دخلت لجنة تحكيم برنامج «Arab Idol» في موجة من الضحك بعد أن تقدم المتسابق المصري عادل عبدالكريم للاختبارات وقدم مقطع من أغنية لكوكب الشرق أم كلثوم.
بمجرد أن بدأ عادل في الغناء لم يستطع الموزع المصري حسن الشافعي أن يتحمل فطلب منه أن يتوقف، ووقتها قال عادل إنه الأول على الثانوية العامة لغات، وأنه حائز على جوائز في الكونغ فو، فسأله حسن: «جاي تعمل إيه هنا».
حسن اضطر أن يصارح المتسابق وقال له نصًا: «صوتك وحش»، فما كان من عادل إلا أن رد قائلًا: «لا أنا مسمحلكش تتكلم عن شخصية مرموقة زيي بالشكل دا أنا لما أقف هنا يبقى أنا بمثل مصر.. أنا بمثل شباب مصر المتربي الخلوق المثقف»، وخرج، فدخلت اللجنة في موجة من الضحك.
تصرف بغاية الوساخة من لجنة التحكيم
عنده حق حسن الشافعي
كونك متفوق فى الدراسة لا يعطيق الحق أنك تغنى بالعافية بصوتك العفـش ده
صوته نسوي نشاز
والأرجح متفقين على هادا الموقف
صوته نشاز
صوته صحيح نشاز بس ما في داعي لاسلوب السخريه من لجنه الحكم ..
آى سخرية , هوه اللى حمار وحط نفسة فى الموقف ده
لأنه وبأختصار ليس له علاقة نهائيا بالغناء
يعنى عشان عجلاتى عايز يسوق طيارة
المقصد يا رامز الإهانه .. المعروف ان هذا البرنامج سيعرض وامام الملايين ..
إلا إذا كان بهدف السخريه منه ومن امثاله ..ومثل هذه المواقف بيقدروا يحذفوها طالما مسجله مش لايف ..
وكان له مشاركه قبل هذه المرحله ومبين من الفيديو ومن ثيابه من هيك هي للسخريه منه ..
واكيد ما إله علاقه بالمواهب وكان مضحك..
تحياتي لك
صح كده , لما هوه عارف أن البرنامج سيعرض وامام الملايين
رايح هناك يهبب آيه ومالوش علاقة بالغناء لا من قريب ولا من بعيد
رايح يهزئ نفسة ويستحق التهزئ
أطيب تحية وأجمل صباح ….
حقيقى المُتسابق مُستفز جداً، لما حضرته الأول على الثانوية العامة بالإنجليزى فى مصر بمجموع 101% و الطالب المثالى على مستوى الجامعة و حاصل على جائزة إبداع من وزارة الشباب و الرياضة ! رايح برنامج زى كده يعمل إيه ؟!
سؤال نانسى عجرم له كان فى محله ، حضرتك جاى هنا تعمل إيه ؟!
و عن تشريفك لمصر ! تشريفك لمصر فى إيه بالظبط يا حضرة المُتسابق المصرى ؟! أبوك و أمك علموك لحد ما جيبت 101% فى الثانوية العامة و بقيت الطالب المثالى علشان تروح تمثل مصر فى الغنا ؟! أو هل الغنا محتاج هذه المؤهلات الفذة فى مجال التعليم ؟! يا أخى روح شرف مصر بعلمك أو مثلها فى مجال تانى يعلو من شانها مش جاى تغنى و حقيقى صوتك مقرف و زعلان إنهم بيقولولك صوتك مش حلو ؟!
يعنى إيه أنا مسمحلكش تقول على صوتى كده ؟! آمال حضرتك رايح واقف قُدام لجنة تحكيم ليه ؟! ولا يمكن هى مش من حقها تقيم صوت سعادتك النشاز و غلطت لما قالتلك صوتك مش حلو ؟!
أنا شايف إنه يستحق السُخرية لأنه هو إللى هزء نفسه ………. ناهيك عن أن كل كلامه عن نفسه مُبالغ فيه ومحل شكوك !