قال الفنان المصري سعد الصغير :” صوَّت بـ لا رغم أنني لم اقرأ الدستور، لكن الطريقة التي شكلت بها الجمعية التأسيسية للدستور جعلتني أيقن أن التصويت بـ لا هو الحل “.
وأضاف :” لجأ معظم المطربين لإحياء حفلاتهم خارج مصر، وأنا منهم حيث سأقوم بإحياء ليلة رأس السنة في أحد فنادق أبو ظبي وذلك بسبب الظروف التي تمر بها مصر “.
وختم سعد :” الوضع الذي تمر به مصر لا يسر عدواً ولا حبييباً “.
انت بدات خليك في حفالاتك سخيفة يا سفيخ ..
المهم إن كلامه بيدين بيه نفسه هو و زملائه !
بيقولك لجأ مُعظم المُطربين للغناء خارج مصر و أنا منهم ! يعنى المصلحة هنا ( شخصية ) و ليست عامة ! و كون إن حال مصر لا يسر عدو ولا حبيب ليس لخوفك عليها إنما لتعطيل مصلحتك الشخصية !
.
.
سؤال محيرنى :
عندما يتحدث شيخ أو داعية على قناة فضائية الدُنيا كلها تقوم و تقعد و تقول هو ده التيار الإسلامى و آدى إللى بينادوا بيه ! يعنى مثلاً واحد زى الشيخ خالد بدر إتاخد بذنبه التيار الإسلامى بالكامل ! واحد زى الشيخ إللى قال الأهرامات و أبوة الهول لازم يتهدوا إتاخد بذنبه التيار الإسلامى بالكامل !واحد زى الشيخ إللى قال لباسم يوسف أتحداك لو قريت سورة الفاتحة صحيحة أو لو كنت بتعرف تستجى إتاخد بذنبه التيار الإسلامى بالكامل !
نفسى أعرف ليه بنعمم و ليه ما بنفرّقش ؟! طب مالداعية عمرو خالد إسلامى ، الداعية مُصطفى حُسنى إسلامى ، الداعية مُعز مسعود إسلامى ، الشيخ الجليل محمد متولى الشعراوى إسلامى ….. ليه دول مش بيمثلوا التيار الإسلامى و ليه الباقيين لمُجرد إنهم قالوا تصريح على قناة فضائية بقى هو ده التيار الإسلامى ؟! طب بالله عليكم هُما دول إللى كانوا فى اللجنة التأسيسية للدستور ؟! هُما دول إللى كتبوا دستور مصر ؟!
و من جه أخرى
تعرت الناشطة السياسية علياء المهدى فى دول أوروبا فى مُظاهرة رافضة للدستور !
رقصت الراقصة سما المصرى رافعة لافته مكتوب عليها لا للدستور !
جميع الفنانات إللى إعتاد المجتمع المصرى على إنتقاد طريقتهم المُبتذلة فى التمثيل بيقولوا لا للدستور !
هل يحق للتيار الإسلامى أن يُعمم على هذه الفئة كما تُعمم عليه التيارات الأخرى و يقول آدى إللى بينادوا بالدولة المدنية و آدى إللى بينادوا بالدولة العلمانية ؟!
.
.
بلاش التعمييم إللى بتصدره لعقولكم القنوات الإعلامية ، ولما واحد منهم يئلش .. يتبرأوا منه و يقولك أصله بيمثل نفسه ……….. خلاص تبقى المعاملة بالمثل هؤلاء الشيوخ لا تمثل إلا نفسها و ليست هى التيارات الإسلامية بالكامل و الدين منهم برئ ! بلاش تجزؤا المبادئ !
حبينا نمسي على الاحباب،
زيك يا ابو ادم يا غالي انشاء الله بالف خير يارب 🙂
يومك سعيد يا طيب.
———
اما تعليقي على الموضوع فهو :
انت كملت لحد سنة كام في المدرسة يا واد يا سعد ؛)
أهلاً مُصطفى حبيبى ،عامل إيه ؟ يارب تكون بخير 🙂
الحمد لله يا فيب بخير وزي الفل دراسة وبيت وعمل.. 🙂
انت عامل ايه يارب بخير… والصغنوني الولة ادم عامل ايه يارب بخير بخير كمان 🙂
تحياتي لك يا غالي.
سلوى….فيب ……مصطفى ..ازيكو؟؟؟؟
مصطفى ..سعد الصغير دبلوم زراعة قسم مبيدات حشرية !!!!
إزايك يا أم حمزة ؟ يارب كويسة
كويسه وقلت نعم يافيب ههههههههههههه
خدتى الذيت و السكر ولا ضحكوا عليكى ؟
يا هلا يا هلا ورحب بالغوالي المصريين والله منوريين الصفحة بكلامكم واسمائكم.
قسم مبيدات حشرية !!! عجيب كنت فاكر قسم حصد و زرع..!!! شوف زاي 🙂
—–
زيك يا شريني يارب تكوني بالف خير.
لا انسى اليوم الذي نزل فيه سعد الصغير ليترشح لرئاسة الجمهوريه ايام بداية الثوره وسقوط مبارك !
والظاهر انه صدق وعايش الجو وبيكمل الدور !!