رد الإعلامي أحمد موسى على سخرية زميله يوسف الحسيني منه قائلا: “أيوه هقول حسني رئيس يا سيدي.. إنت كنت أيام مبارك بتلحس جزمته، واللي هيقول على ثورة 25 يناير سلمية هديله على قفاه”.
https://www.youtube.com/watch?feature=player_embedded&v=XFvs186PFwQ
وأضاف “موسى”، خلال برنامجه “على مسئوليتي”، في قناة “أون تي في”: “برنامج يوسف الحسيني لا يشاهده أحد ويريد أن يشتهر على حسابي.. وهو آخر واحد يتحدث عن الوطنية، عاوزك تخليك في شغلك فقط”.
وتابع: “يوسف الحسيني بيضرب أسفينات في زملائه ومش عاوز أتكلم على الهواء علشان لو اتكلمت هقعد ناس في بيوتها”.
وكان “الحسيني”، سخر من “موسى”، في حلقة اليوم من برنامجه، قائلا: «هاتولي وكيل نيابة واحد لم يتحدث بالإجلال والإعزاز لثورة يناير، بالمناسبة هو أحمد موسى، هيقول إيه عن النيابة يا ترى، إبقي رد بقي بعد التتر».
يعجز اللسان عن توصيف هذه المشاهد!!!
الإعلام ده وصل لقمة الذروة فى النفاق و الله.
بعد ثورة يناير مباشرة الكل هاجمها بلا إستثناء او على الأقل المشاهير منهم، مافيش إعلامى ماهاجمش الثورة… و بعد أيام منها إلتزموا الحياد مبقوش عارفين الكورة هتروح فى ملعب مين علشان يطبلولوا ! و بعد مالكورة راحت لملعب الثوار كلهم بقوا ثوار ضد مُبارك و كلهم بقوا مع الثورة و فى ميدان التحرير بياخدوا صور تذكارية مع الثوار و مع الدبابات و هكذا،،،
و بعد الحكم على مبارك بالبراءة إلتزموا الصمت و بيحاولوا يمرروا الحدث !
.
ماحدش خرب مصر غيركم ! حسبى الله و نعم الوكيل فيكوا و فى كل من أراد لمصر مكروه سواء كان حاكم أو حزب أو حركة أو فرد !!!
اخي VIP
عندما رايت التعليق أعلاه اسحب كلامي على انك غير حيادي .معتذرآ
لا ولا يهمك أخى طارق،
و على فكرة و الله كلامك مازعلنى… أنا مقدر إحنا كعرب بنفكر إزاى و على فكرة رديت عليك فى الموضوع التانى . و غردت خارج السرب علشان أحاول أقرب وجهة النظر .
و على فكرة :
رأى الناس فيا مش بيزعلنى ما دام كلام الشخص عنى فى إطار الأدب. إذن لا مانع 🙂
بُص يا أخ طارق،
فى كلام أنا مش بحب أكتبه على الجريدة هنا لأنى مش ببقى مُضطر لكده، و علشان مش بيبقى ليه مناسبة. زى مثلاً إمبارح لما روحت البيت و فى وقت العشاء قلبت على القنوات علشان عاوز أعرف رد فعل الغعلاميين على قرار المحكمة . المهم لقيت وائل الإبراشى سيبته شوية :
لقيته بيقول قرار براءة مبارك ليس معناه إفشال الثورة ؟! الثورة حققت اهدافها و قبل ما يكمل كلامه حولت !!! مش عاوز أسمع الباقى لإنى إستنتجت نواياه .
لقت لاميس الحديدى بتقول : مين إللى قال أن ثورة 25 يناير فشلت ؟! هو علشان مبارك خرج براءة تبقى الثورة فشلت ! فضحكت و قولت بصوت عالى على الرغم إنى كنت قاعد لوحدى :
طب لو المحكمة قررت على مُرسى بالبراءة هيكون ده رد فعلك يا لميس !
________________________________
بُص يا اخى طارق، أنا ضد الإخوان لأسبابى، لكن مش معنى كده إنى أقبل بالظلم أنا مش من الناس دى، و مش بحب إللى يتناول القضية بأسلوبين بشوفه بعيونى منافق. علشان كده وجهت لـ لميس السؤال ولونها مش سمعانى و قولتلها : لو مُرسى أخد براءة هيكون هو ده رد فعلك ؟!
.
ليا بوستات على صفحتى ع الفيس بسخر فيها من قرار المحكمة، بس مش مُضطر انقلها هنا علشان أعجب حد أو علشان حد يقول عليا حيادى ! بالعكس بحب أكتب قناعتى بغض النظر عن كلامى هيعجب مين أو لا، مش تكبر ولا تناكة و الله، بس علشان مش بحب أربط رأيى برغبة الأشخاص 🙂
.
تحياتى،،،
مافيش جديد
إعلام النفاق بتاع نعم ياريس و99,9%
واللى يتجوز أمى أقوله ياعمى
اللهم ارحم المصريين من أشكال هؤلاء الشرذمة المنافقين