>

في البداية, نود أن نشكر الصديق قاسيون على المبادرة بطرح موضوع “العلاقة بيننا و بين نورت” كما نشكر جميع القراء الأعزاء الذين تجاوبوا و أدلوا بدلوهم عن رأيهم بهذا الموقع و بناء على طلب العديد من الأصدقاء فسنحاول هنا الأجابة على أسألتكم كما سنطرح عليكم بعض الأسئلة لكي نعمل سويا على تحسين نورت بما يتلاءم و رغباتكم لأنكم في النهاية أنتم أصحاب هذا الموقع و يجب أن يطور كما تحبون و ترغبون.

أولا, سنبدأ بتعريف نورت و ما هي رسالتنا في هذا الموقع لأنه ضمن هذا التعريف سيكون هناك بعض الأجابات على اسألتكم:

نورت: موقع أخباري اجتماعي هدفه الأساسي أيصال الخبر و المعلومة الى القراء و في نفس الوقت اتاحة الفرصة للقارئ للتعبير عن رأيه بهذه المواضيع بحرية ضمن أصول و قواعد معينة منشورة على الموقع أما الهدف الثاني فهو اتاحة الفرصة للقراء للتواصل الأجتماعي و الثفافي فيما بينهم.

انطلاقا من هذا التعريف لموقعنا, يمكننا الأجابة على الأسئلة ز المقترحات التي ساهم بها بعض القراء على النحو الأتي:

لماذا لا يوجد تفاعل بشري بيننا وبين نورت؟

لأننا تعتقد أننا في نورت لدينا وظيفة معينة كما عرفنا عنها في الأعلى و التواصل يجب أن يكون بين القراء أنفسهم و ليس بين القراء و ادارة الموقع.
صحيح أننا لا نتشارك معكم في الضحك و اللعب و لكننا بالطبع نستجيب لنداءاتكم و أرائكم و الدليل هو هذه السطور.

لماذا  نورت تأخذ الأخبار متأخرة عن غيرها

ببساطة لأن نورت ليست وكالة أنباء و ليس لدينا مراسلين على الأرض بل نحن نقوم بنقل الأخبار من وكالات الأخبار لذا من الطبيعي أن تسمع أو تقرأ بعض الأخبار قبل قرائتها على نورت.

لماذا تنشر العديد من الموضوعات التى تسبب الخلاف بين العرب

في الحقيقة, قد أجاب بعض الأصدقاء على هذا السؤال و هو أنه ليس الخبر الذي يتسبب في الخلاف بل الخلفية التي يقرأ منها البعض هذا الخبر و هذه الأخبار موجودة بطبيعة الحال و ان لم تقرأها على نورت فستقرؤونها على مواقع أخرى.

هل في نورت انسان يأخذ دور الرقيب , ام أن هناك كمبيوتر , يتوقف عند بعض الكلمات ليتم لاحقاً تدقيقها ؟

هناك كمبيوتر يراقب على مدار الساعة و هناك الأنسان الذي يراقب معظم الأوقات.
و لكن بغض النظر عن الرقيب, فأن هذا الموقع كما شبهه أحد الأصدقاء فهو ” مصغر للوطن العربي ” و هو يعكس واقع هذا الوطن العربي .

لماذا تحذف بعض التعليقات رغم أنها لا تحتوي أي اساءة؟

لسبب من السببين التاليين:
لأن التعليق قد يحتوي على كلمات معينة غير مسيئة بحد ذاتها و لكن قد تكون مسيئة في سياق معين لذا فأنها تنتظر التدقيق البشري.
لأن التعليق قد يكون غير ذي صلة بالموضوع.

لماذا تمحى رسائل الدردشة؟

لأنه كما ذكرنا سابقا في صفحة “القواعد العامة للتعليق في جريدة نورت” فأن “جزءا لا يستهان به من متعة مطالعة الموقع يأتى من مطالعة تعليقات القراء” و لكن عندما يتحول التعليق من “نقاش الموضوع” إلى “الدردشة حول مواضيع شخصية” فأن مساحة التعليقات ستفقد جاذبتها و موضوعيتها.

تنظيم قسم زاوية القراء

بناء على اقتراح بعض القراء, سيتم تنظيم قسم زاوية القراء بحيث سيتم تقسيمها الى أبواب مع اعطاء الأولوية للمواضيع الغير منقولة.

اقتراحاتكم

كان الصديق قاسيون قد وجه السؤال التالي: “هل تفضلون الدردشة هنا..أم في موقع الدردشة ولماذا ؟”, نود الأجابة على هذا السؤال بموضوعية مع اختيار أحد المقترحين التاليين:
– تطوير صفحة الدردشة و أرائكم حول كيفية تطويرها و ما لم يعجبكم بها حاليا.
– تخصيص مواضيع خفيفة يسمح بالدردشة عليها بحيث تبقى التعليقات على المواضيع الجدية محافظة على جديتها و تكون الدردشة في صفحات معينة فقط.

في الختام, نرحب بأي مقترح لتحسين الموقع لأنه كما ذكرنا سابقا هذا موقعكم و يجب أن “يكون لكم دور في تطويره” .

شارك برأيك

‫98 تعليق

  1. يا الله يا قاسيون شوف موضوعك استحق الاهتمام انا قلت من الاول انو
    مش كومبيوتر كمان فيه تواصل معنا من نورت بعده اشياء
    وشكرا نورت على الاهتمام وعلى الشرح كمان

  2. وأخيراً نورت نورت علينا ،، أنا جداً سعيد بردكم يا أهل نورت الكرام ،،،،
    بالنسبة للتدقيق قبل التعليق كان كلامي صحيح ،،، أول شي بالنسبة للدردشة ،، انا بالبداية واجهتني مشكلة واليوم انحلت لوحدها ،، المهم انا صرلي من الصبح بالدردشة بس ما قدرت احكي كلمتين على بعض ،، بسبب الفصل المتكرر ،، بالنسبة للتفاعل بينا وبين نورت انا لازلت عند رأيي ،، وهو انه تنشا علاقة صداقة بين نورت وبين الأعضاء وهاد الشي رح يجذب أعضاء اكتر للجريدة ،،وبرجع بعدين ،،، سلامي لنورت وأهلها

  3. نورت أنا سعيدة بهالاستجابة منك أنا حبيتك من أول يوم لاقيتك فيه سواء على صعيد أخبارك المنوعة أو المسلسلات والأفلام المتجددة دائما بالنسبة للدردشة يمكن معك حق بس لاحظوا إنو أغلبنا عرب مغتربين وانت جمعت غربتنا ووحدتنا وصرتي وطنا الصغير اللي منلاقي فيه مين بيشبهنا وبيختلف عنا وأي حوار بالبداية عم يكون أحد مواضيعك نافذته بكل الأحوال بدي قلك إني بحبك وبقضي معك وقت مميز ومريح ان كنت أقرأك فقط أو أعلق أو حتى اتفرج على مسلسل سوري برجعني لبلدي معك وكل عام وانتو بخير أعضاء نورت وزوارها وأحلى ياسمين شامي بهديكن
    سهر

  4. بالنسبه لا الدردشه انا ما عندي مشكله ابدا
    بس بصراحه هون احسن لان في شي نحكي على اساسو يعني موضوع بيخلينا نتناقش فيه والحديث بيجر بعضو
    هههههههههههههههههههههههه

  5. نورت انا عندي سؤال
    ليش ما بتشغلوني معكم وانا براقب 24 على 24
    سوزي …………………

  6. وانا كمان شغلوني وبراقبلكم بفترة وجودي بالشغل ،، وبعدين دبروا راسكم ^_^ ,,,,رح اعطيكم مثل يا نورت ،، وهو موقع سيريا نيوز ،، ما بعرف اذا بتعرفوه ،، بس لو تصفحتوه شوي ،، رح تلاقوا فعلا في علاقة صداقة بين المشرفين على الموقع ،، وبين الأأعضاء ،،رغم أنه موقع أخباري ،،،( هاي مش دعاية للموقع وانما ضرب مثل فقط ) ،،، وفي نافذة بالموقع المشرف المسؤول بيسلم من خلالها على الجميع ،، ولما تكون في علاقة انسانية بينكم وبينا ،، اكيد رح تزداد العلاقات ورح يتعمق الحب ،، ولا انا غلطان ؟؟

  7. الله يسامحك ميمو سيريانيوز مابيعرضوا إلا التعليقات الي بتناسب سياستن وآراؤن فقط أخبارها محلية مستهلكة للأسف بس الفرق نافذة صغيرة بطل أحد المحررين المغلوب عأمرن رقابيا سياسيا ليسلم عالزوار أسفة ميمو هذا الواقع

  8. ما بعرف يا سهر اذا انتي عم تحكي من تجربة شخصية ،، أنا من المداومين على موقع سيريا نيوز رغم اني ما بعلق ،،،وهاد اللي شفته ،، وبعرف ناس علموا علاقات طيبة مع المحررين والمراسلين وحتى الاداريين ،،، يمكن انتي عندك معرفة فيهم اكتر ،،،

  9. شكرا جزيلا لنورت على الاهتمام بالموضوع ومشكور اخي قاسيون على اثارة هذا الموضوع .. بالنسبة للدردشة انا بصراحة افضل طرح مواضيع من قبل نورت تسمح من خلاله بالدردشة من قبل المعلقين كأن يوضع رمز او لون يعرف المعلق من خلاله بانه مسموح له الدردشه على هذا الموضوع او لا وذلك بسبب الاعطال الفنية التي يواجهها بعض المعلقين , او ان يتم تطوير زاوية الدردشة من خلال وضع اسماء المعلقين الداخلين في الدردشة على يمين صفحة الدرشة مثل yahoo messenger لاننا بصراحة نرسل سلامات لبعض عند دخولنا صفحة التعليق لاننا لا نكون على علم اذا كان هذا المعلق موجود ام لا الا بعد دخول موضوع للتعليق عليه …وشكرا مرة اخرى نورت ولا اعلم بعد رأي اخواني المعلقين ورأي نورت في الاقتراحات ..
    ملاحظة : تقبل اقتراحاتكم على هذا الموضوع بالتصويت مباشرة هنا او ارسال رسالة sms على موبايلي الخاص رقم 000001111 , حيث سيتم فرز الاصوات من قبل اللجنة المختصة برءاسة سوزي . والله يستر جميع المعلقين من نتائج لجنة سوزي.

  10. صارلي شهرين بجرب انقل موضوع اليوم لا حتى نجحت
    لو سمحتم اعطوني رئيكم بموضوع على زاويه القراء
    من سوزي

  11. ميمو المحررين لطيفين والمقالات تعبر أحيانا عن وجع الشارع لكن عزيزي إذا اليوتيوب محجوب فكيف بآراء ومقالات!!!!
    نورت بالرغم من منع ببنسبة3% فقط بعض التعليقات 1- كل منا يعبر عن رأيه .2-.والمقالات بغض النظر عن طابعها السياسي تنشر…المصداقية برأي أهم من ظهور أحد المحررين بابتسامة وتصبيحة,,, إنت سوري??

  12. نعم انا سوري يا سهر ،،، كلامك صحيح ،، اليوتيوب والفيس بوك محجوبين ،،، بس انا كنت عم احكي عن سيريا نيوز من الناحية التفاعلية بين الادارة وبين الأعضاء ،،،،اكيد سيريا نيوز موقع سوري وبده يراعي كتير امور ،، مع اني احيانا بشوف عند الأستاذ نضال معلوف شجاعة بمقالاته ودائماً ينتقد ،، حتى أنه مرة أغلق الموقع بعد مقال للأستاذ نضال ،، لو بدنا نحكي عن النت والمحجوب والمسموح عنا رح تجينا الجلطة ،، انتي بالمانيا وما بتعرفي المعاناة اللي عم نعاينها بالنت هون ،، وشو بدي احكي يا سفرجلة ،، كل عضة بغصة ،،

  13. انت ياسوزي وميمو وسهر وساره وقاسيون واخليس وايمان وتوب وماي ومجنون ومصطفى وندى وسباي وسوزان وكل المعلقين شو رأيكم بالاقتراحات المقدمة وايهما تفضلوا ,, رجاءا اقراؤا تعليقي السابق وبلا براده اعطونا رأيكم شو بدنا نترجاكم علشان تنطقوا هالجوهرة خلصونا بقى ..

  14. طبعا بعرف ميمو شو كل عمري عايشة بألمانيا أكيد لا..الفكرة إنو نورت غير تماما.. بالرغم من ذلك بعشق سوريا وهواها

  15. لا تعصب mike أنا بوافقك من حيث المبدأ بس بهالشكل رح تتحول نورت للدردشة 70%

  16. أنا أؤيدك تماما يا مايك ،، وخصوصاً تبع الياهو ،،،سهر كلنا نعشق سورية وهواها ،،،،وهاد اللي ذابحنا ،،،

  17. سوزي مين يلعب لعبة تنكر اليوم يستعمل اسمي
    سوزي مين هذا الشخص لكن صدق ( ح ق ي ر .. و خ ب ي ث … و م ر ي ض .. شوفي الموضوع ( سعدان يتوقع خروجا مبكرا من أنغولا )

  18. اي ندى شفت بس اكيد هاي وحده اسمها ندى والله ما بعرف
    بس يمكن مش مقصوده
    ازا مقصوده هلئ منعرف

  19. ندى اوعي تكوني عم تشكي فيي انا انا ما بعمل هيك اكيد مش هيك ولا باصحابي

  20. ايه يعني ازا اتنكرت مره وقلت بصير عطول مشكوك بامري لا والله بزعل كتير

  21. وعا فكره انا اكتشفت متاخره انو الواحد لازم يكزب كتير لحتى العالم
    تصير تصدقو يعني لو ما قلت اني اتنكرت ما كان حدا قال شي عني انا زعلانه وباي باي

  22. أم السوس أنت دايما عصبية وبتزعلي بسرعة روقي ياحلو مافي أحلى من روقانك والله اشتقتنا اشتقنا لعيونك يامفارقنا وحياة عيونك أشتقنا لعيونك ولوجودك ولخفة دمك بوجودك ياأم السوس بيحلى السهر بالعيد والحلوة بيطول عمرها ونغني ياليلي ياعين

  23. اوكي والله خلص ما زعلت بس وحياه الله لا كسر راسها هاي المتنكره هلئ بتشوفي

  24. لا ندى انا ما زعلت منك ولا بزعل انتي بتموني
    بس كان حدا عم يجرب هاي ندى انا بفرجيكي شو اعمل فيها

  25. اهلا نور اهلا كيفك يا نواصه شو اخبارك
    شوفي عم يتنكرو باسم ندى بس هاي المره ما بعرف مين

  26. هلأ خلينا نشكر نورت على تجاوبها مع أصدقاء الموقع
    شكرا يانورت مامنقدر إلا نحبك والدليل على ذلك ماعم نقدر نفارقك
    تحياتي لكل الأصدقاء ميمو سهر ندوش ياسر وطبعا أم السوس
    ولكل الأصدقاء الغير متواجدين حاليا

  27. أشتقنا لك ولخفة دمك ياأم السوس وين ها الغيبة ياقمر الجنوب والشمال والشرق والغرب ياقمر لبنان

  28. اوكي سهرر ندى نور شوفو شو كتبت على موضوع سعدان
    وتعو ننقل الكلام لاهونيك عشان نورت

  29. نورتي صفحة نورت يا نور ،، يسعد مساكي ،،، كل الشكر لقاسيون اللي خلانا نسمع صوت نورت ،،، وانا أصر على التفاعل الانساني بيننا وبين نورت ،، يا ريت تأيدوني ..

  30. أنا شخصيا بتعجبني نورت بكل حلتها حتى لو أختلفوا الأصدقاء فيما بينهم وصار في تلاسن وكلام مش ولابد فهم عم يعبروا عن نفسهم وعن أخلاقهم
    حلو يكون في تواصل بينا وبين الإدارة من وقت للتاني لأنو كتير فرحنا لما تجاوبوا مع موضوع الأخ قاسيون ومتل ماقالوا شو إقتراحاتكم أدلوا بدلوكم وهم سيأخذوا هذا الدلو بعين الإعتبار يعني لما نطلب تدخلهم ماراحوا يقصروا وراح يتجاوبوا معنا
    هادا رأي مابعرف شو رأيكم

  31. والله يا نور انا مشتاقه للكل بس الموقع كتير كتير فيه تنكر يعني صرت خاف احكي مع حدا ويكون نفس الشخص
    يعني انا مزحت معكم ورجعت قلت بس غيري ما بعرف شو الهدف

  32. تحيه للجميع
    اتمنى على ادارة نورت الاقتراح التالي
    ان تبقى التعليقات الجديه مع الدردشه الخفيفه كما هي الآن لأنها تكسبها
    جاذبيه ومسليه ايضا”
    ان تحجب جميع التعليقات في المواضيع الخلافيه فقط
    ان تنتدب الاداره مشرفا” ما او احد الاخوه ليتدخل عند الضروره في حال نشب خلاف او شتم و اساءه بين المعلقين او تجاوز ضد الاديان و الكرامات
    الشخصيه او دول و حكومات و شعوب

  33. صباح الخير للجميع ..
    هذه نورت تجاوبت معكم وخرجت للعلن .. لقد أوجزت اسالتكم واستفساراتكم ، وتطرح الموضوع بجدية للنقاش ، ارجو التفاعل معها للوصول معا نحو اسرة واحدة تجمعنا ، نحن ونورت .

  34. مشتاقة ياأحلى ندوش أنا قرأت وعرفت أنك مو ندوش هي ندى تانية وهيك أسمها يعني بعتقد مابتقصد تتنكر بأسمك لأنها كانت على الأقل ماحكت بلهجة مختلفة عن لهجتك هي عم تحكي مصري شو رأيكم ياأصدقاء أقرأوا وتأكدوا بأنفسكم بعدين سوزي بوند حطيت أيدها بالموضوع أكيد راح تكتشف السر
    شكرا ياكاتبنا العبقري ميمو

  35. ماحدا بيقدر ياخد دورك سوزي حتى لو حاول يقلد كلامك مافي حدا له طريقتك وله خفة ظلك وله روحك يلي منعرفها كلنا ولايهمك ياقمر

  36. نور يانور عيوني كيفك يا غالية شو اخبارك . انا بصراحة زعلان كثير منك يانور , عنجد بدك تتزوجي بشهر ٦ القادم ؟ طيب ليش شو قصرت معاكي نورت للتتجوزي , طيب في حدا من المعلقين زعلك وخلاكي تقرري تتزوجي ؟

  37. في فكرة أقترحها عبود مشان الأشخاص يلي عم يتنكروا ويدخلوا بأسماء أخرى من أجل عمل فتنة بين الأصدقاء ليه نورت ما تكشف على ال IP لكل شخص عم يعلق وخصوصا يلي عم يدخلوا ليعملوا فتن في ناس كتير ومنهم أنا شخصيا بستخدم برنامج اخفاء الآي بي مشان الفيروسات والهكر بس المطلوب من نورت يتأكدوا من الأشخاص يلي عم يدخلوا بعدة أسماء ولهم نفس الآي بي ويدققوا تعليقاتهم في حال كانت موجهة لغاية عمل فتنة بين الأصدقاء مابعرف شو رأي نورت بها الموضوع,,,؟؟ برأي حجب تعليقاتهم المراد منها رمي الفتن حتى نورت قالوا حاليا انهم يحجبوا تعليقات لادخل لها بالموضوع المراد نقاشه يعني ممكن لحتى مايروح الصالح مع الطالح وضع الأشخاص الذين يدخلوا بعدة أسماء ولهم نفس الآي بي تحت المراقبة للتأكد من حسن نيتهم ثم تحرير أسر تعليقاتهم بعد التأكد من برائتهم وحسن نواياهم وشكرا

  38. لا وحياتك يا ياسر بس يعني كل واحد مصيره ونهايته الزواج والإستقرار مو معقول ضل مخطوبة أكتر من سنتين بيطفش العريس بعدين حرام عليك

  39. اعتقد احد اهم الامور المطروحة هي التدقيق وعدم النشر .. وهذا الذي يجعل الاصدقا متذمرين ..
    التدقيق ، مهمة حتما شاقة ، وكما قالتkoky في مقالتها هي مهمة مشتركة نحن والرقيب .
    فاليقظة كما قالت ماجي مشتركة ويجب ان يكون تفاعلا مع نورت في ذلك .
    طرح بعض المقالات دون الانتباه الا توقيتها ، لتحقيق السبق الصحفي ، ازم الاصدقا وادت لتازيم العلاقة والمساس بالمقدسات الدينية والتاريخية والوطنية .
    وهذه خطوط لايجب السكوت عنها وتجاوزها .
    اذا نورت ونحن جسد وروح … فلنتفاعل معا … واهلا بنورت صديقة جديدة في جريدة نورت .

  40. خيييييييييانة , الحق علي انا الي حكيت لامي عنك وامي حكت لخالتي وطبعا خالتي فضحت الدنيا .. وامي كانت عم بتحضر بحالها لتنزل سوريا وتخطبك وسالتني شو بتحب العروس تشتري اواعي علشان اخذلها معي قلتلها ما في داعي توخذيلها بس تروحي خذيها وانزلوا على سوق الحميدية وخليها تنقي يالي بعجبها .. بس فعلا زي ما قالتلي ماما . البنات زي رباط الخيل ما الهم امان ..

  41. راح تخليني أبكي يا ياسر بعد ما تأكدت أنو عرسي بشهر 6 صرت تقول ها الحكي

  42. طيب وانا يانور شو بعرفني انك متنيله على عينك وخاطبة كنت مفكرك اوعى من هيك. على كلا احنا لسه فيها ابعثيلي وراقك تاعت الدراسة وانا بقدم لك تيجي هون وبكفلك وبعدين انت بتقرري نبعث الحجة وله نخليها متدفية في البيت .. حددي بليز ؟؟

  43. شكرا نورت ،شكرا اخ قاسيون،،كنت افكر بأن نورت ليست سوى محطه اليه كغيرها من المحطات التي نقف عندها فنفرغ مافي جعبتنا من هموم دون احساس منها بنا ،وفجأه ودون سابق انظار تستجيب تلك الأله مع اول صرخه فتلبي لنا كل ما كان يخطر في بالنا ،فشكر لك على سرعة الأستجابه،فأنا صدقاارى نورت من احلى المواقع التي اشتركت بها ،
    وانا اضم صوتي mike77 في اقتراحه
    وبلنسبه لزاوية الدردشه لم تكن واضحه ولم ارتاح لها،،
    فهي معتمه ،وأنا بطبعي اكره التعتيم ،فنرجو عملها لكن في زاويه تشبه زاوية التعليقات فتكون واضحه ومنيره ،وركزو رجاء على كلمة منيره ،،،،،،
    وعندي اقتراح آخر،،،نرجو عند عرض شيء مرسل من الأصدقاء يكون في زاويه لوحده اما فوق او تحت الأخبار المطرحه من قبل نورت وأرجو كذلك اطالة عرضها قليلا ،وقد ارسلت لكم هذه الشكوى منذزمن وبقى الحال على ما هو عليه،
    شكر،،،سأكتفي بهذانورت ولكي جزيل الشكر،

  44. ولا يهمك يا ياسر بنت أخي عمرها 4 سنين أنطرها لتصير 18 سنة وبعدين أخطبها أنا بحب خطيبي مابتصدق الواحدة تلاقي عريس بتمسك فيه بأيديها وسنانها بدك اياني ضيعوا من أيدي ليكون هو يلي باعتك مشان غير رأي,,,, !!! مابتقدروا علينا ياشباب محاصرينكم من كل الجهات ههههههههههه

  45. رأيك على راسي الين فعلا يا ريت تكون هناك زاوية منيرة للدردشة , وانا برضه هيك رأيي

  46. أنا لازم روح اجتمعوا الرومانسية والشاعرة يعني مابقى لي مطرح كيفك ياسهر

  47. شكرا،عزيزتي سحر ،،سوري ما شفتك حتى سلم عليك ،،
    انت جديدي هون صح سحر ؟

  48. هلا قاسيون اشتقتلك…إلين عزيزتي أنا جديدة بالتعليق فقط عندي عطلة وأدمنت,, واسمي سهر

  49. إذا بتسمحولي أعطي رأي بسيط إنو هالصفحة نتركها لآرائنا بنورت… و للحكي على أي صفحة أخرى

  50. اخي قاسيون
    مسا الخير
    مفارقه مدهشه 0000000000 اسمع
    منذ ساعه ارسلت اقتراح بحجب التعليقات في المواضيع الخلافيه
    كومبيوتر نورت000000000 نفذ الامر فورا”
    حجب تعليقي و اقتراحي

  51. اخي فريد سلامي لك…
    كمبوتر مدهش…اذا حذف اقتراحك وتعليقاتك ليس بالشي المهم ، لانها تصلنا نحن ونسمعها وتتفاعل بها دون منية الكمبيوتر …
    فتعليقاتك يسمعها القلب دون حاجة للأثير

  52. اتشرف بمعرفتك
    واكسب بصداقتك
    واستفيد من خبرتك
    وافخر بالتواصل معك

  53. أن يعطى المواطن العربي المغترب فرصة لمسايرة الأ حدات والتعبير عن رأيه فيها شيء جميل ونشكر لنورت هذا المجهود أما ماألاحظه على نورت هو لما نفاجئ بمعلقين يحملون نفس الإسم اللذي نحمله عن قصد أوعن غير قصد مما يدعو إلى كتير من الإرتباك والشك في المصداقية أرجو من نورت إجاد حل

  54. أنا عندي حل نورا وقت يلي بتكوني جديدة قولي أنا جديدة بالموقع وفي حال بحمل اسم أحد الأصدقاء فالرجاء التنويه للأمر لأنو الكونترول شو بدو يلحق ل يلحق شو رأيك بالحل,,,؟؟

  55. شكرا نور على اقتراحك ولكن حتى لوقلت أنا جديدة ممكن تدخل وحدة تانية بعدين مابتعرف وتستعمل نفس الإسم مش كان أحسن لوأن الآلة تتدخل وتقولك غيري الإسم لأنو موجود سابقا عضو بهذا الإسم

  56. السلام عليكم…..
    مبادرة حلوة من نورت و بالفعل نورت اثبتت اصالتها و احترامها للزوار والمعلقين….
    حبنا وتقديرنا لك يا نورت…وكل اللي تعمليه احنا راضيين…..
    تحياتي للجميع….

  57. am so happy that nawaret respond t us, i never expect that, so it was right with everything said, so plz we have to watch our self, and to think very well before we send any comment, to avoid that fighting, we have just to comment on the topic , but not to fight

  58. لدي اقتراح لنورت .. لا اعرف هل يمكن تطبيقه ..
    لو اضافت نورت تحت مستطيل كتابة التعليق ، او فوقه ، كيبورد احرف عربية ، فالكثير ليس لديهم . والبعض مثلي معانات حقيقية للكتابة من نسخ ، لزق ، طباعة، ونقل … وشكرا

  59. قاسيون أنا كتبت عند كتائب الأقصى تتوعد لتريح حالك نزل لغة عربية عندك بالويندوز من الإعدادات الإقليمية يلي بشكل أيقونة كرة أرضية مكتوب اللغة وشغلة تانية منها بتقدر تنزل لغة عربية وبيصير الكيبورد يكتب عربي ولحتى تعرف وين الأحرف العربية تدرب عليهم على الوورد

  60. u can right on smart arabic keyboard , right in engleze m3rb, whwe l7alo btl3 3ndk bl3rbe, jareb hl2, try now, its easier , but nshalah i`ll do that next time

  61. كلمات صغيرة ارسلها عبر نورت ، بريد الأحبة …
    عبود … إيمان … Top …
    اشتقت لحنان كلماتكم..
    عبود.. انت الصديق الجميل ،، احن إليك
    إيمان.. يا ام الحنان …. اشتقت إليك .

  62. بكرة تجي ايمان ان شاء الله ،، معك حق يا قاسيون ايمان تركت فراغ هي وعبود وتوب ،،، الله يرجع الغائبين بالسلامة

  63. والله اليوم كنت عم أسأل حالي وين أمون والأخ توب بس عبووووووووووود بعرف وينوا
    أهلين ب ميمو وين ها الغيبة

  64. اه والله أنا بعرف توب من زمان ، وأنا كل يوم بسئل وبقول وينو، بس أكيد في شي، يمكن زعلان أو شي

  65. السلام عليكم ورحمة الله وبركاته

    مبادرة رائعه من ادارة الموقع بالنسبه لملاحظاتي كما قلتها في السابق اتمنى من الاداره عدم التدقيق الزائد اتمنى ,,, انا ملاحظ من الاداره انها تدقق كثيررر … الشغله الثانيه عدم ارسال مواضيع تكون مستفزه لقراء الجريده والامر يرجع لكم . الشي الثالث عند ارسال مواضيع ومقالات اتمنى ارسالها فورا من اي شخص لان مرات نرسل مواضيع وتتاخر وشكرا

    اسف على الاطاله وشكرا للاداره

  66. انا كنت غايبة بس كتييييييييير عجبتني الفكرة شكرا لقاسيون و لنورت لاستجابتها….

  67. لازم فكر الاول و شوف اقتراحات المعلقين لحتى ما قول شي انقال قبل مني بكرا اذا ربنا راذ رح اتقدم بلائحة افكاري يا قاسيون تكرم

ماذا تقول أنت؟

لن يتم نشر عنوان بريدك الإلكتروني. الحقول الإلزامية مشار إليها بـ *