بعد الهجوم الذي يشن عليه بسبب دعوته لإسقاط نظام الرئيس المصري عبد الفتاح السيسي، أصدرت مجموعة من الفنانين والمثقفين بياناً أعلنوا فيه عن تضامنهم مع الممثل المصري خالد أبو النجا ضد البلاغات التي حررها ضده أحد المحامين بسبب تصريحاته تجاه الرئيس السيسي.

وجاء في نص البيان: يعلن الموقعون على هذا البيان تضامنهم الكامل مع حق الفنان المصري خالد أبو النجا في التعبير عن رأيه بدون إرهاب من أشخاص ينصبون أنفسهم حراساً على الوطنية المصرية، ويسمحون لأنفسهم بوصم المختلفين معهم في الرأي بالخيانة العظمى، والأكثر يحركون ضدهم الدعاوى القضائية، ويؤكد الموقعون على البيان على حق كل مواطن مصري في التعبير عن رأيه إنفاذًا واحترامًا للدستور الذي دفع المصريون ثمنه من دمائهم وأقواتهم.
يذكر ان ما يقارب الـ50 فناناً وقعوا على البيان ومنهم “محمد حفظي، نادين خان، المخرج عمرو سلامة، المخرج أحمد ماهر، والمخرجة أيتن أمين”.

شارك الخبر:

شارك برأيك

‫15 تعليق

  1. خالد ابو النجا من اوائل الفنانيين الذى عرف طريق ميدان التحرير يو 25 يناير 2011
    خالد ابو النجا المرفه نزل مع ابناء شعبه وشباب جيله طامحا فى مستقبل افضل
    هذا الرجل واجه نيران الداخلية بصدر عارى بينما سارقى الثورة المنافقين كانوا فى بيوتهم بيخططوا ازاى يوصلوا للحكم بعد مبارك وباقل التكاليف..
    المواقف التى تظهر معادن الرجال
    هذا الشاب اتفقنا او اختلفنا مع ما يقدمه كان فى محمد محمود يطالب باستكمال اهداف الثورة بينما اصحاب الذقون وصفوا هؤلاء الشباب انذاك بالبلطجية الذين يريدون افساد العرس الديموقراطى لما كانوا هما والعسكر ايد واحدة والداخلية حلوة مش بتضرب خرطوش .. #الكتاتنى ستايل 🙂
    املك من الانصاف مايجعلنى اقول انى متضامنة الى اقصى حد مع المصرى الحر الثائر خالد ابو النجا حتى امام رئيس اعتز به
    عموما السيسى مالوش ذنب اعلم جيدا ان السيسى محاط بشلة من المنافقين والطبالين اتمنى ان ينأى بنفسه عنهم

  2. بكررها،
    بغض النظر عن إنتمائه و عن ما وراء ما قاله سواء كان تحريض أو نابع عن قناعة شخصية !
    طالما رضيتوها ديمُقراطية يبقى لا لوم عليه او على غيره….. و طالما إتعمل كده فى إللى كانوا بيحكوا قبل النظام الحالى و إتبرر ، إذن إللى عمله خالد أبو النجا لا يُلام عليه إطلاقاً !

  3. صباح الخير يا بن بلدى
    حمزة بيسلم على خالو احمد وابن خالو ادم
    النهاردة ذكرى مذبحة محمد محمود اللى حصلت على يد طنطاوى بمباركة الاخوان والداخلية ماضربتش خرطوش ودول اصلا بلطجية !
    شباب الثورة يرفضون التصالح مع الاخوان …براااافو
    ///////
    فى الوقت الذى أعلن فيه عدد من الحركات والقوى الثورية عن سعيها لتنظيم فعالياتها لإحياء الذكرى الثالثة لأحداث محمد محمود، التى راح ضحيتها نحو 50 من شباب الثورة ومئات المصابين قبل 3 سنوات، ظهرت بعض الأصوات من قِبَل جماعة الإخوان المسلمين وتحالف دعم الشرعية تؤكد سعيهم للعودة للتظاهر بجانب ثوار 25 يناير من خلال استغلال ذكرى محمد محمود، الأمر الذى أكده قيام عدد من المتظاهرين المؤيدين للرئيس السابق محمد مرسى، فى منطقة المطرية، يوم الجمعة الماضى، برفع لافتة كتب عليها: «اعتذار أبطال محمد محمود.. توقيع: الإخوان المسلمين»، فى محاولة منهم لكسب تعاطف شباب الثورة، والاعتذار إلى شباب الثورة الذين استشهدوا بشارع محمد محمود، خلال الضغط على المجلس العسكرى حينها بسرعة تسليم السلطة للمدنيين.
    .
    الناشط السياسى محمد زيادة أحد المشاركين فى تنظيم فعاليات ذكرى محمد محمود، رفض بشكل قاطع وجود أى نية لقبول أى اعتذارات من جماعة الإخوان المسلمين ومؤيديها، مشيرا إلى أن ذكرى محمد محمود هى «مساحة خاصة للثوار» يصعب عليهم فيها قبول أى مشاركات من أنصار تنظيم الإخوان بسبب «عدم إمكانية التصالح على الدم».ووصف «زيادة» بيانات جماعة الإخوان المسلمين ولافتات مؤيديها فى المظاهرات التى تدعو إلى التصالح مع شباب الثورة حول أحداث شارع محمد محمود بـ«الاعتذارات المقنعة بهدف إحداث نوع من التقارب مع القوى الثورية»، «الانسحاب من الميدان، تبرير الدم، السعى نحو البرلمان» هذه الأسباب الثلاثة، حسبما يقول «زيادة»، هى سبب رفض الثوار قبول أى تفاهم أو تصالح مع تنظيم الإخوان المسلمين حول موقفهم من الاشتباكات التى راح ضحيتها العديد من المتظاهرين خلال اشتباكهم مع رجال الأمن.
    منقول

  4. ازيك يا ام حمزة .. يارب تكوني بخير وقوة وثبات
    من اجل الماجستير .. شدي حيلك يبت وفرحينا .. ربنا يسهلك امورك

    1. ميوووووس ازيك ؟؟
      حبيبتى انا الحمد لله رب العالمين خدت الماجستير من 2012
      انا اللى داخلاه تمهيدى دكتوراه وحقدم البرتوكول يوم 7 الشهر الجاى
      يعنى يا اتقبل يا ما اتقبلش 🙁
      ولو ما اتقبلش لا قدر الله حقدم واحد تانى بعد تلات شهور 🙁
      دعواتك يا عسل ربنا مايحرمنى من سؤالك عليا

      1. بالنجاح والتوفيق انشالله يا شيرين يا رب تكوني بخير .
        وتحياتي للغاليه ميس اشتئتلك وحشتيني تئبريني ههههه

  5. يعنى مثلاً واقعة زى واقعة محمد محمود دى ليه ، ليه نتغاضى عنه ولا تعتبر وصمة عار على جبين الإخوان مُدعين الإنسانية ؟! ليه الكلام فيه يعتبر من وجهة نظرهم حجة ؟!
    دزل عملوا ألش إسمه ( أصل الإخوان باعونا فى محمد محمود ) بيهزروا بروح أهلهم ؟!
    يعنى لما تبقى فى شباب بتتظاهر و كانت فى نفس صف الإخوان منذ 25 يناير و بقدرة قادر و بعد أن تعدل موقف الإخوان بعد الثورة و إبتديت تستشغر أن ذمام الأمور تسير فى صالحها قالت:
    زهقنا من المظاهرات ولازم البلد تقوم على رجليها شوية و مش هنعطل إنتخابات مجلس الشعب و إللى بيتظاهر فى التحرير دلوقتى عبارة عن بلطجية !!!
    و تقوم الداخلية قاتلة مئات الشباب و التمثيل بجثثهم و رميها على الأرصفة و الإخوان لن يتحرك لها ساكن بل كانت فى صف الجيش و الشُرطة ؟! لماذا هذا لم يؤخذ عليهم و لماذا يتم نسيان هذه المواقف مع مرور الزمن ؟! هل هذا عدل !
    بالمُناسبة :
    أنا ضد التظاهر أمام مؤسسات الدولة و ضد الزحف نحو مؤسسات الدولة ، علشان ما يردش واحد إخوانى و يقولى يا VIP متظاهرى محمد محمود كانوا بيهاجموا وزارة الداخلية هل هذا يرضيك .
    هقوله لأ، هذا لا يُرضينى و أيضاً لا يُرضينى زحف الإخوان إلى مقر الحرس الجمهورى ليقتحموه و عندما واجههم الجيش قالوا الجيش بيقتل الساجدين !!!!
    إذن لماذا أحللت الموت لمتظاهرى محمد محمود و حرمته عندما كانوا أنصار الإخوان يزحفون لمقر الحرس الجمهورى ؟! أليس الواقعتين متشابهتين و النتيجة واحدة ( القتل ) و موقفك يا إخوانى متغير ؟!

  6. منوع الضحك محمد نجيب وجمال عبد الناصر انقلبوا علي الملك ونفوه بعدين جمال عبد الناصر انقلب علي نجيب وعزله وحدد اقامته وجاب عبد الحكيم عامر وزير حربية بعدين جمال عبد الناصر اطاح بعبد الحكيم عامر وازاحه وقتله وسجلها علي انها انتحار وكل ده تم عن طريق الفريق فوزي بعدين جه السادات واطاح بالفريق فوزي عن طريق الليثي ناصف بتع الحرس الجمهوري وسجن الفريق فوزي بعدين السادات تخلص من الليثي ناصف بنفس طريقة اشرف مروان وسعاد حسني بالققز من الادوار العليا في لندن وسجلها علي انها انتحار بعدها جيش السادات اغتاله في العرض العسكري وجه ابو غزالة ولما احس مبارك بقوة نفوذ ابو غرالة اطاح بيه في صورة ترقية وجاب مكانه طنطاوي اللي بارك بإزاحة …

  7. اللي يتعاطف مع حد بيختصر الاسلام في نفسه و شايف الشهادة مخصصه له هو و جماعته فقط والانسانية له ولاهله فقط يبقي شخص غير سوي.
    اللي يتضامن مع جماعة بتعلي نفسها و مصالحها علي مصالح الوطن انسان غير سوي. اللي يقول عليهم مواطنين مصريين رغم انهم بيتبرأوا من مصريتهم في كل مكان انسان غير سوي.
    الإخوان عمرهم ما كانوا ولم ولن يكونوا أبدا فصيل ثوري.
    . الكل أخطأ مفيش كلام. بس هيفضل طول عُمرنا الفرق ما بيننا وبين الإخوان هو إن قبل إتخاذ أي موقف من أي شئ، إحنا أول حاجة نفكّر فيها “ده في مصلحة البلد ولا لأ؟” وهما أول حاجة يفكّروا فيها “ده في مصلحة الجماعة ولا لأ ؟”
    رحم الله شهداء ثورة يناير وشهداء محمد محمود وشهداء بورسعيد
    سلام

  8. بوست أعجبني
    ‫#‏محمد_محمود_11_19‬
    ردا علي عبارة ( ‫#‏رابعة‬ رمز الصمود ) !
    معلش ما انت مكنتش موجود فى ‫#‏محمد_محمود‬ متعرفش يعنى ايه صمود !
    الصمود بالنسبالك انك تعتصم تعتصم و لما تيجى تتفض… تتفض فى يوم واحد
    تعرف ايه عن محمد محمود ؟!
    ‫#‏رابعه‬ كانت بتبني السور عشان تحمي نفسها من الداخلية ..
    ‫#‏الداخلية‬ في محمد محمود بنت السور عشان تحمي مبناها من ‫#‏الثوار‬ ..
    رابعة كان فيها مطبخ بيورد كاترينج للمعتصمين
    محمد محمود كنا بنقسم باكو البسكوت علي بعض
    رابعة كان فيها ‫#‏الشيوخ‬ بتحرض ضد ‫#‏الجيش‬ و ‫#‏الشرطة‬ و كل من يعارضهم ..
    محمد محمود وقفت فيها كتف لكتف في 20 نوفمبر مساء مع ‫#‏الشيخ‬ ‫#‏عماد_عفت‬ نوزع بسكوت و عصير و ميه علي ‫#‏عساكر‬ ‫#‏الأمن_المركزي‬ اللي محاصرينا ( عشان الشيخ عماد عفت رفض يدوق لقمه و ‫#‏العساكر‬ جعانين عشان واقفين من الصبح مأكلوش )
    محمد محمود كان فيها عماد عفت / زكريا عبد العزيز
    رابعة كان فيها ‫#‏صفوت_حجازي‬ / ‫#‏البلتاجي‬ / ‫#‏وليد_شرابي‬
    رابعة كانت كلها ‫#‏سلاح‬ ضد الداخلية !!
    اما محمد محمود كانت كلها طوب و خل ضد الداخلية !!
    رابعة اتفضت فى يوم
    محمد محمود كانت الاشتباكت بتفضل شغالة بالايام و الثوار بيقع منهم واحد بنزيد 10 !!
    كنا رجالة بتوقف ضد اى حاجة رصاص حى قنابل مسيلة خرطوش !!
    مكنش بنجيب البنات و السيدات تحمينا ولا نعمل مسيرة أطفال علشان تحمينا !ولا كنا بنشيل عيال كفن و نقول عليهم مشورع شهيد
    رابعة اترمي عليها 812 قنبلة غاز ..
    محمد محمود ومحيط الداخلية انضرب علينا فيهم 33 الف قنبلة غاز .
    محمد محمود لما كنا بنمسك حد كنا بنربية بس بنأكله و نشربه و نعالجة و نوصله بعربياتنا
    رابعة لما كان حد بيتمسك فيها لو طلع بيطلع بعاهة مستديمة
    ميداني ‫#‏عمر_مكرم‬ في محمد محمود فرقة مظلات كاملة مقدرتش تقتحمه و كنا كلنا علي بعض جوه 37 شخص و اخرهم كسرو قزاز الشبابيك
    ميداني رابعة وقع بعد اول ساعه بدكاترته بجرحاه بمعداته بجثامين من فيه اللى مش عارف كانت تحت المنصه بتعمل ايه.
    في محمد محمود اتعاملنا في احقر الاوساط العدائية اللي ممكن تتخيلها اللي كانت بتضربنا بالذخيره الحية في مقتل بدون سابق انذار بمنتهي الرقي لدرجة أجبرت ضباط الصاعقة لأداء التحية العسكرية لجثامين الشهداء
    في رابعة الضابط اللي كان بينذر بالفض من فوق المدرعه انضرب دفعة رشاش من فوق عمارة تحت الانشاء فتحت ابواب جهنم السبعة علي كل المعتصمين اللي كانو فاهمين انه اعتصام سلمي .
    اه .. نسيت اقول ان في محمد محمود اتقالنا الداخلية مفيهاش خرطوش .. ويامشير يامشير انت الامير والانتخابات اولا
    يبقي مين رمز الصمود ؟!
    المجد لأسود محمد محمود.
    ــــــــــــــــــــــــــــــــــــــــــــــــــــــــــــــــــــ
    بالاضافة لكل ما سبق هاضيف أن أغلب المصريين لما حسو بالخطر وأن بلادهم وجيشهم مستهدف تناسو حاجات كتير واتحدووو، واجلوا خلافاتهم لحين العبور بالبلاد لبر الأمان… احنا كده نختلف لكن وقت الجد نرجع تاني أيد واحدة.
    وبعد كل اللي حصل ده، الله أعلم مين اللي كان بيضرب في الشباب دول، مايمكن يكونو البعدا… والله كل شيء جايز… الأيام هاتكشف حاجات كتيرررر أووووي… حمى الله مصر بلدنا… وحمى الله جيشها وشعبها.

  9. nobody has the right to persecute this actor just because he is expressing his point view freely, besides, this actor was among the few that truly and actively supported the revolution from the beginning, i fully respect him

  10. بالاضافة لكل ما سبق هاضيف أن أغلب المصريين لما حسو بالخطر وأن بلادهم وجيشهم مستهدف تناسو حاجات كتير واتحدووو، واجلوا خلافاتهم لحين العبور بالبلاد لبر الأمان… احنا كده نختلف لكن وقت الجد نرجع تاني أيد واحدة.
    وبعد كل اللي حصل ده، الله أعلم مين اللي كان بيضرب في الشباب دول، مايمكن يكونو البعدا… والله كل شيء جايز… الأيام هاتكشف حاجات كتيرررر أووووي… حمى الله مصر بلدنا… وحمى الله جيشها وشعبها.
    ــــــــــــــــــــــــــــــــــــــــــــــــــــــــ
    copy
    #الجيش المصرى رجال
    #الجيش المصرى رجال
    #الجيش المصرى رجال
    #الجيش المصرى رجال

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *