واهووو تعاونى اخت ليكى مصرية زيك هههههههههه
حاجة تشل والنبى يا فيب.
الشباب كان قاتل نفسه فى ميدان التحرير علشان حرية مصر(الشباب اللى كانوا بيقولوا عليه جيل هايف ومالهوش لازمة)، والكبار اللى هم اصلا مرتباتهم محترمة بيستغلوا الفرصة لزيادة المرتب ههههههههههههه
هم يضحك صحيح.
لا بد من تدخل الشخصيات الفاعله في المجتمع المصري الي عندهم مصداقيه . البلد متوقفه على تفاهات مع ان التركيز المفروض يكون على بناء الدولة و دستورها . وين البرادعي و زويل والشخصيات القويه في مصر الي عندها مصداقيه مايعملو جلسه كلمل تعرض في تلفزينات مصر الخاصة والحكومية كلها يحاولو يشرحو فيها للناس ان هناك موضاايع تهم الانسان البسيط لن تغفل ولكن لابد ان يبدأو بالاهم فالمهم . شي بصراحة محبط!
يومك أجمل يا شيرين وإن شاء الله مع التغيير مُرتبك هيوصل لـ 1103.20 جنيه من غير الحوافز .
وما تسألنيش ليه إختارت الرقم ده وإيه لازمة شويه الفكه دول ؟!
هقولك علشان هى مُرتبات الحكومة بيبقى شكلها كده !
من أول الموظف إللى لسه ما تثبتش لحد المعاشآآآت 🙂
السلام عليكم ،،
هذا القانون رغم اعتراضي عليه لأنه تقييد للحريات ولا يتفق مع مبادىء الثورة وماقامت من أجله ولكنه من الأهمية بمكان خلال هذه المرحلة الحرجة من عمر الثورة والتغيير ، خصوصاً عندما نعلم أن هذا القانون مؤقت لبث الطمأنينة ومنع أى عرقلات تعيق عجلة الإنتاج والعمل ..
وللأسف الشديد الكثيرون جداً قاموا بالإعتصامات لأهداف خاصة وهذا ليس التوقيت المناسب أبداً لذلك ، فهم نظروا للثورة على أنها فرصة لتغيير كل شىء بين يوم وليلة وهذا نظرياً وعملياً من رابع المستحيلات ، فالمسألة تحتاج للوقت للوقوف على أرض صلبة ، ثم بعدها للتوقيت الذى يتم فيه المطالبة برفع الأجور والمرتبات ، مايحدث بنظري هو تضارب وإستغلال للثورة ، لأن
التوقيت لكل هذه المطالب مبكر جداً ..
فهل من مصلحة البلد تعطيل الإنتاج والدراسة والعمل ، لمطالبات فئوية حتى ولو كانت من حقها ؟؟ ألا تشل هذه المطالبات حركة البلد وإقتصادها وإنتاجيتها وتدفعها نحو كارثة محققة ؟؟ فبأي منطق وعقل ، يمكن أن نتخيل تعطيل الدراسة ، وإضراب العمال بمصانعهم ، لأن الطلبة يريدوا عزل العميد وأعضاء هيئة التدريس ، والعمال يريدوا عزل مدير المصنع ويريدوا رفع
رواتبهم ؟؟ … المطالب مشروعة ولكن التوقيت قاتل بكل أسف ..
يجب أن يكون هناك تقدير وإستيعاب ورؤية للتوقيت الحرج الذى تعيشه البلاد ، فيجب أن تذهب لجامعتك ومدرستك ، والعامل يعمل بمصنعه وينتج به ، وبعد دفع عجلة الإنتاج ، واستقرار الأمور من الناحية السياسية والإقتصادية خلال الفترة القادمة ، يمكن أن تطالب كل فئة بما لها أو تشعر بالظلم تجاهه ، وليس القيام بكل الاعتصامات والإضرابات فى وقت واحد ، وبنغمة واحدة ..
فما يحدث كل لحظة أمام مجلس الوزراء وأمام ماسبيرو وبداخل المصانع والشركات والمؤسسات ستكون له نتيجة واحدة لا نريدها ولا نتمناها ، وهى إنهيار إقتصادنا ……
المضرب والمعطل للإنتاج مثله مثل مريض قام بعمل عملية قلب مفتوح ويرقد بالعناية المركزة بين الحياة والموت ،، ثم يداهمه أصحاب الديون وطالبي الحقوق ، يريدون منه أن ينهض معهم لإعطائهم حقوقهم ، فهل هذا منطقي أو مقبول ؟؟ أم نترك المريض حتى يجتاز هذه الفترة الحرجة ويتعافي ويقف على قدميه ، ثم نشعل به النار بعد ذلك لو أردنا إذا لم نحصل على حقوقنا عنده .
هل يمكن أن تقبل أن تذهب لمستشفي مثلاً مريضاً أو بحالة حرجة ، ولا تجد أحداً لإسعافك هناك لأن الجميع عاملين إضراب ضد مدير المستشفى وزيادة الرواتب ؟؟ أولنتخيل ضباط وجنود الجيش وحرس الحدود والطيران وكل الاسلحة تركوا مواقعهم الحساسة لأمان البلاد ، وزحفوا تجاه مقر وزارة الدفاع بكوبري القبة يعتصمون ويضربون عن العمل حتى يتم تحقيق مطالبهم ؟؟؟
أو ذهب صاحب معاش مريض لصرف معاشه الشهري ، ووقف فى طابور يوم كامل من أجل صرف معاشه لأن السادة الموظفين مضربين ، ويريدوا عزل مدير المصلحة ورفع رواتبهم وتحقيق مطالبهم ؟؟
خلاصة كلامي ، من حق الجميع أن يطالب ، ومن حق الجميع أن يستشعر الظلم والمعاناة ، ومن حق الجميع أن يبحث عن حقوقه ، ويحسن من وضعه السىء الذي يعيشه منن عقود مضت ….
ولكن يبقى سؤال هام جداً … متى ؟؟ وأين ؟؟ وكيف ؟؟
مصر أمانة ، والثورة عملت اللى عليها …. بلاش نضيع منجزاتها بسرعة تحت مطالب بالملايين لا تستطيع اغنى دولة بالعالم تحقيقها كلها بالتو واللحظة ..
الفارس المصري العربي في أذار 24, 2011 | السلام عليكم ،،
هذا القانون رغم اعتراضي عليه لأنه تقييد للحريات ولا يتفق مع مبادىء الثورة وماقامت من أجله ولكنه من الأهمية بمكان خلال هذه المرحلة الحرجة من عمر الثورة والتغيير ، خصوصاً عندما نعلم أن هذا القانون مؤقت لبث الطمأنينة ومنع أى عرقلات تعيق عجلة الإنتاج والعمل ..
—————————————————————————————————–شكراً للاخوه المصريين على التوضيح