فاجأت المذيعة المصرية مي إبراهيم متابعيها على مواقع التواصل الاجتماعي باعلانها خبر زفافها اليوم الأربعاء 17 يوليو، دون إعلان مسبق منها.
فقد نشرت مي إبراهيم صورة بفستان الزفاف الأبيض عبر حسابها انستغرام ، ظهرت فيها بدون حجاب، برفقة العريس الذي أعلنت فسخ خطبتها منه منذ عدة أشهر.
واكتفت مي إبراهيم بالتعليق على الصورة لقد جعلتني: “لقد جعلني أؤمن بالأفلام الهندي”.
اي عادي خلي الأفلام الهندي تفيدك فوق…
صباحك سكر محايدة 🙂
تعبت من التفكير بس كل ما بشوف اسمك بتذكر. الشخص مو حاكي شي أبداً بس مو حابة عيش باستراليا أنا بحب بيروت وما بدي سافر، شو أعمل؟
أنا وحيدة أهلي من البنات وما بدي أترك أمي .. انصحيني شو رأيك بالحياة بسدني؟
متل ما بتعرفي معظيم العيل بلبنان عندهم حدا باستراليا إلا نحنا مشان هيك خايفة
يا اهلا بالرقيقة رانيا…
ممكن انا اعطيكي افكار سوداوية?♀️لذلك ما تاخدي مني كل شي بس احكي بالإجمال …لان مش صحيح ابدا ابدا انو الحياة كلها فرح وسرور وعطل ووو
-هنا في عدالة نظام قوانين الكل ملزم بها …في أمان (حسب الشخص يعني ما يكون عنده مشاكل مع الاخرين او انو يترك أولاده في حرية تامة وغير مسؤولة …)….
-هنا ان كان مدخولك قليل ما بتعلي هم أطفالك (لان في جهات مساعدة )يعني ما بتحتاجي المذلة (عم احكي كمواطنتان لبنانيتان بنعرف هيك شغلات من المجمتع تبعنا ما بتعوزي حدا هون …)
-اذا جيتي هون بصير صعب عليك (خاصة وعندك اولاد)ترجعي تعيشي في مجتمعنا…
-انا هنا مثلا من عيلة كتير مرتاحة والله واسم الله و ووو بس ما عنا علاقات مع لبنانين (من ٣ سنين بس مع كم حدا )او عرب للأسف (يعني ما بعرف كيف بروحوا وبيجوا ويفرحوا وووو)…
بس بالإجمال (اذا لم تكون العيلة كبيرة وفيها تبادل زيارات ووو )الحياة الاجتماعية تكون منعدمة (كلها شغل ووو)…عم احكي لبنانيا هنا
-بس ايضاً انت وحظك ممكن الشاب يكون بحب الحياة واهله هيك يعني ما بتحسي بفرق ووو…
-انا بعد ٧ سنوات لحصلت على اخت وصديقة(عراقية وليس حتى لبنانية)..يعني بدك تكون حريصة مين تصادقي بنفس الوقت
-ولا أقوم ب نشاطات عائلية او مع أصدقاء كما السابق كتير كوّن زوجي مريض وصار غير اجتماعي .لذلك صعب أخدمك بهذه النقطة .
(يعني يلا خلص نشاطات اولادي بعد المدرسة والويكند)…
-واذا الشاب عنده اخوات (بكون جيد نوعاً ما عشان بكون في حياة بالعيلة انا كلهم شباب )
ونقطة كتير مهمة (ان يكون الشاب بحب الشغل والتعب )لان من يلي بشوفه هون
(المشاكل تكبر لما بكون في قسط بيت ودفع وفواتير والزلمة ما بحب الشغل كتير او كسول. …لذلك مش غلط الزوجة تعمل كورس او تشتغل والا الزوج الكسول رح يقلب حياتها سواد….
وشي اخر انا فهمت مرة انك صبية صغيرة (١٩)…واذا مرتاحين اهلك شوي
بعدها الحياة أمامك الغربة ما كتير نايس (انا بحس ربي بعتني هون لأنو ما كنت رح عيش صح في لبنان )..
انا هنا ما يجمعني بالشرق بس ديني(لاني احرص على تربية الأولاد على أسسه مش أسس اصلي العربي او اللبناني ) وكل محيطي وحياتي استرالي هون …
وبالنهاية كله نصيب ممكن تتزوجي حدا بنفس البناية تبعكم او الشارع
وممكن تجي استراليا او كندا وووو
الانسان ما بيعرف وين مصيره …
شفتي اده سوداوية محسوبتك ??♀️ بس عم احكي كله واقع (وحياتي مثل من هالمواقع)…
يسعد أوقاتك محايدة وعاجزة عن شكرك. رأيك كان موضوعي جداً ومفيد جداً وصادق جداً.
كنت كتير بحاجة أسمع رأي حيادي شفاف متل رأيك.
بالنسبة للحياة الاجتماعية أنا بصراحة انتقائية كتير بعلاقاتي .. انتقائية حتى بالناس يلي بختلف معهم فما بالك بأصدقائي. بحس في كتير صفات مشتركة بيني وبينك (هيك بحس من تعليقاتك). والحكي بيناتنا أنا كمان عم أسمع عن كسل بعض اللبنانيين هنيك ومن هالهقصص (خلي الطابق مستور) هههههه
من 6 سنين كان عمري 19 سنة 🙂
أبداً مالك سوداوية بالعكس حسيت كلامك كلام أخت عم تعطي رأيها بشفافية.
ومتل ما قلتي كله نصيب وأنا معي للشهر الجاية لقول رأيي .. هو رح يجي زيارة وأكيد الشوفة مو متل الحكي
شكراً يا أحلى لبنانية باستراليا