رويدا عطيّة: طول عمرنا السوريين راسنا عالي و ما بينحني غير لرب العالمين

يبدو أن الكلام الذي ينشر عبر صفحة الفنانة رويدا عطية إستفزها وهي من حبها لبلدها وإيمانها بشعبه كتبت هذا الكلام الموجه الى ضعفاء النفوس
صرلي كم يوم عم اشعر بحزن كبير من يللي عم شوفو من بعض الاشخاص اللي موجودين بصفحتي..
اشخاص ضفتون و انا ما بعرفون مين هنن
لا بعرف جنسيه و لا مذهب و لا لون
المحبه هي كانت الاداه لجمعنا..
… بستغرب اليوم و بس سوريا انصابت النفوس تغيرت،،المؤامره اللي عملوها ضد سوريا و اهلها،،عم تقدر تجتاز ضعفاء النفوس و صار عندن تفرقه و صار لكل واحد منا رأي..ما عندي مشكله بأفكار غيري بس عندي مشكله بالتجريح و بالسب و بالاهانه لاي شخص موجود عندي..
و ما بسمح لاي شخص بتوجيه اي كلمه لاهل بلدي و شو ما كانت الظروف انا بحترم كل سوري بيشاركني حب سوريا..
حتى ما حدا يقول عم كون متناقضه بكلامي بإني بحترم راي كل واحد،،بس اذا سكت عن اي كلمه بتخص سوريا فا انا حتما شيطان اخرس..ممنوع المساس بسوريا و شعبا..
و بتمنى من كل شخص سوري شريف موجود عندي عدم رد الاساءه بأسوء..
سوريا بحاجه محبه مو بحاجه سكين يجرحا بكلامنا..
طول عمرنا السوريين راسنا عالي و ما بينحني غير لرب العالمين..و اللي مفكر انو قادر يخفي شمسنا،،فالشمس ما بتتخبى بغربال،،سوريا شمس بمحبه اهلها..
و اخيرا بتمنى من يللي حابب يسب فينا و يقرر عنا سياسه بلدي و يقرر انو الشعب السوري بحاجه للحريه،،فا بحب قلون طول عمرو الشعب السوري حر و مانو محتاج لمين يحررو..
و بعدين ياريت يللي اجتمعو على اغتصاب سوريا،،يكون بنفس القوه و يخلصونا من قذاره اسمها اسرائيل