>

من الصعب الكلام في مثل هذه المواقف .. 

ولا أقول إلا الله ينتقم من كل اللي عمل هيك بمدينتي .. وخربها

ومن كل الأطراف ..وأدعو ربي أن يحفظ أهلي وأهل مدينتي .. وأن يستر عوراتهم وأن يؤمن روعاتهم . وأن يحقن دمائهم ..

آآآه يا مدينتي بأي عين سأراكِ غداً ؟؟ .. ولم يبق حجر على حجر ..

حسبي الله ونعم الوكيل ..

اللهم اضرب الظالمين بالظالمين وأخرجنا من بينهم سالمين !!



شارك برأيك

‫113 تعليق

  1. حسبــــــــــــــــنا الله ونعم الوكيل فى كل من تسبب فى هذا الدمار والخراب.
    حسبنـــــــــــا الله ونعم الوكيل فى كل من تسبب فى موت الأطفال، والشيوخ، والشباب، والنساء… وفى كل من تسبب فى تيتيم الأطفال.
    لك الله يا سـورياااااااااااااااااااااا… المنتقم الجبار موجود.

  2. مأمون اهاااتك فيها الم كثيييييرر وصلت للقلب ع طول
    الله يفرج ع كل بلد عربي منكووب ياااارب وربي يشهد قديش احب هالبلد
    وان شاء الله ترجع مثل ماكانت وأحسن امييين يارب العالمين ..

  3. مأمون وجعك وأهاتك تخص كل سوري بيحب البلد
    الله يفرجها علينا يارب عاجلاً غير آجلا
    والله ما عاد يكفينا كلام وحكي والشكوة لغير الله مذلة فلمن نشتكي ظلمنا

  4. ربنا يصبرهم ويحميهم ويحفظهم يستر عوراتهم ويؤمن روعاتهم . وأن يحقن دمائهم ..اهلك واهل المدينة كلها وينتقم من كل واحد وبلد ساندة بشار

  5. افرجها الله عليكم.
    وجعل سوريا شعله السلام.
    وحسبنا الله ونعم الوكيل على كل من يريد ان يخرب سوريا.

  6. سلام عليكم

    بسم الله الرحمن الرحيم:
    (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ) (البقرة: 155/ 156 /157
    صدق الله العظيم

    أخي مأمون انت ان شاء الله من الصابرين
    لطالما مددتنا بعزيمة الصبر
    حزنك على مدينتك سيقوي عزيمتك لبنائها من جديد

    اللهم يا عزيز يا جبار ألهم أهلنا في سوريا الصبر
    مدد يا رحمن مدد

  7. الله معكم يا مأمون…ربنا ينصركم على من ظلمكم…و الله ينتقم من كل طاغي يتجبر على المستضعفين…نسأل الله عز و جل بكل أسمائه الحسنى أن يفرج عنكم كربتكم…و يزيل همكم و يبدل أتراحكم أفراااحا …و يرحم ضعيفكم…و ينصر مظلومكم…و يشفي عليلكم…و يجعل لكم من كل ضيق و هم فرجااا…و يزيل عنكم الغم…إنه سميع مجيب..
    انت بتسكن في اي مدينة مأمون؟؟

  8. الله لا يسامحو شرد ناس ويتيم اطفال وهتك اعراض لا حول و لاقوة الا بالله العلى العظيم

  9. فعلاً يا مأمون اسم هالمدينة انذكر كتير بوكالات الأنباء لأن انقصف كتير شو بدي قولك يا مأمون الله يصبركم على كل هالبلاوي كنت عم فكر الى جانب كل شي كيف الأطفال عم تتحمل كل هالعنف و الحزن حواليها ؟
    كيف ما فكرت صعب ٠٠حياة بلامي كيف بصير الشرب الطبخ الغسيل أذا في أطفال
    خليها على الله ٠٠٠

  10. حسبــــــــــــــــنا الله ونعم الوكيل
    حسبــــــــــــــــنا الله ونعم الوكيل
    حسبــــــــــــــــنا الله ونعم الوكيل
    اللهم اجعل لأهل سوريا فرجا و مخرجا ، اجعل لهم فرجا و مخرجا ، اجعل لهم فرجا و مخرجا ، اللهم و احقن دماءهم ، و احفظ أعراضهم ، و آمنهم في و طنهم ، اللهم و اكشف عنهم البلاء ، اكشف عنهم البلاء ، اكشف عنهم البلاء ، اللهم و قاتل الظلمة المتجبرين ، يا جبار يا قهار قاتل المتجبرين الفجار ، اللهم خذهم أخذ عزيز مقتدر ، و أرح البلاد و العباد منهم يا عزيز ،اللهم و الطف بعبادك المسلمين في كل مكان يا رحيم يا رحمن ، اللهم انصر الإسلام و أعز المسلمين ، و أعلِ بفضلك رايتي الحق و الدين ، اللهم كن لأهل السنة يا ذا القوة و المنة ، اللهم و أنعم علينا بالأمن و الأمان يا لطيف يا منان ، و الحمد لله رب العالمين .

  11. شكراً لكم على دعائكم .. وهذا جزء فقط من الخراب الذي حل بالمدينة .. ويتحمل مسؤوليته الطرفين .. بقذائفهم وعبواتهم الناسفة ..
    شكراً لكم وأعتذر على اشغالكم بهمومنا ..!!

  12. مأمون
    بقوة الله عز وجل ستعود .. وستعود احسن بصبركم وبسواعدكم وباسود سوريا الاحرار ستعود .. ايماننا بالله هو الذي سيعيدها, وينظف الارض الشريفه من قذارة الظالمين وبطشهم .. الله كبير يا مأمون .. انه يمهل ولا يهمل ..

  13. الله يسمع منك يا ناديه .. تسلمي لمرورك ..
    تصبحون على خير جميعاً ..

  14. الله يفرج كربكم و يفاجي غمتكم اخي مامون و ينتقم من كل ضالم يديه توسخت بدماء الابرياء

  15. في دعاء مين بدعي فيه ان شاء الله بكون دعائو مستجاب
    يا جامع الناس ليوم لاريب فيه اجمعنا بالفرج العاجل نحن وكل من بحاجته عاجل غير اجل يا الله

  16. انتم ابرياء وعلى نياتكم تدعون على الطاغيه ومتعاطفين مع الشعب البريء ، و صاحب الموضوع ماشاف غير القذائف والعبوات الناسفه المستخدمه للدفاع عن النفس والجهاد ضد حاكم طاغيه سفاح يستأسد على شعبه الأعزل وعلى اسرائيل نعامه ! هه ويدعي انه في مواجهه مع اسرائيل !
    الله ينصر المستضعفين في كل مكان ويتقبل الدعوات الصادقه غير الحاقده من المسلمين

  17. انا ابدن مابدعي على شعبي يا استاذ توبتر الله ينصر الشعب اسوري وانا بحب الك اني بعتبر كل واحد مات من الشباب السورين حده من عيلتي

    1. لو قرأتي تعليقي كويس رح تعرفي اني لا أقصدك .. انا قلت صاحب الموضوع
      الله يرحم اللي قتلهم الطاغيه وزبانيته

      1. يا تويتر يقول المثل عندنا: ما يحس بالجمرة غير اللي كواته…عيب ان نزايد على عذابات الناس استغرب كيف ترين في موضوعه شيئا مما تذكرين .

        عزيزتي شيء من المواساة ان كان في وسعك تقديمه لا يضر وان لم يكن ذلك ممكنا فالافضل اخيتي ان لا تغرزي خنجر كلماتك في اناس اعماقهم موجوعة.

        انت-والله اعلم- لبنانية اي انك تعرفين تماما عندما يستغل الوصوليون احلام البسطاء وغضبهم وانا جزائرية اعرف ايضا كيف يكون ذلك فبين مطرقة النظام وسندان المعارضة ينقسم الناس الى شطرين متناحرين وتكون النتيجة هي طول عمر الوجع .فاتق الله عزيزتي ولا ترم الناس من غير علم .

        1. اخت لبنى ..انا لا أملك إلا الدعاء على الطاغيه و هذا الكلام يفترض أن يوجه إلى من يلوم الشعب الاعزل المهجر من مدينته قسرا تحت القصف الوحشي للطاغيه و أعوانه .. هنا في نورت الكثير من السوريين المقيمين داخل
          سوريا ولكن لم نشاهد منهم إلا الدعاء على الطاغيه وليس لوم الشعب البريء .. فأن نختزل هذا الشعب في شخص واحد ونؤيده حتى على الغلط فهذا نفاق و هو متوفر هنا بكثره بين بعض المعلقين ..
          انا لا أزايد .أنا أقف مع الحق الواضح والصريح ولا ألوم من يدافع عن
          نفسه باستخدام عبوه ناسفه !!!!! وماهي العبوه الناسفه تحت نيران
          القصف المكثف ؟؟؟ عدا عن الإعتقالات و التعذيب وانتهاك الأعراض !

          1. تويتر اختي ارجو ان لا يذهب فكرك كما قالت لي احدى الاخوات مرة في هذه الجرييدة :هل انت محاميته؟” لاني لست كذلك كل ما هنالك انك مخطئة في اعتقادك انه يلوم الشعب وهو منهم بعض افراد عائلته اعتقلوا وقتل احدهم من وقت قريب …وهو اعلم مني ومنك من وراء هذا لذلك بحكم معرفتي بهذا كونه اخي اطلب منك ان تراعي المه وحسرته فهو لا يدافع عن النظام ولا يلوم الشعب كما تتصورين اعتذر منك ومن مامون ايضا لاني يفترض ان لا اقحم نفسي في هذا لكن فعلا لم استطع ان اتجاوز كلامك لاني اعرف انك مخطئئة في حقه وحكمك عليه ليس في محله.يؤلمني كثيرا كما يؤلمك ان نرى من يدافع عن من يتم الاطفال ورمل النساء وازهق ارواح شباب في عمر الورد …حتى اني اصبحت اتفادى دخول كثير من المواضيع السورية لفرط ما يشتد وجعي لكنك أخطات التقدير هنا عزيزتي .آمل ان يتسع صدرك لكلامي وان يعذرني مامون ايضا على مداخلتي هذه.
            يكفي ان تعرفي عنه انه ابن هذه المدينة التي تقولين ان اهلها هجروا منها قسرا وبسبب الحصار عليها لم يستطع حتى دخولها ليطمئن على اهله فهل تظنين وانت البعيدة عنها وانا وقد رق قلبنا وثرنا وغضبنا لاجل اهلها اننا اكثر حرصا وخوفا عليها منه وهو ابنها؟ شكرا لك يا ثائرة واكرر امنياتي بان يتسع صدرك لتدخلي

          2. ببساطه أقول لك أن لومه على الثوار كان يسطره هنا على صفحات نورت حين كانت الثوره سلميه وفي
            بداياتها وكان عتبه واضح عليهم ( وهو حر ) ولكن
            من حق الإنسان الدفاع عن نفسه والجهاد ضد طاغيه
            مستبد أذاق شعبه الويلات .. أما العبوات الناسفه التي
            تغيظه فهي بالتأكيد لعصابات حزب الشيطان الذي يصفق له سيد مأمون

          3. سبحان الله وبحمده سبحان الله العظيم.

            تويتر انا لا اريد اقناعك بشيء انا ريات ان حقدك مبني على فهم خاطيء واردت ان ابين لك لاجنبك هذا اما انك تقبلين كلامي او ترفضينه فذاك حقك.
            التعليقات التي تستشهدين بها هي اكبر دليل على انك مخطئة وعودي لها وسترين.
            وعلى كل حال انا لا اوجه كلامي لاي كان بل لمن اتوسم فيهم خيرا (ليس بقبول ما اقول بالضرورة بل بتفهم دواعيه حتى لو لم يقتنعوا به ) ولهذا وجهت لك كلامي.ومثلما تثمنين انت كلام من ترينه على حق رغم انك لا انت ولا هو ولا انا نعرف حقيقة ما يجري على الارض الا من خلال الاعلام وكلام من نعرف عليك ان تفكري ولو لحظة هل تحبين وتهتمين لامر اهالي هذه المدينة وسوريا عموما اكثر من احد ابنائها الذين يعانون يوميا من ما يحصل؟

  18. همومكم هي أيضاً همومنا لا يكون عندك شك يا مأمون
    الله يفرجها من عندو

  19. شكراً يا نُهى وشكراً لجميع الأصدقاء ..
    والله يلطف بهالناس الواقعة بين نارين .. نار النظام .. ونار المسلحين ..
    النظام اللي بيقصف بقذائفه .. والمسلحين اللي بيزرعوا عبواتهم في مداخل البيوت وفي المحلات التجارية ..!!
    والمصيبة أنو في ناس بدها تزايد حتى في أهلنا وناسنا .. معتبرين أنفسهم بيعرفوا حقيقة الوضع حتى في مدينتي أكتر مني .. وهم ليسوا سوريين أصلاً .. فعلاً هزلت ..!!

  20. تعجز الحروف يا مامون عن نظم كلمات وجمل تقول شيئا يذكر امام هذا .كان جرحنا فلسطينيا ثم امتد وكبر حتى غدا كل شبر في اوطاننا سليبا وحفر جنب الجرح جرحا.لا نملك غير الدعاء والتضرع لله ان يفرج الكرب ويزيح الهم وينصر الشعب المظلوم وينتقم من كل من ظلمه ونساله ان يغفر لنا قلة حيلتنا وعجزنا وتقصيرنا لو ما فرطنا في اول شبر ما اضعنا البقية ولا حول ولا قوة الا بالله العلي العظيم.
    اللهم اجعل سوريا بلدا آمنا مطمئنا وفرج كربة اهله يا رب.

  21. في ناس يا مأمون متل ما قالت وروود إمبارح بتحب تبين حالها بتعرف بكل شي
    ما علينا الناس مع نقص المواد التموينية و المي كيف عم تطبخ و الأدوية في ناس معها السكري القلب في أدوية كافية و بأسعار معقولة ؟
    انا حالياً بيهمني اعرف وضع الناس المعيشي طمني يا مأمون كيف الناس عايشه هونيك ؟

    1. صباح الخير نهى كيف حالك؟
      مامون سافر لرؤية مدينته قبل قليل. سيجيبك ربما عندما يعود ان شاء الله.

  22. لاحول ولا قوة الا بالله
    حسبنا الله ونعم الوكيل
    والله يا مأمون رغم أننا خارج سوريا لكن قلبنا يدمى حين نرى ما حل ببلادنا الجميلة وشعبنا الطيب
    ومناظر القتلى والدمار والمشردين يقطع قلوبنا
    هذه بلدنا الهادئة الأمنة هيك يصير فيها
    الله ينتقم من كل شخص دمر هذه البلد وقهر أهلها وعذبهم
    يا رب تزيح هذا الغمة عن سوريا وأهلها
    يا رب تفرجها على بلادنا وتجمع قلوب أهلها وتوحد كلمتهم وتنصرهم وتفرج كربهم

  23. الله يكون معن يا لبنى بتمنى يخبرنا بشيء من التفصيل عن الوضع المعيشي هناك
    شكراً لبنى على إهتمامك

  24. يارب ارجوك ان تساعد هاذ الشعب المسكين واهلنا في سوريا للتخلص من هذه المعاناه قريبا …..
    حسبي الله ونعم الوكيل عليكم يا كلاب بشار ….

    1. مزايده هه
      فرحانين بهالكلمه ومش مصدقين انو حافظينها وعم ترددوها
      طالما ماتوجه لك الحكي فمش مطلوب منك تردي و ((((( تزايدي ))))

  25. ارى إنك اليوم لستِ على طبيعتك فلنؤجل النقاش عندما تهدأ النفوس

  26. لا أخت نهى أنا هكذا دائماً ونفسيتي هادئه تماماً ولكن لا احب المسايره في شيء واضح انه خطأ .. وبطريقه أوضح لا أحب النفاق . والنقاش ليس له لزوم من الأساس فكل شيء واضح إلا لمن في نفسه غايات أخرى ..

  27. ممممممممممم طيب ياترى يا توتر أيه رأيك فى اللى كان بيدخل يشتم المصريين باسم جزائرى، وبعد كده يغير اسمه علشان يدخل يشتم الجزائريين باسم مصرى… ده يدخل فى دائرة النفاق برضه!!!
    وكمان اللى بيدخل علشان يولع الفتنة بين السنة والشيعة… ده منافق ولا أيه تصنيفه؟!
    احتراماً للموضوع، هاكتفى بهذا السؤال… أو بمعنى أصح الأستفسار!

    1. انتي مصدقه كلام سوزي تربية الحسينيات القائمه ع الكذب اقسم بالله اني ماكنت أعرف نورت أيام أزمة الجزائر و مصر .. أما موضوع السنه و الشيعه فأنا أشارك عندما يشتم الصحابه وأمهات المؤمنين وان شاء الله يكتب لكل المدافعين الأجر و الثواب

  28. لاحول ولاقوة الابالله العظيم
    اللَّهُمَّ اكفنِيهمْ بمَا شِئْت
    اللَّهُمَّ اكفنِيهمْ بمَا شِئْت
    اللَّهُمَّ اكفنِيهمْ بمَا شِئْت
    اللَّهُمَّ اكفنِيهمْ بمَا شِئْت
    نسال الله ان يفرج همكم وغمكم ياخ مامون

  29. يعني سبحان الله بناقض بنفسه عينك عينك بالفيديوا اللي بصور بحكي هذا ما قامت به عصابات بشار والاخ هون بحكي الطرفين فعلا عجيب واستغرب لو صدر هذا الكلام عن ايراني لما تعجبت اما بالنسبه للمسلحين المجاهدين اللي على رايك لصوص وقطاعين طرق في تعليقات سابقه هؤلاء هم مدافعين عن شرف الامه وتخيل انه لم تكن هناك مقاومه للشبيحه كلاب فشار وشياطين حسون ماذا كانوا فعلوا يمكن يسلموا عالناس ويتركوهم فلا تخلط الحابل بالنابل لانني اريد ان اراك عند سقوط بشار ماذا ستكون ردة فعللك

    1. الله يكثر من أمثالك في قول الحق والشهاده بالحق ونصرة المظلوم ولو بالدعاء وذلك أضعف الإيمان
      لا تستغرب أخي فالبعض لا يرى بلطجة عصابة حزب الشيطان في سوريا و لا يلومها لأنه يصفق لزعيمها ويؤيده ولكنه يرى ويحقد على من اضطر للدفاع عن نفسه

  30. تويت تويت يا عصفورة لا تكوني قاسية الله أعلم بحالنا كسوريين برا وعم نتلاحق على الكلمة وفهمك كفاية يعني الي بياكل العصي مو متل الي بيعدها والحقيقة واضحة وكمان عدم الموازنة بين الطرفيين لا أحد يستطيع ان يساوي ظلم الطرفيين للأبرياء ولكن العيين بصيرة واليد قصيرة لا تنسي انو مننا وفينا الناس من جوا عم تغدر وتخوننا فلا تظلمون الناس والله أعلم بالنوايا ولكل إمرئ ما نوى
    وبشكرك لأنو حسيت كلامك من قهرك على هالشعب المسكيين آكلها على الجنبيين بس ايد لحالها ما بتسقف فهمتيني يا قمر هاي ما زايدت كتير وحكيت بالعاميية 🙂

    1. يا عيني عليكي يا ورود كل شي منك مقبول
      واحلى شي تويت تويت ( أدمنتها ) هههههه
      لا تشكريني يا أختي والله بينزلوا دموعي لما بشوف المآسي بالأخبار ولكن مابنملك إلا الدعاء
      تحياتي

      1. يسلملي تغريد الرايقيين
        سلام مؤقت قابل للإنفجار ………… تحذير ههههههه

  31. يا تويتر الشمس ما بتتغطى بغربال وحافظله كل تعليقاته عن الثوره السوريه بس اللي بزعلني انوا اخوانا السوريين اللي هون مفكرين انوا منتشفى فيكم انشاء الله يا رب نتقطع شقف هاي يمين بالله اذا كل طفل او شهيد بسقط بسوريا ما منحسه الا قريب لنا ونبكي عليه ونتمنى ان نكون معكم اما المجرم الاب حافظ فنحن نعرفه لانه ذبح معظم الشعوب العربيه والا نسيتوا لبنان وطرابلس وتل الزعتر وحصار المخيمات احنا مندعي على هالنظام لانوا عارفينه وهوا بالاصل لازم تعرفوا انتوا احسن منا لانه اول المجازر حما وحمص بمطلع الثمانينيات اما بخصوص الدعاء فنحن ندعي لكم جهارا نهارا ان ينصركم ولكن النصر لاياتي بالدعاء فقط يعني اقول يا رب تتحرك الكاسه اللي قدامي من دون ما احركها يعني لو ادعي الف سنه لن تتحرك وهذا ينطبق على اخوانا السوريين من بعد ما خذلكم حكام العرب عليكم ان تعتمدوا على زنودكم من اي اشي تعمل سلاح تواجه فيه عصابات بشار لانه وقسما بالله لو انتصر عليكم بشار ليفوت بيت بيت ويعمل زي ما عمل هولاكوا في بغداد حتى هولاكوا يمكن ارحم لانه هولاكوا قاتل عدوا بالنسبه لاله اما بشار فهو يقتل شعبه
    وبالنهايه اللي خايف على منصب ابوه او اخوه او منصبه شخصيا او خايف على مصلحه او دكانه او محل فشعبك هو الاولى وربك بعوض وفي مقوله لستي بتحكي فش حدا بموت من الجوع

  32. هذا ملخص بسيط عن تاريخ العائله وجرائمها من الاب المحروق حافظ الى الابن الملعون بشار

  33. يا أخي مشكور لتعاطفك وأنا شخصيا ممنونة لكل من يدعي خيرا لشعبنا وبلدنا
    في شيئ إنتو عم تلومونا عليه وهو إننا ما عم نضحي كثير او نقف محتارين وسط ما يحدث
    او إننا عم نقارن بين ظلم عصابة هالشبيحة وبين الجيش الحر
    أخي الكريم فيه حقايق لا إنت ولا أنا ولا أي شخص بينكرها اولا انو الشعب السوري مقسوم ومنقسم على نفسه يعني لو كنا كلياتنا ايد واحدة هل استمر النظام مهما كان قويا لشهر مو لسنة
    يعني اذا فيه مناطق وناس من الداخل السوري لا تهتم الا لمصالحها ولا تصنف نفسها حتى هيي لأي طرف تنتمي كلما زادت قوة طرف في نهاية الأمر انقلبو معه فماذا نرجى من العرب التانيين !!
    وتانيا الي برا عم يتهدد وينضرب وينهان من المواليين للأسد كانو سوريين ولا لبنانيين موالين له
    يعني بالمختصر الناس عم تنرهب وتنرعب برا فكيف جواا وكله مراقب طالما الأخ لا يستبعد ان يشي
    بأخوه وامه وابوه هذا ما زرعه حزب البعث خلال اربعين عام ولذلك ترى المخابرات والفروع الأمنية هيي المسيطر نمبر وان على البلد شو بتحبو نعمل بهالحالة
    وثالثا وأخيرا كلنا بنعرف انو فيه مواجهة لعصابات وجيش الاسد من الجيش الحر او من الناس التي انتمت وكونت كتيبة لحفظ الأهالي تقاتل وتتصدى لهم يعني لو ما كان فيه تصدي من الطرف الثاني هل
    كان انتظر الاسد سنة ليسيطر على المناطق وحتى وبعد هالمدة لم يسيطر
    طبعا أنا ضد النظام بعد قتل الأبرياء ولكني ضد هالمعارضة الفارطة الي ضيعت وشتت الشعب أكتر منو مشتت والي بيعرفو الحقيقة كتار بس تلات ارباعهم مسكرين تمهون جوا وساكتين
    أما الي خايف على وظيفتو ومنصبو يا صابر ومصلحتو ودكانتو هاد ما بيكون نص نص يعني بيقول الحق على الطرفيين هاد بيقول الجيش السوري عم يقاتل ارهابيين ومسلحيين يستاهلو الموت لانهم مو سوريين ……
    أما بالنهاية بدي قول لكم ان الخيرة فيما إختاره الله لنا فربكم أعلم وأحن من كل الناس على عبادة وشعبه المظلوميين إنما هو مع الصابريين وبيده ملكوت كل شيئ ولو أراد الله لسحق الظالميين سحقا
    وما اليل ببعيد وبالنسبة لقلة من بقي يقاوم ويضرب الباطل بالحق والقول فالله يؤيدهم وكم من فئة قليلة غلبت فئة كثيرة والنصرة لله
    إنه ليس كلام مزايدة ولا كلام منمق او مرتب لأقول لا تجوو كتير على السوريين وإنما كلامي لتفهمو إننا في مصاب كبير لن يخرجنا منه الا الله بعد ان تخلى الكل عننا فإن شئتم إدعو لنا ولكن لا تكونو انتم والزمن علينا

  34. أحسنت يا ورود
    فعلا نحنا السوريين صرنا مشتتيين ويلنا بشار المجرم ما بدنا ياه وبدنا نخلص منه وويلنا هالمعارضة المرتزقة اللي مجمعتهم أمريكا واعداء سوريا ونحنا السوريين لا نثق فيهم
    واقسملك سمعت هذا الكلام من أهلي في سوريا انه كثير من السوريين سبب سكوتهم حتى الأن ليس تمسكهم ببشار فهو ساقط بنظر الجميع الا حاشيته والمستفيدين منه
    ولكن بسبب عدم ثقتهم بالمعارضة المفككة وشكهم في ولائها ووطنيتها خاصة مجلس طاعون اللي اغلبهم لايثق فيهم أحد وخائفين لو سقط النظام أن يكونوا مثل حكام العراق الحاليين الذين جلبتهم أمريكا معها
    لو تخرج شخصية معارضة وطنية الناس تثق فيها وبوطنيتها لكان كثير من السوريين انضموا للمعارضة وثاروا ضده
    لكن الأن يقولوا نص العمى ولا العمى كله

  35. طيب يا اخت نور اذا انتصرتوا على بشار المجرم ودحرتوه فما راح يوقف بوجهكم لا معارضه ولا ما يحزنون يعني المعارضه راح تكون اقوى من بشار اكيد لا
    ثانيا يا ستي لما تزيحوا بشار راح تعملوا انتخابات وانتخبوا ساعيتها اللي بدكم اياه
    وبعدين يا اختي اللي بسمعك بحكي انوا بشار حرر البلاد مهوا الجولان ومفرط فيه ولواء الاسكندرون ونسيه يعني ان كانت المعارضه مع امريكا حسب قوللك واشك في ذللك يعني بايش بدها تفرط اكثر من هيك
    والله انا شايف انوا بشار مليون عمى والمعارضه يمكن نص
    واخيرا الله ينصركم ويحميكم

    1. هاي هيه المشكلة يا اخ صابر
      شو رح يكون ثمن هالنصر و سقوط هالمجرم وشو هو الي رح يصير بس يسقط ما حدا بيعرف
      90 بالمية من السوريين بدهم ياه يسقط لكن بنفس الوقت مابدهم غليون ومجلسه بداله لأنهم أسوأ منه وبدهم البلد تبقى متماسكة وما يصير فينا متل العراق تفجيرات وطائفية وتعتيير
      لهيك بعضهم ساكت ويمكن عنده أمل رب العالمين يعمل معجزة ويطلع حدا يلتف حوله السوريين حتى يتحركوا
      غليون بالبداية الناس استبشرت فيه خير على اعتبار أنه استاذ جامعي ومثقف ولعلمك هو ما كان عمره معارض وما انضم للمعارضة الا لما مالت الكفة ناحية الشعب
      لكن لما ابتدى يصرح ويحكي كل يوم شكل واجتماعاته مع الامريكيين والبريطانيين وغيرهم ومجلسه اللي شكله وفيهم ناس متل قضماني يقضموا عمرها من دعاة السلام مع اسرائيل وضد الاسلاميين و
      ابتدت تظهر صراعاتهم وتكالبهم على الثورة صرنا نحسهم متل الكلاب اللي لقوا قطعة لحم وكل واحد بدو ينهش أكبر قسم منها وهذا وهم على البر فكيف لو مسكوا السلطة لذلك الناس نفضت ايدها منهم
      هذا غير انقسام الجيش واللي صار بإيدهم سلاح هل سيتنازلوا عنه بعد سقوط بشار ولا سيطالبوا بجزء من الكعكة
      لهيك واقعيين بين نارين المجرم اللي عم يقتل شعبنا وهالمجلس المرتزقة اللي بدو يحكم على حساب دماء السوريين
      وبارك الله فيك اخ صابر وبكل انسان قلبه على سوريا واهلها وعم يدعيلهم لكن لا تعتبوا على حدا من السوريين لأنه كلنا محتارين وتعبانيين ومو عارفين كيف رح تكون نهاية هالثورة
      الله يفرجها على شعبنا ويرد الأذى عنهم ويرأف ببلادنا ويجعل خاتمة هالثورة خير ونجاة لكل شعبنا السوري

  36. سلام عليكم,
    درب السلامه أخي مأمون
    ان شاء الله بتطمن على أهلك وجيرانك ونطّمّن عليك هون.

  37. عادي مأمون منيح انه لسا في كم بناية زابطة . . . حمص ما ضل فيها شي لول . . . !!!
    الله يلعنك يا بطة
    هع

    1. متيم لا تتجنى على البطة مخلوق بريء ههه معقول بطة سفاحة ؟

      مساء الخير يا متيم ويا سعاااااادووووو لو موجودين

  38. مساء الأنوار لبنى ومتيم
    كفيت ووفيت حنونه

  39. شكراً لكل أصدقائي .. ورغم أنني لم أكن أريد الكلام في الموضوع مجدداً ولكنني مضطر أمام تعليقات جاهلة أن أتكلم ..
    للأخ الذي يسألني ماذا ستكون ردة فعلي عندما يسقط النظام أجاوبك أنني سأكون مسروراً جداً .. إن صدقت خير وان ما صدقت آخر همي ..
    ولتلك التي تقول أن البعض لا يرى جرائم النظام وبلطجيته ولا يرى إلا أفعال من يدافعون عن أنفسهم أقول لها بل أنا أعرف تماماً جرائم النظام ..ولست بحاجة لأحد ليوضحها لي ولن نتحدث فيها لأننا نراها ونعرفها ومتفقين عليها .. ولكن هناك الكثير لا يعرف أفعال من يسمونهم مجاهدين ويدافعون عن الناس ..ورغم أن الحديث عنهم فيه خطر ولكنني سأتكلم … ليعرف كل منا من يُناصر ومن يُمالئ .. وساتحدث عن مسلحي مدينتي لأنني على معرفة بهم جميعاً وبأفعالهم وبماضيهم ..
    في الأسبوع الفائت عند دخول الجيش راح هؤلاء المسلحون إلى امرأتين يتهمونهما بالتعامل مع الجيش .. قتلوا احداهما أمام ابنتها .. والأخرى جروها وعذوبها ونكّلوا فيها وذبحوها ..!!
    هؤلاء “” المجاهدين “” و “” الثوّار “” يمضون أغلب أيامهم على طريق حلب دمشق يسرقون السيارات وكل ما يقع تحت أيديهم ..
    هؤلاء ” المجاهدين ” و ” الثوّار ” يمضون ليلهم في السكر وأغلبهم مدمنون ..!!
    هؤلاء هم الذين يدافعون عنهم ويريدون مني أن أصفق لهم فقط لأنهم ضد النظام ..!!
    خسا والموت أرحم .. أنا لن أكون مناصراً لأمثال هؤلاء ومعاذ الله أن أكون ..
    هؤلاء بنظري كالنظام سواء بسواء .. لا يختلفون عن بعضهم قيد أنملة ..
    أنا من كل معارض شريف .. بل حتى مع من يحمل السلاح بالحق ويريد به وجه الله .. لا من يحمل السلاح لينهب ويسرق ويجمع الملايين .. كلهم كانوا قبل الثورة أفقر من الفقر ذاته .. والأن كلهم يركبون أفخر السيارات .وأراهم يومياً يمرون من أمامي .. أنا أمشي على رجلي وهم يمرون بسياراتهم الجيب سعر كل واحدة بالملايين .. فسبحان الله … مجاهدين آخر زمن ..
    زعيمهم .. وما أدراكم ما زعيمهم ..لا يعرف أن يتكلم كلمتين إلا إذا جعل بينهم كفريّة والعياذ بالله ..
    هذا هو مجاهدهم .. !! .. وهذا من يدافعون عنه …!!
    يجلسون خلف كمبيوتراتهم .. واحدة في لندن والآخر في الأردن وينظرون علينا ..
    نعم فهم أفهم مننا .. هم الذي يعرفون كل شيء ونحن خونة ولا نعرف أي شيء ..
    هم كشف الله لهم الحجاب حيث هم موجودون واطلعهم على حقائق الأمور .. ونحن لا نفهم ما يجري حولنا .. !!!!!
    وسبحان الله .. عندما أسمع أصدقائي يتحدثون عن مسلحي مدنهم وضيعهم أشك أنهم يتحدثون عن مسلحي مدينتي ..من شدة التشابه ..
    هؤلاء والنظام وجهان لعملة واحدة …. كل منهما أسوأ من الآخر .. الله يخلصنا منهم ومن النظام بيوم واحد .. والله ينتقم من كل شخص يؤيد النظام .. ومن كل شخص يؤيد هؤلاء المجرمين ” ” المجاهدين “” ..

    1. اول شي انت الجاهل وثانيا قلت للك انني لست من الاردن وعلى كل حال الاردن استقبلت ابناء شعبك ولهم الفخر في استقبالهم في حين ان نظامك هو من شرد ابناءه وقتلهم واخرجهم من بيوتهم
      واذا كان هناك بعض المسلحين في مدينتك اللي على رايك زعران فقاتلهم لان الساكت عن الحق شيطان اخرس بدل ما قاعد تكتب من ورى الكيبورد زينا اتفضل وقاتلهم لانك طالما تمنيت الموت بالقدس فقتاللك في مدينتك اوجب من القتال في القدس ام ماذا

      1. ليش معصب يا أخ صابر .. أنا ما قلت أنك جاهل .. أنا قلت تعليقات جاهلة .. وراجع كلامي … يعني تعليقات ما بتعرف حقيقة الوضع ..
        ثانيا يا أخ صابر مو مهم أنت من وين .. أردني او فلسطيني على راسي .. الفكرة أنك لست من سوريا ولا تعيش فيها .. يعني ما رح تكون أدرى من اللي عايش فيها وهاد شي بديهي يا أخ صابر .
        ثالثاً يا أخ صابر ..بدك مني اطلع قاتل الزعران في مدينتي !!!! ..
        بدك مني أقتل ابن ضيعتي وتصير ثارات وحروب بين العائلات ما تخمد لعشرات السنين !!!!!! ..أنت مقتنع بكلامك هاد ؟؟!!!

  40. طول بالك مأمون ووحد ربك الله يعين هالبلد وهالشعب وقعنا بين ناريين وكيف ما وقعت رح تنحرق
    الله يعينكم بالداخل والله شيء محزن يالله تفرجها على الجميع لخير ما ترضى

    1. شكراً يا ورود .. بس يغيظك لما تلاقي واحد قاعد بأوروبا ومو سوري أصلاً وجاي يتفهمن عليكي وعامل حاله أفهم منك مو ببلدك .. وانما حتى بمدينتك اللي عشتي فيها وربيتي فيها وبتعرفي أهلها واحد واحد ..!!!
      وفوق هاد يخون اللي بدو ويعمل اللي بدو مجاهد .. شفتي مسخرة أكتر من هيك !!!!!!

    1. صابر ان تكن لي بنفسك لي معزة وخاطر ارجوك ان تخرج بصمت من هاتي الصفحة ولا تعاود النقاش فيها مهما حصل “”””

      1. يا أخت هنا .. ما في داعي لهاكلام .. أنا ما تعودت سب وأشتم حتى تطلبي منه ما يناقشني ..

        1. يا مامون للاسف اني باتكلم معك من مبدا اخلاقي حتى لا تصل بكم الامور للكره والاختلاف ويا خسارة انك تتطلع اكترواحد باتنسى المعروف ويا اسفي على نفسي اني تناسيت اشيا كتيرة وانت بس هي عم بتلومني فيها “”””
          اخي حلال ومباركة عليكم بلدكم اي لك من كتر ما بكينا اتهمنا باننا نسينا فلسطين ازا ازعجناكم بحسنا الانساني اسفين والله اعلم بالقلوب

          1. هنهونة يا حنونة ما يهون علينا زعلك أبدا أبدا يا جميل
            أحيانا يكون كلامنا عن طيبة بس بنتفهم غلط
            خلو قلبكم كبير (كيلو كيليين ) وما تزعلو من بعض
            إقرأي تعليقي الأخير بليز

          2. عفواً يا أخت هنا .. بس ما فهمت عليكي شي للأسف ..
            أي معروف اللي أنا نسيته ؟؟ .. يعني المفروض اني صفق للمسلحين وجرايمهم حتى ما كون عم انسى المعروف ؟؟!!
            ولا اذا قلت لانسان مو سوري وعايش بالخارج انت ما رح تعرف وضع مدينتي متلي بكون هيك نسيت المعروف !!!!!!!!!! ..
            انا فعلاً مستغرب كلامك ومنطقك .. وانتي بتعرفي تماماً أني ما نسيت المعروف ولا بنسى المعروف .. مع أني مو فاهم أي معروف بتقصدي ..

          3. مامون متل الـعادة كلامي منو مفهوم “””
            زكاتك بركي كلامي بالحبر السري بس غريبة انك كل مرة بتتــــــــــــجاهل انك تفهم علي “؟؟؟؟

          4. يا هنا ليش ما بتحكي دغري وبدون ألغاز ..؟؟!!!
            أنتي مرة صرتي تحكي بالألغاز وقلتلك اني ما فهمت عليكي وقلتي أني مش مقصود بكلامك فسكتت ..
            وما صار كلام بعدها بيننا حتى عم تقولي أني كل مرة ما عم أفهم عليكي …
            فهميني شو بدك تقولي حتى أعرف كيف جاوبك .. لو سمحتي !!

          5. هنهونة يعني بفهم مت كلامك إنك قرأتي كلامي وموش عايزة تردي ولوووووو ما إلي خاطر عندك
            بدي منك إنت ومامون تكونو دايما متل ما عرفناكم
            متفهميين إخوة لا يفرقنا إختلاف وسياسات

          6. حبيبتي هنا لا تزعلي
            ما حدا فينا بيرضى يزعلك خلي قلبك كبير دايما متل ما تعودنا
            كلنا ما منقصد نزعلك او نزعل غيرك بس احيانا بتفهموا كلامنا غلط

  41. يا اخ مأمون طول بالك وما تعصب
    هم يعتقدوا انه من لا يلعن بشار فهو يحبه ومن لا يساند المسلحين فهو ضد الثورة
    ولا يعلمون الا ما يروه على الشاشات
    ولا يعلموا انه السوريين واقعين بين نارين نار بشار ونظامه ونار هالمعارضة اللي فيها كثير من المرتزقة والفاسدين
    ونسوا انهم في الأخر لن يحبوا بلدنا ولن يتمنوا لها الخير أكثر منا نحن
    الله يلطف ببلادنا احسن الشي ويزيل هالغمة عنا

      1. على شو يا هنا
        أنا ماقلت شي غلط
        أنا قلت الواقع هل يا ترى هم يعرفوا عن سوريا أكثر من شعبها اللي موجود في الداخل أكيد لأ
        أنا كمان متلهم عايشة برا وما بعرف الا اللي بشوفه على الشاشات والجرايد لولا انه كل فترة بيطلع ناس من الشام وبيحكوا عن الوضع هونيك كان حالنا من حالهم
        لذلك يعلقوا متل ما بدهم لكن ما يخونوا حدا من السوريين ويقولوا اذا حكى حدا شي مخالف لرأيهم انه مع النظام

    1. لانهم يا نور مو شايفين إلا معاناتنا من النظام .. لأن الاعلام مو مقصر بهالناحية ..
      وما عم يدركوا أنو في معاناة ثانية عم نعانيها ما عم يشوفها ولا بدهم يشوفوها .. هي المعاناة من المسلحين … ولو تجرأنا وحكينا عن هالمعاناة منصير شبيحة ومؤيدين للنظام !!!!
      يا أخي اتركونا نفش خلقنا .. ما بيكفي .. النظام بيضربنا من طرف والمسلحين من طرف .. وانتوا بدكم تسكروا أفواهنا ويا نحكي متل ما بدكم يا منكون شبيحة وخونة وما منسوى .!!!!!!

  42. يا أخ صابر وهل حال بلداننا العربية الأخرى هيي بحال أفضل
    كلنا بالهوى سوى كلنا تحكمنا سياسات ووراثة وأنظمة ملعونة وكأنها مافيات
    صحيح المثل الي يقول الجمرة ما تكوي الا مطرحها ولا تشكو للناس جرحا أنت صاحبه لا يؤلم الجرح الا من به ألم

  43. ما في داعي نلوم بعض الله يقدم كل الخير لشعبنا وبلدنا
    والله الأمل موجود ولكن إبتعدنا عن ربنا فإمتحننا بصبرنا ومصابنا هذا ما هو الا إختبار للنفوس وما تعمل من خير وشر
    يالله روقو ورحو لضيفكون شوكلاتة حلوان المولود الجديد للدكتورة شيرين

  44. والله يا ورود بالعكس حال بلدانك العربيه للاسف بمليون مره افضل من حالة نظامك بالرغم من وجود الظلم والفساد لكن ببساطه فش حدا بقتل شعبه وبهجره بدم بارد زي ما بعمل بشار وانا يا نور مقاطع الجزيره من شان اريحك

    1. معك حق فالأسد ظلم شعبه كثير وتجبر كثير ولكن الله هو المنتقم
      وأنا بالفعل اتمنى ان تنظف بلداننا العربية جميعا من حكم الديكتاتور وعلى الله فليتوكل المتوكلون
      يا اخي كم مجزرة صار ببلدنا من سنة لهلق وكم شهيد يعني الناس بصراحة موش ساكتة ولو إن كثير منهم باع نفسه وضميره ولكن يا اخ صابر أنا رح قللك شغلة ببالي وخاطري
      كيف ما حسبتها إحسبها نحن والحمد لله رابحيين ان انتصرت الثورة اولا
      لأن الناس كسرت حاجز الصمت وكشفنا للعالم كله حقيقة الممانعة والتصدي والصمود الذي ما هو الا على شعوبنا العربية من قبل حكام مجرميين

      1. لا لا لا والله لو ما انتصرت الثوره يا اخت ورود راح تدفعي الثمن دم واعرفي انه راح النظام يفوت بيت بيت ويصفي كل واحد شارك بالثوره فيا اختي ما في عالجهتين ربحانين

        1. بعرف يا أخ صابر هالشي وحتى الي برا ما رح يسلمو
          حكتلي صديقة كل يوم تتهدد بسبب خروجها مظاهرات ولكن من يتقي الله يؤمن بالقضاء والقدر وكيف ما شاء الله وكتب لنا سنوت اليوم أو غدا وهذا ما يعلمه هالظلام مفكريين باقيين للأبد

  45. بس على كل حال يا نور ما فكرتك هيك عنصريه بس خلص العربي العنصريه بدموا عشان هيك عمره ربنا ما راح يعلي للعربي قيمته

    1. أنا ابدا مو عنصرية
      بالعكس بحب انه نحنا العرب والمسلميين نكون قلوبنا على قلوب بعض ونساند بعض وخاصة الشعوب و بشكر كل انسان حاسس فينا كسوريين و قلبه معنا و بيتمنالنا الخير وبعرف كتير قلبهم علينا ومقدرة شعورهم
      لكن يا صابر مو معقول انه كل ما واحد سوري حكى كلمة عن بلده فورا بتخونوه وبيصير مع النظام بيجوز مو انت لكن غيرك كتير
      فيه ناس حقدهم وكرههم لبشار مخليهم يفهموا انه اللي مو متلهم وبيجاريهم معناها بيحب بشار

      1. شوفي يا نور انا عمري ما فكرت انه اللي بكون ضد النظام لازم يكون مع المعارضه قلبا وقالبا بس لا تنسي هاي الناس اتهجرت من بلادها وانحبست وانذلت يعني شاربه من كاس المر وانا
        اما بالنسبه للجيش الحر انا حكيتلكم من قبل مش شرط يكون كل عناصره وطنيين لانه هاي ثوره عفويه وانضم الها الكل الوطني والوصولي والانتهازي والحرامي والمجرم بس بالنهايه الكل راح يتصفى ويظل البلد لانه الانظمه الى زوال والشعود والبلد هي الباقيه

        1. العنصريه يا نور لما تحكي ما راح يحبوا بلدنا زينا
          وحياتك بجوز تلاقي سوداني اللي هو بقاره ثانيه بحب بلدك سوريا اكثر من ابناء بلدك انفسهم لانوا اللي بضرب بلده بالدبابه وبالطياره هاد ما عنده حب لبلده هاد عنده حب لصنمه

          1. يا صابر الطبيعي انه أكتر انسان بيحب البلد هو ابن البلد نفسها اللي تربى فيها وأكل من خيرها
            وأكتر من أي انسان في العالم واللي حكيت عنهم هؤلاء شاذين عن القاعدة
            يعني أنا كسورية بحب فلسطين وقلبنا دائما معهم وعم نربي أولادنا على حبها لكن هل رح نحبها أكتر من هنا الفلسطينية نفسها وهل رح نحس بوجعها أكتر منها أبدا

          2. تصحيح لكلامك أنا ماقلت ما حدا رح يحب بلادنا متلنا قلت ماحدا رح يحبها أكتر منا وهذا الطبيعي
            فشو العنصرية بكلامي

        2. انت يا صابر فاهم هذا الشي لكن غيرك مو فاهم هيك وبيعتقدوا انه لازم يا اما نكون مع النظام او المعارضة
          وبأكدلك انه90 بالمية من السوريين ضد بشار ومن زمان كتير لكن مو أغلبهم موافقين على هالمعارضة واللي عم يعملوه
          وصرنا كلنا منعرف انه نظام بشار ساقط لا محالة لكن ما بدنا بعد سقوطه تضيع دماء الناس اللي ماتوا هدر ويرجع يمسك البلد شوية مرتزقة

  46. شو غلطت الأخت نور حتى تتهموها بالعنصرية ؟؟!!!
    لأنها قالت أنو في فاسدين بالمعارضة ؟؟؟
    ولا لأنها قالت أنكم ما رح تحبوا بلدنا متل أهل البلد أنفسهم ؟؟!!!!
    وين العنصرية بالموضوع ؟؟!!!

  47. طولو بالكم أوووووف لا تحملو بقلوبكم ضغينة من كلام غير مفهوم
    كلنا إخوة بعون الله يا جماعة وإن إختلفنا بالرأي والكلام بس كلنا قلبنا على حب سورية وحتى لو ما كنتو سوريين إهتمامكم دليل محبة والله يكثر امثالكم ممن يدعون خيرا لنا
    سلالالالالالام للجميع

  48. مأمون حمداً لله على سلامتك اولاً، والحمد لله على سلامة العائلة الكريمة.
    كلنا قلوبنا مع سوريا وشعبها، ونتمنى لكم الخلاص فى القريب العاجل، وإن شاء الله الثورة السورية تنتصر… ولا تشغل بالك بالمزايدات الغريبة اللى بتسمعها وبيسمعها كل سورى بيحاول ينقل لينا كعرب الوضع الحقيقى اللى بتعيشوه فى سوريا… الله يسلمكم من كل شر، وأكيد ماحدش هايكون أحرص على سوريا وشعبها من أهلها نفسهم.
    ومعلش عادتنا كعرب أننا نزايد على بعضنا البعض ونعمل أبطال على حساب الاخرين، عادتنا مش هانشتريها.
    مساء الخير ورود ونور وهنا.
    هنا أنت أخت عزيزة على، وعلشان كده هاسمح لنفسى اتدخل فى الحوار بينك وبين مأمون، وأقولك أنى مستغربة طريقتك فى الكلام، وهجومك غير المبرر، لو كان فيه سوء تفاهم بسبب التعليقات هنا، فياريت يتم تجاوزها، وتحلوا سوء الفهم باسرع وقت، لانه لا مبرر له… وماتنسيش انك ومامون اخوة فى الاول والاخر، ومش تعليق اللى هايشحن النفوس بينكم.

    1. هجوم غير مبرر ؟
      له يا فاتي منيح ان كان هالهجوم لتزكريني عكلا انتوا بتقروا الاسامي وبتنسوا التعليقات
      اختي ان طلبت من صابر بود انو يطلع من الصفحة حتى ما يشتد النقاش بينه وبين مامون
      والله اعلم بنيتي بس
      وقسما بالله انو اول مشاحنة الي هوون لاني كنت بدافع عنه لمامون وانغلط علي ازا حبيتي
      انا اخر تعليق لي معكن لاني اناما تعودت اتخاذل مع اخواني واخوتي وللعلم انو اي حدن منكن لو تعرض لشي بيعرف اني ما بوقف متل المتفرج “”
      ومو لشي يا اخت فاتي ولا واحد منكم وقف شي مرة معي غير الاخت نور وشكرا الك كتيير وما رح ازعج الاخ مامون بنوب بنوب ولو شو ما صار ؟؟؟ وانتي بتعرفي هنا لما بتحكي شي

      1. لاه يا هناااااااااا معقول والله بحبك متل إختي نسيتي اني وقفت معك من فترة مو بعيدة ولبنى تشهد وكل من كان
        إنت عزيزة علينا وكلنا بنحبك لأنك محترمة ولا تخلوها تكبر
        انا اذا بتحبي بعتذر منك بالنيابة عن مأمون مع أنو مو شايفة لزوم للتاسف بين إخوات

        1. يا ريت لو مراحب هون كانت راضتك بعرف معزتها عندك
          رح إشكليها اليوم هههههه

          1. بعدين يا هنا والله مو حلوة صرت كاتبتلك عشرين تعليق وحتى كلمة حلوة ما رديتيلي كمان ليكون أخدة على خاطرك مني

        2. والله يا ورود انا ما بكسر خاطري الا كرامة للحق الاسبوع اللي فات علق مامون وقسما بالله ما في صفحة الا طلبت فيها الدعاء وعطول نسيت كل شي وكنت قووووول يا بنات لا تنسوا سوريا
          احنا مو صغار ونقعد نعمل احزاب انا باحكي لانو احنا مسلمين وانا على عينك ما بمرق موضوع الا من قلبي بكون بادعي وشفت المشاكل اللي صارت ومع هيك ما اهتميت وبتلاقي اول كلمة تنقال هجوم غير مبرر
          قسما بالله ما كان نيتي شي لما طلبت من صابر يطلع والدليل اني من اول الموضوع ما تدخلت “””وانا زعلت من نور لان حسستنا بيقمة الحدود وهي ابدا ما الها دخل بالشعور احنا ما بنزايد عليكن ولا عاش مين باشكك بوطنيتكم وبيلبق انقول اسفين للشعور اللي انفهم غلط

          1. أنا هلق اللي رح ازعل منك يا هنا
            انت بتعرفي انه كلامي وكلام ورود ومأمون حتى مو موجه الك انت ولا لكتير غيرك لأنه نحنا منعرف قلبكم معنا
            لكن موجه لناس دائما بيشككوا بوطنية غيرهم
            لهيك ما لازم تزعلي لأنك صرتي تعرفينا كلنا

          2. يا أخت هنا مين شكك بمشاعرك ومين شكك بتعاطفك معنا ؟؟ منعرف انو انتي قلبك معنا وبتدعيلنا ونشكرك على هالشي وما حدا انكر عليكي أو كذبك ..
            بس أنتي قلتي أني أنا نسيت المعروف .. شو هو المعروف اللي أنا نسيته وكيف نسيته … ياريت تخبريني حتى اعتذر منك لو كنت مخطئ فعلاً أو وضحلك الامر لو كنتي أنتي مخطئة ..!!

      2. استهدى بالله يا هنا، وماتزعليش بدون سبب، تعليقى لك ما وجهتهولكيش الا بسبب العشم فقط، ولانى بعتبرك زى أختى تمام، وماحبش تكونى زعلانة لا منى ولا من أى حد هنا خصوصاً المحترمين… وكلامى بان هجومك غير مبرر، فده بسبب تعليقك التانى لا أكثر ولا أقل.
        مواقفك معروفة وتشكرى عليها، وماحدش ينكر منا ده، أما عن كلامك بانه ولا حد وقف معك مرة، فاسمحيلى أنا كمان _وهاتكلم عن نفسى_ عمرى ما اشوف اى بنت فى اى موقف الا وكمان اقف معها، واصلا اصلا البنات فى نورت هنا هى اللى بتدافع عن نفسها وبعضها… كلامك الاخير زعلنى، لانه اكيد ماحدش منا هايشوفك زعلانة ولا حد بيتعدى عليكى وهايسكت.
        يا هنا، أنا سمحت لنفسى اتدخل فى حوارك مع مامون فقط لانى ماحبش يكون فيه سوء تفاهم بينك وبينه، لانكم محترمين وعلى راسنا من فوقك، وصدقينى لو حد مايهمنيش ماكونتش وجهتله كلام زى ماوجهتلك كلام.

        1. سلامٌ قولا من رب رحيم
          يا جماعة الخير إخزو الشيطان أنا عن نفسي رح اترككم لتهدئ النفوس ان شاء الله وقبل ما رح رح أعتذر من كل شخص فهم كلامي غلط
          أو أخذ على خاطره مني لا تنسو كلنا إخوة

    2. انتي بدك تعلميني اسلوب الحوار اسمعي يا بنت انا لا بزايد ولا اشي فاحترمي حاللك واعرفي حجمك

      1. كلامك بتوجهه لمين يا صابر؟!
        لو لى أنا فانا الحمد لله محترمة حالى وعارفة حدودى كويس.

          1. غريب جداً اشمعنى أنت دوناً عن الاخرين أخدت الكلام عليك؟ سبحان الله.

        1. لانه ببساطه اللي علق انا والاخت هنا فاستثنيتي هنا فهجومك اكيد علي

  49. ربي ما يحرمنيش منك يا فاتي ومن كلامك ومحبتك
    الله يوفقك ويديلك على قد نيتك الطيبة يا جميل

    1. تسلمى يا ورود، الله معكم ويحميكم… لا نملك لكم الا الدعاء كشعوب عربية، فسامحونا.

  50. ربي احفظ سوريا وشعبها ولا تجعل مصيرها (لاسمح الله مثل مصير العراق) ..
    اشعر بكم لاننا ذقنا نفس الطعم ومازلنا نذوقه ..

  51. انتي بدك تعلميني اسلوب الحوار اسمعي يا بنت انا لا بزايد ولا اشي فاحترمي حاللك واعرفي حجمك
    ————————–
    ليس به ذرة رجولة

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *