تعرض الدكتور أيمن نور، مؤسس حزب غد الثورة، لحالة تسمم، الخميس، عقب مشاركته في منتدى الجزيرة بدولة قطر.

وعرض «نور»، عبر حسابه الشخصى على موقع التواصل الاجتماعى «تويتر»، اليوم الجمعة، صورًا له من داخل المستشفى، وعلق قائلًا: «أصبت بحالة تسمم عقب المشاركة في منتدى الجزيرة نقلت على إثرها للعلاج في المستشفى الأهلي».

شارك الخبر:

شارك برأيك

‫29 تعليق

    1. اللهم امين يا نهى
      صحيح السيسى جاب اخره معايا لكن الاستقواء بالخارج جريمة لا تغتفر
      الكلاب دول لو دورتى جواهم نفسهم مصر تتحول الى “ليبيا” يعنى قرار اممى ودخول حلف الناتو ومش بعيد تعيين حاكم عسكرى امريكى

  1. معافى ان شاء الله ….انسان محترم وصاحب مبدئ مو بعيد المشين وعصابته يكونوا وراء هالحادثة الله ينتقم منهم

    1. كيفك نور ؟ إنشالله بخير ،،،
      تسخرون عندما تلقى الحكومة المصرية التُهم و المصائب على جماعة الإخوان! و ها أنتى الأن، تفعلى نفس فعلة من تسخرون منهم !!!

      1. اهلين ابو ادم ….فرق بين انه الحكومة اذا صارت حادث سيارة او حادث غير معقول تقول الاخوان هم السبب وبين حادث ممكن يكون جنائي ونتهم فيه السيسي
        قبل ما يتوفى العميد طارق الجوهري قالوا انه فيه اوامر باغتيال مؤيدين الاخوان اللي برا ولما مات شكوا بهالشي لكن عيلته ماقبلت يعملوا تشريح وقالت اذا اغتيال ربنا رح يجيب حقه ..لذلك انا ما استبعدت انه ممكن يغتالوا غيره ….انا بصدق عن حكومتكم كل شي ..اذا قتلوا الناس بالشوارع وسحلوهم وحكموهم ظلم حتى النساء ما خجلوا يعتدوا عليها وما رفلهم جفن فليش حتى ما يغتالوا المعارضين …لا تستبعد شي …الكلام اللي طلع عن عبد الناصر هالفترة انا لو حدا قاله من زمن ما كنت صدقته !

      2. إنك تصدقى عن حكومتنا أى شئ إنتى حُرة فى كده، طب ليه بتهاجموا غيركم من إللى بيصدق عالإخوان أى شئ ؟! هو الموضوع موضوع عافية ولا الموضوع موضوع حُرية رأى و إحنا هنا علشان نحترمها ؟!
        إستوقفتنى الجُملة دى فى تعليقك و حبيت أرد عليها، شايف أن منطقكم غريب جداً، إعتبرتوا الحق هو وجهة نظركم و فارضين رأيكم على الغير طب ليه ؟!
        حكومتنا بتسحل النساء فى الشارع، طب مسألتيش نفسك إللى تاجر بيهم و نزلهم الشارع إيه نصيبه من السؤال ؟!
        هل كان رسول الله صل الله عليه وسلم بينزل بالنساء فى عزاته ؟! هل أمرنا رسول الله صل الله عليه وسلم بإعتصام النساء فى الشوارع و الميادين ؟ هل تسمحى لنفسك كإمرأة إنك تنزلى فى إعتصام مع جوزك و أولادك و تباتى فى الشارع فى خيمة أو عالرصيف؟!
        هو إنتو بتتكلموا و خلاص، نزول النشاء فى المظاهرات و فى الميادين بقى من الشرع و جايين نلوم بس إللى سحلهم ؟! متيجوا نبُص للموضوع من Frame أوسع شوية و بنوزع الذنب على كل من إرتكب خطأ مش على إللى إتصور و إتعمل عليه الـ Focus !
        الحكومة المصرية كانت بتسحل النساء فى الشارع فى 2012 و الإخوان كانت بتبارك و بتقول إيه إللى نزلهم الشارع، ولا نسيتى يا نور ؟! فاكرة فتاة القصر العينى ؟! إرجعى للواقعة دى كويس و شوفى مين إللى سحلها و مين الفصيل الوحيد إللى وقف فى صف إللى سحلوها !
        أنا ببص للموضوع من فريم واسع مش ببص للقطة إللى إتصورت و أعلق عليها زي ما بتعملوا.
        .
        بعدين يا نور أنا مش شايف أى فرق بين تعليقك و تصريحات الحكومة المصرية، مهو مش معقول الحكومة المصرية هتدخل قطر و تدس شخص يدخل جوة فنادق قطر و جوة قاعات إجتماعات المسئولين الإخوان من مصر و يحطلهم السم فى الأكل !!!
        و بالمُناسبة فى فترة حُكم الإخوان كانت أى مُصيبة فى البلد بتحصل حتى لو تافهة كانت الحكومة الإخوانية بتقول ( الفلول )، بالظبط زى ما دلوقتى بيقولوا الإخوان !
        الظاهر إنها نغمة و بلاش نبرر للى بيتماشى مع إنتمائنا .
        .
        تحياتى،

        1. هما قبل كدة لما المجلس العسكرى ايام حكمه سحل بنت يسارية الاخوان اتريقوا عليها وقالو “: ايه اللى موديها هناك ؟ وقالوا :لابسة عباية كباسين ليه ؟!
          ساعتها الاخوان كانوا قشوا كراسى مجلس الشعب كله وكانوا بيستعدوا لكرسى الحكم
          احنا كمان بنقول لبناتكو اللى بيتسحلو دلوقتى : ايه اللى موديكو هناك ؟ وابقو البسوا عبايات بزراير خخخخخخخخخ
          الايام دوارة يا اخوان الضلال
          مع ارق الامانى بمزيد من الخراب على جماعتكو ههههههههه

  2. ههههههههههههههههههه
    مدام المشين سره باتع وواصل كدة عقبال مايسمم العيلة المالكة كلها

  3. أيمن ظلام هههههههههههههه
    عقبال مايفطس هو ومؤيديه.

  4. مرحبا الأخ فيب
    لقد كتبت مشاركة لك في موضوع أبوتريكه …وانتظرت الرد
    وربما لم تنتبه
    .
    المهم
    هذا مقطع فيديو ..من ضمن المقاطع التي يضحكوا بها على الشعب
    فهل يمكن أن نثق في هؤلاء
    وهل نصدق كل ما أدعوه ظلماً على الشرفاء
    .
    https://www.youtube.com/watch?t=58&v=MtDBmN4J5_Y

    1. فى حاجة إنت مش قادر تفهمها يا سراج، أنى مش زيّك ولا هكون !
      أنا إنتمائى عُمره مكان لفرد أو لجماعة، أنا إنتمائى لبلدى و لجيشها مش للسيسى ولا لطنطاوى ولا لمُبارك ولا لعنان،،، و تقدر تقول عندى ثقة فى الشخص العسكرى فى الفترة إللى إحنا فيها بالذات .
      إنما إنت ولائك و ثقتك فى الجماعة و فى أفرادها ! راحت الجماعة بقيت مصر بالنسبالك ملعونة ! جيشها إسراسيسى و صهيونى ، عندك إستعداد تتخلى عن الجنسية المصرية و سرحت بكده فى أكتر من تعليق !
      أنا مش زيك، أنا مع مصر للنهاية، عاوز أشوفها واقفة على رجليها مع أى شخص أشوفه مُناسب، هفرحلها لما تبقى كويسة ، لكن إنت مش هتفرحلها أو تعترف بيها غير لو كان إللى بيحكمها إخوان !
      .
      ماعلينا، المٌثدمة دى علشان أقولك حتى لو السيسى ندل أو خاين أو هجّاص فده شئ ميتمسكش عليا، أنا ليس من مؤيدين الإخوان و ليس من المنطق أن تُمسك عليا سقطات السيسى لكونى ليس من مؤيدنهم الآن ! و بالمناسبة ……….. خطواته فى الـ 12 شهر بتوعه أفضل من خطوات مُرسى فى أكتر من ملف .
      و بالمُناسبة ده مش التليفزيون المصرى ، إللى إنت ناقل منه ده تليفزيون خاص يملكه رجل أعمال مصرى و ليست الدولة المصرية !
      و بالمُناسبة فى فترة حكم مُرسى التليفزيون المصرى هجّص كتير و طبّل لمُرسى ! يعنى هى سياسة وسخة و للأسف بينتهجها كل نظام ! بيشغل أملاك الدولة لحسابه !
      _______________________________________________
      سألتنى سؤال هنا و هناك و تنتظر إجابتى، و أنا بسألك سؤال من 2011 ولم تجاوبنى عليه حتى الآن !
      و السؤال هو : فى يوم 28 يناير 2011 تم قطع جميع وسائل الإتصالات فى مصر من التليفون الأرضى إلى شبكات المحمول إلى شبكة الإنترنت ولم يكون هناك أى وسيلة إتصال يستطيع من خلالها المواطنون التواصل مع بعضهم البعض ! ولكن :
      قام المواطن محمد مُرسى بالإتصال بقناة الجزيرة فى ذلك الوقت و أجرى معهم مُداخلة تليفونية !!!!
      كيف إستطاع الإتصال بيهم و ما هى وسيلة الإتصال ؟!
      .
      تحياتى،،،

    2. ملحوظة …هذا المقطع تم أذاعته اليوم في التلفزيون المصري

  5. مين ده ظلام وبيشتغل ايه في قطر جاسوس ولا عميل انا عاوزه ائول بما انوا تيتا عرفاه ومعاه يبئى ماشي بطال اه اومال هوا يا جاسوس يا عميل يا إما الاتنين سوا
    وشكرااا

  6. السؤال هو : فى يوم 28 يناير 2011 تم قطع جميع وسائل الإتصالات فى مصر من التليفون الأرضى إلى شبكات المحمول إلى شبكة الإنترنت ولم يكون هناك أى وسيلة إتصال يستطيع من خلالها المواطنون التواصل مع بعضهم البعض ! ولكن :
    قام المواطن محمد مُرسى بالإتصال بقناة الجزيرة فى ذلك الوقت و أجرى معهم مُداخلة تليفونية !!!!
    كيف إستطاع الإتصال بيهم و ما هى وسيلة الإتصال ؟!
    ======================
    سوف أرد عليك
    ولكن لابد اولاً أن تقول لي …. لماذا كان الدكتور محمد مرسي مسجون في تلك الفترة
    .
    أتمنى يا أخ فيب الرد ….. من فضلك ..تجيب … ولاتتهرب
    وأنا سوف أرد عليك بسؤالك …وأجابتي ترتبط بسؤالي ..,لهذا سألتك

    1. الله أعلم، وقتها مكُنتش متابع سياسة و حتى لو متابع مقدرش أفتى كانت ليهم ملفات أمن دولة و ماشابه ذلك و ليس من إختصاصى أن أفتى فى هذا الشأن !

  7. و ردأ على كلامك حول التليفزيون المصرى إللى بيطبل للسيسى، أحب أفكرك بالتليفزيون المصرى إللى طبل لمُرسى حين تحدث المُذيع المشهور خيرى حسن عن مُرسى و تأثره فى جنازة شهداء رفح و الحقيقة أن مُرسى مكانش موجود أصلاً !!!
    قولى بقى وقتها إنت إتكلمت على التليفزيون المصرى؟ هاجمت التليفزيون المصرى يا سراج بيه ؟! ولا علشان كان التطبيل عن مُرسى فكان جاى على هواك !!!
    بلاش تكلمنى عن المبادئ لإن إنت بالذات مبادئك مُتهتكة !
    .
    https://www.youtube.com/watch?v=bm2rc82tUtc

    1. هههههههههههههههههههههههه
      فكرتنى بالذى مضى يا فيب
      التطبيل لمرسى هو تطبيل فى سبيل الله 🙂
      خان يخون اخوان

  8. الأخ فيب
    أنت قلت
    الله أعلم، وقتها مكُنتش متابع سياسة و حتى لو متابع مقدرش أفتى كانت ليهم ملفات أمن دولة و ماشابه ذلك و ليس من إختصاصى أن أفتى فى هذا الشأن !
    ===================
    أنت فعلت مثل ما فعلت الفضائيات المصريه
    لم تحاول أن تذكر ولو لمرة لماذا كان الدكتور محمد مرسي ورفاقه في السجن
    وكيف يتم أنتخابه وهو هربان من السجن يوم 28 يناير
    لماذا لم يتم أعادته ورفاقه
    هل تعلم لماذا حتى الأن لم يشير الفضائيات والاعلام لسجن مرسي ورفاقه ..
    لإن سبب سجنهم شئ يشرفهم ويبعث على الفخر
    فإن نظام مبارك والعادلي في يوم 25 يناير …قام بالقبض عليهم من داخل بيوتهم وأماكن عملهم وارسالهم الى السجون دون حتى إذن أو أمر مكتوب ( حتى تمر المظاهرات بخير ) ثم يطقلوا سراحهم
    .
    أخيرا
    الإجابة على سؤالك
    أنت قلت أن الأتصالات والنت قطعت يوم 28 يناير
    والأتصال بالجزيرة كان يوم 30 يناير …
    ثم أن الجميع يتصل وهناك مراسلون في كل مكان لقناة الجزيرة يحملون اجهزة أتصالات ومتابعه للأحداث ..فما هي المشكلة
    .
    الأمر الذي أعلمه جيدا …. هو أن كلامي لن يفيد ولن يغير من فكرك شئ
    حتى ولو كانت الحقائق واضحه مثل الشمس …. فهناك شئ ما في القلوب ..لاتريد أن تراها أو تصدقها
    وأتمنى أن يخيب الله ظني …. وأن تفهم العقول وترى الحقائق قبل فوات الأوان
    فمازال الأمل باقي … أن يعود الحق قريبا
    نحن على ثقة بالله ….. ونعلم أن الباطل واعوانه لايستطيعون أن يفعلوا شئ لم يقدره الله …. ولهذا فنحن نطمئن أن النصر آت مهما علا الباطل وكثرت أعوانه
    .

  9. الإتصال كان يوم 28 فبراير يا سراج، و كانت جميع وسائل الإتصالات مقطوعة فى أنحاء الجمهورية !
    أدوات مُراسلين القنوات :
    مايك و كاميرا و هواتف محمولة أو لاسلكى لزوم التواصل مع الأستوديوهات.
    ما هى الأداه التى تواصل بها محمد مُرسى مع قناة الجزيرة فى ذلك اليوم؟!
    أصلاً إجابتك عايمة و مش كافية إنت أصلاً مقولتش إجابة ، طريقتك هى طريقة إجابتك على الأسئلة إللى سألتهالك قبل كده بتجاوب علشان تبقى إسمك جاوبت و السلام لكن مبتكونش وفيت بالغرض من السؤال !!!
    إشمعنى العربية متواصلتش مع أى مسئول اليوم ده ؟! إشمعنى الـ CNN مسجلتش مع مُرسى اليوم ده ؟!
    هما مش قنوات و عندهم مُراسلين برضو ؟!
    .
    على العموم سؤالك ليا عن تطبيل التليفزيون المصرى للسيسى قابلته بتطبيل و كذب و نفاق التليفزيون المصرى لمُرسى لما كان فى الحُكم ؟! على الرغم أننى ليس مسئول عن سقطات التليفزيون المصرى ولا كنت وزير الإعلام علشان توجهلى السؤال ده أو علشان أجاوبك على سؤالك ! و مع ذلك جاوبتك .

  10. في وحدة هنا تقول انا لا مصرية و لا فلسطينة و تقول الحمد لله !!!!!
    ————–

    هل تطولي ان تكوني مصرية ولا فلسطينية يا هذا !!!!! عاملة مثل بنت لندن ، لا اعرف لماذا لا تتشرف بجنسيتها الموقرة !!!

    طبعاً الفلسطينيات يشرفوكي و خاصةً سفرية النواية الحسنة و ذو خلق عظيم في نورت تشرف البشرية كلها اللي انت غيرانة منها و تريدين الناس تغلط عليها بحرف هههههه
    بس هي التايتانيك تسير بدربها و انت ذالك المخلوق تتعوين اوووووو هههههه

  11. عفوا اخ فيب هلأ لشفت تعليقك ….اول الشي .ما بظن اني حاولت قبل بمرة افرض رأيي على حدا هون حتى تقلي هو الموضوع عافية و تفرضوا رأيكم …وبظن كل واحد لما بيدافع عن رأيه فلأنه بيعتبره هو الحق وهو الصواب والا ليش ليدافع عنه
    و انا ما بهاجم معلقين نورت وكل واحد حر بكلامه سواء اخوان ولا غيرهم غير لما بيغلطوا وبيطولوا لسانهم !
    شي مرة هاجمتك انت او غيرك حتى بمواضيعنا نحن لما بتقول رأيك ؟
    الا لو فيه اهانة النا وهي نورت دور فيها وشوف !
    لكن مو معقول كمان انه حتى الشخصيات العامة لما منعلق على كلامهم ومنهاجمهم بتعتبروه شي شخصي ضدكم !
    خلينا نتفق بالاول على شغلة …حكومتكم قتلت مصريين وسحلتهم ولا عم افتري عليها ؟؟
    شو ما كان السبب هادا شي تاني …انت عم تقول الاخوان تاجروا بالنساء …على هالحالة شباب الثورة لما نزلوا المظاهرات كمان كانوا عم يتاجروا بالنساء اللي نزلت ..بظن نفس المنطق !
    واذا المقصود انهم اسلاميين وحرام تنزل الست تتظاهر …هنن ماشيين على حسب الديمقراطية اللي عم تنادوا فيها مو حسب الشرع ….لأنه لو على تطبيق الاسلام فالمفروض اللي يختاروا الحاكم بأي بلد اسلامي هم العقلاء والشيوخ المعروف التزامهم ويختاروا من يصلح يكون حاكم للمسلمين وما يكون فيه لا انتخابات ولا غيره
    …لكن بما انه مو حكم اسلامي معناها الاخوان متل غيرهم ومن حقهم يتظاهروا ويعتصموا هنن ونساؤهم هيك الديمقراطية بتقول
    والاخوان حبوا يضغطوا على الحكومة حتى تستجيب لطلبهم لهيك اعتصموا وهادا حقهم …وانا واحدة من الناس وحياة رب العالمين ما تخيلت للحظة انه الجيش عندكم ممكن يفض رابعة بهالطريقة ويقتل كل هالبشر ..كان عندي اعتقاد انه كل شي عندكم بمصر فاسد الا الجيش والقضاء ..ويمكن الاخوان افتكروا نفس الشي انه الجيش ما رح يغامر ويفض رابعة بالقوة ويعمل هيك جريمة لأنه ما فيه واحد عاقل بيعتقد انه ممكن ولاده ينقتله برابعة وبيرضى يجيبهم يعتصموا ..وبظن قيادات الاخوان كانوا فيه الهم ولاد هونيك وانقتلوا برابعة لذلك كلمة يتاجروا مو مقبولة
    بالنسبة للبنت اللي اتسحلت وراي الإخوان ..انا كنت ضده و دافعت عن هالبنت وهي تعليقاتي بتشهد …والاخوان كان موقفهم غلط وانا ما دافعت عنهم ولا بررت موقفهم لذلك لا تحاسبني على رأيهم ..انا الرأي اللي بشوفه صح بحكيه مو كل شي بيقولوه بعتبره صحيح ….هنن غلطوا لما هادنوا العسكر
    اما انه حكومتكم ما بتقدر تعملها …المخابرات بكل دولة بتقدر تنفذ عمليات اغتيال وهادا شي معروف لهيك انا ما باستبعد هالشي
    اما حكم الاخوان وانه كانوا يتهموا الفلول ..انا معهم لأنه كل شي بالدولة كانوا ماسكينه الحزب الوطني ورجاله …اعلام وقضاء وشرطة وموظفين والكل عم يحاربهم و اتضح انه كلامهم صحيح وانه مرسي ما كان قادر يمون حتى على فرد صغير منهم وكل شي بقي بإيدهم
    لكن هلأ بعهد السيسي هو ماسك البلد من بابها لمحرابها لذلك لما بيقول انه الاخوان ورا كل اللي عم يصير معناها شي من تنيين يا اما هو فاشل يا اما كذاب !

    1. عاش من شاف هاد الاسم “يسعد مساكي ست الكل نور**”
      مساء الغلا .. مساء الورد و عظيم الود .. مساء الشوق يا كامل الذوق ܓ✿* مساء الخير .. لأهل الخير و أحبابهܓ✿ . نورتي يا غالية ***ܓ✿ܓ✿
      اه وينها الايام ? تمنيت نشوفك و بلدك في احسن حال بس الحمد لله قدر الله و ما شاء فعل و الويل للظالمين … !!!

      1. يعيشوا احبابك يا وردة نورت والله يسعد كل اوقاتك بالورد والود يا كريمة
        ..كتبتك تعليق وسلمت عليكي لما شفت سلامك بس نورت اللئيمة يهز بدنها ما نزلته …
        ربنا يرجع السلام لبلادنا حتى نرجع نجتمع متل الاول ونحن مبسوطين
        وربنا يحمي الجزائر وشعبها الطيب ويفرجها على كل بلاد المسلمين

    2. عفواً أخت نور،
      إنتى بررتى و قولتى أن الخراب إللى كان بيحصل فى عهد الإخوان يتسأل عليه الفلول لإنهم كانوا ماسكين زمام الأمور و لذلك طبيعى أن الإخوان لما تحصل أى حاجة تقول الفلول هما السبب ؟!!!
      و أنا بسألك طيب هما كانت لازمتهم إيه ؟! الـ 51%من الشعب إللى إنتخبهم إنتخبهم ليه ؟! تقدموا و ترشحوا لإنتخابات الرئاسة ليه و هما مش عارفين حجم التحديات إللى هتقابلهم ؟! إيه كانت خطتهم المُستقبلية ؟! ولا هُما قالوا نجرب حظنا و آهى حجة نبقى نعلق عليها عليها فشلنا لما تحصل مُصيبة فى البلد و المفروض الشعب يتعاطف معاهم ؟! و الله أنا إللى أعرفه أن الرجل المناسب فى المكان المُناسب و إنت لو مش هتقدر تشيل الدولة ببلاويها يبقى مكنتش جربت تدخل فى اللعبة خصوصاً إنك كنت عارف من الأول أن الفلول متملكين من مفاصل الدولة على حد قولك .
      .
      كلمتينى فى ردك عن الشخصيات العامة و حق التعليق عن الشخصيات العامة ! و أنا بقولك يا نور، هو أنا كنت منعتك إنك تتكلمى عن حد ؟! إزاى بتقوليلى كده و مناسبة ردى على تعليقك كانت إنتقاد لمبدأ شفته مش مضبوط و مكانتش علشان علقتى على أيمن نور !
      أعتقد كلامك ليا فى هذه النقطة ليس فى محله !
      .
      نور
      انت عم تقول الاخوان تاجروا بالنساء …على هالحالة شباب الثورة لما نزلوا المظاهرات كمان كانوا عم يتاجروا بالنساء اللي نزلت ..بظن نفس المنطق !
      ردى :
      كله عندى سواء ! تقدرى توجهى كلامى لنفس النساء إللى نزلت التحرير أنا مخصصتش نساء مُعينة، بس إسمحيلى بقى طالما إنتى قصدتى المقارنة ، إللى نزلت التحرير كانت نازلة من نفسها محدش غواها علشان تنزل و يتحامى فيها ! محدش نزلها علشان لما تتسحل يصور و يقول الجيش بيسحل البنات فى الشارع ! محدش إستغلها و أسس حركة إسمها ( 7 الصُبح ) كلها نساء فقط علشان تواجه رجال الأمن و أول ما تتهان يصور و يقولك شوف الجيش المصرى بيعمل إيه !!!
      .
      نور :
      واذا المقصود انهم اسلاميين وحرام تنزل الست تتظاهر …هنن ماشيين على حسب الديمقراطية اللي عم تنادوا فيها مو حسب الشرع ….لأنه لو على تطبيق الاسلام فالمفروض اللي يختاروا الحاكم بأي بلد اسلامي هم العقلاء والشيوخ المعروف التزامهم ويختاروا من يصلح يكون حاكم للمسلمين وما يكون فيه لا انتخابات ولا غيره
      …لكن بما انه مو حكم اسلامي معناها الاخوان متل غيرهم ومن حقهم يتظاهروا ويعتصموا هنن ونساؤهم هيك الديمقراطية بتقول
      ______________________
      ردى:
      طيب، بغض النظر عن أنهم بيراوغوا بالحتة دى، لما الأحداث تتطلب إسلامية يقولولك إحنا هدفنا تطبيق شرع الله، ولما الأحداث تطلب الديمُقراطية يقولولك إحنا فصيل مدنى جئنا لتطبيق الديمُقراطية ! و مش هكلمك عن هتافات إسلامية إسلامية ولا هكلمك عن مسيراتهم إللى رفعوا فيها المصاحب و هعتبرهم بينادوا بالديمُقراطية زى ما بتقولى و إنهم ناس مش ملاوعين !
      طيب، و هل أنا المفروض أتخلى عن المبادئ بتاعة دينى علشان خاطر أطبق الديمُقراطية ؟! يا ستى هما ناس ديمُقراطيين و مش شيوخ ، لكن مُسلمين ! و أنا بسألهم كمُسلمين و بسألك مؤيده لهم مُسلمة :
      هل يصح أن تخرج المرأة المُسلمة فى مُظاهرة و تنزل تبات فى الشارع فى خيمة على الرصيف حتى و إن كانت مع زوجها و أولادها ؟! الكلام ده حدث فى التاريخ الإسلامى يا مُسلمين ؟!
      إنتى يا نور تعملى كده إنتى و أولادك و جوزك ؟!
      السؤال ليهم كمُسلمين مش كإخوان ، و نفس السؤال بختص بيه بنات التحرير أحسن تفتكرينى عندى خيار و فاقوس !
      .
      نور
      بالنسبة للبنت اللي اتسحلت وراي الإخوان ..انا كنت ضده و دافعت عن هالبنت وهي تعليقاتي بتشهد …والاخوان كان موقفهم غلط وانا ما دافعت عنهم ولا بررت موقفهم لذلك لا تحاسبني على رأيهم ..انا الرأي اللي بشوفه صح بحكيه مو كل شي بيقولوه بعتبره صحيح ….هنن غلطوا لما هادنوا العسكر
      __________________
      ردى:
      كلامى أصلاً كان عن جماعة الإخوان مش كان عنك إنتى، ولا لومتك ولا ربطت تصرفهم بيكى ! إنتى بتلومى الحكومة المصرية على سحل الفتيات، فحبيت أقولك أن الفصيل إللى بتدافعى عنه هو الفصيل الوحيد إللى بارك تصرف الحكومة المصرية فى سحل الفتيات و قال إيه إللى نزلهم مظاهرات !!!!!! عُمرك شُفتى ناس أوسخ من كده ؟!
      ما لموش بنات التحرير وقت 25 يناير علشان كان بيصب فى مصلحتهم، ولما لموا 95% من كراسى مجلس الشعب و ضمنوا كرسى الرئاسة بنسبة 80% قالوا إيه إللى بينزل البنات مُظاهرات !!!! ولما مُرسى إتعزل نزلوا الحريم مُظاهرات و صوروا الحكومة و هى بتسحلهم وقالوا بيسخلوا الحرائر من النساء و نزولهم واجب و جائز !!!
      .
      نور :
      اما انه حكومتكم ما بتقدر تعملها …المخابرات بكل دولة بتقدر تنفذ عمليات اغتيال وهادا شي معروف لهيك انا ما باستبعد هالشي
      ردى :
      كلام جميل ولكن السؤال: إشمعنى الحكومة المصرية هتغتال أيمن نور مع العلم أنه مش مسبب لها أى تهديد ؟! طب لما هى كده أولى توصل لعاصم عبد الماجد أو وجدى غُنيم إللى بيحرضوا ضد الجيش و الدولة المصرية ! ده حتى أيمن نور غلبان جنبهم !

      1. مسا الخير ابو ادم
        كلمتينى فى ردك عن الشخصيات العامة و حق التعليق عن الشخصيات العامة ! و أنا بقولك يا نور، هو أنا كنت منعتك إنك تتكلمى عن حد ؟! إزاى بتقوليلى كده
        ………………………………………………………………………………………………………….
        انا حكيتك انت لكن بقصد الكل مو شخصك انت فلا تكون حساس زيادة ..انت كمان حكيتني وقصدتني انا وغيري من المدافعين عن الاخوان
        اما كلامك عن انه الاخوان مش اد التحدي ليش يترشحوا …مرسي ترشح بعد ثورة شعبية وليس في وضع عادي لذلك ما كان حدا متوقع لا الثوار ولا الاخوان ولا غيرهم انه اللي قطع هو الرأس فقط لكن بقية جسم النظام عم تقاوم واي رئيس كان جاء بدل مرسي وليس من اتباعهم او الجيش كان رح يفشل متل الاخوان واكتر ……………………………….
        إللى نزلت التحرير كانت نازلة من نفسها محدش غواها علشان تنزل و يتحامى فيها !
        محدش إستغلها و أسس حركة إسمها ( 7 الصُبح ) كلها نساء فقط علشان تواجه رجال الأمن و أول ما تتهان يصور و يقولك شوف الجيش المصرى بيعمل إيه !!!
        …………………………………………………………………………………..
        ابو ادم ..الاخوان متل اي حزب او مجموعة تانية ….ليش لما بيدعوا لمظاهرة بينزل فيها نساء ورجال بيصير متاجرة بنسائهم حتى ينسحلوا بالشوارع وهم يصوروهم ولما حركات تانية بتدعي لمظاهرة وبيصير فيهم نفس الاخوان وبتنسحل نسائهم وبيتصوروا بيكونوا ثوريين ومن حقهم وهالكلام كله ….انا قلتلك هم ماشيين على ديمقراطيتكم لو حسب الشرع لأ النساء ما بتنزل
        ..وانا شفتلهم اكتر من مظاهرة بالتلفزيون النساء بالوسط ومحوطينهم رجال حتى ما حدا يتعرض لهم وبعدين كلامك غير مقبول فيه حدا بيبعت بنته او اخته او مرته تنسحل بالشارع حتى يصورها ؟
        انا بالنسبة الي ما بوافق انه الست تنزل تتظاهر ولا تعتصم لكن غيري بيوافق وبيعتبر انها جزء من المجتمع ومن حقها تعبر عن رأيها وبيقلك بعهد الرسول صلى الله عليه وسلم النساء كانت تشارك بالجهاد فليش ما تشارك بمظاهرة سلمية وتعبر عن رأيها !
        اما عن البنت المسحولة …انا قلتلك الاخوان أخطاوا خطأكبير بكلامهم وانا ضده ..بس شرحت شو تعليقي ورايي لأنه شفت رغدة كاتبة تعليق تحت كلامك حتى تعرف شو رأي وما ترمي تهم هي وغيرها
        بعدين يا ابو ادم ليش عم تلوم الضحية وتترك الجلاد …ليش عم تلوم الاخوان وتترك الشرطة والعسكر اللي عم يقتلوا ويسحلوا البنات وغيرهم بظن هدول المفروض يكون الاتهام الهم
        لنفترض انه الاخوان متاجرين بنسائهم ليش الامن والشرطة ليعتدوا عليهم ويمنعوهم ويعطوهم الفرصة انه يبانوا شهداء ومظلومين !!
        بالله عليك ..واحدة زوجها او ابنها او اخوها او حدا من معارفها مسجون وعم تتلفق له التهم ويظلم ويعذب بالسجون شو رح يكون موقف اهله وامه …حتى التظاهر اذا تظاهروا ضد ظلم اهلهم بيكون متاجرة بالدين !
        انت حط حالك مكانهم وشوف شو بتعمل ؟؟
        اما عن المخابرات ..انا مو بس قصدت وائل نور انا قصدت الجميع …ومين قالك انها مثلا ما عم تخطط لتغتال وجدي غنيم ولا غيره من الاخوان …يعني وائل نور مو خطر عليهم بس وجدي غنيم هو الخطر ..؟
        .هم كل مين ضدهم وعم يهاجمهم وهو خارج سجونهم بيعتبروه خطر عليهم
        شوف اخي ..نحن التنين يمكن ما رح نتفق بنقاشنا لأنه افكارنا مختلفة بس رغم هيك انبسطت بالكلام معك لانه كان نقاش محترم ما فيه اساءات ولا اهانات متل بعض السفهاء اللي احياناً اضطر للرد عليهم …تحياتي الك وللأخ سراج

  12. VIP
    May 12, 2015 at 5:56 pm
    ولكن السؤال: إشمعنى الحكومة المصرية هتغتال أيمن نور مع العلم أنه مش مسبب لها أى تهديد ؟! طب لما هى كده أولى توصل لعاصم عبد الماجد أو وجدى غُنيم إللى بيحرضوا ضد الجيش و الدولة المصرية ! ده حتى أيمن نور غلبان جنبهم
    =================================================
    أكيد طبعا أن حكومة الأنقلاب لاتغتال أيمن نور بل لن تقبض عليه إذا عاد الى مصر
    ولا تغتال عاصم عبد المجيد أو وجدي غنيم ..,لكن يتم القبض عليهم والألقاء بهم في المعتقلات او غياهب السجون
    .
    ده شغل سنه أولى مخابرات وكلام فاضي

    طيب يا شاطرين يا حلوين … حكومة الأنقلاب وقائدهم المخابرتي
    يغتال مين …
    تغتال مثلا القاضي اللي أصدر حكم الأعدام على المرشد أو قاضي الرئيس مرسي أو أحمد الزند
    تغتال مثلا .. ابراهيم عيسى أو أحمد موسى أو الابراشي أو الحسيني أو حتى عمر اديب
    هو ده الشغل .. فهمتني يا وديع ( افلأم مصريه أم الأجنبي )
    .

ماذا تقول أنت؟
اترك رداً على نور** إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *