وقع إختيار إدارة مهرجان مسقط السينمائي الدولي على الممثلة المصرية نبيلة عبيد لتترأس لجنة تحكيم المهرجان بدورته الثامنة.
المهرجام سينطلق الإثنين القادم، وسيستمر لمدة 5 أيام.
وبدورها قالت عبيد “سعيدة بالطبع لهذا الاختيار، خاصة أن هذه تجربتي الأولى لرئاسة لجنة تحكيم مهرجان، وأعتبر أن التجربة ستكون مثمرة، خاصة أن مسقط السينمائي مهرجان أثبت تواجده على الساحة السينمائية في الخليج والوطن العربي، منذ دورته الأولى”.
عم تروح على قطر عند معقل قناة الجزيرة العدوة .. يا للهول ….خيانة اعدموها …يلا الفلوس قبل الوطن بشو بيفيد الوطن أصلاً بيطعميها خبز خاصة هلأ سوقها صار كاسد … بس على شو مختارينها رئيسة مهرجان على أفلامها العظيمة ولا على تمثيلها الرائع ؟
من كتر ما كانت حاطة بوتوكس ما كانت تتحرك عضلة بوجهها لما تمثل واذا ضحكت تبان متل المحنطين وهنن عم يضحكوا !!
ابدعتي أختاه هههههه
مساكي فل ومسك وعنبر هههه تحياتي
مسقط هي عاصمة سلطنة عمان يعني مالها اي علاقة بقطر يا متعلمين يابتوع المدارس
ههههههههههههههههههههههههه
ههههههههههههههههههههههههههههه تبان مثل المحنطون و هم عم يضحكو هههههههههههههههههههه
افحمتيها نور***** برافو عليكي
هههههههههههه لا والله طلعت مسقط ب عمان … …ما بعرف ليش افتكرت انه مسقط بقطر ..فكرت فيها بالأول بعدين قلت لأ بقطر ….شكراً ناردين على التصحيح وجل من لايخطأ
معناها طلعت براءة من الخيانة ظلمناها …الله يسامحني على هالخطيئة بحق هالانسانة الوطنية العظيمة بلبلة رح دلعها حتى تنسى الخطأ …بس بقية رأيي متمسكة فيه وما بتنازل عنه
وميرسي لحبيباتي ام إسراء واريج على هالتشجيع المعنوي ….ويسعد مساكم 🙂
ههههههه يا نور .. خلص من اليوم وطالع مسقط عاصمة قطر .. منغير الجغرافيا شو هالشغلي يعني ؟
الله يسعدك اخي مأمون ..شفت على هالغلطة الفظيعة هلأ الحبايب بنورت وما اكترهم رح يمسكوها زلة وخطيئة عليي ويتهموني بالجهل الجغرافي بس خطيئتي الكبرى بحق وطنيتها ل بلبلة هي اللي ما بتتصلح ههههه
لا يا نور .. أنا قريت بالزمانات البعيدة انو مسقط كانت فعلا عاصمة قطر .. بس تحركت بمرور الزمن بسبب حركة الصفائح الأرضية وصار زلزال وبركان .. وبقيت تسبح لصارت في عمان .. يعني مسقط بالأصل هي عاصمة قطر … يعني انتي الصح يا نور ^_^ .
مزبوط وانا قريت هالشي من حوالي 3000 سنة في جريدة … اعتقد … انهاااا …..( المستقبل ) الموالية لقطر !!
تحياتي اخ مامون
الله يبشرك بالخير يا مأمون ويبيض وجهك …بيضتلي وجهي قدام الأعداء هيك احكي من الأول حتى رد عليهم بقلب جامد معناها بسحب إعتذاري ..يا ناردين عيب بحقك تكوني خليجية وما بتعرفي هالمعلومة
سمعتي شو قال مامون كانت عاصمة قطر بعدين صارت لعمان لهيك انا تلخبطت
الله يعطينا خير هالضحكات .صارلي ساعة عم أتنقل من موضوع لموضوع وأضحك هههههه
هيك ثبتت الرؤيا …..هي اخي مأمون وواحد أكدوا معلوماتي ما بقى حدا يحكي …رح روح نام وضميري مرتاح تصبحوا على خير
يتمنون لك احلاما سعيدة , واتمنى لك حقيقة اسعد !!
في غد جديد تشرقين فيه .. شمسا تضيئ الكون جمالا وبهاء ..
تطلين نجما ورديا …
ترسمين لوحة ملائكية .. تتعانق فيها الوان السحر والجمال حلما ..
اتركك في هدوء فلتنامي هانئة
تصبحيـــــــــــــــن على خيــــــــــــــــــــــر
صباح الخير،
شو ها الحز يا نور، لو ما بحبك كنت حسدتك، مأمون عم يعمل تبرير الخطأ، واحد عم يكتب شعر، و هلا هنا لما تصحى تبلش الدعاء الحلو و التحيات الرومانسية.
بس تستاهلي، و لكي مني كل الحب و التقدير …..
hhhhhhhhhhhhhhhhhhhh………
أنا عم بضحك على كلام نردين، ليش التعليق نزل تحت، مو حلو، ما تبلشو تعصبوني ع الصبح، أنا لسة ما فطرت … خلونا حبايب ….
هههههه هيني صحيت صباحو يا بريند يا عسسسسسسسسسل ولكل الموجودين ♥
أهلين هنون، و يسعد صباحك …..
هلا بريندا …كيفك وشو اخبارك ؟ تحبك العافية يا رب القلوب عند بعضها
بعدين إذا ولاد بلدي ما وقفوا معي بالملمات والخطوب ههههه فإيمتى بدهم يوقفوا معي ؟
الله يخليهم ويبارك فيهم ولاد الشام بينشد فيهم الظهر ….وصبا الهنا لحبيبة قلبي انا هنونة ..كمان هيه أختي بتدعمني على طول
صباح الهنا لهنا
نور
غاده عبد الرازق ناطره تعليقك
نادية … قريت الخبر بس مالي نفس علق على الموضوع بيكفي الهايفة وشكلها المقرف اللي اتصبحت فيه لو فيفي أو مايا كانت أو شوز كانت انفتحت نفسي ههههه….بس شفتي هالغلطة الفظيعة اللي وقعت فيها مع بلبلة .قال مسقط بقطر …كيف غلطت هالغلطة وخليت العوازل يشمتوا …هههههه
نور
ههههههههههههههههه اي شفت كنت اقرأ واضحك وقلت يارب ما حدا ينتبه بس قراء نورت ما شاء الله عليهم يلفقونها وهيه طايره ولا يهمك سبحان اللي ما بغلط
نور
انا رايحه أنام وانتوا عندكم الصباح الان .. يارب يكون يومك خير وسعيد
انبسطت دردشة معاكي
ولا يهمك نادية …انا ما كتير بهتم حتى لو انتبهوا وحكوا …بتعرفي عنا بمناهج الثانوي بالشام ندرس كل الدول العربية وعواصمها وأهم المدن وتاريخها وكله درسناه لحد ما طلعت عيننا من كتر ما نلخبط ب عدد السكان ومساحة الدولة …فكيف لخبطت بينهم ما بعرف ..والمصيبة شكيت بالإسم بالأول بعدين قلت لأ هي بقطر ما بسمع حدا بيعمل مهرجانات بالخليج إلا الإمارات فقلت قطر صايرة متلهم ..أتاري عمان ههههه اللي ما بسمع عنها خبر أبداًً صمت مطبق ما بتعرفي عنها شي هلأ إجا على بالها تعمل مهرجان أفلام ههههه
تصبحي على خير نادية أحلام سعيدة وانا انبسطت أكتر …لروح افطر انا كمان
صباحك بركة وحب
تسلمي يانور ** والله مالك جابرتيني اني احترمك او احبنك هههههه
غصب وعنوة وخاوة 🙂
يسعد اوقاتك كلها يارب
صباحو لنادية وتصبحي ع خير
ناديه في مارس 10, 2014 5:20 ص رد
نور
غاده عبد الرازق ناطره تعليقك
hhhhhhhhhhhhhhhhh ….