أشعلت عروس حفل زفافها بوصلة رقص احترافية على نغمات عدد من الأغاني الشعبية لاقت تفاعلًا كبيرًا واستحسانًا من الحضور.

https://www.youtube.com/watch?v=dyH8br4dYH0

وأظهر الفيديو المتداول على مواقع التواصل الاجتماعي مهارات غير عادية للعروسة في الرقص استطاعت بها جذب أنظار الجميع.

شارك الخبر:

شارك برأيك

‫27 تعليق

  1. ما فتحت الفيديو ..بس مو حلوة ولا مقبولة العروس تنزل رقص وهز بعرسها بتضيع هيبتها
    جمال العروس انها تكون قاعدة بفستانها الأبيض هادية ورزينة واذا رقصت بتكون رقصتها خجولة واذا بتنزلها كم دمعة بيكون تمام حتى يعرفوا انها زعلانة على فراق اهلها 🙂

  2. أهلين نور حبيبتي
    تصدقي يانور انا حضرت حفلة خطوبة والعروسة لبست بدلة رقص ورقصت على وحدة ونص بصراحة هذا الشي فاجئني من زمان وانا اريد اسئلكم هل هذا طبيعي
    بس للامانة بدلة الرقص مش من اللي بتلبسه دينا وغيرها لاء
    كانت عبارة عن دشداشة لماع و محتشم بعض الشي
    والعروس والعريس كل واحد من جنسية بس لاثنين عرب

    1. مسا الخير على اعز حبابي نور وام هكار
      ام هكار تسلميلي يا غاليه والله لا يحرمنا من وجودك بنورت انتي ونور الكم وحشه وردي لك هون ومهما قلت ببقى مقصره بالتعبير بما يليق بكم من كلمات بس إذا مش لغتك وهيك اسمالله عليكي وحواليكي ام هكار احسن مني انتبهي لا عيوني زرق ولا اسناني فرق 🙂 شايفه حواركم وقلبي عم ينغمش وما قادره شارككم بحواركم وبايد كلام نور حلوه العروس يكون عندها خجل وعجبني شرحها للتفاصيل وتنزلها دمعتين بس وين في منهم يا نور قلال هالايام انا حاضره عرس العروس طلعت عالطاوله ورقصت فكرت اعملها شي ماسك بصل بس ما ظبطت 🙁 بس اكيد كتار بعدهم محافظين على العوايد وبنفس الوقت كمان في اشخاص ما فارقه معهم بس اكيد ما بيشمل الكل وهيدي عند الكل بعتقد بس الصيط السيء للاسف بيغلب بعض الاحيان
      تحياتي نور وام هكار وامونه

      1. مساء السعادة والسرور على بلو سكاي ونور الشام
        تسلمين حبيبتي بلو على كلامك الطيب يشهد الله أني معزكتم من معزة اخواتي الله يديم المحبة بينا وبين الناس كلها
        يا محلى الحياة من غير مشاكل وحروب يعني يابلو الواحد آش استفاد ؟؟

        الله يجازي اللي كان ويكون السبب
        يعني يابلو لغتي تملى العين و لا تجبرني بخاطري ?
        اذا نعم أوعدك أحط خرزة زرقة عشان العدويين ??

        الدنيا تغيرت يابلو حتى عندنا زمان على قولة نور كانت العروسة تبكي لكن تعالي شوفيها اليوم الله وكيلك من بداية العرس للنهاية وهي تدبك طبعا انا لا اعمم
        في كمان عندنا من هالنوعية

        يالله شو بدنا نقول غير الله يهديهم ويسعدهم و عقبال ولادنا و ولاد الجميع يارب
        تحياتي لكي وللعزيزة نور

        1. يسعدلي هالمسا وانشالله كل ايامك سعاده وفرح انتي ونور وجميع الاصدقاء ..
          وونحنى منعزك بالإذن من نور بحكي باسمها كمان نور عزيزه وغاليه وانت يا ام هكار الكل بيحبك ومعزتكم مثل معزه اختي انت ونور
          شكرا لدعائك و الله يهدي البال وكلنا منتمنى تنتهي كل مشاكلنا وكل الحروب التي تعيشها كل البلدان وترجع ايام الخير والسلام والامان يا رب ..وعقبال ولادنا وولاد الجميع يا رب
          تحياتي لك وللعزيزه نور وينك ما عم شوفك ..
          ام هكار وهاي إلك هههههه

          1. اللهم أمين حبيبتي بلو
            تسلمين يارب الله يخليلك احبابك

            عزيزتي طول عمرك صاحبة واجب وصلت الهدية والله أني حبيتها كتير
            ماشاء ذوقك راقي كتير
            الله يديم عليكي نعمة الستر و الصحة والسعادة
            ياأحلى لبنانية
            تحياتي يالغالية

  3. هلا بالغالية شرمين يسعد مساكي
    لأ اكيد موطبيعي انه تلبس بدلة رقص وتنزل هز بخطبتها هي واحدة هبلة
    فيه أكيد ال بعض منهم مجانين وطاقق عندهم عرق الحيا متل العروس اللي عم تحكي عنها واللي فوق بس بظن كتير لسه اعراسهم محترمة وما شيين حسب التقاليد و الأصول

  4. اله يسعدك حبيبتي نور
    طبعا هذا الكلام انا متاكدة منه الناس المحافظة ع العادات كتار
    عشان هاي سئلتك انا صحيح مش عربية بس على قدر كافي من الاطلاع على عاداتكم و تقاليدكم
    بس بصورة عامة الدنيا تغيرت كتير
    بس حلوة هاي نور تنزل لها كم دمعة 🙂
    هذا الجيل يانور ؟!؟!؟!
    يالله شوبدنا نقول غير الله يهدي الجميع
    تحياتي و دمتي بخير

  5. مسا الفل ام هكار …كيفك ..ان شاء الله تكوني بخير
    الدموع يا ام هكار ضرورية جداً حتى تبين انها زعلانة على فراق اهلها …اي لو تشوفي عندنا شو بتبكي هيه وامها طول العرس ويا ويلها يا سواد ليلها اذا ما بكت 🙁 معناها طايرة عقلها بالعريس وما صدقت تترك اهلها ههههه

  6. بخير حبيبتي نور ….. الله يسعد قلبك
    بعرف والله ااااه يانور لو كنتي في بيتنا لما تزوجت اختي الكبيرة
    مابعرف كيف او فصلك بس والله كان يوم حزين كئيب لايمكن ننساه

    كل وقت ولوه اذان
    هيك بتقولوا صح يانور ?
    شنتوقع من جيل الفضائيات غير الجرأة الله يهديهم يارب
    تحياتي يالغالية وعقبال ولادنا يارب

  7. مرحبا ام هكار.. حبيت اسلم عليكي قبل ما اخرج. وسلامي كمان للغالية ام عمر.. ليلتك سعيدة عزيزتي

  8. أهلين ام ادم
    الله يسلمك و يعطيكي العافية يارب
    الله معك و احلام سعيدة

  9. ….مسا الفل والياسمين للحلوين شرمين وبلو ومنولة و وانا عم شو هالريحة الطيبة اتاري ريحة العطر من الورود اللي بالصفحة
    الحمد لله على السلامة بلو ..وينك غاطة يا منظومة 🙁 طيب قلبك عم ينغمش على الحوار ادخلي شاركينا فيه .
    ..اكيد بتموني بلو والله يعزك يارب ..صحيح كلامك و الله بيعلم انه انتي وام هكار وامونة ومنولة و بعض الصبايا هون بعزكم من قلبي متل اختي لأنكم محترمات وبتنحطوا على الجرح بيطيب
    وبالنسبة للاعراس متل ما قالت ام هكار وانتي تغيرت كتير هالجيل هاد اغلبه ما عنده للحياء مطرح بتلاقيها على قولة الخليجيين ههه شاقة الحلج ومبتسمة طول العرس اذا بتقوصيها ما بتنزل دمعة .
    .بس بيضل فيه ناس محترمين محافظين على الأصول ….الله يستر بس تكبر بنتي وتتزوج ما تطلع هيكمن كتر ما عم نعيب على الناس هههههه
    تحياتي للغوالي امونة وايمي و لطيفة وأخر العنقود واماني واريج وكل المحترمين

    1. تسلميلي يا نور الله يسلمك ويخليلك احبابك
      بشكرك عا كلامك وبالمونه لان بعرف محبتك وطيبه قلبك وبرجع بقلك إذا شي نهار زعلتك وبدون قصد بإعتذر منك لان ما بحبك تزعلي وبحب شوفك دايماً هيك مفرفحه حتى لو ظروف بلادك صعبه لا بد ويجي يوم وتستقر اوضاعكم يا رب وانشالله عن قريب ويعم الامن والامان بجميع الدول ..
      بتعرفي نور خطرت عبالي وما كتبتها وكنت بدي قول نفس الفكره بس نفرح بولادنا يقوموا يرقصوا وما حدن يقدر يهديهم ههههههه
      تحياتي لك يا غاليه ولمن ذكرتي

    2. مدام نور** …… مساء القلب و إحساسه لعطر الورد و أنفاسه ، أتمنى أن تكوني بألف خير و أغبطُ نفسي أنني دائماً في سلامك من المذكورين و في ذاكرتِكْ من الحاضرين . تحياتي لكِ و أملي أن تتقاطَعَ طُرُقُنا قريباً فقد زاد بِنَا لَكُم الإشتياق ……..
      ============
      تحياتي لمدام بلو و الست أُم هكار و العزيزة أماني و الغالية أمونة و بنات المغرب وئام و لطيفة و imi و أم الرجال و مغربية و الفحلات بنات الجزائر أسماء و أريج و نور و سلام و لمن إشتقتُ لها كثيراً سُعاد الناصرة و للدكتورة منال و هنا مريم و أُم وردة و الأصيلة و الأُخت maya و أخيراً و ليس آخراً لمن قلبي لها عُنوان marocaine

      1. ياهلا ومرحبا سنفوره ..تحياتي لك عزيزتي ولجميع من ذكرتيهم .

      2. مسا الياسمين اخر العنقود .. انت احلى وردة بنورت بتزيني كل صفحة بتدخليها بأخلاقك وادبك وذوقك العالي ..الله يسعدك وينور طريقك ويديم عليكي هالاخلاق الحلوة الراقية ويسعد قلبك دائماً
        اكيد ما رح اقدر جاريكي بكلامك الحلو بس منحاول على اد ما منقدر ..تحياتي لكل الاعزاء اللي ذكرتيهم و كمان لكريمة الجزائرية حبيبة قلبي ولكل المحترمين

    3. أهلين حبيبتي نور
      يارب تكوني بخير

      ان شاء الله يانور يجي اليوم اللي نزوج فيها ولادنا بس لا ايعملونا سالفة بين الناس ?
      حاكم هذا الجيل مابيرفعوا الرأس ?
      بس يانور مش هذا اللي انا خايفة منه انا ل ابني مايحضر عرسه ويحرجنا هههههه

      يالله الله كريم
      تحياتي لكي ولكل الصبايا كل وحدة ب اسمها

      1. وين يانورت بقية التعليق
        قصدي بيكره المناسبات الاجتماعية
        يقول all you do is dance in a circle ?
        والله يانور هذا كلام ابني

    4. مسا الياسمين على اغلى الحبايب بنورت …بلو ..شرمين ..اخر العنقود …منولة …اماني و كل الغوالي
      الله يسعدك حبيبتي بلو ويفرح قلبك على طول شفتي ليش بحبك لأنه بعرفك ما فيه اطيب من قلبك ….الله لا يجيب بيننا زعل حبيبتي ….انا لو شي مرة اخدت على خاطري من حدا بحبه بعاتبه لأنه العتاب صابون القلوب وانتي متل البلسم بعمرك ما زعلتيني او جرحتيني فما فيه داعي لإعتذارك حبيبتي ؟ وشكرا على دعائك ربنا يرجع الأمان والفرح لكل بلاد المسلمين يارب
      شرمين ..الله يخلي ولادك وولاد الجميع ويفرحنا فيهم يارب ويعطينا العمر لنشوفهم كبار وعرايس …ابنك مشكلته محلولة ام هكار كتفيه وجيبيه موجودا ليلة العرس حتى ما يهرب ما شفتي فيلم عادل امام لما ربطوا سمير صبري بالكرسي حتى يرضى يتزوج نبيلة السيد البشعة ههههه .
      ..اما البنت اذا قامت ترقص وتهز متل الاخت اللي فوق ولا تنهبل متل العروس اللي لبست بدلة رقص ونازلة هز هي ما الها حل ههههه
      منولة شكلها ما شافت هالصفحة لهيك ما ردت .ان شاء الله تكون بخير ..تحياتي للجميع

      1. مرحبا بالغالية ام عمر. كيفك حبيبتي مشتاقين كتير.
        سامحيني انا والله ما شفت سلامك قبل. من جديد صرت ما عّم اقدر اكتب تعليق من تلفون بسبب الإعلانات ولمن بضغط أرسل تعليق ما بينزل. فوق هيك ما عندي ولا كمبيوتر عليه كيبورد عربي للأسف بضطر اعمل كوبي بيست من كيبورد عربي على جوجل وهاد بياخد وقت.
        اذا رضي ينزل عالتعليق حابه ابعت سلامي للإنسان الراءع ابو ناشي وأقله انتا اخ كبير ورح تضل معزتك كأخ عزيز طول العمر. الله يخليلك ام ناشي ويحفظلكم اولادكم وتشوفوهم بأعلى المراتب. انا يا ابو ناشي مش قادرة أضل ادخل نورت وارد على ناس احقر من الحقارة وفوق هيك اعرضك لكلام. انتا اكبر من هيك وانا بديش هالنورت.

        1. اما الوردة سنفورة (كما وصفتها الغالية ام عمر) فهي تاج على راس كل ست فلسطينية. الكلام بحق انسانة مثلها دائماً قليل. شرف الي اني تعرفت عليكي في عالم افتراضي. ربنا يوفقك بكلشي بتعمليه بحياتك.
          اسفة كتبت كلشي عالسريع لاني والله بالشغل. وزبطت معي ونزل التعليق.

        2. مسا الريحان لأحلى دكتورة …منيح اللي شفتك قبل ما أطلع …كيفك وكيف ولادك ان شاء الله بخير وعافية اشتقتلك زمان ما صادفتك …بعرف حبيبتي انك لو شفتي سلامي رح تردي ..الله يسلمك يارب
          وتحياتي لأخونا الغالي ابو ناشي ولعيلته ربنا يباركله بولاده ويفرحه فيهم …شكله فيه مشكلة متل العادة …تضرب نورت شو ما بتخلص المشاكل فيها …منولة لا تردي على حدا وطنشي فيه ناس لما بتردي عليها بتعمليلها قيمة …تحياتي الك وبوساتي لأدوم العسل ..يلا عن اذنكم خلص دوامي بنورت اليوم

      2. اللهم أمين حبيبتي نور
        شو قلبك كبير ماشاءالله عليكي يا ام عمر
        الله يوفقك و يخليك ولادك يارب
        ربي ينصركم على من خذلكم وكان السبب ف مأساتكم امييييين

        للامانة مابلوم سمير صبري هههههه
        الله يفرحنا ب ولادنا و يفرح الجميع يارب

        تحياتي لكي وللعزيزات سنفورة و منال وبلو و اماني و امونة و الجميع

      3. العزيزه الغاليه على قلوبنا نور
        كيفك وينك إلك فتره ما عم تبيني اشاقتلك والكل بيسال عنك بشكرك عا كلامك حبيبه قلبي ومهما قلت ما بلاقي كلام يوفيكي حقك رح قلك الله يوفقك ويعطيكي على حسب نيتك إلك ولعيلتك كل الخير تمنياتي لك وما في داعي نشكر بعض على دعائنا نحنى اخوه بإذن الله والله يفرجها علينا جميعاً آمين
        ما بقى تطولي

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *