يعاني بعض الاطفال من رهاب مقص الشعر لدى ذهابهم للحلاق وغالبا ما يستطيع الحلاق بدماثة اخلاقه وصبره ان يستوعب حالة الطفل ويعمل على مساعدته وطمأنته.
الا ان ما سنشاهده في هذا الفيديو يضرب بكل ما ذكر عرض الحائط حيث يتم ضرب طفل خائف من حلاقة شعره بعنف وقسوة ودون اي اعتبار لمخاوف ذلك الطفل.
وبرأ بعض رواد مواقع التواصل الحلاق من الضرب ذاكرين ان قريب الطفل هو الذي حاول تهدئته في البداية ثم انهال عليه بالضرب ولا شأن للحلاق في الحادثة فيما ذهب آخرون للتأكيد ان الحلاق ومساعده هما من قاما بضرب الطفل وتعنيفه بتلك الطريقة المهينة.
كما انقسمت التعليقات على هذا الفيديو الذي انتشر بكثافة عبر مواقع التواصل بين من ذكر انه لصالون في الكويت وبين من قال انه في بلد عربي آخر.
اللي ضرب الطفل مجنون والطفل ايضاً بهي جنون , هو طفل لكن مش لهاي الدرجه الخوف خاصتا انه كبير شوي ويفهم !!
يتكسروا ايديه ان شالله ما أقسى قلبه واغباه ..بظن هذا قريب للولد وليس الحلاق
مبين الولد خايف من الحلاقة يمكن مفكر انه رح ينوجع …انقبر انت يلي عم تضربه واقعد على كرسي الحلاق قدامه خليه يقص شعرك حتى الولد يعرف أنه ما في شي بيخوف مو تنزل قتل فيه يا غبي
العمى شو فيه ناس غبية وما بتشغل مخها !
نور
ههههههههه صباح الخير
شو مالك اليوم معصبه كثير روقي ياست الكل
ههههههه ناقص خبر ع شذى كان كملتيها
هههههههه نادية شو بنت حلال لسه هلأ معلقة على خبر عن شوز
أنا بيصير ينط قدامي 100 عفريت لما بشوف حدا عم يضرب الولاد هيك …انقهرت على الولد وطريقة تعامله معه ..يا أختي الولاد بدهم صبر وما بيجوا إلا بالحسنى خاصة إذا بيخافوا من شي بس هو هالأهبل مو مقدر هالشي بدل ما يشيل الخوف من الولد ويطمنه نازل ضرب فيه مخليه يرتعب أكتر
المهم هلأ انتي شلون صارت ايدك إن شالله تمام وعم تقدري تحركيها منيح خاصة مشان تفشي قلبك وتطبخي متل مو مشتهية ههه
نور
ههههههههه صدقيني احب تعليقاتك لان أتضحك والكلام السوري كثير حلو
انا الحمد لله بخير فتحت الجبس وعم بعمل علاج طبيعي وتحسنت كثير بس طبعا لساتها ضعيفه وبعض الأشياء توقع من ايدي .. يعني هههههه عم بعمل سلاطه وأشياء بسيطه لسه ع الطبخ مافيني اعمل كثير
الله يحلي أيامك حبيبة قلبي ويهنيكي ……يلا ماشي الحال المهم انك فكيتي الجبس وخلصتي منه وشوي شوي بعد العلاج بتتحسن وبترجع متل الأول إن شالله وأحسن …وبعدين شو بها السلطة نعمة كريم يسلموا إيديكي بكرة بس تتحسن أيدك بتعوضي كل الطبخ اللي نفسك فيه ….يلا حبيبتي اعذريني مضطرة أطلع هلأ رايحة حضر فطور تعي افطري معي …
أتصور هالدب والده للطفل مش الحلاق، كل مشاكل الاب و الأم تتجه للطفل مثل الرشحة و الزكام للاسف، و هالطفل مرآة والديه
سبحان الله انس بيعمل مثلو او اكثر
سواء عند الطببب ولا الحلاق لكن مؤخرا جربنا اخذناه على حلاقة اتغير الولد جذريا صار لا يبكي عند الحلاقة ههههه
يعني النية صافية جدا loOl
اظن الولد ما يبي يحلق شعره ومو قصة خوف !