تداول نشطاء مواقع التواصل الاجتماعي صورة مسرّبة من ألبوم صور الممثلة السورية هبة نور قبل إجرائها عمليات تجميلية لوجهها وإنقاص وزنها بشكل ملفت.
وبعد انتشار صور نسبت للفنانة هبة نور قبل التجميل خرجت نور عن صمتها لتقول: “يعني أنا بالعادة في كلام ما لو طعم ما بحب أعمللوا قيمة بس ها لمرة جاي على بالي دردش شوي”.
أضافت هبة: “أول شي في ناس هلكوني انو شو مخبصة بحالك وشوً مساوية بأنفك وشو وشو وشووو!!! على فكرة أنا مثلي مثل باقي البنات بحب اهتم بحالي وبطريقتي وبعتمد على ستايلي ولون الشعر و شوية اهتمامات بسيطة تانية والموضة إلى حد ما… لما وقت قرر بدّي اعمل انفي أكيد ما راح أخاف لانو التجميل ما عليه حكم بالإعدام ورب العالمين ما حرمو فمن مين بدّي أخاف من البشر؟!
وأضافت هبة :” أي بنت فينا بتتغير على مدار السنين على فكرة مابدها القصة إلا شوية اهتمام ونظام غذائي والاهتمام بالموضة إلى حد ما … بظن هاد الشي كافي لنكون مبسوطين واثقين بحالنا اكتر … بس ملاحظة مهمة (اللي مالو قديم مالو جديد ) .